ਓਡੀਸ਼ਾ 'ਚ Flight Crash ,ਪਾਇਲਟ ਸਮੇਤ 7 ਲੋਕ ਸਨ ਸਵਾਰ

ਸ਼ਨੀਵਾਰ ਦੁਪਹਿਰ ਨੂੰ ਰਾਉਰਕੇਲਾ ਦੇ ਨੇੜੇ ਇੱਕ 9 ਸੀਟਾਂ ਵਾਲਾ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਭੁਵਨੇਸ਼ਵਰ ਤੋਂ ਰਾਉਰਕੇਲਾ ਜਾ ਰਹੀ ਇਹ ਉਡਾਣ ਇੰਡੀਆ ਵਨ ਏਅਰ ਦੀ ਸੀ, ਜਿਸ ਵਿੱਚ ਕੁੱਲ 7 ਲੋਕ ਸਵਾਰ ਸਨ 6 ਯਾਤਰੀ ਤੇ 1 ਪਾਇਲਟ।

ਜਾਣਕਾਰੀ  ਮੁਤਾਬਕ ਜਹਾਜ਼ ਰਾਉਰਕੇਲਾ ਤੋਂ ਲਗਭਗ 15 ਕਿਲੋਮੀਟਰ ਦੂਰ ਹਾਦਸਾਗ੍ਰਸਤ ਹੋਇਆ। ਹਾਦਸੇ ਦੀ ਖ਼ਬਰ ਮਿਲਦੇ ਹੀ ਇਮਰਜੈਂਸੀ ਟੀਮਾਂ ਸਾਈਟ ‘ਤੇ ਪਹੁੰਚ ਗਈਆਂ। ਪਾਇਲਟ ਗੰਭੀਰ ਜ਼ਖਮੀ ਹੋਇਆ ਹੈ ਤੇ ਉਸਨੂੰ ਤੁਰੰਤ ਨਜ਼ਦੀਕੀ ਹਸਪਤਾਲ ਵਿੱਚ ਭੇਜਿਆ ਗਿਆ।

ਹਾਦਸੇ ਦੀਆਂ ਫੋਟੋਆਂ ਵਿੱਚ VT-KSS ਨੰਬਰ ਜਹਾਜ਼ ਨੂੰ ਨੁਕਸਾਨ ਪਹੁੰਚਿਆ ਨਜ਼ਰ ਆ ਰਿਹਾ ਹੈ। ਹਾਦਸੇ ਦੇ ਕਾਰਨ ਦਾ ਪਤਾ ਲਗਾਉਣ ਲਈ ਜਾਂਚ ਜਾਰੀ ਹੈ।

ਇੰਡੀਆ ਵਨ ਏਅਰ ਦੇ ਇੱਕ ਪ੍ਰਤੀਨਿਧੀ ਨੇ ਕਿਹਾ, “ਜਹਾਜ਼ 9 ਸੀਟਾਂ ਵਾਲਾ ਹੈ ਤੇ ਖੁਸ਼ਕਿਸਮਤੀ ਨਾਲ ਸਾਰੇ ਲੋਕ ਬਚ ਗਏ। ਪਾਇਲਟ ਇਲਾਜ ਹੇਠ ਹੈ। ਹਾਦਸੇ ਦੀ ਜਾਂਚ ਜਾਰੀ ਹੈ।”

ਸਥਾਨਕ ਪੁਲਿਸ ਅਤੇ DGCA ਟੀਮ ਨੇ ਹਾਦਸਾ ਸਥਾਨ ਘੇਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਜਹਾਜ਼ ਦੇ ਮਕੈਨਿਕਲ ਜਾਂ ਆਪਰੇਸ਼ਨਲ ਮਾਮਲਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।ਭੁਵਨੇਸ਼ਵਰ ਤੋਂ ਰਾਉਰਕੇਲਾ ਵਾਲੀਆਂ ਉਡਾਣਾਂ ਪ੍ਰਭਾਵਿਤ ਨਹੀਂ ਹੋਈਆਂ, ਪਰ ਯਾਤਰੀਆਂ ਨੂੰ ਅਪਡੇਟ ਲਈ ਏਅਰਲਾਈਨ ਨਾਲ ਸੰਪਰਕ ਕਰਨ ਦੀ ਸਲਾਹ ਦਿੱਤੀ ਗਈ ਹੈ। ਸਥਾਨਕ ਲੋਕਾਂ ਨੇ ਕਿਹਾ ਕਿ ਹਾਦਸੇ ਦੇ ਸਮੇਂ  ਉੱਚੀ ਧੂੰਏਂ ਦੇ ਕਾਲੇ ਬੱਦਲ ਨਜ਼ਰ ਆਏ।