ਕੰਟੈਂਟ ਕ੍ਰਿਏਟਰ ਦੇ ਉੱਡੇ ਹੋਸ਼! ਆਨਲਾਈਨ ਆਰਡਰ ‘ਚ ਮੰਗਵਾਈ ਕੋਲਡ ਕੌਫ਼ੀ 'ਚੋਂ ਨਿਕਲੇ ਪਲਾਸਟਿਕ ਦੇ ਟੁਕੜੇ, ਵਾਇਰਲ ਵੀਡੀਓ ਨੇ ਮਚਾਈ ਤਰਥੱਲੀ
ਗੁਰੂਗ੍ਰਾਮ ਵਿੱਚ ਕੰਟੈਂਟ ਕ੍ਰਿਏਟਰ ਸੂਰਜ ਓਲੀ ਵੱਲੋਂ ਆਨਲਾਈਨ ਮੰਗਵਾਈ ਗਈ ਕੋਲਡ ਕੌਫ਼ੀ ਵਿੱਚੋਂ ਬਰਫ਼ ਦੀ ਥਾਂ ਪਲਾਸਟਿਕ ਦੇ ਟੁਕੜੇ ਨਿਕਲੇ ਹਨ। ਸਿਹਤ ਨਾਲ ਜੁੜੀ ਇਸ ਲਾਪ੍ਰਵਾਹੀ ਖ਼ਿਲਾਫ਼ ਉਹ ਹੁਣ ਖਾਧ ਸੁਰੱਖਿਆ ਨੂੰ ਲੈ ਕੇ ਕੰਜਿਊਮਰ ਕੋਰਟ ਜਾਣਗੇ, ਜਦਕਿ ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਗੁਰੂਗ੍ਰਾਮ ਵਿੱਚ ਆਨਲਾਈਨ ਫ਼ੂਡ ਡਿਲਿਵਰੀ ਨਾਲ ਜੁੜੇ ਇੱਕ ਹੈਰਾਨ ਕਰਨ ਵਾਲੇ ਮਾਮਲੇ ਵਿੱਚ, ਮਨੋਹਰ ਨਗਰ ਦੇ ਰਹਿਣ ਵਾਲੇ ਕੰਟੈਂਟ ਕ੍ਰਿਏਟਰ ਸੂਰਜ ਓਲੀ ਨੇ ਦਾਅਵਾ ਕੀਤਾ ਹੈ ਕਿ ਸ਼ਨੀਵਾਰ ਨੂੰ ਉਹਨਾਂ ਵੱਲੋਂ ਆਨਲਾਈਨ ਆਰਡਰ ਕੀਤੀ ਗਈ ਕੋਲਡ ਕੋਫ਼ੀ ਵਿੱਚ ਬਰਫ਼ ਦੀ ਥਾਂ ਪਲਾਸਟਿਕ ਦੇ ਟੁਕੜੇ ਮਿਲੇ ਹਨ। ਉਹਨਾਂ ਨੇ ਇਸ ਘਟਨਾ ਦੀ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਸੂਰਜ ਓਲੀ ਸੈਕਟਰ-39 ਸਥਿਤ ਇੱਕ ਨਿੱਜੀ ਕੰਪਨੀ ਵਿੱਚ ਕੰਮ ਕਰਦੇ ਹਨ ਅਤੇ ਫ਼ਿਟਨੈੱਸ ਨਾਲ ਸਬੰਧਤ ਵੀਡੀਓ ਬਣਾਉਂਦੇ ਹਨ। ਉਹਨਾਂ ਦੱਸਿਆ ਕਿ ਸ਼ਨੀਵਾਰ ਨੂੰ ਉਹਨਾਂ ਨੇ ਇੱਕ ਆਨਲਾਈਨ ਫ਼ੂਡ ਡਿਲਿਵਰੀ ਕੰਪਨੀ ਰਾਹੀਂ 167 ਰੁਪਏ ਦੀ ਕੋਲਡ ਕੋਫ਼ੀ ਮੰਗਵਾਈ ਸੀ। ਕੋਫ਼ੀ ਮਿਲਣ 'ਤੇ ਉਸ ਵਿੱਚ ਬਰਫ਼ ਦੀ ਥਾਂ ਪਲਾਸਟਿਕ ਦੇ ਕੁਝ ਟੁਕੜੇ ਜਾਂ ਕਣ ਦਿਖਾਈ ਦਿੱਤੇ।
ਖਾਧ ਪਦਾਰਥਾਂ ਦੀ ਗੁਣਵੱਤਾ 'ਤੇ ਚੁੱਕੇ ਸਵਾਲ
ਸੂਰਜ ਨੇ ਆਪਣੀ ਵੀਡੀਓ ਵਿੱਚ ਕੋਫ਼ੀ ਅਤੇ ਉਸ ਵਿੱਚ ਮਿਲੇ ਸ਼ੱਕੀ ਪਲਾਸਟਿਕ ਨੂੰ ਦਿਖਾਉਂਦੇ ਹੋਏ ਸਵਾਲ ਚੁੱਕਿਆ ਕਿ ਆਖ਼ਰ ਕੋਫ਼ੀ ਵਿੱਚ ਬਰਫ਼ ਦੀ ਥਾਂ ਪਲਾਸਟਿਕ ਕਿਵੇਂ ਪਹੁੰਚਿਆ। ਉਹਨਾਂ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਦੀ ਲਾਪ੍ਰਵਾਹੀ ਸਿੱਧੇ ਤੌਰ 'ਤੇ ਲੋਕਾਂ ਦੀ ਸਿਹਤ ਅਤੇ ਖਾਧ ਸੁਰੱਖਿਆ ਨਾਲ ਜੁੜਿਆ ਇੱਕ ਗੰਭੀਰ ਮਾਮਲਾ ਹੈ।
ਖਾਧ ਪਦਾਰਥਾਂ ਦੀ ਗੁਣਵੱਤਾ 'ਤੇ ਗੰਭੀਰ ਸਵਾਲ!
ਇਸ ਘਟਨਾ ਤੋਂ ਬਾਅਦ ਆਨਲਾਈਨ ਫ਼ੂਡ ਡਿਲਿਵਰੀ ਸੇਵਾਵਾਂ ਅਤੇ ਖਾਧ ਪਦਾਰਥਾਂ ਦੀ ਗੁਣਵੱਤਾ 'ਤੇ ਗੰਭੀਰ ਸਵਾਲ ਖੜ੍ਹੇ ਹੋ ਗਏ ਹਨ। ਸੂਰਜ ਨੇ ਦੱਸਿਆ ਕਿ ਉਹ ਇਸ ਮਾਮਲੇ ਨੂੰ ਲੈ ਕੇ ਹੁਣ ਉਪਭੋਗਤਾ ਅਦਾਲਤ (ਕੰਜਿਊਮਰ ਕੋਰਟ) ਦਾ ਰੁਖ਼ ਕਰਨਗੇ। ਉੱਥੇ ਹੀ, ਵਾਇਰਲ ਵੀਡੀਓ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਲੋਕਾਂ ਨੇ ਵੀ ਫ਼ੂਡ ਡਿਲਿਵਰੀ ਕੰਪਨੀਆਂ ਦੀ ਜ਼ਿੰਮੇਵਾਰੀ ਅਤੇ ਖਾਧ ਸੁਰੱਖਿਆ ਪ੍ਰਬੰਧਾਂ 'ਤੇ ਚਿੰਤਾ ਪ੍ਰਗਟਾਈ ਹੈ।
