ਬਹਾਦੁਰ ਧੀ ਨੇ ਪੁੱਠੇ ਪੈਰੀਂ ਭਜਾਇਆ ਲੁਟੇਰਾ

ਲੁਧਿਆਣਾ 'ਚ ਲਗਾਤਾਰ ਚੋਰਾਂ ਦੇ ਹੌਸਲੇਂ ਬੁਲੰਦ ਹੋ ਰਹੇ ਹਨ । ਪ੍ਰਸ਼ਾਸਨ ਦਾ ਕੋਈ ਡਰ ਚੋਰਾਂ ਦੇ ਅੰਦਰ ਨਜ਼ਰ ਨਹੀਂ ਆ ਰਿਹਾ ਹੈ ।ਲੁਧਿਆਣਾ ਵਿੱਚ ਇੱਕ ਕੁੜੀ ਦਾ ਲੁਟੇਰੇ ਨਾਲ ਸਾਹਮਣਾ ਕਰਨ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਇੱਕ ਨਕਾਬਪੋਸ਼ ਵਿਅਕਤੀ ਦੁਕਾਨ ਵਿੱਚ ਦਾਖਲ ਹੁੰਦਾ ਹੈ ਅਤੇ ਚਾਕੂ ਦਿਖਾ ਕੇ ਸਾਮਾਨ ਚੋਰੀ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ। ਜਿਵੇਂ ਹੀ ਲੁਟੇਰਾ ਕੁੜੀ ਨੂੰ ਸਾਮਾਨ ਇੱਕ ਲਿਫਾਫੇ ਵਿੱਚ ਪਾਉਣ ਲਈ ਕਹਿੰਦਾ ਹੈ, ਉਹ ਉਸਦਾ ਸਾਹਮਣਾ ਕਰਦੀ ਹੈ।

ਲੁਟੇਰਾ ਕੁੜੀ ਦੀ ਬਹਾਦਰੀ ਤੋਂ ਹੈਰਾਨ ਰਹਿ ਜਾਂਦਾ ਹੈ। ਜਿਵੇਂ ਹੀ ਉਹ ਉਸਨੂੰ ਫੜਨ ਦੀ ਕੋਸ਼ਿਸ਼ ਕਰਦੀ ਹੈ, ਉਹ ਚਾਕੂ ਸੁੱਟ ਕੇ ਭੱਜ ਜਾਂਦਾ ਹੈ। ਕੁੜੀ ਵੱਲੋਂ ਨਿਡਰ ਹੋ ਕੇ ਲੁਟੇਰੇ ਦਾ ਸਾਹਮਣਾ ਕਰਨ ਦੀ ਸੀਸੀਟੀਵੀ ਫੁਟੇਜ ਹੁਣ ਸਾਹਮਣੇ ਆਈ ਹੈ। ਘਟਨਾ ਦਾ ਪਤਾ ਲੱਗਦਿਆਂ ਹੀ ਪੁਲਿਸ ਨੇ ਸ਼ਿਕਾਇਤ ਦਰਜ ਕਰ ਲਈ ਹੈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਇਲਾਕੇ ਵਿੱਚ ਹੋ ਰਹੀ ਪ੍ਰਸ਼ੰਸਾ 

ਇਸ ਘਟਨਾ ਤੋਂ ਬਾਅਦ, ਇਲਾਕੇ ਦੇ ਵਪਾਰੀ ਅਤੇ ਸਥਾਨਕ ਲੋਕ ਸੋਨੀ ਵਰਮਾ ਦੀ ਬਹਾਦਰੀ ਪ੍ਰਤੀ ਉਸ ਨੂੰ ਉਤਸ਼ਾਹਿਤ ਕਰ ਰਹੇ ਹਨ। ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ, ਅਤੇ ਸੀਸੀਟੀਵੀ ਫੁਟੇਜ ਦੇ ਆਧਾਰ 'ਤੇ ਦੋਸ਼ੀ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ। ਲਾਡੋਵਾਲ ਥਾਣੇ ਦਾ ਕਹਿਣਾ ਹੈ ਕਿ ਕੁੜੀ ਨੇ ਆਪਣੀ ਜਾਨ ਜੋਖਮ ਵਿੱਚ ਪਾ ਕੇ ਇੱਕ ਵੱਡੀ ਡਕੈਤੀ ਨੂੰ ਟਾਲ ਦਿੱਤਾ ਹੈ।