ਕੋਰਟ ਦੇ ਬਾਹਰ ਚੱਲੀਆਂ ਠਾਹ-ਠਾਹ ਗੋਲੀਆਂ; ਭੁੰਨਿਆ ਗਿਆ ਗੈਂਗਸਟਰ, ਵਿਧਾਇਕ ਦੇ PA ਦੇ ਭਤੀਜੇ ਦੀ ਹੱਤਿਆ ਸਮੇਤ 31 ਕੇਸ ਚੱਲਦੇ..
ਹਰਿਆਣਾ ਤੋਂ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਹਿਸਾਰ ਕੋਰਟ 'ਚ ਗੈਂਗਵਾਰ ਹੋ ਗਈ।ਗੈਂਗਸਟਰ ਵਿਨੋਦ ਪਾਨੂ ਉਰਫ਼ ਕਾਨਾ ਨੂੰ ਦਿਨ-ਦਿਹਾੜੇ ਗੋਲੀਆਂ ਮਾਰ ਦਿੱਤੀਆਂ ਗਈਆਂ। ਕਾਨਾ ਕੋਰਟ ਵਿੱਚ ਪੇਸ਼ੀ ਲਈ ਆਇਆ ਸੀ। ਵੀਰਵਾਰ ਦੁਪਹਿਰ ਕਰੀਬ 2 ਵਜੇ ਜਿਵੇਂ ਹੀ ਉਸ ਨੇ ਕੋਰਟ ਦੇ ਗੇਟ ਵਿੱਚ ਦਾਖ਼ਲ ਹੋਇਆ, ਉਸੇ ਸਮੇਂ ਬਾਈਕ ਸਵਾਰ ਦੋ ਬਦਮਾਸ਼ਾਂ ਨੇ ਤਾਬੜਤੋੜ ਫਾਇਰਿੰਗ ਸ਼ੁਰੂ ਕਰ ਦਿੱਤੀ।
ਹਰਿਆਣਾ ਤੋਂ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਦਿਨ ਦਿਹਾੜੇ ਕੋਰਟ ਦੇ ਬਾਹਰ ਤਾੜ-ਤਾੜ ਗੋਲੀਆਂ ਦਾ ਮੀਂਹ ਵਰ੍ਹਸਾ ਦਿੱਤਾ। ਜਿਸ ਦੇ ਵਿੱਚ ਨਾਮੀ ਬਦਮਾਸ਼ ਮਾਰਿਆ ਗਿਆ।
ਪੇਸ਼ੀ ਲਈ ਆਇਆ ਸੀ ਗੈਂਗਸਟਰ
ਹਿਸਾਰ ਕੋਰਟ ਵਿੱਚ ਗੈਂਗਸਟਰ ਵਿਨੋਦ ਪਾਨੂ ਉਰਫ਼ ਕਾਨਾ ਨੂੰ ਦਿਨ-ਦਿਹਾੜੇ ਗੋਲੀਆਂ ਮਾਰ ਦਿੱਤੀਆਂ ਗਈਆਂ। ਕਾਨਾ ਕੋਰਟ ਵਿੱਚ ਪੇਸ਼ੀ ਲਈ ਆਇਆ ਸੀ। ਵੀਰਵਾਰ ਦੁਪਹਿਰ ਕਰੀਬ 2 ਵਜੇ ਜਿਵੇਂ ਹੀ ਉਸ ਨੇ ਕੋਰਟ ਦੇ ਗੇਟ ਵਿੱਚ ਦਾਖ਼ਲ ਹੋਇਆ, ਉਸੇ ਸਮੇਂ ਬਾਈਕ ਸਵਾਰ ਦੋ ਬਦਮਾਸ਼ਾਂ ਨੇ ਤਾਬੜਤੋੜ ਫਾਇਰਿੰਗ ਸ਼ੁਰੂ ਕਰ ਦਿੱਤੀ। ਇਸ ਦੌਰਾਨ ਕਰੀਬ 14 ਰਾਊਂਡ ਫਾਇਰ ਕੀਤੇ ਗਏ। ਕਾਨਾ ਤੋਂ ਇਲਾਵਾ ਇੱਕ ਹੋਰ ਵਿਅਕਤੀ ਨੂੰ ਵੀ ਗੋਲੀ ਲੱਗਣ ਦੀ ਸੂਚਨਾ ਹੈ।
31 ਅਪਰਾਧਿਕ ਮਾਮਲੇ ਦਰਜ ਸਨ
ਮੁੱਢਲੀ ਜਾਣਕਾਰੀ ਮੁਤਾਬਕ ਕਾਨਾ ਖ਼ਿਲਾਫ਼ 31 ਅਪਰਾਧਿਕ ਮਾਮਲੇ ਦਰਜ ਸਨ। ਇਨ੍ਹਾਂ ਵਿੱਚ ਵਿਧਾਇਕ ਸਾਵਿਤਰੀ ਜਿੰਦਲ ਦੇ PA ਲਲਿਤ ਸ਼ਰਮਾ ਦੇ ਭਤੀਜੇ ਸੰਜੇ ਉਰਫ਼ ਬਿੱਟੂ ਦੇ ਕਤਲ ਦਾ ਮਾਮਲਾ ਵੀ ਸ਼ਾਮਲ ਹੈ। ਹਿਸਾਰ ਦੇ ASP ਮਯੰਕ ਮੁਦਗਿਲ ਨੇ ਦੱਸਿਆ ਕਿ ਫਾਇਰਿੰਗ ਕਰਨ ਵਾਲੇ ਇੱਕ ਮੁਲਜ਼ਮ ਨੂੰ ਕਾਬੂ ਕਰ ਲਿਆ ਗਿਆ ਹੈ। ਹਾਲਾਂਕਿ, ਫਿਲਹਾਲ ਉਸ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ।
ਪੇਸ਼ੀ ਲਈ ਕੋਰਟ ਆਇਆ ਸੀ ਗੈਂਗਸਟਰ
ਗੈਂਗਸਟਰ ਵਿਨੋਦ ਪਾਨੂ ਉਰਫ਼ ਕਾਨਾ ਹਿਸਾਰ ਦਾ ਮੋਸਟ ਵਾਂਟੇਡ ਬਦਮਾਸ਼ ਸੀ। ਉਹ ਇੱਕ ਮਾਮਲੇ ਵਿੱਚ ਪੇਸ਼ੀ ਲਈ ਕੋਰਟ ਆਇਆ ਸੀ। ਇਸੇ ਦੌਰਾਨ ਬਾਈਕ ਸਵਾਰ ਦੋ ਬਦਮਾਸ਼ਾਂ ਨੇ ਉਸ ’ਤੇ ਤਾਬੜਤੋੜ ਫਾਇਰਿੰਗ ਕਰ ਦਿੱਤੀ। ਹਮਲਾਵਰਾਂ ਨੇ ਕਾਨਾ ’ਤੇ 12 ਗੋਲੀਆਂ ਚਲਾਈਆਂ, ਜਦਕਿ 2 ਹਵਾਈ ਫਾਇਰ ਵੀ ਕੀਤੇ।
ਹਿਸਾਰ ਬਾਰ ਪ੍ਰਧਾਨ ਨੇ ਕਿਹਾ- ਇਹ ਪੁਲਿਸ ਦੀ ਪੂਰੀ ਨਾਕਾਮੀ
ਇਸ ਮਾਮਲੇ ਵਿੱਚ ਹਿਸਾਰ ਬਾਰ ਪ੍ਰਧਾਨ ਪ੍ਰਦੀਪ ਬਾਜੀਆ ਨੇ ਕਿਹਾ ਕਿ ਕੋਰਟ ਕੰਪਲੈਕਸ ਵਿੱਚ ਦਿਨ-ਦਿਹਾੜੇ ਹੋਈ ਫਾਇਰਿੰਗ ਪੁਲਿਸ ਪ੍ਰਸ਼ਾਸਨ ਦੀ ਪੂਰੀ ਨਾਕਾਮੀ ਹੈ। ਉਨ੍ਹਾਂ ਕਿਹਾ ਕਿ ਕੋਰਟ ਇੱਕ ਅਜਿਹੀ ਜਗ੍ਹਾ ਹੈ, ਜਿੱਥੇ ਪੁਲਿਸ ਪ੍ਰਸ਼ਾਸਨ ਵੱਲੋਂ ਸਖ਼ਤ ਸੁਰੱਖਿਆ ਦੇ ਦਾਅਵੇ ਕੀਤੇ ਜਾਂਦੇ ਹਨ। ਫਿਰ ਸਵੇਰ ਤੋਂ ਇਹ ਸੁਰੱਖਿਆ ਪ੍ਰਬੰਧ ਕੀ ਕਰ ਰਹੇ ਸਨ? ਜਦੋਂ ਇਹ ਪਹਿਲਾਂ ਹੀ ਪਤਾ ਸੀ ਕਿ ਗੈਂਗਵਾਰ ਨਾਲ ਜੁੜੇ ਮਾਮਲੇ ਵਿੱਚ ਅੱਜ ਪੇਸ਼ੀ ਸੀ ਅਤੇ ਦੂਜਾ ਗੈਂਗ ਵੀ ਇੱਥੇ ਆ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਥਾਂ-ਥਾਂ ਗੈਂਗਵਾਰ ਦੀਆਂ ਘਟਨਾਵਾਂ ਸਾਹਮਣੇ ਆ ਰਹੀਆਂ ਹਨ। ਹਾਲ ਹੀ ਵਿੱਚ ਦਾਦਰੀ ਵਿੱਚ ਘਟਨਾ ਵਾਪਰੀ ਅਤੇ ਹੁਣ ਹਿਸਾਰ ਕੋਰਟ ਵਿੱਚ ਵੀ ਗੈਂਗਵਾਰ ਹੋ ਗਈ।
2017 ਵਿੱਚ CIA ਨੇ ਝੱਜਰ ਤੋਂ ਕੀਤਾ ਸੀ ਗ੍ਰਿਫ਼ਤਾਰ
ਪੁਲਿਸ ਮੁਤਾਬਕ ਦਿੱਲੀ-NCR ਸਮੇਤ ਕਈ ਇਲਾਕਿਆਂ ਵਿੱਚ ਗੈਂਗਸਟਰ ਵਿਨੋਦ ਪਾਨੂ ਉਰਫ਼ ਕਾਨਾ ਦਾ ਦਹਿਸ਼ਤ ਸੀ। CIA ਟੀਮ ਨੇ ਉਸ ਨੂੰ ਸਾਲ 2017 ਵਿੱਚ ਝੱਜਰ ਦੇ ਭੜਾਵਾਸ ਇਲਾਕੇ ਤੋਂ ਗ੍ਰਿਫ਼ਤਾਰ ਕੀਤਾ ਸੀ। ਵਿਨੋਦ ਕਾਨਾ ਦੇ ਸੱਤ ਸਾਥੀਆਂ ਨੂੰ ਵੀ ਕਾਬੂ ਕੀਤਾ ਗਿਆ ਸੀ, ਜਿਨ੍ਹਾਂ ਵਿੱਚ MCOCA ਤੋਂ ਫਰਾਰ ਮੋਸਟ ਵਾਂਟੇਡ ਪੈਰੋਲ ਜੰਪਰ ਅਪਰਾਧੀ ਧੀਰਪਾਲ ਵਾਸੀ ਰੇਢੂਵਾਸ ਵੀ ਸ਼ਾਮਲ ਸੀ। ਉਸ ਸਮੇਂ ਵਿਨੋਦ ਕਾਨਾ ’ਤੇ 7 ਲੱਖ ਰੁਪਏ ਦਾ ਇਨਾਮ ਐਲਾਨਿਆ ਗਿਆ ਸੀ। ਪੁਲਿਸ ਨੇ ਜਦੋਂ ਉਸ ਨੂੰ ਅਤੇ ਉਸ ਦੇ ਸਾਥੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਤਾਂ ਉਹ ਫਾਰਚੂਨਰ, ਈਕੋਸਪੋਰਟ ਅਤੇ ਆਈ-20 ਗੱਡੀਆਂ ਵਿੱਚ ਸਵਾਰ ਸਨ। ਪੁਲਿਸ ਨੇ ਉਸ ਵੇਲੇ ਖੁਲਾਸਾ ਕੀਤਾ ਸੀ ਕਿ ਇਹ ਬਦਮਾਸ਼ ਮੰਜੀਤ ਗੈਂਗ ਦੇ ਪ੍ਰਦੀਪ ਸੋਲੰਕੀ ਦੀ ਹੱਤਿਆ ਦੀ ਫਿਰਾਕ ਵਿੱਚ ਸਨ। ਉਨ੍ਹਾਂ ਦੇ ਕਬਜ਼ੇ ਵਿੱਚੋਂ ਦੋ ਰਿਵਾਲਵਰ, ਇੱਕ ਕਾਰਬਾਈਨ, ਦੋ 12 ਬੋਰ ਬੰਦੂਕਾਂ, ਤਿੰਨ ਪਿਸਤੌਲ, ਰਿਵਾਲਵਰ ਦੇ 7 ਕਾਰਤੂਸ, ਕਾਰਬਾਈਨ ਦੇ 7 ਕਾਰਤੂਸ, ਬੰਦੂਕਾਂ ਦੇ 27 ਕਾਰਤੂਸ ਅਤੇ ਪਿਸਤੌਲ ਦੇ 21 ਕਾਰਤੂਸ ਬਰਾਮਦ ਕੀਤੇ ਗਏ ਸਨ।
