ਤਾਜ ਮਹਿਲ 'ਚ 15 ਤੋਂ 17 ਜਨਵਰੀ ਤੱਕ 'Free entry'

ਆਗਰਾ: ਤਾਜ ਮਹਿਲ ਵਿੱਚ ਮੁਗਲ ਬਾਦਸ਼ਾਹ ਸ਼ਾਹਜਹਾਂ ਦੇ 371ਵੇਂ ਉਰਸ ਦੇ ਮੌਕੇ ‘ਤੇ ਸੈਲਾਨੀਆਂ ਲਈ ਖੁਸ਼ਖਬਰੀ ਹੈ। 15 ਜਨਵਰੀ ਤੋਂ 17 ਜਨਵਰੀ ਤੱਕ ਤਾਜ ਮਹਿਲ ਵਿੱਚ 'Free entry' ਦਾ ਫੈਸਲਾ ਲਿਆ ਗਿਆ ਹੈ। ਇਹ ਫੈਸਲਾ ਸ਼ਾਹਜਹਾਂ ਦੇ ਸਾਲਾਨਾ ਉਰਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਭਾਰਤੀ ਪੁਰਾਤਤਵ ਸਰਵੇਖਣ (ਏਐਸਆਈ) ਵੱਲੋਂ ਕੀਤਾ ਗਿਆ ਹੈ। ਉਰਸ ਤਿੰਨ ਦਿਨ ਤੱਕ ਧਾਰਮਿਕ ਆਸਥਾ, ਭਾਈਚਾਰੇ ਅਤੇ ਸਰਧਰਮ ਸਦਭਾਵਨਾ ਨਾਲ ਮਨਾਇਆ ਜਾਵੇਗਾ।

ਸ਼ਾਹਜਹਾਂ ਦਾ 371ਵਾਂ ਸਾਲਾਨਾ ਉਰਸ

ਸ਼ਾਹਜਹਾਂ ਦਾ 371ਵਾਂ ਸਾਲਾਨਾ ਉਰਸ 15, 16 ਅਤੇ 17 ਜਨਵਰੀ ਨੂੰ ਮਨਾਇਆ ਜਾ ਰਿਹਾ ਹੈ। ਇਸ ਦੌਰਾਨ ਸੈਲਾਨੀਆਂ ਨੂੰ ਤਾਜ ਮਹਿਲ ਦੇ ਤਹਖਾਨੇ ਵਿੱਚ ਸਥਿਤ ਸ਼ਾਹਜਹਾਂ ਅਤੇ ਮਮਤਾਜ ਮਹਿਲ ਦੀਆਂ ਅਸਲੀ ਕਬਰਾਂ ਦੇ ਦਰਸ਼ਨ ਕਰਨ ਦਾ ਮੌਕਾ ਮਿਲੇਗਾ। ਇਹ ਅਸਲੀ ਕਬਰਾਂ ਸਿਰਫ਼ ਉਰਸ ਦੇ ਮੌਕੇ ‘ਤੇ ਹੀ ਤਿੰਨ ਦਿਨਾਂ ਲਈ ਖੋਲ੍ਹੀਆਂ ਜਾਂਦੀਆਂ ਹਨ, ਜਿਸ ਕਾਰਨ ਹਰ ਸਾਲ ਵੱਡੀ ਗਿਣਤੀ ਵਿੱਚ ਲੋਕ ਤਾਜ ਮਹਲ ਪਹੁੰਚਦੇ ਹਨ।

ਆਖਰੀ ਦਿਨ ਦਾ ਖਾਸ ਮਹੱਤਵ

ਉਰਸ ਦਾ ਆਖਰੀ ਦਿਨ 17 ਜਨਵਰੀ ਖਾਸ ਮਹੱਤਵ ਰੱਖਦਾ ਹੈ। ਇਸ ਦਿਨ ਸਰਧਰਮ ਸਦਭਾਵਨਾ ਦੀ ਪ੍ਰਤੀਕ 1720 ਮੀਟਰ ਲੰਬੀ ਸੱਤਰੰਗੀ ਚਾਦਰ ਚੜ੍ਹਾਈ ਜਾਵੇਗੀ। ਖੁੱਦਾਮ-ਏ-ਰੋਜ਼ਾ ਕਮੇਟੀ ਵੱਲੋਂ ਇਹ ਚਾਦਰ ਹਨੁਮਾਨ ਮੰਦਰ ਤੋਂ ਸ਼ੁਰੂ ਹੋ ਕੇ ਤਾਜ ਮਹਲ ਦੇ ਮੁੱਖ ਮਕਬਰੇ ਤੱਕ ਲਿਆਂਦੀ ਜਾਵੇਗੀ। ਬਾਅਦ ਵਿੱਚ ਇਸਨੂੰ ਤਹਖਾਨੇ ਵਿੱਚ ਸਥਿਤ ਸ਼ਾਹਜਹਾਂ ਅਤੇ ਮਮਤਾਜ ਮਹਿਲ ਦੀਆਂ ਕਬਰਾਂ ‘ਤੇ ਪੇਸ਼ ਕੀਤਾ ਜਾਵੇਗਾ।

ਪ੍ਰਸ਼ਾਸਨ ਵੱਲੋਂ ਸੁਰੱਖਿਆ ਦੇ ਕੱੜੇ ਪ੍ਰਬੰਧ

ਏਐਸਆਈ ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ 15 ਅਤੇ 16 ਜਨਵਰੀ ਨੂੰ ਦੁਪਹਿਰ 2 ਵਜੇ ਤੋਂ ਸੂਰਜ ਡੁੱਬਣ ਤੱਕ ਅਤੇ 17 ਜਨਵਰੀ ਨੂੰ ਸਵੇਰੇ ਸੂਰਜ ਚੜ੍ਹਨ ਤੋਂ ਲੈ ਕੇ ਸ਼ਾਮ ਤੱਕ ਤਾਜ ਮਹਿਲ ਵਿੱਚ  'Free entry' ਮਿਲੇਗੀ। ਹਾਲਾਂਕਿ ਤਾਜ ਮਹਿਲ ਹਰ ਸ਼ੁੱਕਰਵਾਰ ਨੂੰ ਸਾਪਤਾਹਿਕ ਤੌਰ ‘ਤੇ ਬੰਦ ਰਹਿੰਦਾ ਹੈ। ਇਸ ਦਿਨ ਸਿਰਫ਼ ਸਥਾਨਕ ਨਮਾਜ਼ੀਆਂ ਨੂੰ ਹੀ ਦਾਖ਼ਲੇ ਦੀ ਇਜਾਜ਼ਤ ਹੋਵੇਗੀ। ਪ੍ਰਸ਼ਾਸਨ ਵੱਲੋਂ ਸੁਰੱਖਿਆ ਅਤੇ ਪ੍ਰਬੰਧਾਂ ਨੂੰ ਲੈ ਕੇ ਪੂਰੀ ਤਿਆਰੀ ਕਰ ਲਈ ਗਈ ਹੈ।