ਹਰਿਆਣਾ ਵਾਸੀਆਂ ਦੇ ਲਈ ਖੁਸ਼ਖਬਰੀ! CM ਸੈਣੀ ਨੇ ਵਿਧਾਨ ਸਭਾ 'ਚ ਕੀਤਾ ਵੱਡਾ ਐਲਾਨ

ਹਰਿਆਣਾ ਵਿੱਚ ਬਜਟ ਸੈਸ਼ਨ ਜਾਰੀ ਹੈ। ਇਸ ਦੌਰਾਨ ਹਰਿਆਣਾ ਸਰਕਾਰ ਅਹਿਮ ਐਲਾਨ ਕਰ ਰਹੀ ਹੈ। ਇਸ ਦੌਰਾਨ ਮੁੱਖ ਮੰਤਰੀ ਨਾਇਬ ਸੈਣੀ ਨੇ 'ਨਮੋ ਭਾਰਤ' ਟ੍ਰੇਨ (Namo Bharat train) ਨੂੰ ਲੈ ਕੇ ਸਦਨ ਵਿੱਚ ਅਹਿਮ ਜਾਣਕਾਰੀ ਦਿੱਤੀ। ਸੀਐਮ ਸੈਣੀ ਨੇ ਦੱਸਿਆ ਕਿ ਕੱਲ੍ਹ ਗੁਰੂਗ੍ਰਾਮ ਨੂੰ ਫਰੀਦਾਬਾਦ ਅਤੇ ਨੋਇਡਾ-ਗ੍ਰੇਟਰ ਨੋਇਡਾ ਨਾਲ ਜੋੜਨ ਵਾਲੇ 'ਨਮੋ ਭਾਰਤ' RRTS ਕਾਰੀਡੋਰ ਦੀ ਅੰਤਿਮ ਰੂਪ-ਰੇਖਾ (ਫਾਈਨਲ ਅਲਾਈਨਮੈਂਟ) ਨੂੰ ਮਨਜ਼ੂਰੀ ਮਿਲ ਗਈ ਹੈ। ਯੋਜਨਾ ਨੂੰ ਲਾਗੂ ਕਰਨ ਵਾਲੀ ਏਜੰਸੀ NCRTC ਨੂੰ ਜ਼ਰੂਰੀ ਦਿਸ਼ਾ-ਨਿਰਦੇਸ਼ ਜਾਰੀ ਕਰ ਦਿੱਤੇ ਗਏ ਹਨ। ਇਸ 64 ਕਿਲੋਮੀਟਰ ਲੰਬੇ ਕਾਰੀਡੋਰ ਵਿੱਚੋਂ 52 ਕਿਲੋਮੀਟਰ ਹਿੱਸਾ ਹਰਿਆਣਾ ਵਿੱਚ ਹੈ।

ਇਹ ਵਾਲੇ ਸ਼ਹਿਰਾਂ ਨੂੰ ਵੱਡੀ ਸੌਗਾਤ

ਸੀਐਮ ਸੈਣੀ (Nayab Singh Saini) ਨੇ ਕਿਹਾ ਕਿ ਗੁਰੂਗ੍ਰਾਮ ਵਿੱਚ ਇਹ ਕਾਰੀਡੋਰ ਇਫ਼ਕੋ ਚੌਕ ਤੋਂ ਸ਼ੁਰੂ ਹੋਵੇਗਾ ਅਤੇ ਸੈਕਟਰ 29, ਮਿਲੇਨੀਅਮ ਸਿਟੀ, ਸੈਕਟਰ 52, ਸੈਕਟਰ 57 ਅਤੇ ਸੈਕਟਰ 61 ਨੂੰ ਗਵਾਲ ਪਹਾੜੀ ਨਾਲ ਜੋੜੇਗਾ। ਇਹ ਸਿੱਧਾ ਦਿੱਲੀ ਮੈਟਰੋ ਦੀ ਯੈਲੋ ਲਾਈਨ ਨਾਲ ਜੁੜੇਗਾ। ਫਰੀਦਾਬਾਦ ਵਿੱਚ ਇਹ ਕਾਰੀਡੋਰ ਸੈਨਿਕ ਕਲੋਨੀ ਤੋਂ ਲੰਘੇਗਾ। ਇਹ ਨਿਊ ਫਰੀਦਾਬਾਦ ਨੂੰ ਜੋੜੇਗਾ, ਜੋ ਕਿ NIT, ਬਾਟਾ ਚੌਕ ਅਤੇ ਸੈਕਟਰ 12-15 ਨੂੰ ਦਿੱਲੀ ਮੈਟਰੋ ਦੀ ਵਾਇਲਟ ਲਾਈਨ ਨਾਲ ਜੋੜੇਗਾ।

ਨੌਜਵਾਨਾਂ ਨੂੰ ਮਿਲੇਗਾ ਰੁਜ਼ਗਾਰ

ਸੀਐਮ ਸੈਣੀ ਨੇ ਕਿਹਾ ਕਿ ਇਹ ਕਾਰੀਡੋਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ 'ਵਿਕਸਿਤ ਭਾਰਤ' ਦੇ ਵਿਜ਼ਨ ਦਾ ਰਾਹ ਪੱਧਰਾ ਕਰੇਗਾ। ਇਹ ਕਾਰੀਡੋਰ ਦਿੱਲੀ ਮੈਟਰੋ, ਰੈਪਿਡ ਮੈਟਰੋ ਅਤੇ ਗੁਰੂਗ੍ਰਾਮ ਮੈਟਰੋ ਕਾਰੀਡੋਰ ਨੂੰ ਵੀ ਆਪਸ ਵਿੱਚ ਜੋੜੇਗਾ। ਇਸ ਦੀ ਡੀ.ਪੀ.ਆਰ. (DPR) ਜਲਦੀ ਹੀ ਤਿਆਰ ਹੋ ਜਾਵੇਗੀ ਅਤੇ ਇਹ ਕਾਰੀਡੋਰ ਸੂਬੇ ਵਿੱਚ ਨਿਵੇਸ਼ ਅਤੇ ਰੁਜ਼ਗਾਰ ਦੀ ਦਿਸ਼ਾ ਵਿੱਚ ਇੱਕ ਅਹਿਮ ਕਦਮ ਸਾਬਤ ਹੋਵੇਗਾ।