ਨੌਜਵਾਨ ਮੁੰਡੇ-ਕੁੜੀਆਂ ਲਈ ਸੁਨਹਿਰੀ ਮੌਕਾ! 734 ਪੁਲਿਸ ਕਾਂਸਟੇਬਲਾਂ ਦੀ ਨਿਕਲੀ ਭਰਤੀ, ਇੰਝ ਆਨਲਾਈਨ ਕਰੋ ਅਪਲਾਈ
ਇਸ ਸੂਬੇ ਦੀ ਸਰਕਾਰ ਵੱਲੋਂ ਵੱਡੀ ਗਿਣਤੀ ਦੇ ਵਿੱਚ 734 ਪੁਲਿਸ ਕਾਂਸਟੇਬਲਾਂ ਦੀ ਭਰਤੀ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ। ਇਨ੍ਹਾਂ ਵਿੱਚੋਂ 491 ਅਸਾਮੀਆਂ ਪੁਰਸ਼ ਕਾਂਸਟੇਬਲਾਂ ਲਈ ਅਤੇ 243 ਅਸਾਮੀਆਂ ਮਹਿਲਾ ਕਾਂਸਟੇਬਲਾਂ ਲਈ ਭਰੀਆਂ ਜਾਣਗੀਆਂ। ਰਾਜ ਲੋਕ ਸੇਵਾ ਕਮਿਸ਼ਨ (HPPSC) ਨੇ ਇਸ ਦਾ ਇਸ਼ਤਿਹਾਰ ਜਾਰੀ ਕਰ ਦਿੱਤਾ ਹੈ। ਇਸ ਅਨੁਸਾਰ, ਕਾਂਸਟੇਬਲ ਦੀ ਭਰਤੀ ਚਾਰ ਪੜਾਵਾਂ ਵਿੱਚ ਹੋਵੇਗੀ।
ਹਿਮਾਚਲ ਸਰਕਾਰ ਜਲਦ ਹੀ 734 ਪੁਲਿਸ ਕਾਂਸਟੇਬਲਾਂ ਦੀ ਭਰਤੀ ਕਰਨ ਜਾ ਰਹੀ ਹੈ। ਇਨ੍ਹਾਂ ਵਿੱਚੋਂ 491 ਅਸਾਮੀਆਂ ਪੁਰਸ਼ ਕਾਂਸਟੇਬਲਾਂ ਲਈ ਅਤੇ 243 ਅਸਾਮੀਆਂ ਮਹਿਲਾ ਕਾਂਸਟੇਬਲਾਂ ਲਈ ਭਰੀਆਂ ਜਾਣਗੀਆਂ। ਰਾਜ ਲੋਕ ਸੇਵਾ ਕਮਿਸ਼ਨ (HPPSC) ਨੇ ਇਸ ਦਾ ਇਸ਼ਤਿਹਾਰ ਜਾਰੀ ਕਰ ਦਿੱਤਾ ਹੈ। ਇਸ ਅਨੁਸਾਰ, ਕਾਂਸਟੇਬਲ ਦੀ ਭਰਤੀ ਚਾਰ ਪੜਾਵਾਂ ਵਿੱਚ ਹੋਵੇਗੀ।
ਇਨ੍ਹਾਂ ਅਸਾਮੀਆਂ ਲਈ ਆਨਲਾਈਨ ਅਰਜ਼ੀਆਂ ਮੰਗੀਆਂ ਗਈਆਂ ਹਨ। ਇਹ ਅਸਾਮੀਆਂ ਰੈਗੂਲਰ ਆਧਾਰ 'ਤੇ ਭਰੀਆਂ ਜਾਣਗੀਆਂ। ਚੁਣੇ ਗਏ ਉਮੀਦਵਾਰਾਂ ਨੂੰ ਪੇਅ ਮੈਟ੍ਰਿਕਸ ਲੈਵਲ-3 (20,200 ਰੁਪਏ ਤੋਂ 64,000 ਰੁਪਏ) ਮਿਲੇਗਾ। HPPSC ਵੱਲੋਂ ਜਾਰੀ ਇਸ਼ਤਿਹਾਰ ਵਿੱਚ ਮਾਨਤਾ ਪ੍ਰਾਪਤ ਸਿੱਖਿਆ ਬੋਰਡ ਤੋਂ 12ਵੀਂ ਪਾਸ ਹੋਣਾ ਲਾਜ਼ਮੀ ਕੀਤਾ ਗਿਆ ਹੈ।
90 ਅੰਕਾਂ ਦੀ ਆਫਲਾਈਨ ਆਬਜੈਕਟਿਵ ਟਾਈਪ ਲਿਖਤੀ ਪ੍ਰੀਖਿਆ ਹੋਵੇਗੀ
ਮੈਟ੍ਰਿਕ ਅਤੇ 12ਵੀਂ ਦੀ ਪੜ੍ਹਾਈ ਹਿਮਾਚਲ ਪ੍ਰਦੇਸ਼ ਦੇ ਸਕੂਲ ਜਾਂ ਸਿੱਖਿਆ ਬੋਰਡ ਤੋਂ ਹੋਣੀ ਚਾਹੀਦੀ ਹੈ। ਇਹ ਸ਼ਰਤ ਹਿਮਾਚਲ ਪ੍ਰਦੇਸ਼ ਦੇ ਮੂਲ ਨਿਵਾਸੀਆਂ 'ਤੇ ਲਾਗੂ ਨਹੀਂ ਹੋਵੇਗੀ। ਕਾਂਸਟੇਬਲ ਭਰਤੀ ਵਿੱਚ ਸਭ ਤੋਂ ਪਹਿਲਾਂ ਫਿਜ਼ੀਕਲ ਟੈਸਟ ਅਤੇ ਫਿਜ਼ੀਕਲ ਐਫੀਸ਼ੀਐਂਸੀ ਟੈਸਟ ਲਿਆ ਜਾਵੇਗਾ। ਇਸ ਨੂੰ ਪਾਸ ਕਰਨ ਵਾਲੇ ਉਮੀਦਵਾਰਾਂ ਨੂੰ 90 ਅੰਕਾਂ ਦਾ ਆਫਲਾਈਨ ਆਬਜੈਕਟਿਵ ਟਾਈਪ ਟੈਸਟ ਦੇਣਾ ਹੋਵੇਗਾ।
ਇਸ ਤੋਂ ਬਾਅਦ ਦਸਤਾਵੇਜ਼ਾਂ ਦੀ ਪੜਤਾਲ ਅਤੇ ਅੰਤ ਵਿੱਚ ਮੈਡੀਕਲ ਪ੍ਰੀਖਿਆ ਹੋਵੇਗੀ। ਅਖੀਰ ਵਿੱਚ ਮੈਰਿਟ ਸੂਚੀ 100 ਅੰਕਾਂ ਦੇ ਆਧਾਰ 'ਤੇ ਤਿਆਰ ਕੀਤੀ ਜਾਵੇਗੀ। ਇਸ ਵਿੱਚ ਲਿਖਤੀ ਪ੍ਰੀਖਿਆ ਦੇ 90 ਅੰਕ, ਉਮੀਦਵਾਰ ਦੀ ਉਚਾਈ ਦੇ ਵੱਧ ਤੋਂ ਵੱਧ 6 ਅੰਕ ਅਤੇ ਐਨਸੀਸੀ (NCC) ਸਰਟੀਫਿਕੇਟ ਦੇ ਵੱਧ ਤੋਂ ਵੱਧ 4 ਅੰਕ ਜੋੜੇ ਜਾ ਸਕਣਗੇ।
ਪਹਿਲੀ ਵਾਰ ਸਪੱਸ਼ਟ ਤੌਰ 'ਤੇ ਡੋਪ ਟੈਸਟ ਦਾ ਜ਼ਿਕਰ
ਰਾਜ ਵਿੱਚ ਭਰਤੀ ਦੇ ਇਸ਼ਤਿਹਾਰ ਵਿੱਚ ਪਹਿਲੀ ਵਾਰ ਡੋਪ ਟੈਸਟ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਮੁੱਖ ਮੰਤਰੀ ਸੁੱਖੂ ਨੇ ਪੁਲਿਸ ਕਾਂਸਟੇਬਲ ਦੇ ਨਾਲ-ਨਾਲ ਹੋਰ ਵਿਭਾਗਾਂ ਵਿੱਚ ਵੀ ਭਰਤੀ ਲਈ ਡੋਪ ਟੈਸਟ ਨੂੰ ਲਾਜ਼ਮੀ ਕਰਨ ਦਾ ਐਲਾਨ ਕੀਤਾ ਸੀ। ਇਸ ਲਈ ਮੁੱਖ ਮੰਤਰੀ ਦੇ ਨਿਰਦੇਸ਼ਾਂ 'ਤੇ HPPSC ਨੇ ਪੁਲਿਸ ਭਰਤੀ ਦੇ ਇਸ਼ਤਿਹਾਰ ਵਿੱਚ ਇਹ ਸ਼ਰਤ ਜੋੜ ਦਿੱਤੀ ਹੈ। ਫਿਜ਼ੀਕਲ ਟੈਸਟ ਤੋਂ ਪਹਿਲਾਂ ਇਹ ਡੋਪ ਟੈਸਟ ਕੀਤਾ ਜਾਵੇਗਾ।
ਇਸ ਨਾਲ ਨਸ਼ੀਲੇ ਪਦਾਰਥਾਂ ਅਤੇ ਅਫੀਮ ਦੇ ਸੇਵਨ ਦੀ ਜਾਂਚ ਕੀਤੀ ਜਾਵੇਗੀ। ਜੇਕਰ ਕੋਈ ਉਮੀਦਵਾਰ ਡੋਪ ਟੈਸਟ ਵਿੱਚ ਫੇਲ੍ਹ ਪਾਇਆ ਜਾਂਦਾ ਹੈ ਜਾਂ ਸਰੀਰਕ ਸਮਰੱਥਾ ਪ੍ਰੀਖਿਆ ਦੇ ਮਾਪਦੰਡਾਂ ਨੂੰ ਪੂਰਾ ਨਹੀਂ ਕਰਦਾ, ਤਾਂ ਉਸਨੂੰ ਤੁਰੰਤ ਅਯੋਗ ਕਰਾਰ ਦਿੱਤਾ ਜਾਵੇਗਾ।
5 ਫੁੱਟ 6 ਇੰਚ ਕੱਦ ਲਾਜ਼ਮੀ
ਇਸ਼ਤਿਹਾਰ ਅਨੁਸਾਰ- ਪੁਰਸ਼ ਅਤੇ ਮਹਿਲਾ ਉਮੀਦਵਾਰਾਂ ਲਈ ਵੱਖੋ-ਵੱਖਰੇ ਸਰੀਰਕ ਮਾਪਦੰਡ ਤੈਅ ਕੀਤੇ ਗਏ ਹਨ। ਜਨਰਲ ਸ਼੍ਰੇਣੀ ਦੇ ਪੁਰਸ਼ਾਂ ਲਈ ਘੱਟੋ-ਘੱਟ 5 ਫੁੱਟ 6 ਇੰਚ ਕੱਦ ਅਤੇ ਮਹਿਲਾਵਾਂ ਲਈ 5 ਫੁੱਟ 2 ਇੰਚ ਕੱਦ ਤੈਅ ਕੀਤਾ ਗਿਆ ਹੈ। ਅਨੁਸੂਚਿਤ ਜਾਤੀ, ਅਨੁਸੂਚਿਤ ਜਨਜਾਤੀ, ਗੋਰਖਾ, ਓਬੀਸੀ (OBC) ਅਤੇ ਹੋਮਗਾਰਡ ਸ਼੍ਰੇਣੀਆਂ ਲਈ ਵੀ ਵੱਖ-ਵੱਖ ਉਮਰ ਅਤੇ ਸਰੀਰਕ ਮਾਪਦੰਡ ਨਿਰਧਾਰਤ ਕੀਤੇ ਗਏ ਹਨ।
5.30 ਮਿੰਟ 'ਚ ਪੂਰੀ ਕਰਨੀ ਹੋਵੇਗੀ 1500 ਮੀਟਰ ਦੌੜ
ਪੁਰਸ਼ ਉਮੀਦਵਾਰਾਂ ਨੂੰ 1500 ਮੀਟਰ ਦੀ ਦੌੜ 5 ਮਿੰਟ 30 ਸਕਿੰਟ ਵਿੱਚ ਅਤੇ ਮਹਿਲਾਵਾਂ ਨੂੰ 800 ਮੀਟਰ ਦੀ ਦੌੜ 3 ਮਿੰਟ 45 ਸਕਿੰਟ ਵਿੱਚ ਪੂਰੀ ਕਰਨੀ ਹੋਵੇਗੀ। ਇਸ ਤੋਂ ਇਲਾਵਾ 100 ਮੀਟਰ ਦੌੜ, ਉੱਚੀ ਛਾਲ (High Jump) ਅਤੇ ਲੰਬੀ ਛਾਲ (Broad Jump) ਲਈ ਵੀ ਵੱਖੋ-ਵੱਖਰੇ ਮਾਪਦੰਡ ਨਿਰਧਾਰਤ ਕੀਤੇ ਗਏ ਹਨ।
600 ਰੁਪਏ ਬਿਨੈ-ਪੱਤਰ ਫੀਸ ਨਿਰਧਾਰਤ
HPPSC ਨੇ ਸਾਰੀਆਂ ਸ਼੍ਰੇਣੀਆਂ ਦੇ ਉਮੀਦਵਾਰਾਂ ਲਈ 600 ਰੁਪਏ ਦੀ ਇੱਕੋ ਜਿਹੀ ਬਿਨੈ-ਪੱਤਰ ਫੀਸ (Application Fee) ਨਿਰਧਾਰਤ ਕੀਤੀ ਹੈ। ਅਰਜ਼ੀਆਂ ਸਿਰਫ਼ ਆਨਲਾਈਨ ਮਾਧਿਅਮ ਰਾਹੀਂ ਹੀ ਸਵੀਕਾਰ ਕੀਤੀਆਂ ਜਾਣਗੀਆਂ। ਫੀਸ ਦਾ ਭੁਗਤਾਨ ਡੈਬਿਟ-ਕ੍ਰੈਡਿਟ ਕਾਰਡ, UPI ਜਾਂ ਹੋਰ ਡਿਜੀਟਲ ਮਾਧਿਅਮਾਂ ਰਾਹੀਂ ਕੀਤਾ ਜਾ ਸਕੇਗਾ।
