CBSE 10th Result Out: ਸੀਬੀਐਸਈ ਬੋਰਡ ਨੇ ਜਾਰੀ ਕੀਤਾ 10ਵੀਂ ਦਾ ਰਿਜ਼ਲਟ, ਵਿਦਿਆਰਥੀ ਇੰਝ ਦੇਖ ਸਕਦੇ ਨੇ ਆਪਣਾ ਨਤੀਜਾ

ਕੇਂਦਰੀ ਮਾਧਿਅਮਿਕ ਸਿੱਖਿਆ ਬੋਰਡ (CBSE) ਨੇ ਅੱਜ, 15 ਅਪ੍ਰੈਲ ਨੂੰ 10ਵੀਂ ਜਮਾਤ ਦੇ ਪ੍ਰੀਖਿਆ ਨਤੀਜੇ ਘੋਸ਼ਿਤ ਕਰ ਦਿੱਤੇ ਹਨ। ਇਸ ਸਾਲ ਵੀ ਸੀਬੀਐਸਈ 10ਵੀਂ ਦੇ ਨਤੀਜਿਆਂ ਵਿੱਚ ਵਿਦਿਆਰਥੀਆਂ ਦਾ ਪ੍ਰਦਰਸ਼ਨ ਬਹੁਤ ਸ਼ਾਨਦਾਰ ਰਿਹਾ ਹੈ। ਪ੍ਰੀਖਿਆ ਦੇਣ ਵਾਲੇ ਵਿਦਿਆਰਥੀ ਹੁਣ ਬੋਰਡ ਦੀਆਂ ਅਧਿਕਾਰਤ ਵੈੱਬਸਾਈਟਾਂ results.cbse.nic.in ਅਤੇ cbse.gov.in 'ਤੇ ਜਾ ਕੇ ਆਪਣਾ ਰਿਜ਼ਲਟ ਚੈੱਕ ਕਰ ਸਕਦੇ ਹਨ।

ਧੀਆਂ ਨੇ ਮਾਰੀ ਬਾਜ਼ੀ

ਧੀਆਂ ਨੇ ਇੱਕ ਵਾਰ ਫਿਰ ਕਮਾਲ ਕਰ ਦਿੱਤਾ ਹੈ। ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਲੜਕੀਆਂ ਨੇ ਲੜਕਿਆਂ ਨੂੰ ਪਛਾੜਦਿਆਂ ਸ਼ਾਨਦਾਰ ਸਫਲਤਾ ਹਾਸਲ ਕੀਤੀ ਹੈ। ਨਤੀਜਿਆਂ ਵਿੱਚ ਲੜਕੀਆਂ ਦੀ ਪਾਸ ਪ੍ਰਤੀਸ਼ਤਤਾ ਲੜਕਿਆਂ ਦੇ ਮੁਕਾਬਲੇ ਕਿਤੇ ਬਿਹਤਰ ਰਹੀ ਹੈ। ਹਾਲਾਂਕਿ, ਬੋਰਡ ਨੇ ਇਸ ਸਾਲ ਵੀ ਕਿਸੇ ਅਧਿਕਾਰਤ ਟੌਪਰ ਲਿਸਟ ਦੀ ਘੋਸ਼ਣਾ ਨਹੀਂ ਕੀਤੀ ਹੈ, ਪਰ ਉਨ੍ਹਾਂ ਵਿਦਿਆਰਥੀਆਂ ਨੂੰ ਮੈਰਿਟ ਸਰਟੀਫਿਕੇਟ ਦਿੱਤੇ ਜਾਣਗੇ ਜਿਨ੍ਹਾਂ ਨੇ ਵੱਖ-ਵੱਖ ਵਿਸ਼ਿਆਂ ਵਿੱਚ ਸਭ ਤੋਂ ਵੱਧ ਅੰਕ ਪ੍ਰਾਪਤ ਕੀਤੇ ਹਨ।

ਡਿਜੀਲੌਕਰ ਅਤੇ ਉਮੰਗ ਐਪ 'ਤੇ ਸਭ ਤੋਂ ਤੇਜ਼ ਨਤੀਜੇ: ਵੈੱਬਸਾਈਟ 'ਤੇ ਭਾਰੀ ਟ੍ਰੈਫਿਕ ਨੂੰ ਦੇਖਦੇ ਹੋਏ, ਵਿਦਿਆਰਥੀ ਡਿਜੀਲੌਕਰ (DigiLocker) ਅਤੇ ਉਮੰਗ (UMANG) ਐਪ ਰਾਹੀਂ ਆਪਣੀ ਡਿਜੀਟਲ ਮਾਰਕਸ਼ੀਟ ਤੁਰੰਤ ਡਾਊਨਲੋਡ ਕਰ ਸਕਦੇ ਹਨ। ਉਮੰਗ ਐਪ 'ਤੇ ਨਤੀਜੇ ਦਾ ਲਿੰਕ ਸਭ ਤੋਂ ਪਹਿਲਾਂ ਸਰਗਰਮ ਕੀਤਾ ਗਿਆ ਹੈ, ਤਾਂ ਜੋ ਵਿਦਿਆਰਥੀਆਂ ਨੂੰ ਆਪਣਾ ਸਕੋਰਕਾਰਡ ਦੇਖਣ ਵਿੱਚ ਕੋਈ ਮੁਸ਼ਕਲ ਨਾ ਆਵੇ।

ਇੰਝ ਚੈੱਕ ਕਰੋ ਆਪਣਾ ਸਕੋਰਕਾਰਡ

• ਸਭ ਤੋਂ ਪਹਿਲਾਂ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ results.cbse.nic.in 'ਤੇ ਜਾਓ।
• ਹੋਮਪੇਜ 'ਤੇ ਦਿੱਤੇ ਗਏ 'Secondary School Examination (Class X) 2026' ਲਿੰਕ 'ਤੇ ਕਲਿੱਕ ਕਰੋ। 
• ਇਸ ਤੋਂ ਬਾਅਦ ਆਪਣਾ ਰੋਲ ਨੰਬਰ, ਸਕੂਲ ਨੰਬਰ ਅਤੇ ਐਡਮਿਟ ਕਾਰਡ ਆਈਡੀ ਦਰਜ ਕਰੋ। ਸਬਮਿਟ ਬਟਨ ਦਬਾਉਂਦੇ ਹੀ ਤੁਹਾਡਾ ਨਤੀਜਾ ਸਕ੍ਰੀਨ 'ਤੇ ਆ ਜਾਵੇਗਾ।
• ਭਵਿੱਖ ਦੀ ਵਰਤੋਂ ਲਈ ਇਸ ਨੂੰ ਡਾਊਨਲੋਡ ਕਰੋ ਅਤੇ ਇਸ ਦਾ ਪ੍ਰਿੰਟਆਊਟ ਜ਼ਰੂਰ ਲੈ ਲਵੋ।

ਸੈਕਿੰਡ ਬੋਰਡ ਪ੍ਰੀਖਿਆ ਦਾ ਮੌਕਾ:

ਜਿਹੜੇ ਵਿਦਿਆਰਥੀ ਇੱਕ ਜਾਂ ਦੋ ਵਿਸ਼ਿਆਂ ਵਿੱਚ ਸਫਲ ਨਹੀਂ ਹੋ ਸਕੇ ਹਨ ਜਾਂ ਆਪਣੇ ਨੰਬਰਾਂ ਤੋਂ ਸੰਤੁਸ਼ਟ ਨਹੀਂ ਹਨ, ਉਨ੍ਹਾਂ ਨੂੰ ਨਿਰਾਸ਼ ਹੋਣ ਦੀ ਲੋੜ ਨਹੀਂ ਹੈ। ਸੀਬੀਐਸਈ (CBSE) 15 ਮਈ 2026 ਤੋਂ 'ਸੈਕਿੰਡ ਬੋਰਡ ਐਗਜ਼ਾਮ' (ਫੇਜ਼-2) ਕਰਵਾਉਣ ਜਾ ਰਿਹਾ ਹੈ। ਇਸ ਪ੍ਰੀਖਿਆ ਲਈ ਅਪਲਾਈ ਕਰਨ ਦੀ ਪ੍ਰਕਿਰਿਆ ਜਲਦੀ ਹੀ ਸ਼ੁਰੂ ਕਰ ਦਿੱਤੀ ਜਾਵੇਗੀ।

ਕੁੱਲ ਪ੍ਰੀਖਿਆਰਥੀ: 26 ਲੱਖ ਤੋਂ ਵੱਧ

ਕੁੱਲ ਪਾਸ ਪ੍ਰਤੀਸ਼ਤਤਾ: 93.6% (ਅੰਦਾਜ਼ਨ)

ਅਧਿਕਾਰਤ ਵੈੱਬਸਾਈਟਾਂ: cbseresults.nic.in, results.gov.in

ਹੋਰ ਮਾਧਿਅਮ: SMS, IVRS ਅਤੇ ਮੋਬਾਈਲ ਐਪਸ ਰਾਹੀਂ ਵੀ ਨਤੀਜੇ ਦੇਖੇ ਜਾ ਸਕਦੇ ਹਨ।

10ਵੀਂ ਦੇ ਨਤੀਜੇ ਦੇਖਣ ਲਈ ਇੱਥੇ ਕਰੋ ਕਲਿੱਕ