ਪੁਲਿਸ ਪ੍ਰਸ਼ਾਸ਼ਨ ‘ਚ ਵੱਡਾ ਫੇਰਬਦਲ! ਕਈ IPS ਅਧਿਕਾਰੀਆਂ ਸਣੇ ਕਈ ਜ਼ਿਲ੍ਹਿਆਂ ਦੇ ਪੁਲਿਸ ਕਪਤਾਨ ਬਦਲੇ

ਦੇਸ਼ ਦੇ ਕਈ ਸੂਬਿਆਂ ਦੇ ਵਿੱਚ ਪੁਲਿਸ ਪ੍ਰਸ਼ਾਸ਼ਨ ਦੇ ਵਿੱਚ ਵੱਡੇ ਪੱਧਰ ਉੱਤੇ ਬਦਲਾਅ ਕੀਤੇ ਜਾ ਰਹੇ ਹਨ। ਇੱਕ ਵਾਰ ਫਿਰ ਯੂ.ਪੀ ਦੇ ਵਿੱਚ ਆਲਾ ਪੁਲਿਸ ਅਫਸਰਾਂ ਨੂੰ ਇੱਧਰ-ਉੱਧਰ ਭੇਜਿਆ ਗਿਆ ਹੈ। ਟਰਾਂਸਫਰਾਂ ਦੇ ਸਿਲਸਿਲੇ ਦੇ ਦੌਰਾਨ ਹੁਣ ਪੰਜ ਆਈ.ਪੀ.ਐੱਸ. (IPS) ਅਧਿਕਾਰੀਆਂ ਦਾ ਤਬਾਦਲਾ ਕਰ ਦਿੱਤਾ ਗਿਆ ਹੈ। ਇਸ ਦੌਰਾਨ ਅਨਿਲ ਕੁਮਾਰ ਸਿੰਘ ਨੂੰ ਰਾਮਪੁਰ ਦਾ ਨਵਾਂ ਪੁਲਿਸ ਕਪਤਾਨ (SP) ਬਣਾਇਆ ਗਿਆ ਹੈ। ਇਸ ਤੋਂ ਇਲਾਵਾ ਗੋਪਾਲ ਕ੍ਰਿਸ਼ਨਾ ਚੌਧਰੀ ਨੂੰ 32ਵੀਂ ਬਟਾਲੀਅਨ ਪੀ.ਏ.ਸੀ. (PAC), ਅਤੇ ਮੁਹੰਮਦ ਮੁਸ਼ਤਾਕ ਨੂੰ ਐੱਸ.ਪੀ. ਲਲਿਤਪੁਰ ਤੋਂ ਲਖਨਊ ਪੁਲਿਸ ਕਮਿਸ਼ਨਰੇਟ ਭੇਜਿਆ ਗਿਆ ਹੈ। ਜਦਕਿ ਸੋਮੇਂਦਰ ਮੀਨਾ ਨੂੰ ਐੱਸ.ਪੀ. ਰਾਮਪੁਰ ਤੋਂ ਖੇਤਰੀ ਖੁਫੀਆ ਵਿਭਾਗ (Regional Intelligence) ਵਿੱਚ ਤਾਇਨਾਤ ਕੀਤਾ ਗਿਆ ਹੈ ਅਤੇ ਸੰਜੀਵ ਕੁਮਾਰ ਬਾਜपेयी ਨੂੰ ਨਵਾਂ ਐੱਸ.ਪੀ. ਲਲਿਤਪੁਰ ਬਣਾਇਆ ਗਿਆ ਹੈ।

ਇਨ੍ਹਾਂ ਸਾਰਿਆਂ ਨੂੰ ਆਪਣੇ ਨਵੇਂ ਤਾਇਨਾਤੀ ਸਥਾਨ 'ਤੇ ਜੁਆਇਨ ਕਰਨ ਦੇ ਹੁਕਮ ਦਿੱਤੇ ਗਏ ਹਨ। ਇਨ੍ਹਾਂ ਤਬਾਦਲਿਆਂ ਨੂੰ ਰੁਟੀਨ ਪ੍ਰਕਿਰਿਆ ਵਜੋਂ ਹੀ ਦੱਸਿਆ ਜਾ ਰਿਹਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਹੋਰ ਵੀ ਕਈ ਅਧਿਕਾਰੀਆਂ ਦੇ ਤਬਾਦਲੇ ਹੋ ਸਕਦੇ ਹਨ।

ਕਿਸ ਦਾ ਕਿੱਥੇ ਹੋਇਆ ਟਰਾਂਸਫਰ?

• ਅਨਿਲ ਕੁਮਾਰ ਸਿੰਘ 2015 ਬੈਚ ਦੇ ਆਈ.ਪੀ.ਐੱਸ. (IPS) ਹਨ ਅਤੇ ਸੁਰੱਖਿਆ ਮੁੱਖ ਦਫ਼ਤਰ ਵਿੱਚ ਤਾਇਨਾਤ ਸਨ, ਜਿਨ੍ਹਾਂ ਨੂੰ ਹੁਣ ਰਾਮਪੁਰ ਦੇ ਪੁਲਿਸ ਕਪਤਾਨ (SP) ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।
• ਗੋਪਾਲ ਕ੍ਰਿਸ਼ਨਾ ਚੌਧਰੀ 2016 ਬੈਚ ਦੇ ਆਈ.ਪੀ.ਐੱਸ. ਹਨ, ਇਨ੍ਹਾਂ ਨੂੰ ਲਖਨਊ ਕਮਿਸ਼ਨਰੇਟ ਤੋਂ 32ਵੀਂ ਬਟਾਲੀਅਨ ਪੀ.ਏ.ਸੀ. (PAC) ਦੇ ਸੈਨਾਪਤੀ (Commandant) ਵਜੋਂ ਤਾਇਨਾਤੀ ਮਿਲੀ ਹੈ।
• ਮੁਹੰਮਦ ਮੁਸ਼ਤਾਕ ਵੀ 2016 ਬੈਚ ਦੇ ਆਈ.ਪੀ.ਐੱਸ. ਹਨ, ਇਨ੍ਹਾਂ ਨੂੰ ਐੱਸ.ਪੀ. ਲਲਿਤਪੁਰ ਤੋਂ ਡੀ.ਸੀ.ਪੀ. (DCP) ਲਖਨਊ ਤਾਇਨਾਤ ਕੀਤਾ ਗਿਆ ਹੈ।
• ਸੋਮੇਂਦਰ ਮੀਨਾ 2017 ਬੈਚ ਦੇ ਆਈ.ਪੀ.ਐੱਸ. ਹਨ, ਇਨ੍ਹਾਂ ਨੂੰ ਰਾਮਪੁਰ ਐੱਸ.ਪੀ. ਦੇਹੁਣ ਤੋਂ ਬਾਅਦ ਖੇਤਰੀ ਖੁਫੀਆ ਵਿਭਾਗ (Regional Intelligence) ਆਗਰਾ ਦੇ ਅਹੁਦੇ 'ਤੇ ਤਾਇਨਾਤੀ ਮਿਲੀ ਹੈ।
• ਸੰਜੀਵ ਕੁਮਾਰ ਬਾਜਪਈ 2018 ਬੈਚ ਦੇ ਆਈ.ਪੀ.ਐੱਸ. ਹਨ, ਇਨ੍ਹਾਂ ਨੂੰ 43ਵੀਂ ਬਟਾਲੀਅਨ ਪੀ.ਏ.ਸੀ. ਤੋਂ ਐੱਸ.ਪੀ. ਲਲਿਤਪੁਰ ਤਾਇਨਾਤ ਕੀਤਾ ਗਿਆ ਹੈ।

ਇਹ ਸਾਰੇ ਤੇਜ਼-ਤਰਾਰ ਅਧਿਕਾਰੀ ਹਨ ਅਤੇ ਇਨ੍ਹਾਂ ਨੂੰ ਕਾਨੂੰਨ ਵਿਵਸਥਾ ਨੂੰ ਹੋਰ ਬਿਹਤਰ ਬਣਾਉਣ ਲਈ ਨਵੀਂ ਤਾਇਨਾਤੀ ਮਿਲੀ ਹੈ।

ਪਿਛਲੇ ਹਫ਼ਤੇ ਹੋਏ ਸਨ ਪੀ.ਸੀ.ਐੱਸ. (PCS) ਅਧਿਕਾਰੀਆਂ ਦੇ ਤਬਾਦਲੇ

ਇੱਥੇ ਦੱਸ ਦਈਏ ਕਿ ਯੂ.ਪੀ ਪਸ਼ਾਸਨ ਵੱਲੋਂ ਪਿਛਲੇ ਹਫ਼ਤੇ ਹੀ ਵੱਡੇ ਪੱਧਰ 'ਤੇ ਸੈਂਕੜੇ ਦੀ ਗਿਣਤੀ ਵਿੱਚ ਪੀ.ਸੀ.ਐੱਸ. ਅਧਿਕਾਰੀਆਂ ਦੇ ਤਬਾਦਲੇ ਕੀਤੇ ਗਏ ਸਨ। ਜਿਸ ਵਿੱਚ ਜ਼ਿਆਦਾਤਰ ਅਧਿਕਾਰੀਆਂ ਨੂੰ ਉਨ੍ਹਾਂ ਦੇ ਤਾਇਨਾਤੀ ਵਾਲੇ ਜ਼ਿਲ੍ਹਿਆਂ ਤੋਂ ਦੂਰ ਭੇਜਿਆ ਗਿਆ ਸੀ, ਜੋ ਕਿ ਕਈ ਸਲਾਂ ਤੋਂ ਉੱਥੇ ਤਾਇਨਾਤ ਸਨ। ਇਸ ਤੋਂ ਇਲਾਵਾ ਕਈ ਜ਼ਿਲ੍ਹਿਆਂ ਵਿੱਚ ਪੀ.ਪੀ.ਐੱਸ. (PPS) ਅਧਿਕਾਰੀਆਂ ਦੇ ਵੀ ਤਬਾਦਲੇ ਹੋਏ ਸਨ। ਹੁਣ ਆਈ.ਪੀ.ਐੱਸ. (IPS) ਅਧਿਕਾਰੀਆਂ ਦੇ ਤਬਾਦਲੇ ਤੋਂ ਬਾਅਦ ਇਹ ਸੰਭਾਵਨਾ ਜਤਾਈ ਜਾ ਰਹੀ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਕਈ ਹੋਰ ਜ਼ਿਲ੍ਹਿਆਂ ਵਿੱਚ ਵੀ ਨਵੀਆਂ ਤਾਇਨਾਤੀਆਂ ਹੋ ਸਕਦੀਆਂ ਹਨ।