ਹਿਮਾਚਲ 'ਚ 2 ਜ਼ਿਲ੍ਹਿਆਂ ਦੇ DC ਬਦਲੇ, ਡਾ. ਅਮਿਤ ਨੂੰ ਕੁੱਲੂ ਤੇ ਸੋਨਾਕਸ਼ੀ ਤੋਮਰ ਨੂੰ ਕਿੰਨੌਰ ਦੀ ਜ਼ਿੰਮੇਵਾਰੀ

ਹਿਮਾਚਲ ਪ੍ਰਦੇਸ਼ ਸਰਕਾਰ ਵੱਲੋਂ ਸ਼ੁੱਕਰਵਾਰ ਨੂੰ 2 ਆਈ.ਏ.ਐੱਸ. (IAS) ਅਧਿਕਾਰੀਆਂ ਦੇ ਤਬਾਦਲੇ ਦੇ ਹੁਕਮ ਜਾਰੀ ਕੀਤੇ ਗਏ ਹਨ। ਸਾਲ 2016 ਬੈਚ ਦੇ ਆਈ.ਏ.ਐੱਸ. ਅਤੇ ਡੀਸੀ ਕਿੰਨੌਰ ਡਾ. ਅਮਿਤ ਕੁਮਾਰ ਸ਼ਰਮਾ ਨੂੰ ਡੀਸੀ ਕੁੱਲੂ ਅਤੇ ਸਾਲ 2016 ਬੈਚ ਦੀ ਆਈ.ਏ.ਐੱਸ. ਸੋਨਾਕਸ਼ੀ ਸਿੰਘ ਤੋਮਰ ਨੂੰ ਡੀਸੀ ਕਿੰਨੌਰ ਨਿਯੁਕਤ ਕੀਤਾ ਗਿਆ ਹੈ।

ਸੁਰਜੀਤ ਸਿੰਘ ਰਾਠੌਰ ਹੋਏ ਭਾਰਮੁਕਤ

ਡਾ. ਰਾਹੁਲ ਦੇ ਜੁਆਇਨ ਕਰਨ ਤੋਂ ਬਾਅਦ ਡੀਸੀ ਕੁੱਲੂ ਦਾ ਵਾਧੂ ਚਾਰਜ ਸੰਭਾਲ ਰਹੇ ਏ.ਡੀ.ਐੱਮ. ਕਮ-ਪ੍ਰੋਜੈਕਟ ਡਾਇਰੈਕਟਰ ਡੀ.ਆਰ.ਡੀ.ਏ. (DRDA) ਸੁਰਜੀਤ ਸਿੰਘ ਰਾਠੌਰ ਇਸ ਜ਼ਿੰਮੇਵਾਰੀ ਤੋਂ ਭਾਰਮੁਕਤ ਹੋ ਜਾਣਗੇ। ਉਹ ਲਗਭਗ ਪੌਣੇ ਦੋ ਮਹੀਨਿਆਂ ਤੋਂ ਡੀਸੀ ਕੁੱਲੂ ਦਾ ਵਾਧੂ ਕੰਮਕਾਜ ਦੇਖ ਰਹੇ ਸਨ।

ਸੋਨਾਕਸ਼ੀ ਸਿੰਘ ਤੋਮਰ ਨੂੰ ਮਿਲੀ ਪਹਿਲੀ ਨਿਯੁਕਤੀ

ਸੋਨਾਕਸ਼ੀ ਸਿੰਘ ਤੋਮਰ ਇਸ ਸਮੇਂ ਬੱਦੀ, ਬਰੋਟੀਵਾਲਾ, ਨਾਲਾਗੜ੍ਹ ਵਿਕਾਸ ਅਥਾਰਟੀ (BBNDA) ਦੀ CEO ਦੇ ਅਹੁਦੇ 'ਤੇ ਤਾਇਨਾਤ ਹਨ। ਹੁਣ ਉਨ੍ਹਾਂ ਨੂੰ ਕਬਾਇਲੀ ਜ਼ਿਲ੍ਹੇ ਕਿੰਨੌਰ ਦਾ ਡਿਪਟੀ ਕਮਿਸ਼ਨਰ (DC) ਨਿਯੁਕਤ ਕੀਤਾ ਗਿਆ ਹੈ। DC ਵਜੋਂ ਇਹ ਉਨ੍ਹਾਂ ਦੀ ਪਹਿਲੀ ਨਿਯੁਕਤੀ ਹੈ। ਉਹ ਰਿਕਾਂਗਪਿਓ ਵਿੱਚ ਕਿੰਨੌਰ ਦੇ DC ਵਜੋਂ ਅਹੁਦਾ ਸੰਭਾਲਣਗੇ।

ਪਰਸੋਨਲ ਵਿਭਾਗ ਵੱਲੋਂ ਜਾਰੀ ਨੋਟੀਫਿਕੇਸ਼ਨ ਮੁਤਾਬਕ ਦੋਵਾਂ ਅਧਿਕਾਰੀਆਂ ਨੂੰ ਤੁਰੰਤ ਪ੍ਰਭਾਵ ਨਾਲ ਨਵੀਂ ਜ਼ਿੰਮੇਵਾਰੀ ਸੌਂਪੀ ਗਈ ਹੈ। ਸਰਕਾਰ ਨੇ ਇਹ ਨਿਯੁਕਤੀਆਂ ਸਿਵਲ ਸਰਵਿਸਿਜ਼ ਬੋਰਡ ਦੀਆਂ ਸਿਫ਼ਾਰਸ਼ਾਂ ਦੇ ਆਧਾਰ 'ਤੇ ਕੀਤੀਆਂ ਹਨ।

ਤੁਰੰਤ ਪ੍ਰਭਾਵ ਨਾਲ ਲਾਗੂ ਹੋਏ ਹੁਕਮ

ਪਰਸਨਲ ਵਿਭਾਗ ਵੱਲੋਂ ਜਾਰੀ ਨੋਟੀਫਿਕੇਸ਼ਨ ਅਨੁਸਾਰ ਦੋਵਾਂ ਅਧਿਕਾਰੀਆਂ ਨੂੰ ਤੁਰੰਤ ਪ੍ਰਭਾਵ ਨਾਲ ਨਵੀਂ ਜ਼ਿੰਮੇਵਾਰੀ ਸੌਂਪੀ ਗਈ ਹੈ। ਸਰਕਾਰ ਵੱਲੋਂ ਇਹ ਨਿਯੁਕਤੀਆਂ ਸਿਵਲ ਸਰਵਿਸਿਜ਼ ਬੋਰਡ ਦੀਆਂ ਸਿਫ਼ਾਰਸ਼ਾਂ ’ਤੇ ਕੀਤੀਆਂ ਗਈਆਂ ਹਨ।

ਹਾਈ ਕੋਰਟ ਦੇ ਹੁਕਮਾਂ ਤੋਂ ਬਾਅਦ ਹੋਇਆ ਐਕਸ਼ਨ

ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਕੁੱਲੂ ਦੇ ਡੀਸੀ ਅਨੁਰਾਗ ਚੰਦਰ ਨੂੰ ਹਾਈ ਕੋਰਟ ਦੇ ਹੁਕਮਾਂ ’ਤੇ ਹਟਾਇਆ ਗਿਆ ਸੀ, ਜਿਸ ਤੋਂ ਬਾਅਦ ਕੁੱਲੂ ਦੇ ਡੀਸੀ ਦਾ ਕੰਮਕਾਜ ਏ.ਡੀ.ਐੱਮ. ਵੱਲੋਂ ਦੇਖਿਆ ਜਾ ਰਿਹਾ ਸੀ। ਅਨੁਰਾਗ ਚੰਦਰ ਉੱਤੇ ਰੇਵ ਪਾਰਟੀ ਮਾਮਲੇ ਨੂੰ ਲੈ ਕੇ ਗਾਜ ਡਿੱਗੀ ਸੀ, ਜਿਸ ਤੋਂ ਬਾਅਦ ਹੁਣ ਜਾ ਕੇ ਸਰਕਾਰ ਵੱਲੋਂ ਕੁੱਲੂ ਵਿੱਚ ਨਵੇਂ ਡੀਸੀ ਦੀ ਤਾਇਨਾਤੀ ਕੀਤੀ ਗਈ ਹੈ।