ਵੱਡਾ ਪ੍ਰਸ਼ਾਸਨਿਕ ਫੇਰਬਦਲ: 8 IPS ਅਧਿਕਾਰੀਆਂ ਦੇ ਤਬਾਦਲੇ, ਕਿਸੇ ਨੂੰ ਮਿਲਿਆ ਰੇਲਵੇ ਦੇ IG ਦਾ ਵਾਧੂ ਚਾਰਜ, ਬਾਕੀਆਂ ਨੂੰ ਸੌਂਪੀ ਗਈ ਆਹ ਜ਼ਿੰਮੇਵਾਰੀ

ਪਿਛਲੇ ਕੁਝ ਮਹੀਨਿਆਂ ਤੋਂ ਪੁਲਿਸ ਮਹਿਕਮੇ ਦੇ ਵਿੱਚ ਵੱਡੇ ਫੇਰਬਦਲ ਹੋ ਰਹੇ ਹਨ। ਕਦੇ ਪੰਜਾਬ ਵਿੱਚ ਅਤੇ ਕਦੇ ਹਰਿਆਣਾ ਦੇ ਵਿੱਚ, ਹੁਣ ਬਿਹਾਰ ਸੂਬੇ ਤੋਂ ਵੀ ਵੱਡੇ ਪੱਧਰ ਉੱਤੇ IPS ਅਧਿਕਾਰੀਆਂ ਦੇ ਤਬਾਦਲੇ ਹੋਏ ਹਨ। ਸੋਮਵਾਰ (8 ਜੂਨ) ਨੂੰ ਬਿਹਾਰ ਪੁਲਿਸ ਵਿਭਾਗ ਵਿੱਚ ਵੱਡਾ ਫੇਰਬਦਲ ਕਰਦੇ ਹੋਏ  8 ਭਾਰਤੀ ਪੁਲਿਸ ਸੇਵਾ (IPS) ਅਧਿਕਾਰੀਆਂ ਦੇ ਤਬਾਦਲੇ ਕੀਤੇ ਗਏ ਹਨ। ਗ੍ਰਹਿ ਵਿਭਾਗ ਵੱਲੋਂ ਜਾਰੀ ਹੁਕਮਾਂ ਮੁਤਾਬਕ ਇਹ ਤਬਾਦਲੇ ਤੁਰੰਤ ਪ੍ਰਭਾਵ ਨਾਲ ਲਾਗੂ ਹੋ ਗਏ ਹਨ।

ਕੌਣ-ਕੌਣ ਹੋਇਆ ਤਬਦੀਲ?

ਇਸ ਸੂਚੀ ਵਿੱਚ ਕਈ ਸੀਨੀਅਰ ਅਧਿਕਾਰੀ ਸ਼ਾਮਲ ਹਨ:

ਪੰਕਜ ਕੁਮਾਰ ਰਾਜ: ਇੰਸਪੈਕਟਰ ਜਨਰਲ (ਸਿਵਲ ਸੁਰੱਖਿਆ) ਤੋਂ ਹੁਣ SCRB ਦੇ ਆਈਜੀ ਬਣਾਏ ਗਏ ਹਨ। ਉਨ੍ਹਾਂ ਕੋਲ ਰੇਲਵੇ ਦੇ ਆਈਜੀ ਦਾ ਵਾਧੂ ਚਾਰਜ ਵੀ ਰਹੇਗਾ।

ਐੱਸ. ਪ੍ਰੇਮਲਥਾ: ਤਕਨੀਕੀ ਸੇਵਾਵਾਂ ਤੋਂ ਮਨਾਹੀ ਅਤੇ ਰਾਜ ਨਾਰਕੋਟਿਕਸ ਕੰਟਰੋਲ ਬਿਊਰੋ ਦੇ ਆਈਜੀ ਵਜੋਂ ਨਿਯੁਕਤ ਕੀਤੇ ਗਏ ਹਨ।

ਸੰਜੇ ਕੁਮਾਰ: ਸਪੈਸ਼ਲ ਬ੍ਰਾਂਚ ਦੇ ਆਈਜੀ ਨੂੰ ਹੁਣ ਬਿਹਾਰ ਸਪੈਸ਼ਲ ਆਰਮਡ ਪੁਲਿਸ ਦੇ ਆਈਜੀ ਦਾ ਵਾਧੂ ਚਾਰਜ ਦਿੱਤਾ ਗਿਆ ਹੈ।

ਸੁਧੀਰ ਕੁਮਾਰ ਪੋਰਿਕਾ: ਹੋਮ ਗਾਰਡ ਅਤੇ ਫਾਇਰ ਸਰਵਿਸਿਜ਼ ਤੋਂ SCRB ਦੇ ਡਿਪਟੀ ਆਈਜੀ ਨਿਯੁਕਤ ਹੋਏ ਹਨ।

ਕੁਮਾਰ ਗੌਤਮ: ਪੁਲਿਸ ਸੁਪਰਡੈਂਟ (ਹੈੱਡਕੁਆਰਟਰ) ਨੂੰ ਬਿਹਾਰ ਸਪੈਸ਼ਲ ਆਰਮਡ ਪੁਲਸ-5, ਪਟਨਾ ਦਾ ਕਮਾਂਡੈਂਟ ਬਣਾਇਆ ਗਿਆ ਹੈ।

ਸੁਸ਼ਾਂਤ ਕੁਮਾਰ ਸਰੋਜ: ਡਿਪਟੀ ਆਈਜੀ (ਟ੍ਰੈਫਿਕ) ਹੁਣ ATS ਦੇ ਡਿਪਟੀ ਆਈਜੀ ਹੋਣਗੇ, ਨਾਲ ਹੀ ਉਹ ਟ੍ਰੈਫਿਕ ਵਿਭਾਗ ਦਾ ਵਾਧੂ ਚਾਰਜ ਵੀ ਸੰਭਾਲਣਗੇ।

ਦੀਪਕ ਰੰਜਨ: ਬਿਹਾਰ ਪੁਲਿਸ ਅਕੈਡਮੀ ਤੋਂ ਹੁਣ CID ਦੀ ਡਕੈਤੀ ਵਿਰੋਧੀ ਸ਼ਾਖਾ ਦੇ ਡਿਪਟੀ ਆਈਜੀ ਵਜੋਂ ਸੇਵਾ ਨਿਭਾਉਣਗੇ।

ਪ੍ਰਸ਼ਾਸਨ ਵੱਲੋਂ ਇਹ ਫੈਸਲਾ ਵਿਭਾਗੀ ਕੰਮਕਾਜ ਨੂੰ ਹੋਰ ਸੁਚਾਰੂ ਬਣਾਉਣ ਲਈ ਲਿਆ ਗਿਆ ਹੈ। ਤਬਾਦਲੇ ਕੀਤੇ ਗਏ ਅਧਿਕਾਰੀਆਂ ਨੂੰ ਤੁਰੰਤ ਆਪਣੀ ਨਵੀਂ ਜ਼ਿੰਮੇਵਾਰੀ ਸੰਭਾਲਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ।