ਸਰਦੀਆਂ 'ਚ ਫਲ ਖਾਣ ਨਾਲ ਕੀ ਹੁੰਦੇ ਨੇ ਫਾਇਦੇ ?

ਠੰਢ ਦਾ ਮੌਸਮ ਸਿਹਤ ਦੀ ਸੰਭਾਲ ਲਈ ਬਹੁਤ ਜ਼ਰੂਰੀ ਹੁੰਦਾ ਹੈ। ਇਸ ਮੌਸਮ 'ਚ ਸ਼ਰੀਰ ਨੂੰ ਵਧੇਰੇ ਪੋਸ਼ਣ ਦੀ ਲੋੜ ਹੁੰਦੀ ਹੈ, ਜੋ ਫਲਾਂ ਰਾਹੀਂ ਆਸਾਨੀ ਨਾਲ ਮਿਲ ਸਕਦਾ ਹਨ। ਫਲ ਸਾਨੂੰ ਤੰਦਰੁਸਤ ਅਤੇ ਤਾਕਤਵਰ ਬਣਾਉਂਦੇ ਹਨ। ਸਰਦੀਆਂ ਦੇ ਫਲਾਂ 'ਚ ਵਿਟਾਮਿਨ, ਖਣਿਜ ਅਤੇ ਫਾਈਬਰ ਪ੍ਰਚੂਰ ਮਾਤਰਾ 'ਚ ਹੁੰਦੇ ਹਨ। ਸੰਤਰਾ, ਮਾਲਟਾ ਅਤੇ ਅਮਰੂਦ ਵਰਗੇ ਫਲਾਂ 'ਚ ਵਿਟਾਮਿਨ ਸੀ ਹੁੰਦਾ ਹੈ, ਜੋ ਜ਼ੁਕਾਮ ਅਤੇ ਖੰਘ ਤੋਂ ਬਚਾਉਣ 'ਚ ਬੇਹਦ ਕਾਰਗਰ ਸਾਬਿਤ ਹੁੰਦਾ ਹੈ। ਸੇਬ ਖਾਣ ਨਾਲ ਪਾਚਨ ਸ਼ਕਤੀ ਠੀਕ ਰਹਿੰਦੀ ਹੈ ਅਤੇ ਸ਼ਰੀਰ ਨੂੰ ਊਰਜਾ ਮਿਲਦੀ ਹੈ।

ਅਨਾਰ ਤੇ ਕੇਲੇ ਖਾਣ ਦੇ ਕੀ ਹੁੰਦੇ ਨੇ ਫਾਇਦੇ ?

ਅਨਾਰ ਖੂਨ ਨੂੰ ਵਧਾਉਂਦਾ ਹੈ ਅਤੇ ਸ਼ਰੀਰ ਨੂੰ ਗਰਮੀ ਵੀ ਪ੍ਰਦਾਨ ਕਰਦਾ ਹੈ। ਕੇਲਾ ਤੁਰੰਤ ਤਾਕਤ ਦਿੰਦਾ ਹੈ ਅਤੇ ਥਕਾਵਟ ਨੂੰ ਦੂਰ ਕਰਦਾ ਹੈ। ਠੰਢ ਦੇ ਮੌਸਮ 'ਚ ਫਲ ਖਾਣ ਨਾਲ ਰੋਗ ਪ੍ਰਤੀਰੋਧਕ ਸ਼ਕਤੀ ਮਜ਼ਬੂਤ ਹੁੰਦੀ ਹੈ ਅਤੇ ਸ਼ਰੀਰ ਬਿਮਾਰੀਆਂ ਨਾਲ ਚੰਗੇ ਤਰੀਕੇ ਨਾਲ ਲੜ ਸਕਦਾ ਹੈ। ਇਸ ਤੋਂ ਇਲਾਵਾ, ਫਲ ਸਾਡੀ ਤਵੱਚਾ ਨੂੰ ਵੀ ਸਿਹਤਮੰਦ ਰੱਖਦੇ ਹਨ ਅਤੇ ਸ਼ਰੀਰ ਨੂੰ ਅੰਦਰੋਂ ਸਾਫ਼ ਕਰਦੇ ਹਨ। ਜੇ ਅਸੀਂ ਹਰ ਰੋਜ਼ ਤਾਜ਼ੇ ਫਲ ਖਾਂਦੇ ਰਹੀਏ ਤਾਂ ਅਸੀਂ ਲੰਮੇ ਸਮੇਂ ਤੱਕ ਤੰਦਰੁਸਤ ਰਹਿ ਸਕਦੇ ਹਾਂ।

ਇਹ ਕਹਿਣਾ ਠੀਕ ਹੈ ਕਿ ਸਰਦੀਆਂ 'ਚ ਫਲ ਖਾਣਾ ਸਾਡੇ ਲਈ ਬਹੁਤ ਲਾਭਦਾਇਕ ਹੁੰਦਾ ਹੈ। ਇਸ ਲਈ ਸਾਨੂੰ ਹਰ ਰੋਜ਼ ਫਲਾਂ ਨੂੰ ਆਪਣੀ ਖੁਰਾਕ ਦਾ ਹਿੱਸਾ ਬਣਾਉਣਾ ਚਾਹੀਦਾ ਹੈ।