ਕ੍ਰਿਕਟ ਪ੍ਰੇਮੀ ਖੁਸ਼! GTC Punjabi 'ਤੇ ਪੰਜਾਬੀ ਬੋਲੀ ‘ਚ ਲੈ ਰਹੇ ਨੇ Legends League Cricket ਦੀ ਕੁਮੈਂਟਰੀ ਦਾ ਆਨੰਦ, ਅੱਜ ਇਹ ਟੀਮਾਂ ਹੋਣਗੀਆਂ ਆਹਮਣੇ-ਸਾਹਮਣੇ!
ਪੰਜਾਬ ਸਣੇ ਦੁਨੀਆ ਭਰ ‘ਚ ਵੱਸਦੇ ਕ੍ਰਿਕਟ ਪ੍ਰੇਮੀਆਂ ਲਈ GTC Punjabi ਵੱਲੋਂ ਪੰਜਾਬੀ ਦੇ ਵਿੱਚ ਕੁਮੈਂਟਰੀ ਦਾ ਖਾਸ ਤੋਹਫਾ ਦਿੱਤਾ ਗਿਆ ਹੈ। ਜਿਸ ਤੋਂ ਬਾਅਦ ਪੰਜਾਬੀ ਗਦ-ਗਦ ਹੋਏ ਪਏ ਹਨ, ਜਦੋਂ 'ਲੀਜੈਂਡਜ਼ ਲੀਗ ਕ੍ਰਿਕਟ' (Legends League Cricket) ਦੇ ਨਵੇਂ ਸੀਜ਼ਨ ਦੀ ਸ਼ੁਰੂਆਤ ਪੰਜਾਬੀ ਬੋਲੀ ਦੇ ਵਿੱਚ ਹੋਈ। ਪਹਿਲੀ ਵਾਰ ਕਿਸੇ ਵਿਸ਼ਵ ਪੱਧਰੀ ਕ੍ਰਿਕਟ ਲੀਗ ਦਾ ਪ੍ਰਸਾਰਣ ਪੂਰੀ ਤਰ੍ਹਾਂ ਪੰਜਾਬੀ ਕੁਮੈਂਟਰੀ ਨਾਲ ਕੀਤਾ ਜਾ ਰਿਹਾ ਹੈ। ਇਹ ਪਹਿਲਕਦਮੀ ਭਾਰਤ ਅਤੇ ਦੁਨੀਆ ਭਰ ਵਿੱਚ ਵਸਦੇ ਕਰੋੜਾਂ ਪੰਜਾਬੀ ਪ੍ਰਸ਼ੰਸਕਾਂ ਨੂੰ ਖੇਡ ਦੇ ਵੱਖਰੇ ਅੰਦਾਜ਼ ਦਾ ਆਨੰਦ ਦੇ ਰਹੀ ਹੈ।
GTC Punjabi 'ਤੇ ਦੇਖੋ ਲਾਈਵ ਕ੍ਰਿਕਟ, 27 ਮਾਰਚ ਤੱਕ ਪੰਜਾਬੀ ਕਮੈਂਟਰੀ ਦਾ ਲੁਤਫ ਲਵੋ
ਦੱਸ ਦਈਏ ਬੀਤੇ ਦਿਨ ਤੋਂ ਕ੍ਰਿਕਟ ਪ੍ਰਸ਼ੰਸਕ GTC Punjabi 'ਤੇ 'ਲੀਜੈਂਡਜ਼ ਲੀਗ ਕ੍ਰਿਕਟ' (Legends League Cricket) ਦਾ ਸਿੱਧਾ ਪ੍ਰਸਾਰਣ ਦਾ ਲੁਤਫ ਲੈ ਰਹੇ ਹਨ। ਖ਼ਾਸ ਗੱਲ ਇਹ ਹੈ ਕਿ ਇਸ ਵਾਰ ਪ੍ਰਸ਼ੰਸਕਾਂ ਨੂੰ ਮੈਚਾਂ ਦਾ ਆਨੰਦ ਪੰਜਾਬੀ ਕੁਮੈਂਟਰੀ ਦੇ ਨਾਲ ਮਿਲੇਗਾ।
GTC Punjabi ਵੱਲੋਂ 11 ਮਾਰਚ ਤੋਂ 27 ਮਾਰਚ ਤੱਕ ਪੂਰੇ 'ਲੀਜੈਂਡਜ਼ ਲੀਗ ਕ੍ਰਿਕਟ' ਟੂਰਨਾਮੈਂਟ ਦਾ ਪੰਜਾਬੀ ਕੁਮੈਂਟਰੀ ਨਾਲ ਸਿੱਧਾ ਪ੍ਰਸਾਰਣ ਕੀਤਾ ਜਾ ਰਿਹਾ ਹੈ। ਇਹ ਮੁਕਾਬਲੇ ਹਲਦਵਾਨੀ, ਗਵਾਲੀਅਰ, ਅੰਮ੍ਰਿਤਸਰ, ਗ੍ਰੇਟਰ ਨੋਇਡਾ ਅਤੇ ਆਗਰਾ ਵਿੱਚ ਖੇਡੇ ਜਾ ਰਹੇ ਹਨ। ਇਸ ਟੂਰਨਾਮੈਂਟ ਵਿੱਚ ਕ੍ਰਿਸ ਗੇਲ, ਇਰਫਾਨ ਪਠਾਨ, ਸ਼ਿਖਰ ਧਵਨ ਅਤੇ ਸੁਰੇਸ਼ ਰੈਨਾ ਵਰਗੇ ਕਈ ਦਿੱਗਜ ਅੰਤਰਰਾਸ਼ਟਰੀ ਅਤੇ ਭਾਰਤੀ ਕ੍ਰਿਕਟਰ ਆਪਣੀ ਖੇਡ ਦਾ ਪ੍ਰਦਰਸ਼ਨ ਕਰਦੇ ਨਜ਼ਰ ਆਉਣਗੇ।
ਅੱਜ ਇਨ੍ਹਾਂ ਦੋ ਟੀਮਾਂ ਵਿਚਾਲੇ ਹੋਏਗਾ ਧਮਾਕੇਦਾਰ ਮੁਕਾਬਲਾ!
ਦੱਸ ਦਈਏ ਅੱਜ Royal Riders Punjab ਬਨਾਮ India Tigers ਦਾ ਧਮਾਕੇਦਾਰ ਮੁਕਾਬਲਾ ਹੋਣ ਜਾ ਰਿਹਾ ਹੈ। ਤੁਸੀਂ ਜੀਟੀਸੀ ਪੰਜਾਬੀ ਉੱਤੇ ਪੰਜਾਬੀ ਭਾਸ਼ਾ ਵਿੱਚ ਅੱਜ ਸ਼ਾਮ 6:30 ਵਜੇ ਕ੍ਰਿਕਟ ਮੈਚ ਦਾ ਲੁਤਫ ਲੈ ਸਕਦੇ ਹੋ।
ਪੰਜਾਬੀ ਬੋਲੀ ‘ਚ ਕ੍ਰਿਕਟ
ਇਹ ਪਹਿਲਕਦਮੀ ਕ੍ਰਿਕਟ ਨੂੰ ਪੰਜਾਬੀ ਦਰਸ਼ਕਾਂ ਦੇ ਹੋਰ ਨੇੜੇ ਲਿਆਉਣ ਅਤੇ ਉਨ੍ਹਾਂ ਨਾਲ ਜੋੜਨ ਲਈ ਇੱਕ ਵੱਡਾ ਕਦਮ ਹੈ। ਪੰਜਾਬੀ ਭਾਸ਼ਾ, ਜੋ ਆਪਣੇ ਜੋਸ਼ ਅਤੇ ਜਜ਼ਬੇ ਲਈ ਜਾਣੀ ਜਾਂਦੀ ਹੈ, ਖੇਡ ਵਿੱਚ ਇੱਕ ਵੱਖਰਾ ਹੀ ਉਤਸ਼ਾਹ ਭਰ ਦਿੰਦੀ ਹੈ। ਇਸ ਨਾਲ ਪ੍ਰਸ਼ੰਸਕਾਂ ਨੂੰ ਖੇਡ ਦੇ ਹਰ ਪਲ ਦਾ ਅਨੰਦ ਆਪਣੀ ਮਾਂ-ਬੋਲੀ ਵਿੱਚ ਮਾਣਨ ਦਾ ਮੌਕਾ ਮਿਲ ਰਿਹਾ ਹੈ।
‘ਪੰਜਾਬੀਆਂ ਲਈ ਕ੍ਰਿਕਟ ਸਿਰਫ਼ ਖੇਡ ਨਹੀਂ, ਇੱਕ ਜਜ਼ਬਾ ਹੈ’- GTC ਨੈੱਟਵਰਕ ਦੇ ਸੰਸਥਾਪਕ ਰਬਿੰਦਰ ਨਾਰਾਇਣ
GTC ਨੈੱਟਵਰਕ ਦੇ ਸੰਸਥਾਪਕ ਅਤੇ ਪੰਜਾਬੀ ਸੈਟੇਲਾਈਟ ਟੈਲੀਵਿਜ਼ਨ ਦੇ ਮੋਢੀ ਮੰਨੇ ਜਾਣ ਵਾਲੇ ਰਬਿੰਦਰ ਨਾਰਾਇਣ ਨੇ ਕਿਹਾ: "ਪੰਜਾਬ ਵਿੱਚ ਕ੍ਰਿਕਟ ਇੱਕ ਜਜ਼ਬਾ (emotion) ਹੈ। ਜਦੋਂ ਇਸ ਖੇਡ ਦੀ ਗੱਲ ਪੰਜਾਬੀ ਵਿੱਚ ਕਰੀ ਜਾਂਦੀ ਹੈ, ਤਾਂ ਇਸ ਦਾ ਪ੍ਰਭਾਵ ਹੋਰ ਵੀ ਡੂੰਘਾ ਅਤੇ ਸ਼ਕਤੀਸ਼ਾਲੀ ਹੋ ਜਾਂਦਾ ਹੈ। ਪੰਜਾਬੀ ਕੁਮੈਂਟਰੀ ਦੇ ਨਾਲ 'ਲੀਜੈਂਡਜ਼ ਲੀਗ ਕ੍ਰਿਕਟ' ਪੰਜਾਬ ਦੇ ਨਾਲ-ਨਾਲ ਦੁਨੀਆ ਭਰ ਵਿੱਚ ਵਸਦੇ ਪੰਜਾਬੀ ਭਾਈਚਾਰੇ ਨੂੰ ਇਸ ਖੇਡ ਦਾ ਆਨੰਦ ਉਸ ਭਾਸ਼ਾ ਵਿੱਚ ਮਾਣਨ ਦਾ ਮੌਕਾ ਦਿੰਦੀ ਹੈ, ਜੋ ਉਨ੍ਹਾਂ ਦੀ ਰੂਹ ਅਤੇ ਜਨੂੰਨ ਦੀ ਤਰਜਮਾਨੀ ਕਰਦੀ ਹੈ।"
ਇੰਝ ਦੇਖ ਸਕਦੇ ਹੋ ਮੈਚ
GTC Punjabi ਪ੍ਰਮੁੱਖ ਟੈਲੀਵਿਜ਼ਨ ਅਤੇ ਡਿਜੀਟਲ ਪਲੇਟਫਾਰਮਾਂ 'ਤੇ ਉਪਲਬਧ ਹੈ, ਜਿਨ੍ਹਾਂ ਵਿੱਚ DD Free Dish, Tata Play, DEN, Hathway, JioTV, YuppTV, NeoTV , SwiftTV ਅਤੇ FreeTVPlus ਸ਼ਾਮਲ ਹਨ। ਇਸ ਨਾਲ ਇਹ ਯਕੀਨੀ ਬਣਾਇਆ ਗਿਆ ਹੈ ਕਿ ਇਹ ਟੂਰਨਾਮੈਂਟ ਭਾਰਤ ਦੇ ਨਾਲ-ਨਾਲ ਅੰਤਰਰਾਸ਼ਟਰੀ ਪੱਧਰ 'ਤੇ ਵੀ ਦਰਸ਼ਕਾਂ ਤੱਕ ਪਹੁੰਚ ਸਕੇ।
ਇਸ ਪਹਿਲਕਦਮੀ ਦੇ ਨਾਲ, GTC ਨੈੱਟਵਰਕ ਦੁਨੀਆ ਭਰ ਦੇ ਪੰਜਾਬੀ ਦਰਸ਼ਕਾਂ ਲਈ ਵਿਸ਼ਵ ਪੱਧਰੀ ਮਨੋਰੰਜਨ ਅਤੇ ਖੇਡ ਸਮਾਗਮਾਂ ਨੂੰ ਲਿਆਉਣ ਦੀ ਆਪਣੀ ਵਚਨਬੱਧਤਾ ਨੂੰ ਲਗਾਤਾਰ ਜਾਰੀ ਰੱਖ ਰਿਹਾ ਹੈ।
