GTC News

Akshay Kumar thanks fans for "all the love you’ve given me over the years" on birthday, promises new side in ‘Haiwaan’

Wed, 09 Sep 2026 13:32:35 +0530

Mumbai (Maharashtra) [India], September 9 (ANI): Bollywood actor Akshay Kumar marked his birthday with a special post for fans, offering a cryptic glimpse into his upcoming film ‘Haiwaan’.

With the film set to release this Friday, the actor shared a video featuring intriguing glimpses of his character, alongside Saif Ali Khan, while keeping the narrative shrouded in mystery.

In a social media post, Akshay reflected on the central theme of the film and hinted that appearances could be deceptive. Sharing the video, he wrote, “On my birthday, a small thought… What looks evil may not always be evil. And what looks good may not always be good. Maybe that’s what HAIWAAN taught me. Thank you for all the love you’ve given me over the years. This Friday, I’m giving you a side of me you haven’t seen before.”

https://www.instagram.com/p/DdDaBumtZ5E/

The video shows flashes of Akshay’s character and moments featuring Saif Ali Khan.

The actor also expressed gratitude toward his fans for showering him with much love over the years throughout his cinematic journey.

Directed by Priyadarshan, ‘Haiwaan' marks the reunion of Akshay Kumar and Saif Ali Khan on screen after more than a decade. The two actors were last seen together in Tashan (2008).

Speaking to ANI, Priyadarshan said 'Haiwaan' should not be viewed as a carbon copy of his Malayalam film Oppam, stressing that he has deliberately approached the story differently.

Asked about casting Akshay in a villainous role after their popular comedy collaborations, Priyadarshan said, "That's the difference, because every film should not look the same. So I thought I could use Akshay Kumar in a different way. So this is one opportunity I got and I decided, okay, let me work with him in a different role."

Haiwaan is produced by Venkat K Narayana and Shailaja Desai Fenn under the banners of KVN Productions and Thespian Films.

The film releases in cinemas worldwide on September 11, with music by Zee Music Company. (ANI)

View this post on Instagram

A post shared by Akshay Kumar (@akshaykumar)

ਐਮੀ ਵਿਰਕ ਦੀ ਗੱਡੀ ‘ਤੇ ਫਾ/ਇਰਿੰਗ ਦੀ ਖ਼ਬਰ ਮਹਿਜ਼ ਅਫ਼ਵਾਹ: ਪਿਤਾ ਨੇ ਦੱਸੀ ਸੱਚਾਈ, ਕਿਹਾ- ਗਾਇਕ ਪੂਰੀ ਤਰ੍ਹਾਂ ਸੁਰੱਖਿਅਤ

Wed, 09 Sep 2026 11:16:34 +0530

ਕੈਨੇਡਾ ਵਿੱਚ ਮਸ਼ਹੂਰ ਪੰਜਾਬੀ ਗਾਇਕ ਅਤੇ ਅਦਾਕਾਰ ਐਮੀ ਵਿਰਕ ਦੇ ਕਾਫ਼ਲੇ ਅਤੇ ਗੱਡੀ ਉੱਤੇ ਫਾਇਰਿੰਗ ਹੋਣ ਦੀਆਂ ਖ਼ਬਰਾਂ ਨੂੰ ਲੈ ਕੇ ਵੱਡਾ ਅੱਪਡੇਟ ਸਾਹਮਣੇ ਆਇਆ ਹੈ। ਐਮੀ ਵਿਰਕ ਦੇ ਪਿਤਾ ਕੁਲਜੀਤ ਸਿੰਘ ਨੇ ਇਨ੍ਹਾਂ ਸਾਰੀਆਂ ਖ਼ਬਰਾਂ ਨੂੰ ਸਿਰਫ਼ ਕੋਰੀ ਅਫ਼ਵਾਹ ਅਤੇ ਝੂਠਾ ਕਰਾਰ ਦਿੱਤਾ ਹੈ।

ਪਿਤਾ ਨੇ ਦਿੱਤਾ ਸਪੱਸ਼ਟੀਕਰਨ

ਐਮੀ ਵਿਰਕ ਦੇ ਪਿਤਾ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਸਪੱਸ਼ਟ ਕੀਤਾ ਕਿ ਉਨ੍ਹਾਂ ਦੇ ਬੇਟੇ ਉੱਤੇ ਕਿਸੇ ਵੀ ਤਰ੍ਹਾਂ ਦੀ ਫਾਇਰਿੰਗ ਨਹੀਂ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਸੋਸ਼ਲ ਮੀਡੀਆ ਉੱਤੇ ਚੱਲ ਰਹੀਆਂ ਗੋਲੀਬਾਰੀ ਦੀਆਂ ਖ਼ਬਰਾਂ ਪੂਰੀ ਤਰ੍ਹਾਂ ਬੇਬੁਨਿਆਦ ਅਤੇ ਗ਼ੈਰ-ਜ਼ਿੰਮੇਵਾਰਾਨਾ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪੁੱਤਰ ਦਾ ਸ਼ੋਅ ਐਤਵਾਰ ਨੂੰ ਸੀ।

"ਐਮੀ ਵਿਰਕ ਬਿਲਕੁਲ ਸੁਰੱਖਿਅਤ ਹੈ"

ਪਿਤਾ ਨੇ ਪ੍ਰਸ਼ੰਸਕਾਂ ਨੂੰ ਫ਼ਿਕਰਮੰਦ ਨਾ ਹੋਣ ਦੀ ਅਪੀਲ ਕਰਦਿਆਂ ਕਿਹਾ ਕਿ ਐਮੀ ਵਿਰਕ ਪੂਰੀ ਤਰ੍ਹਾਂ ਸੁਰੱਖਿਅਤ ਅਤੇ ਤੰਦਰੁਸਤ ਹੈ। ਪਰਿਵਾਰ ਵੱਲੋਂ ਮਿਲੇ ਇਸ ਬਿਆਨ ਤੋਂ ਬਾਅਦ ਪ੍ਰਸ਼ੰਸਕਾਂ ਨੇ ਵੀ ਸੁੱਖ ਦਾ ਸਾਹ ਲਿਆ ਹੈ, ਕਿਉਂਕਿ ਇਸ ਘਟਨਾ ਦੀ ਖ਼ਬਰ ਸਾਹਮਣੇ ਆਉਣ ਤੋਂ ਬਾਅਦ ਦੁਨੀਆ ਭਰ ਵਿੱਚ ਬੈਠੇ ਉਨ੍ਹਾਂ ਦੇ ਚਾਹੁਣ ਵਾਲੇ ਬਹੁਤ ਚਿੰਤਤ ਹੋ ਗਏ ਸਨ।

ਮਸ਼ਹੂਰ ਗਾਇਕ ਦਾ ਅਚਾਨਕ ਦੇਹਾਂਤ, ਪ੍ਰੋਗਰਾਮ ਤੋਂ ਕੁਝ ਘੰਟੇ ਪਹਿਲਾਂ ਹੀ ਤੋੜਿਆ ਦਮ, ਪ੍ਰਸ਼ੰਸਕਾਂ ਤੇ ਪਰਿਵਾਰ ‘ਚ ਸੋਗ ਦੀ ਲਹਿਰ; ਸੰਗੀਤ ਜਗਤ ‘ਚ ਮਾਤਮ

Mon, 07 Sep 2026 15:04:21 +0530

ਸੰਗੀਤ ਜਗਤ ਤੋਂ ਇੱਕ ਬਹੁਤ ਹੀ ਮੰਦਭਾਗੀ ਅਤੇ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ, ਜਿਸ ਨੇ ਇੰਡਸਟਰੀ ਦੇ ਨਾਲ-ਨਾਲ ਪ੍ਰਸ਼ੰਸਕਾਂ ਨੂੰ ਵੀ ਡੂੰਘੇ ਸਦਮੇ ਵਿੱਚ ਪਾ ਦਿੱਤਾ ਹੈ। ਕੇਰਲ ਦੇ ਮਸ਼ਹੂਰ ਮਲਿਆਲਮ ਗਾਇਕ ਨਿਸਾਰ ਵਾਇਨਾਡ ਦਾ ਦੁਬਈ ਦੇ ਇੱਕ ਹਸਪਤਾਲ ਵਿੱਚ ਅਚਾਨਕ ਦੇਹਾਂਤ ਹੋ ਗਿਆ ਹੈ। ਉਹ ਮਹਿਜ਼ 44 ਸਾਲ ਦੇ ਸਨ। ਉਨ੍ਹਾਂ ਦੀ ਅਚਾਨਕ ਹੋਈ ਮੌਤ ਨੇ ਸੰਯੁਕਤ ਅਰਬ ਅਮੀਰਾਤ (UAE) ਵਿੱਚ ਰਹਿਣ ਵਾਲੇ ਭਾਰਤੀ ਭਾਈਚਾਰੇ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ।

ਪ੍ਰੋਗਰਾਮ ਤੋਂ ਕੁਝ ਘੰਟੇ ਪਹਿਲਾਂ ਵਾਪਰੀ ਅਣਹੋਣੀ

ਮਿਲੀ ਜਾਣਕਾਰੀ ਅਨੁਸਾਰ, ਨਿਸਾਰ ਵਾਇਨਾਡ ਨੇ ਸ਼ਨੀਵਾਰ ਸ਼ਾਮ ਨੂੰ ਦੁਬਈ ਦੇ ਇੱਕ ਹਸਪਤਾਲ ਵਿੱਚ ਆਖਰੀ ਸਾਹ ਲਏ। ਸਭ ਤੋਂ ਦੁੱਖ ਦੀ ਗੱਲ ਇਹ ਹੈ ਕਿ ਉਨ੍ਹਾਂ ਦੀ ਮੌਤ ਤੋਂ ਕੁੱਝ ਹੀ ਘੰਟਿਆਂ ਬਾਅਦ ਅਜਮਾਨ ਵਿੱਚ ਉਨ੍ਹਾਂ ਦਾ ਇੱਕ ਲਾਈਵ ਸੰਗੀਤਕ ਪ੍ਰੋਗਰਾਮ ਹੋਣਾ ਸੀ, ਜਿਸ ਵਿੱਚ ਉਨ੍ਹਾਂ ਨੇ ਪਰਫ਼ਾਰਮ ਕਰਨਾ ਸੀ। ਪਰ ਕਿਸੇ ਨੂੰ ਨਹੀਂ ਪਤਾ ਸੀ ਕਿ ਮੰਚ 'ਤੇ ਜਾਣ ਤੋਂ ਪਹਿਲਾਂ ਹੀ ਉਨ੍ਹਾਂ ਦਾ ਸਫ਼ਰ ਇਸ ਦੁਨੀਆ ਤੋਂ ਸਦਾ ਲਈ ਮੁੱਕ ਜਾਵੇਗਾ।

View this post on Instagram

A post shared by Viral Bhayani (@viralbhayani)

ਉਦਿਤ ਨਾਰਾਇਣ ਨਾਲ ਕੀਤੀ ਜਾਂਦੀ ਸੀ ਆਵਾਜ਼ ਦੀ ਤੁਲਨਾ

ਕੇਰਲ ਦੇ ਵਾਇਨਾਡ ਜ਼ਿਲ੍ਹੇ ਨਾਲ ਸਬੰਧਤ ਨਿਸਾਰ ਦਾ ਅਸਲੀ ਨਾਮ ਨਿਸਾਰ ਆਰੋਥ ਇਬਰਾਹਿਮ ਸੀ, ਪਰ ਕਲਾ ਦੀ ਦੁਨੀਆ ਵਿੱਚ ਉਹ 'ਨਿਸਾਰ ਵਾਇਨਾਡ' ਦੇ ਨਾਮ ਨਾਲ ਮਸ਼ਹੂਰ ਸਨ। ਉਨ੍ਹਾਂ ਦੀ ਜਾਦੂਈ ਆਵਾਜ਼ ਦੀ ਤੁਲਨਾ ਅਕਸਰ ਬਾਲੀਵੁੱਡ ਦੇ ਦਿੱਗਜ ਗਾਇਕ ਉਦਿਤ ਨਾਰਾਇਣ ਨਾਲ ਕੀਤੀ ਜਾਂਦੀ ਸੀ। ਉਨ੍ਹਾਂ ਦੀ ਇਹੋ ਖ਼ਾਸ ਆਵਾਜ਼ ਉਨ੍ਹਾਂ ਦੀ ਪਛਾਣ ਦਾ ਮੁੱਖ ਹਿੱਸਾ ਬਣ ਚੁੱਕੀ ਸੀ। ਉਹ ਆਪਣੇ ਪਿੱਛੇ ਪਤਨੀ ਅਤੇ ਦੋ ਧੀਆਂ ਨੂੰ ਛੱਡ ਗਏ ਹਨ।

ਆਮ ਬੁਖਾਰ ਸਮਝ ਕੇ ਲਈ ਦਵਾਈ, ਪਰ ਹਾਲਤ ਵਿਗੜ ਗਈ

ਦੁਬਈ ਵਿੱਚ ਨਿਸਾਰ ਦੇ ਕਰੀਬੀ ਦੋਸਤ ਨੌਜਸ ਕਯਕੂਲ ਨੇ ਦੱਸਿਆ ਕਿ ਗਾਇਕ ਪਿਛਲੇ ਕੁਝ ਦਿਨਾਂ ਤੋਂ ਬੁਖਾਰ ਤੋਂ ਪੀੜਤ ਸਨ। ਸ਼ੁਰੂ ਵਿੱਚ ਇਸ ਨੂੰ ਆਮ ਸਮੱਸਿਆ ਸਮਝ ਕੇ ਉਹ ਸਿਰਫ਼ ਪੈਰਾਸੀਟਾਮੋਲ ਲੈ ਰਹੇ ਸਨ। ਸ਼ਨੀਵਾਰ ਦੁਪਹਿਰ ਨੂੰ ਜਦੋਂ ਉਨ੍ਹਾਂ ਦੀ ਸਿਹਤ ਜ਼ਿਆਦਾ ਵਿਗੜੀ ਤਾਂ ਉਨ੍ਹਾਂ ਨੇ ਖ਼ੁਦ ਫ਼ੋਨ ਕਰਕੇ ਹਸਪਤਾਲ ਜਾਣ ਦੀ ਗੱਲ ਕਹੀ।

ਹਸਪਤਾਲ ਪਹੁੰਚਦਿਆਂ ਹੀ ਉਨ੍ਹਾਂ ਦੀ ਹਾਲਤ ਨਾਜ਼ੁਕ ਹੋ ਗਈ। ਦੋਸਤਾਂ ਨੇ ਡਾਕਟਰਾਂ ਨਾਲ ਮਿਲ ਕੇ ਉਨ੍ਹਾਂ ਨੂੰ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਡਾਕਟਰ ਉਨ੍ਹਾਂ ਦੀ ਜਾਨ ਨਹੀਂ ਬਚਾ ਸਕੇ। ਦੋਸਤ ਨੇ ਦੱਸਿਆ ਕਿ ਨਿਸਾਰ ਨੇ ਬਹੁਤ ਛੋਟੀ ਉਮਰ ਵਿੱਚ ਆਪਣੇ ਪਿਤਾ ਨੂੰ ਗੁਆ ਦਿੱਤਾ ਸੀ ਅਤੇ ਉਦੋਂ ਤੋਂ ਹੀ ਉਨ੍ਹਾਂ ਨੇ ਆਪਣੇ ਪਰਿਵਾਰ ਦੀ ਪੂਰੀ ਜ਼ਿੰਮੇਵਾਰੀ ਬਾਖ਼ੂਬੀ ਨਿਭਾਈ ਸੀ। ਉਹ ਇੱਕ ਪ੍ਰਤਿਭਾਸ਼ਾਲੀ ਕਲਾਕਾਰ ਹੋਣ ਦੇ ਨਾਲ-ਨਾਲ ਬਹੁਤ ਨੇਕ ਦਿਲ ਇਨਸਾਨ ਸਨ।

ਮੌਤ ਦਾ ਅਸਲ ਕਾਰਨ (ਮੈਡੀਕਲ ਰਿਪੋਰਟ)

ਡਾਕਟਰੀ ਰਿਪੋਰਟਾਂ ਮੁਤਾਬਕ ਨਿਸਾਰ ਦੀ ਮੌਤ ਦਾ ਮੁੱਖ ਕਾਰਨ ਐਸਿਡੋਸਿਸ (Acidosis) ਦੱਸਿਆ ਗਿਆ ਹੈ, ਜੋ ਕਿ ਸਰੀਰ ਦੇ ਤਰਲ ਪਦਾਰਥਾਂ ਜਾਂ ਖ਼ੂਨ ਵਿੱਚ ਐਸਿਡਿਟੀ ਵਧਣ ਕਾਰਨ ਹੁੰਦਾ ਹੈ। ਇਸ ਤੋਂ ਇਲਾਵਾ ਗੰਭੀਰ ਇਨਫੈਕਸ਼ਨ (ਸੈਪਟੀਸੀਮੀਆ) ਕਾਰਨ ਸਰੀਰ ਦੇ ਅੰਗਾਂ ਦਾ ਫੇਲ੍ਹ ਹੋ ਜਾਣਾ (Systemic Inflammatory Response Syndrome) ਉਨ੍ਹਾਂ ਦੀ ਮੌਤ ਦਾ ਕਾਰਨ ਬਣਿਆ। ਦੋਸਤਾਂ ਮੁਤਾਬਕ ਨਿਸਾਰ ਪਹਿਲਾਂ ਤੋਂ ਸ਼ੂਗਰ (Diabetes) ਦੀ ਸਮੱਸਿਆ ਤੋਂ ਪੀੜਤ ਸਨ, ਪਰ ਇਸ ਤੋਂ ਇਲਾਵਾ ਉਨ੍ਹਾਂ ਨੂੰ ਕਿਸੇ ਹੋਰ ਗੰਭੀਰ ਬਿਮਾਰੀ ਬਾਰੇ ਨਹੀਂ ਪਤਾ ਸੀ।

ਸੰਗੀਤ ਜਗਤ ਤੋਂ ਦੁਖਦਾਇਕ ਖਬਰ! ਪੰਜਾਬੀ ਲੋਕ ਗਾਇਕਾ ਡੌਲੀ ਗੁਲੇਰੀਆ ਨੂੰ ਵੱਡਾ ਸਦਮਾ, ਪਤੀ ਲੈਫਟੀਨੈਂਟ ਕਰਨਲ ਸ਼ਰਨਜੀਤ ਗੁਲੇਰੀਆ ਦਾ ਦੇਹਾਂਤ, ਦਿੱਲੀ ਕੈਂਟ ਵਿਖੇ ਹੋਵੇਗਾ ਅੰਤਿਮ ਸੰਸਕਾਰ

Mon, 07 Sep 2026 11:50:14 +0530

ਪੰਜਾਬੀ ਲੋਕ ਗਾਇਕੀ ਦੀ ਦੁਨੀਆ ਵਿੱਚ ਆਪਣੀ ਮਿੱਠੀ ਆਵਾਜ਼ ਨਾਲ ਵੱਖਰੀ ਪਛਾਣ ਬਣਾਉਣ ਵਾਲੀ ਪ੍ਰਸਿੱਧ ਗਾਇਕਾ ਡੌਲੀ ਗੁਲੇਰੀਆ ਦੀ ਜ਼ਿੰਦਗੀ ਵਿੱਚ ਇੱਕ ਬਹੁਤ ਹੀ ਦੁਖਦਾਈ ਸਮਾਂ ਆਇਆ ਹੈ। ਉਨ੍ਹਾਂ ਦੇ ਪਤੀ ਲੈਫਟੀਨੈਂਟ ਕਰਨਲ ਸ਼ਰਨਜੀਤ ਗੁਲੇਰੀਆ (ਕਰਨਲ ਐਸ.ਐਸ. ਗੁਲੇਰੀਆ) ਦਾ 5 ਸਤੰਬਰ ਵਾਲੇ ਦਿਨ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਅੱਜ ਦਿੱਲੀ ਕੈਂਟ ਸਥਿਤ ਸ਼ਮਸ਼ਾਨ ਘਾਟ ਵਿਖੇ ਕੀਤਾ ਜਾਵੇਗਾ।

ਪਤੀ ਦੇ ਇਸ ਅਚਾਨਕ ਵਿਛੋੜੇ ਨਾਲ ਗਾਇਕਾ ਦੇ ਪਰਿਵਾਰ ਅਤੇ ਸੰਗੀਤ ਜਗਤ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ। ਦੇਸ਼-ਵਿਦੇਸ਼ ਤੋਂ ਉਨ੍ਹਾਂ ਦੇ ਪ੍ਰਸ਼ੰਸਕ ਅਤੇ ਸੰਗੀਤ ਨਾਲ ਜੁੜੇ ਨਾਮਵਰ ਕਲਾਕਾਰ ਲਗਾਤਾਰ ਦੁੱਖ ਦਾ ਪ੍ਰਗਟਾਵਾ ਕਰਨ ਲਈ ਉਨ੍ਹਾਂ ਦੇ ਘਰ ਪਹੁੰਚ ਰਹੇ ਹਨ।

ਸੰਗੀਤਕ ਸਫ਼ਰ ਵਿੱਚ ਪਤੀ ਦਾ ਅਹਿਮ ਯੋਗਦਾਨ

ਡੌਲੀ ਗੁਲੇਰੀਆ ਅਤੇ ਕਰਨਲ ਐਸ.ਐਸ. ਗੁਲੇਰੀਆ ਦਾ ਵਿਆਹ ਸਾਲ 1970 ਵਿੱਚ ਹੋਇਆ ਸੀ। ਇਸ ਜੋੜੇ ਦੇ ਤਿੰਨ ਬੱਚੇ—ਧੀ ਸੁਨੈਨੀ ਸ਼ਰਮਾ ਅਤੇ ਦੋ ਪੁੱਤਰ ਦਿਲਪ੍ਰੀਤ ਸਿੰਘ ਤੇ ਅਮਨਪ੍ਰੀਤ ਸਿੰਘ ਹਨ। ਵਿਆਹ ਤੋਂ ਪਹਿਲਾਂ ਡੌਲੀ ਗੁਲੇਰੀਆ ਮੈਡੀਕਲ ਦੀ ਪੜ੍ਹਾਈ ਕਰਕੇ ਆਪਣੇ ਕਰੀਅਰ ਨੂੰ ਡਾਕਟਰੀ ਦੇ ਖੇਤਰ ਵਿੱਚ ਅੱਗੇ ਵਧਾਉਣਾ ਚਾਹੁੰਦੇ ਸਨ। ਪਰ ਵਿਆਹ ਅਤੇ ਬੱਚਿਆਂ ਦੇ ਜਨਮ ਤੋਂ ਬਾਅਦ ਉਨ੍ਹਾਂ ਦੇ ਪਤੀ ਨੇ ਉਨ੍ਹਾਂ ਦੀ ਪ੍ਰਤਿਭਾ ਨੂੰ ਪਛਾਣਿਆ ਅਤੇ ਉਨ੍ਹਾਂ ਨੂੰ ਆਪਣੀ ਸੰਗੀਤਕ ਸਿੱਖਿਆ ਜਾਰੀ ਰੱਖਣ ਲਈ ਪੂਰੀ ਤਰ੍ਹਾਂ ਪ੍ਰੇਰਿਤ ਕੀਤਾ।

ਕਰਨਲ ਗੁਲੇਰੀਆ ਦੇ ਹੌਂਸਲਾ ਅਫ਼ਜ਼ਾਈ ਕਾਰਨ ਹੀ ਡੌਲੀ ਗੁਲੇਰੀਆ ਨੇ ਮਹਾਨ ਉਸਤਾਦ 'ਖਾਨ ਸਾਹਿਬ' ਅਬਦੁਲ ਰਹਿਮਾਨ ਖਾਨ (ਪਟਿਆਲਾ ਘਰਾਣਾ) ਤੋਂ ਸ਼ਾਸਤਰੀ ਸੰਗੀਤ ਦੀ ਬਾਕਾਇਦਾ ਤਾਲੀਮ ਹਾਸਲ ਕੀਤੀ।

ਮੈਨੇਜਰ ਅਤੇ ਸਾਥੀ ਵਜੋਂ ਨਿਭਾਈ ਵੱਡੀ ਜ਼ਿੰਮੇਵਾਰੀ

ਕਰਨਲ ਐਸ.ਐਸ. ਗੁਲੇਰੀਆ ਨੇ ਸਿਰਫ਼ ਇੱਕ ਜੀਵਨ ਸਾਥੀ ਵਜੋਂ ਹੀ ਨਹੀਂ, ਸਗੋਂ ਇੱਕ ਮਜ਼ਬੂਤ ਢਾਲ ਬਣ ਕੇ ਡੌਲੀ ਗੁਲੇਰੀਆ ਦੇ ਪੇਸ਼ੇਵਰ ਕਰੀਅਰ ਨੂੰ ਸੰਭਾਲਿਆ। ਫੌਜ ਤੋਂ ਸੇਵਾਮੁਕਤੀ (Retirement) ਲੈਣ ਤੋਂ ਬਾਅਦ ਉਨ੍ਹਾਂ ਨੇ ਆਪਣੀ ਪਤਨੀ ਦੇ ਸੰਗੀਤਕ ਪ੍ਰੋਗਰਾਮਾਂ, ਸਟੇਜ ਸ਼ੋਅਜ਼ ਦੀਆਂ ਬੁਕਿੰਗਾਂ, ਆਡੀਓ ਰਿਕਾਰਡਿੰਗਾਂ ਅਤੇ ਮੀਡੀਆ ਨਾਲ ਜੁੜੇ ਸਾਰੇ ਕੰਮਾਂ ਦੀ ਮੁੱਖ ਜ਼ਿੰਮੇਵਾਰੀ ਆਪਣੇ ਹੱਥਾਂ ਵਿੱਚ ਲੈ ਲਈ ਸੀ।

ਮਹਾਨ ਵਿਰਸੇ ਦੀ ਵਾਰਿਸ

ਜ਼ਿਕਰਯੋਗ ਹੈ ਕਿ ਡੌਲੀ ਗੁਲੇਰੀਆ ਪੰਜਾਬੀ ਮਾਂ-ਬੋਲੀ ਦੀ ਮਹਾਨ ਕੋਇਲ ਅਤੇ ਮਕਬੂਲ ਲੋਕ ਗਾਇਕਾ ਸੁਰਿੰਦਰ ਕੌਰ ਦੀ ਸਪੁੱਤਰੀ ਹਨ। ਮਾਂ ਸੁਰਿੰਦਰ ਕੌਰ ਵੱਲੋਂ ਪੰਜਾਬੀ ਲੋਕ ਸੰਗੀਤ ਨੂੰ ਦਿੱਤੀ ਗਈ ਅਨਮੋਲ ਵਿਰਾਸਤ ਨੂੰ ਡੌਲੀ ਗੁਲੇਰੀਆ ਨੇ ਨਾ ਸਿਰਫ਼ ਸੰਭਾਲਿਆ, ਸਗੋਂ ਆਪਣੇ ਵਿਲੱਖਣ ਅੰਦਾਜ਼ ਵਿੱਚ ਅੱਗੇ ਵੀ ਵਧਾਇਆ।

ਡੌਲੀ ਗੁਲੇਰੀਆ ਦੀ ਜ਼ਿੰਦਗੀ ਇਹ ਸੁਨੇਹਾ ਦਿੰਦੀ ਹੈ ਕਿ ਪਰਿਵਾਰ ਦਾ ਸੱਚਾ ਸਹਿਯੋਗ ਅਤੇ ਅਥਾਹ ਪਿਆਰ ਕਿਸੇ ਵੀ ਕਲਾਕਾਰ ਨੂੰ ਸਿਖਰਾਂ ਤੱਕ ਪਹੁੰਚਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਉਂਦਾ ਹੈ। ਕਰਨਲ ਐਸ.ਐਸ. ਗੁਲੇਰੀਆ ਅਤੇ ਡੌਲੀ ਗੁਲੇਰੀਆ ਦਾ ਸਾਂਝਾ ਸਫ਼ਰ ਪੰਜਾਬੀ ਸੰਗੀਤ ਜਗਤ ਵਿੱਚ ਹਮੇਸ਼ਾ ਇੱਕ ਪ੍ਰੇਰਣਾਦਾਇਕ ਮਿਸਾਲ ਵਜੋਂ ਯਾਦ ਰੱਖਿਆ ਜਾਵੇਗਾ।

7 ਸਤੰਬਰ ਨੂੰ GTC VYBE ’ਚ ਲੱਗੇਗੀ ਰੌਣਕ, ਗਿੱਪੀ ਗਰੇਵਾਲ ਤੇ ਸ਼ਹਿਨਾਜ਼ ਗਿੱਲ ਸਣੇ ਕਈ ਸਿਤਾਰੇ ਲਗਾਉਣਗੇ ਮਹਿਫ਼ਲ ਨੂੰ ਚਾਰ ਚੰਨ, ਇੱਕ ਕਲਿੱਕ ਨਾਲ ਜਾਣੋ ਪੂਰੀ ਡਿਟੇਲ

Sun, 06 Sep 2026 20:11:18 +0530

ਜੀਟੀਸੀ ਨੈੱਟਵਰਕ ਜੋ ਕਿ ਪੰਜਾਬੀ ਅਤੇ ਪੰਜਾਬੀਅਤ ਦੇ ਲਈ ਲਗਾਤਾਰ ਨਵੇਂ ਅਤੇ ਵੱਖਰੇ ਉਪਰਾਲੇ ਕਰ ਰਿਹਾ ਹੈ। ਜੀ ਹਾਂ ਹੁਣ ਨਵਾਂ ਪ੍ਰੋਗਰਾਮ GTC VYBE ਆ ਰਿਹਾ ਜਿਸ 'ਚ ਮਿਲੇਗਾ ਸੰਗੀਤ ਅਤੇ ਮਨੋਰੰਜਨ ਦਾ ਡਬਲ ਡੋਜ਼। ਮੰਡੀ ਗੋਬਿੰਦਗੜ੍ਹ ਦੀ ਦੇਸ਼ ਭਗਤ ਯੂਨੀਵਰਸਿਟੀ ਵਿੱਚ ਸੰਗੀਤ ਅਤੇ ਮਨੋਰੰਜਨ ਨਾਲ ਭਰਪੂਰ ਇੱਕ ਸ਼ਾਨਦਾਰ ਸ਼ਾਮ ਸੱਜਣ ਜਾ ਰਹੀ ਹੈ। ਜੀ.ਟੀ.ਸੀ. ਪੰਜਾਬੀ (GTC Punjabi) ਦੀ ਇਵੈਂਟ ਸੀਰੀਜ਼ ‘ਜੀ.ਟੀ.ਸੀ. ਵਾਈਬ’ (GTC VYBE) ਲਈ ਤਿਆਰੀਆਂ ਮੁਕੰਮਲ ਹੋ ਚੁੱਕੀਆਂ ਹਨ। ਇਸ ਸੰਗੀਤਕ ਪ੍ਰੋਗਰਾਮ ਵਿੱਚ ਪੰਜਾਬੀ ਸਿਨੇਮਾ ਅਤੇ ਸੰਗੀਤ ਜਗਤ ਦੇ ਨਾਮਵਰ ਸਿਤਾਰੇ ਦਰਸ਼ਕਾਂ ਦਾ ਮਨੋਰੰਜਨ ਕਰਨਗੇ।

View this post on Instagram

A post shared by GTC PUNJABI (@gtcpunjabionline)

ਸਿਤਾਰਿਆਂ ਦਾ ਜਲਵਾ

ਇਸ ਸ਼ਾਨਦਾਰ ਸ਼ਾਮ ਵਿੱਚ ਮਸ਼ਹੂਰ ਗਾਇਕ ਅਤੇ ਅਦਾਕਾਰ ਗਿੱਪੀ ਗਰੇਵਾਲ ਅਤੇ ਲੋਕਪ੍ਰਿਯ ਕਲਾਕਾਰ ਸ਼ਹਿਨਾਜ਼ ਗਿੱਲ ਆਪਣੀ ਖ਼ਾਸ ਅਦਾਕਾਰੀ ਅਤੇ ਆਵਾਜ਼ ਨਾਲ ਖੁਸ਼ਨੁਮਾ ਮਾਹੌਲ ਬਣਾਉਣਗੇ। ਇਸ ਤੋਂ ਇਲਾਵਾ ਕਈ ਹੋਰ ਪੰਜਾਬੀ ਗਾਇਕ ਅਤੇ ਕਲਾਕਾਰ ਵੀ ਇਸ ਸ਼ੋਅ ਦਾ ਹਿੱਸਾ ਬਣਨਗੇ।

ਜੀ.ਟੀ.ਸੀ. ਵਾਈਬ (GTC VYBE) ਦੇ ਇਸ ਖ਼ਾਸ ਆਯੋਜਨ ਵਿੱਚ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਨਾਮਵਰ ਕਲਾਕਾਰ ਆਪਣੀ ਲਾਈਵ ਪਰਫ਼ਾਰਮੈਂਸ ਨਾਲ ਦਰਸ਼ਕਾਂ ਦਾ ਭਰਪੂਰ ਮਨੋਰੰਜਨ ਕਰਨਗੇ। ਇਸ ਪ੍ਰੋਗਰਾਮ ਵਿੱਚ ਏਕਮ ਚਨੌਲੀ (Ekam Chanoli), ਆਤਿਸ਼ (Aatish), ਸੱਬਾ (Sabba), ਜਿਗਰ (Jigar), ਲੱਖੀ ਘੁੰਮਣ (Lakhi Ghuman) ਅਤੇ ਟਿੱਪੂ ਸੁਲਤਾਨ (Tipu Sultan) ਆਪਣੀਆਂ ਸ਼ਾਨਦਾਰ ਪੇਸ਼ਕਾਰੀਆਂ ਦੇਣਗੇ। ਇਨ੍ਹਾਂ ਕਲਾਕਾਰਾਂ ਦੀ ਮੌਜੂਦਗੀ ਨਾਲ ਇਸ ਇਵੈਂਟ ਵਿੱਚ ਰਵਾਇਤੀ ਪੰਜਾਬੀ ਸੰਗੀਤ, ਲਾਈਵ ਪਰਫ਼ਾਰਮੈਂਸ ਅਤੇ ਨੌਜਵਾਨਾਂ ਵਿੱਚ ਬੇਹੱਦ ਮਕਬੂਲ ਸੰਗੀਤ ਦਾ ਬਹੁਤ ਹੀ ਖ਼ੂਬਸੂਰਤ ਸੁਮੇਲ ਦੇਖਣ ਨੂੰ ਮਿਲੇਗਾ।

Surtaaj Of Punjab ਦੇ ਗਾਇਕ ਬੰਨਣਗੇ ਰੰਗ

'ਸੁਰਤਾਜ ਆਫ਼ ਪੰਜਾਬ' ਫ਼ੇਮ ਮਨਪ੍ਰੀਤ ਸਿੰਘ ਸਣੇ ਜੇਤੂ ਸੁਮੀਤ ਅਤੇ ਹਾਰਦਿਕ ਵੀ 'ਜੀ.ਟੀ.ਸੀ. ਵਾਈਬ' ਵਿੱਚ ਵਿਸ਼ੇਸ਼ ਤੌਰ 'ਤੇ ਪਹੁੰਚ ਕੇ ਰੌਣਕਾਂ ਵਧਾਉਣਗੇ ਅਤੇ ਦਰਸ਼ਕਾਂ ਨੂੰ ਆਪਣੇ ਗੀਤਾਂ ਨਾਲ ਕੀਲ ਲੈਣਗੇ।

ਸਮਾਂ ਅਤੇ ਸਥਾਨ: ਇਹ ਪ੍ਰੋਗਰਾਮ 7 ਸਤੰਬਰ 2026 ਨੂੰ ਸ਼ਾਮ 7:00 ਵਜੇ ਦੇਸ਼ ਭਗਤ ਯੂਨੀਵਰਸਿਟੀ, ਮੰਡੀ ਗੋਬਿੰਦਗੜ੍ਹ ਵਿਖੇ ਸ਼ੁਰੂ ਹੋਵੇਗਾ।

ਨੌਜਵਾਨਾਂ ਵਿੱਚ ਭਾਰੀ ਉਤਸ਼ਾਹ

ਆਪਣੇ ਪਸੰਦੀਦਾ ਕਲਾਕਾਰਾਂ ਨੂੰ ਸਟੇਜ 'ਤੇ ਦੇਖਣ ਅਤੇ ਉਨ੍ਹਾਂ ਦੀਆਂ ਧੁੰਨਾਂ 'ਤੇ ਝੂੰਮਣ ਲਈ ਨੌਜਵਾਨਾਂ ਅਤੇ ਸੰਗੀਤ ਪ੍ਰੇਮੀਆਂ ਵਿੱਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਸੰਗੀਤਕ ਮੇਲੇ ਵਿੱਚ ਸੰਗੀਤ, ਮਸਤੀ ਅਤੇ ਦੇਸੀ ਪੰਜਾਬੀ ਰੰਗਾਂ ਦਾ ਸੁਮੇਲ ਦੇਖਣ ਨੂੰ ਮਿਲੇਗਾ। ਪ੍ਰਬੰਧਕਾਂ ਵੱਲੋਂ ਸਾਰੇ ਸੰਗੀਤ ਪ੍ਰੇਮੀਆਂ ਨੂੰ ਆਪਣੇ ਦੋਸਤਾਂ-ਯਾਰਾਂ (ਸਕੌਡ) ਨਾਲ ਸਮੇਂ ਸਿਰ ਪਹੁੰਚ ਕੇ ਇਸ ਯਾਦਗਾਰੀ ਸ਼ਾਮ ਦਾ ਆਨੰਦ ਮਾਣਨ ਦੀ ਅਪੀਲ ਕੀਤੀ ਗਈ ਹੈ।

View this post on Instagram

A post shared by GTC PUNJABI (@gtcpunjabionline)

ਰੈਪਰ ਬਾਦਸ਼ਾਹ ਤੇ ਈਸ਼ਾ ਰਿਖੀ ਦੇ ਟੁੱਟੇ ਰਿਸ਼ਤੇ ਦੀਆਂ ਅਫਵਾਹਾਂ ‘ਤੇ ਲੱਗਿਆ ਵਿਰਾਮ! ਵਿਆਹ ਦੇ 5 ਮਹੀਨੇ ਬਾਅਦ ਬਾਦਸ਼ਾਹ ਨੇ ਕਰਤਾ ਵੱਡਾ ਐਲਾਨ…

Tue, 01 Sep 2026 13:03:31 +0530

ਰੈਪਰ ਬਾਦਸ਼ਾਹ ਤੇ ਈਸ਼ਾ ਰਿਖੀ (Isha Rikhi) ਦੇ ਵਿਆਹੁਤਾ ਰਿਸ਼ਤੇ ਨੂੰ ਲੈ ਕੇ ਪਿਛਲੇ ਕੁੱਝ ਸਮੇਂ ਤੋਂ ਅਫਵਾਹਾਂ ਦਾ ਬਾਜ਼ਾਰ ਗਰਮ ਸੀ, ਦਾਅਵੇ ਕੀਤੇ ਜਾ ਰਹੇ ਸਨ ਦੋਵੇਂ ਦੇ ਵਿਚਾਲੇ ਸਭ ਕੁਝ ਠੀਕ ਨਹੀਂ ਚੱਲ ਰਿਹਾ ਹੈ। ਹੁਣ ਇਸ ਮਾਮਲੇ ਦੇ ਵਿੱਚ ਵੱਡਾ ਅਪਡੇਟ ਬਾਦਸ਼ਾਹ ਵੱਲੋਂ ਦਿੱਤਾ ਗਿਆ ਹੈ।

ਰਿਸ਼ਤੇ ਨੂੰ ਖਤਮ ਕਰਨ ਦਾ ਕੀਤਾ ਐਲਾਨ

ਰੈਪਰ ਅਤੇ ਗਾਇਕ ਬਾਦਸ਼ਾਹ ਨੇ ਵਿਆਹ ਦੇ ਲਗਭਗ 5 ਮਹੀਨੇ ਬਾਅਦ ਹੀ ਆਪਣੇ ਇਸ ਰਿਸ਼ਤੇ ਨੂੰ ਖ਼ਤਮ ਕਰਨ ਦਾ ਐਲਾਨ ਕਰ ਦਿੱਤਾ ਹੈ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਪੰਜਾਬੀ ਅਦਾਕਾਰਾ ਈਸ਼ਾ ਰਿਖੀ ਨਾਲ ਤਲਾਕ ਲੈਣ ਦੀ ਗੱਲ ਸਾਂਝੀ ਕੀਤੀ ਹੈ। ਪਿਛਲੇ ਕੁਝ ਮਹੀਨਿਆਂ ਤੋਂ ਸੋਸ਼ਲ ਮੀਡੀਆ 'ਤੇ ਇਨ੍ਹਾਂ ਦੋਵਾਂ ਨੂੰ ਲੈ ਕੇ ਕਾਫ਼ੀ ਚਰਚਾ ਚੱਲ ਰਹੀ ਸੀ ਅਤੇ ਹੁਣ ਆਖ਼ਰਕਾਰ ਦੋਵਾਂ ਨੇ ਇਨ੍ਹਾਂ ਖ਼ਬਰਾਂ ਦੀ ਪੁਸ਼ਟੀ ਕਰ ਦਿੱਤੀ ਹੈ।

ਬਾਦਸ਼ਾਹ ਅਤੇ ਈਸ਼ਾ ਨੇ ਸੋਮਵਾਰ ਰਾਤ ਨੂੰ ਆਪਣੇ-ਆਪਣੇ ਇੰਸਟਾਗ੍ਰਾਮ ਸਟੋਰੀ ਉੱਤੇ ਇਸ ਬਾਰੇ ਇੱਕ ਬਿਆਨ ਸਾਂਝਾ ਕੀਤਾ ਹੈ। ਇਸ ਪੋਸਟ ਵਿੱਚ ਦੋਵਾਂ ਨੇ ਸਾਫ਼ ਕੀਤਾ ਹੈ ਕਿ ਉਨ੍ਹਾਂ ਨੇ ਆਪਸੀ ਸਹਿਮਤੀ ਅਤੇ ਸਤਿਕਾਰ ਨਾਲ ਵੱਖ ਹੋਣ ਦਾ ਫ਼ੈਸਲਾ ਕੀਤਾ ਹੈ।

'ਮੈਂ ਅਤੇ ਈਸ਼ਾ ਰਿਖੀ ਆਪਸੀ ਸਹਿਮਤੀ ਨਾਲ ਵੱਖ ਹੋਣ ਦਾ ਫ਼ੈਸਲਾ ਕਰ ਚੁੱਕੇ ਹਾਂ'

ਬਾਦਸ਼ਾਹ ਨੇ ਆਪਣੀ ਪੋਸਟ ਵਿੱਚ ਗੱਲ ਰੱਖਦਿਆਂ ਕਿਹਾ ਹੈ, 'ਮੈਂ ਅਤੇ ਈਸ਼ਾ ਰਿਖੀ ਆਪਸੀ ਸਹਿਮਤੀ ਨਾਲ ਵੱਖ ਹੋਣ ਅਤੇ ਆਪਣੀ-ਆਪਣੀ ਰਾਹ ਉੱਤੇ ਅੱਗੇ ਵਧਣ ਦਾ ਫ਼ੈਸਲਾ ਕਰ ਚੁੱਕੇ ਹਾਂ। ਇਹ ਫ਼ੈਸਲਾ ਅਸੀਂ ਇੱਕ-ਦੂਜੇ ਦੇ ਸਤਿਕਾਰ ਨੂੰ ਧਿਆਨ ਵਿੱਚ ਰੱਖਦਿਆਂ ਲਿਆ ਹੈ। ਇਸ ਮੁਸ਼ਕਲ ਸਮੇਂ ਵਿੱਚ ਅਸੀਂ ਸਾਰਿਆਂ ਨੂੰ ਸਾਡੀ ਨਿੱਜਤਾ (ਪ੍ਰਾਈਵੇਸੀ) ਦਾ ਸਤਿਕਾਰ ਕਰਨ ਦੀ ਅਪੀਲ ਕਰਦੇ ਹਾਂ।'

ਉਨ੍ਹਾਂ ਅੱਗੇ ਲਿਖਿਆ ਹੈ, 'ਇਸ ਮਾਮਲੇ ਉੱਤੇ ਇਹ ਸਾਡਾ ਆਖ਼ਰੀ ਅਤੇ ਇਕੋ-ਇਕ ਬਿਆਨ ਹੋਵੇਗਾ। ਅਸੀਂ ਸਾਰਿਆਂ ਨੂੰ ਬੇਨਤੀ ਕਰਦੇ ਹਾਂ ਕਿ ਸਾਡੇ ਰਿਸ਼ਤੇ ਨੂੰ ਲੈ ਕੇ ਅੱਗੇ ਤੋਂ ਕਿਸੇ ਵੀ ਤਰ੍ਹਾਂ ਦੇ ਕਿਆਸਅਰਾਈਆਂ ਜਾਂ ਅਟਕਲਾਂ ਨਾ ਲਗਾਈਆਂ ਜਾਣ।'

ਬਾਦਸ਼ਾਹ ਅਤੇ ਈਸ਼ਾ ਦੇ ਰਿਸ਼ਤੇ ਵਿੱਚ ਸਭ ਕੁਝ ਠੀਕ ਨਾ ਹੋਣ ਦੀ ਚਰਚਾ ਜੁਲਾਈ ਤੋਂ ਹੀ ਸੋਸ਼ਲ ਮੀਡੀਆ ਉੱਤੇ ਸ਼ੁਰੂ ਹੋ ਗਈ ਸੀ। ਉਸ ਦੌਰਾਨ ਈਸ਼ਾ ਨੇ ਬਾਦਸ਼ਾਹ ਨਾਲ ਆਪਣੀਆਂ ਕੁਝ ਤਸਵੀਰਾਂ ਅਤੇ ਵੀਡੀਓਜ਼ ਦਾ ਇੱਕ ਮੋਂਟਾਜ ਸਾਂਝਾ ਕੀਤਾ ਸੀ, ਜਿਸ ਦੇ ਕੈਪਸ਼ਨ ਨੇ ਵੀ ਲੋਕਾਂ ਦਾ ਧਿਆਨ ਖਿੱਚਿਆ ਸੀ। ਈਸ਼ਾ ਨੇ ਲਿਖਿਆ ਸੀ, 'ਹਰ ਤੂਫ਼ਾਨ ਇੱਕ ਸਬਕ ਹੈ, ਹਰ ਦੁਆ ਇੱਕ ਉਮੀਦ ਹੈ।'

ਸੋਸ਼ਲ ਮੀਡੀਆ ਯੂਜ਼ਰਸ ਲਗਾ ਰਹੇ ਸਨ ਕਿਆਸ

ਇਸ ਪੋਸਟ ਦੇ ਨਾਲ ਉਨ੍ਹਾਂ ਨੇ ਟੁੱਟੇ ਹੋਏ ਦਿਲ ਅਤੇ ਹੱਥ ਜੋੜਨ ਵਾਲੇ ਇਮੋਜੀ ਵੀ ਲਗਾਏ ਸਨ, ਜਿਸ ਤੋਂ ਬਾਅਦ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਕਿਆਸ ਲਗਾਉਣੇ ਸ਼ੁਰੂ ਕਰ ਦਿੱਤੇ ਸਨ ਕਿ ਸ਼ਾਇਦ ਦੋਵਾਂ ਦੇ ਰਿਸ਼ਤੇ ਵਿੱਚ ਕੁਝ ਉਥਲ-ਪੁਥਲ ਚੱਲ ਰਹੀ ਹੈ। ਹਾਲ ਹੀ ਵਿੱਚ ਈਸ਼ਾ ਦੀ ਮਾਂ ਪੂਨਮ ਰਿੱਖੀ ਨੇ ਵੀ ਕਰਮ ਨਾਲ ਜੁੜੇ ਕੁਝ ਪੋਸਟ ਸਾਂਝੇ ਕੀਤੇ ਸਨ।

ਮਾਰਚ ਵਿੱਚ ਹੋਈ ਸੀ ਈਸ਼ਾ ਅਤੇ ਬਾਦਸ਼ਾਹ ਦੀ ਵਿਆਹ

ਬਾਦਸ਼ਾਹ ਅਤੇ ਈਸ਼ਾ ਨੇ ਇਸੇ ਸਾਲ ਮਾਰਚ ਵਿੱਚ ਇੱਕ ਨਿੱਜੀ ਸਮਾਗਮ (ਪ੍ਰਾਈਵੇਟ ਸੈਰਿਮਨੀ) ਦੌਰਾਨ ਵਿਆਹ ਕੀਤਾ ਸੀ। ਹਾਲਾਂਕਿ, ਇਸ ਵਿਆਹ ਦੀ ਖ਼ਬਰ ਵੀ ਲੋਕਾਂ ਨੂੰ ਸੋਸ਼ਲ ਮੀਡੀਆ ਰਾਹੀਂ ਹੀ ਮਿਲੀ ਸੀ ਜਦੋਂ ਈਸ਼ਾ ਦੀ ਮਾਂ ਨੇ ਦੋਵਾਂ ਦੇ ਵਿਆਹ ਦੀਆਂ ਕੁਝ ਖ਼ਾਸ ਤਸਵੀਰਾਂ ਸੋਸ਼ਲ ਮੀਡੀਆ ਉੱਤੇ ਪੋਸਟ ਕੀਤੀਆਂ ਸਨ। ਇਸ ਤੋਂ ਪਹਿਲਾਂ ਬਾਦਸ਼ਾਹ ਨੇ ਇਸ ਵਿਆਹ ਨੂੰ ਲੈ ਕੇ ਕਿਸੇ ਵੀ ਤਰ੍ਹਾਂ ਦੀ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਸੀ। ਈਸ਼ਾ ਨੇ ਜੂਨ ਵਿੱਚ ਇੰਸਟਾਗ੍ਰਾਮ ਦੇ 'ਆਸਕ ਮੀ ਐਨੀਥਿੰਗ' ਸੈਸ਼ਨ ਦੌਰਾਨ ਵੀ ਬਾਦਸ਼ਾਹ ਨਾਲ ਆਪਣੇ ਵਿਆਹ ਦੀ ਗੱਲ ਸਵੀਕਾਰ ਕੀਤੀ ਸੀ।

ਬਾਦਸ਼ਾਹ ਦੀ ਪਹਿਲਾਂ ਵੀ ਹੋ ਚੁੱਕਿਆ ਸੀ ਵਿਆਹ

ਇੱਥੇ ਇਹ ਵੀ ਦੱਸ ਦਈਏ ਕਿ ਬਾਦਸ਼ਾਹ ਦਾ ਇਹ ਦੂਜਾ ਵਿਆਹ ਸੀ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਜੈਸਮੀਨ ਮਸੀਹ ਨਾਲ ਵਿਆਹ ਕੀਤਾ ਸੀ ਅਤੇ ਦੋਵਾਂ ਦਾ ਰਿਸ਼ਤਾ ਸਾਲ 2020 ਵਿੱਚ ਖ਼ਤਮ ਹੋ ਗਿਆ ਸੀ। ਦੋਵਾਂ ਦੀ ਇੱਕ ਬੇਟੀ ਵੀ ਹੈ, ਜਿਸ ਦਾ ਨਾਮ ਜੈਸੇਮੀ ਗ੍ਰੇਸ ਮਸੀਹ ਸਿੰਘ ਹੈ।

ਈਸ਼ਾ ਰਿਖੀ ਪੰਜਾਬੀ ਫ਼ਿਲਮਾਂ ਵਿੱਚ ਕਰ ਚੁੱਕੀ ਹੈ ਕੰਮ

ਉੱਥੇ ਹੀ, ਈਸ਼ਾ ਰਿਖੀ ਪੰਜਾਬੀ ਫ਼ਿਲਮਾਂ ਵਿੱਚ ਕੰਮ ਕਰ ਚੁੱਕੀ ਹੈ ਅਤੇ 'ਜੱਟ ਬੁਆਏਜ਼ ਪੁੱਤ ਜੱਟਾਂ ਦੇ', 'ਅਰਦਾਸ', ਦੋ ਦੂਣੀ ਪੰਜ ਅਤੇ 'ਹੈਪੀ ਗੋ ਲਕੀ' ਵਰਗੀਆਂ ਫ਼ਿਲਮਾਂ ਦਾ ਹਿੱਸਾ ਰਹੀ ਹੈ। ਉਨ੍ਹਾਂ ਨੇ ਫ਼ਿਲਮ 'ਨਵਾਬਜ਼ਾਦੇ' ਨਾਲ ਬਾਲੀਵੁੱਡ ਵਿੱਚ ਵੀ ਕੰਮ ਕੀਤਾ ਸੀ। ਹੁਣ ਦੋਵਾਂ ਨੇ ਆਪਣੇ ਰਿਸ਼ਤੇ ਨੂੰ ਖ਼ਤਮ ਕਰਨ ਦੀ ਗੱਲ ਸਾਫ਼ ਕਰ ਦਿੱਤੀ ਹੈ ਅਤੇ ਲੋਕਾਂ ਨੂੰ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਕਿਸੇ ਵੀ ਤਰ੍ਹਾਂ ਦੀਆਂ ਅਟਕਲਾਂ ਨਾ ਲਗਾਉਣ ਦੀ ਅਪੀਲ ਕੀਤੀ ਹੈ।

ਮਿਊਜ਼ਿਕ ਜਗਤ ਨੂੰ ਵੱਡਾ ਝਟਕਾ! ਮੂਸੇਵਾਲਾ ਵਾਂਗ ਘੇਰ ਕੇ ਮਾਰਿਆ ਨਾਮੀ ਗਾਇਕ; ਇੰਡਸਟਰੀ ‘ਚ ਫੈਲੀ ਦਹਿਸ਼ਤ, ਇਸ ਗੈਂਗ ਨੇ ਪੋਸਟ ਪਾ ਕੇ ਲਈ ਜ਼ਿੰਮੇਵਾਰੀ…

Thu, 27 Aug 2026 11:19:40 +0530

ਸੰਗੀਤ ਜਗਤ ਤੋਂ ਇੱਕ ਬੇਹੱਦ ਮੰਦਭਾਗੀ ਅਤੇ ਸਨਸਨੀਖੇਜ਼ ਖ਼ਬਰ ਸਾਹਮਣੇ ਆਈ ਹੈ, ਜਿਸ ਨੇ ਪੂਰੀ ਇੰਡਸਟਰੀ ਅਤੇ ਪ੍ਰਸ਼ੰਸਕਾਂ ਵਿੱਚ ਦਹਿਸ਼ਤ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ। ਮਸ਼ਹੂਰ ਹਰਿਆਣਵੀ ਗਾਇਕ ਅਤੇ ਯੂਟਿਊਬਰ ਅੰਕਿਤ ਬਾਲੀਆਨ ਦਾ ਗੋਲੀਆਂ ਮਾਰ ਕੇ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ ਹੈ। ਇਸ ਵਾਰਦਾਤ ਤੋਂ ਬਾਅਦ ਪ੍ਰਸ਼ਾਸਨ ਵਿੱਚ ਵੀ ਹੜਕੰਪ ਮੱਚਿਆ ਹੋਇਆ ਹੈ।

ਜਿੰਮ ਤੋਂ ਬਾਹਰ ਆਉਂਦਿਆਂ ਹੀ ਕੀਤਾ ਹਮਲਾ

ਪ੍ਰਾਪਤ ਜਾਣਕਾਰੀ ਅਨੁਸਾਰ, ਹਰਿਆਣਵੀ ਗਾਇਕ ਅਤੇ ਯੂਟਿਊਬਰ ਅੰਕਿਤ ਬਾਲੀਆਨ ਬੁੱਧਵਾਰ ਸ਼ਾਮ ਕਰੀਬ 6:45 ਵਜੇ ਆਪਣੇ ਜਿੰਮ ਤੋਂ ਬਾਹਰ ਆ ਰਹੇ ਸਨ। ਇਸੇ ਦੌਰਾਨ ਦੋ ਵਾਹਨਾਂ ਵਿੱਚ ਸਵਾਰ ਚਾਰ ਹਮਲਾਵਰਾਂ ਨੇ ਉਨ੍ਹਾਂ ਨੂੰ ਘੇਰ ਲਿਆ ਅਤੇ ਅੰਨ੍ਹੇਵਾਹ ਗੋਲੀਆਂ ਚਲਾ ਦਿੱਤੀਆਂ। ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਪੁਲਿਸ ਮੌਕੇ 'ਤੇ ਪਹੁੰਚ ਗਈ ਅਤੇ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਬਾਲੀਆਨ ਨੂੰ ਤੁਰੰਤ ਕਮਿਊਨਿਟੀ ਹੈਲਥ ਸੈਂਟਰ ਪਹੁੰਚਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ।

ਪੁਲਿਸ ਪ੍ਰਸ਼ਾਸਨ ਲਈ ਚੁਣੌਤੀਪੂਰਨ ਮਾਮਲਾ: ਏ.ਡੀ.ਜੀ.

ਮੇਰਠ ਜ਼ੋਨ ਦੇ ਵਧੀਕ ਡਾਇਰੈਕਟਰ ਜਨਰਲ ਆਫ਼ ਪੁਲਸ (ਏ.ਡੀ.ਜੀ.) ਭਾਨੂ ਭਾਸਕਰ ਨੇ ਸ਼ਾਮਲੀ ਜ਼ਿਲ੍ਹੇ ਵਿੱਚ ਵਾਪਰੇ ਇਸ ਕਾਂਡ ਨੂੰ ਪੁਲਿਸ ਲਈ ਚੁਣੌਤੀਪੂਰਨ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਪੁਲਿਸ ਨੂੰ ਇਸ ਮਾਮਲੇ ਵਿੱਚ ਕਈ ਅਹਿਮ ਸੁਰਾਗ ਮਿਲੇ ਹਨ ਅਤੇ ਕਾਤਲਾਂ ਨੂੰ ਜਲਦੀ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਦੱਸਿਆ ਕਿ ਬੁੱਧਵਾਰ ਸ਼ਾਮ ਨੂੰ ਵਾਪਰੀ ਇਸ ਘਟਨਾ ਨੂੰ ਸੁਲਝਾਉਣ ਲਈ ਕਈ ਪੁਲਿਸ ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ, ਜਿਨ੍ਹਾਂ ਵਿੱਚੋਂ ਚਾਰ ਟੀਮਾਂ ਨੂੰ ਹਰਿਆਣਾ ਭੇਜਿਆ ਗਿਆ ਹੈ।

ਏ.ਡੀ.ਜੀ. ਭਾਸਕਰ ਨੇ ਅੱਗੇ ਕਿਹਾ ਕਿ ਪੁਲਿਸ ਫੋਰਸ ਦੇ ਕਈ ਮੈਂਬਰ ਅਤੇ ਪਿੰਡ ਦੇ ਮੁਖੀ, ਉਪ ਮੁਖੀ ਸਮੇਤ ਸਾਰੇ ਜਨ ਪ੍ਰਤੀਨਿਧੀ ਵੀ ਜਾਂਚ ਵਿੱਚ ਪੂਰਾ ਸਹਿਯੋਗ ਦੇ ਰਹੇ ਹਨ। ਜਦੋਂ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਕੀ ਇਹ ਕਤਲ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਵਾਂਗ ਹੈ, ਤਾਂ ਉਨ੍ਹਾਂ ਕਿਹਾ ਕਿ ਕਈ ਸੁਰਾਗ ਹੱਥ ਲੱਗੇ ਹਨ ਪਰ ਫ਼ਿਲਹਾਲ ਉਨ੍ਹਾਂ ਨੂੰ ਜਨਤਕ ਕਰਨਾ ਸਹੀ ਨਹੀਂ ਹੈ, ਅਤੇ ਬਹੁਤ ਜਲਦੀ ਇਸ ਮਾਮਲੇ ਦਾ ਵੱਡਾ ਖੁਲਾਸਾ ਕੀਤਾ ਜਾਵੇਗਾ।

ਗੋਗੀ ਗੈਂਗ ਵੱਲੋਂ ਜ਼ਿੰਮੇਵਾਰੀ ਦਾ ਦਾਅਵਾ ਅਤੇ ਪੰਚਾਇਤ ਚੋਣਾਂ ਨੂੰ ਲੈ ਕੇ ਚਰਚਾ

ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਹਰਿਆਣਾ ਦੇ ਗੋਗੀ ਗੈਂਗ ਵੱਲੋਂ ਇਸ ਕਤਲ ਦੀ ਜ਼ਿੰਮੇਵਾਰੀ ਲੈਣ ਦਾ ਦਾਅਵਾ ਕੀਤਾ ਗਿਆ ਹੈ। ਇਸ ਪੋਸਟ ਵਿੱਚ ਅੰਕਿਤ 'ਤੇ ਗੈਂਗ ਦੇ ਦੁਸ਼ਮਣਾਂ ਦੇ ਸੰਪਰਕ ਵਿੱਚ ਹੋਣ ਅਤੇ ਗੈਂਗ ਨਾਲ ਜੁੜੀ ਇੱਕ ਘਟਨਾ 'ਤੇ ਗਾਣਾ ਬਣਾਉਣ ਦਾ ਦੋਸ਼ ਲਗਾਇਆ ਗਿਆ ਹੈ, ਨਾਲ ਹੀ ਅੱਗੇ ਵੀ ਵਾਰਦਾਤਾਂ ਕਰਨ ਦੀ ਧਮਕੀ ਦਿੱਤੀ ਗਈ ਹੈ। ਇਸ ਵਾਇਰਲ ਹੋ ਰਹੀ ਪੋਸਟ ਦੀ ਜੀਟੀਸੀ ਨਿਊਜ਼ ਪੁਸ਼ਟੀ ਨਹੀਂ ਕਰਦਾ ਹੈ।

ਇਸ ਤੋਂ ਇਲਾਵਾ ਅੰਕਿਤ ਬਾਲੀਆਨ ਨੂੰ ਲੈ ਕੇ ਇੱਕ ਹੋਰ ਚਰਚਾ ਵੀ ਸਾਹਮਣੇ ਆ ਰਹੀ ਹੈ ਕਿ ਉਹ ਆਗਾਮੀ ਪੰਚਾਇਤ ਚੋਣਾਂ ਲੜਨ ਦੀ ਤਿਆਰੀ ਕਰ ਰਹੇ ਸਨ। ਹਾਲਾਂਕਿ, ਪੁਲਿਸ ਜਾਂ ਉਨ੍ਹਾਂ ਦੇ ਕਰੀਬੀਆਂ ਵੱਲੋਂ ਇਸ ਗੱਲ ਦੀ ਤੁਰੰਤ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਗਈ ਸੀ ਅਤੇ ਇਹ ਵੀ ਸਾਫ਼ ਨਹੀਂ ਸੀ ਕਿ ਉਹ ਕਿਸ ਪਦ ਜਾਂ ਖੇਤਰ ਤੋਂ ਚੋਣ ਮੈਦਾਨ ਵਿੱਚ ਉਤਰਨਾ ਚਾਹੁੰਦੇ ਸਨ। ਇਸ ਲਈ ਪੰਚਾਇਤ ਚੋਣਾਂ ਦਾ ਐਂਗਲ ਫਿਲਹਾਲ ਚਰਚਾ ਤੱਕ ਹੀ ਸੀਮਤ ਹੈ। ਪੁਲਿਸ ਜਾਂਚ ਦੌਰਾਨ ਇਸ ਪਹਿਲੂ ਨੂੰ ਵੀ ਦੇਖਿਆ ਜਾ ਸਕਦਾ ਹੈ ਕਿ ਕੀ ਉਨ੍ਹਾਂ ਦੀ ਸੰਭਾਵਿਤ ਰਾਜਨੀਤਿਕ ਸਰਗਰਮੀ ਦਾ ਕਿਸੇ ਵਿਵਾਦ ਜਾਂ ਆਪਸੀ ਰੰਜਿਸ਼ ਨਾਲ ਕੋਈ ਸਬੰਧ ਸੀ। ਅੰਕਿਤ ਦੀ ਹੱਤਿਆ ਤੋਂ ਬਾਅਦ ਇਹ ਸਵਾਲ ਇਸ ਲਈ ਵੀ ਉੱਠ ਰਿਹਾ ਹੈ ਕਿਉਂਕਿ ਉਹ ਸੋਸ਼ਲ ਮੀਡੀਆ 'ਤੇ ਪਹਿਲਾਂ ਹੀ ਕਾਫ਼ੀ ਸਰਗਰਮ ਸਨ ਅਤੇ ਉਨ੍ਹਾਂ ਨੇ ਆਪਣੀ ਇੱਕ ਵੱਖਰੀ ਪਛਾਣ ਬਣਾ ਲਈ ਸੀ।

ਪੰਜਾਬੀ ਸੋਸ਼ਲ ਮੀਡੀਆ ਇੰਫਲੂਇੰਸਰ ਦੀ ਦਰਦਨਾਕ ਮੌਤ; PGI ‘ਚ ਤੋੜਿਆ ਦਮ, ਪਰਿਵਾਰ ਦਾ ਰੋ-ਰੋ ਬੁਰਾ ਹਾਲ, ਇਨਸਾਫ਼ ਦੀ ਮੰਗ…

Wed, 26 Aug 2026 15:36:19 +0530

ਸੋਸ਼ਲ ਮੀਡੀਆ ਉੱਤੇ ਆਪਣੇ ਵਿਵਾਦਾਂ ਅਤੇ ਰੀਲਾਂ ਨੂੰ ਲੈ ਕੇ ਅਕਸਰ ਚਰਚਾ ਵਿੱਚ ਰਹਿਣ ਵਾਲੀ ਮਨਪ੍ਰੀਤ ਕੌਰ ਉਰਫ਼ ਮਨਜੀਤ ਨੂੰ ਲੈ ਕੇ ਇੱਕ ਬਹੁਤ ਹੀ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ। ਅੱਗ ਨਾਲ ਬੁਰੀ ਤਰ੍ਹਾਂ ਝੁਲਸਣ ਕਾਰਨ ਪਿਛਲੇ ਕਰੀਬ 20 ਦਿਨਾਂ ਤੋਂ ਚੰਡੀਗੜ੍ਹ ਦੇ ਪੀਜੀਆਈ (PGI) ਹਸਪਤਾਲ ਵਿੱਚ ਜ਼ੇਰੇ ਇਲਾਜ ਮਨਜੀਤ ਨੇ ਆਖ਼ਰੀ ਸਾਹ ਲੈ ਲਏ ਹਨ। ਇਸ ਮੌਤ ਤੋਂ ਬਾਅਦ ਸੋਸ਼ਲ ਮੀਡੀਆ ਹਲਕਿਆਂ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ ਅਤੇ ਵੱਖ-ਵੱਖ ਪਾਸਿਆਂ ਤੋਂ ਪਰਿਵਾਰ ਲਈ ਇਨਸਾਫ਼ ਦੀ ਮੰਗ ਕੀਤੀ ਜਾ ਰਹੀ ਹੈ। ਸੋਸ਼ਲ ਮੀਡੀਆ ਉੱਤੇ ਕੁੱਝ ਲੋਕ ਉਸ ਨੂੰ ਪਸੰਦ ਕਰਦੇ ਸੀ ਅਤੇ ਕੁੱਝ ਲੋਕ ਨਾਪਸੰਦ।

ਪੁਰਾਣੇ ਵਿਵਾਦਾਂ ਨਾਲ ਜੁੜਿਆ ਰਿਹਾ ਹੈ ਮਾਮਲਾ

ਜਾਣਕਾਰੀ ਅਨੁਸਾਰ ਮਨਜੀਤ ਕੌਰ ਦਾ ਪਹਿਲਾਂ ਸੁਖਪ੍ਰੀਤ ਸਿੰਘ ਉਰਫ਼ ਸੁੱਖ ਰਤੀਆ ਨਾਲ ਆਪਣੇ ਰਿਸ਼ਤੇ ਅਤੇ ਆਪਸੀ ਵਿਵਾਦਾਂ ਦੇ ਚੱਲਦਿਆਂ ਕਾਫੀ ਨਾਂ ਚਰਚਾ ਵਿੱਚ ਆਇਆ ਸੀ। ਇਸ ਤੋਂ ਬਾਅਦ ਉਸਦੀ ਜ਼ਿੰਦਗੀ ਵਿੱਚ ਵਾਪਰੇ ਇਸ ਭਿਆਨਕ ਹਾਦਸੇ ਨੇ ਸਭ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ।

ਅੱਗ ਲੱਗਣ ਦੀ ਘਟਨਾ ਅਤੇ ਵੱਖ-ਵੱਖ ਦਾਅਵੇ

ਰਿਪੋਰਟਾਂ ਮੁਤਾਬਕ ਮਨਜੀਤ ਕੌਰ ਦੇ ਸਰੀਰ ਅਤੇ ਮੂੰਹ ਨੂੰ ਅੱਗ ਲੱਗਣ ਕਾਰਨ ਉਹ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਈ ਸੀ। ਸ਼ੁਰੂਆਤੀ ਤੌਰ 'ਤੇ ਸਾਹਮਣੇ ਆਇਆ ਸੀ ਕਿ ਉਸ ਉੱਤੇ ਜਾਨਲੇਵਾ ਹਮਲਾ ਕੀਤਾ ਗਿਆ ਸੀ, ਜਿਸ ਵਿੱਚ ਉਸਨੂੰ ਕਥਿਤ ਤੌਰ 'ਤੇ ਗੱਡੀ ਵਿੱਚੋਂ ਉਤਾਰ ਕੇ ਅਤੇ ਦਰੱਖ਼ਤ ਨਾਲ ਬੰਨ੍ਹ ਕੇ ਪੈਟਰੋਲ ਪਾ ਕੇ ਸਾੜਨ ਦੀ ਕੋਸ਼ਿਸ਼ ਕੀਤੀ ਗਈ। ਹਾਲਾਂਕਿ, ਇਸ ਮਾਮਲੇ ਵਿੱਚ ਦੂਜੇ ਪਾਸੇ ਇਹ ਖ਼ਬਰਾਂ ਵੀ ਸਾਹਮਣੇ ਆਈਆਂ ਕਿ ਉਸਨੇ ਖ਼ੁਦ ਆਪਣੇ ਆਪ ਨੂੰ ਅੱਗ ਲਗਾਈ ਸੀ। ਇਸ ਘਟਨਾ ਨਾਲ ਜੁੜੇ ਕੁਝ ਵੀਡੀਓਜ਼ ਵੀ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋਏ ਸਨ, ਜਿਨ੍ਹਾਂ ਨੇ ਮਾਮਲੇ ਨੂੰ ਹੋਰ ਰਹੱਸਮਈ ਬਣਾ ਦਿੱਤਾ।

ਸੋਸ਼ਲ ਮੀਡੀਆ 'ਤੇ ਇਨਸਾਫ਼ ਦੀ ਮੰਗ

ਮਨਜੀਤ ਕੌਰ ਦੀ ਮੌਤ ਦੀ ਖ਼ਬਰ ਸਾਹਮਣੇ ਆਉਣ ਤੋਂ ਬਾਅਦ ਸੋਸ਼ਲ ਮੀਡੀਆ ਉੱਤੇ ਪ੍ਰਤੀਕਰਮਾਂ ਦਾ ਦੌਰ ਸ਼ੁਰੂ ਹੋ ਗਿਆ ਹੈ। ਮਨੀਸ਼ਾ ਦੇਵਾ ਨਾਂ ਦੀ ਸੋਸ਼ਲ ਮੀਡੀਆ ਯੂਜ਼ਰ ਵੱਲੋਂ ਇਸ ਬਾਰੇ ਇੱਕ ਪੋਸਟ ਸਾਂਝੀ ਕੀਤੀ ਗਈ ਹੈ। ਉਨ੍ਹਾਂ ਨੇ ਲਿਖਿਆ ਹੈ ਕਿ ਮਨਜੀਤ ਕੌਰ (ਜੋ ਇੰਸਟਾਗ੍ਰਾਮ ਵਾਲੀ ਕੁੜੀ ਸੀ) ਨੇ ਆਪਣਾ ਦਮ ਤੋੜ ਦਿੱਤਾ ਹੈ। ਉਨ੍ਹਾਂ ਮੰਗ ਕੀਤੀ ਹੈ ਕਿ ਜੇਕਰ ਮਨਜੀਤ ਨਾਲ ਕੁਝ ਗ਼ਲਤ ਹੋਇਆ ਹੈ ਤਾਂ ਉਸ ਦੇ ਪਰਿਵਾਰ ਨੂੰ ਇਨਸਾਫ਼ ਮਿਲਣਾ ਚਾਹੀਦਾ ਹੈ, ਪਰ ਨਾਲ ਹੀ ਇਹ ਵੀ ਯਕੀਨੀ ਬਣਾਇਆ ਜਾਵੇ ਕਿ ਕਿਸੇ ਬੇਗੁਨਾਹ ਇਨਸਾਨ ਨੂੰ ਸਜ਼ਾ ਨਾ ਮਿਲੇ।

ਸੋਸ਼ਲ ਮੀਡੀਆ ਇੰਫਲੂਇੰਸਰ ਗਿੱਲ ਮੋਹਾਲੀ ਵਾਲੇ ਵੱਲੋਂ ਵੀ ਆਪਣੇ ਇੰਸਟਾਗ੍ਰਾਮ ਉੱਤੇ ਪੋਸਟ ਪਾ ਕੇ ਪੁਸ਼ਟੀ ਕੀਤੀ ਹੈ ਕਿ ਮਨਜੀਤ ਇਸ ਦੁਨੀਆ ਤੋਂ ਰੁਖਸਤ ਹੋ ਗਈ ਹੈ। ਗਿੱਲ ਮੋਹਾਲੀ ਨੇ ਇੱਕ ਤਸਵੀਰ ਸਾਂਝੀ ਕੀਤੀ ਹੈ ਜਿਸ ਤੇ RIP ਲਿਖਿਆ ਹੈ।

ਫ਼ਿਲਹਾਲ ਇਸ ਦੁਖਦਾਈ ਘਟਨਾ ਤੋਂ ਬਾਅਦ ਪੁਲਿਸ ਅਤੇ ਪ੍ਰਸ਼ਾਸਨ ਵੱਲੋਂ ਮਾਮਲੇ ਦੀ ਹਰ ਪੱਖ ਤੋਂ ਡੂੰਘਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਤਾਂ ਜੋ ਅਸਲ ਸੱਚਾਈ ਸਾਹਮਣੇ ਆ ਸਕੇ।

ਬਾਲੀਵੁੱਡ ‘ਚ ਸੋਗ ਦੀ ਲਹਿਰ, ਮਸ਼ਹੂਰ ਅਦਾਕਾਰਾ ਦੇ ਪਤੀ ਦਾ ਦੇਹਾਂਤ, ਹਾਰਟ ਅਟੈਕ ਤੋਂ ਬਾਅਦ ਹੋਈ ਸਰਜਰੀ ਫਿਰ ਤੋੜਿਆ ਦਮ…

Wed, 26 Aug 2026 12:37:42 +0530

ਫਿਲਮ ਇੰਡਸਟਰੀ ਤੋਂ ਇੱਕ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਫਿਲਮ ਨਿਰਮਾਤਾ ਕੁਕੂ ਕੋਹਲੀ ਦਾ 77 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ‘ਫੂਲ ਔਰ ਕਾਂਟੇ’ ਵਰਗੀ ਹਿੱਟ ਫਿਲਮ ਨਾਲ ਅਜੇ ਦੇਵਗਨ ਨੂੰ ਬਾਲੀਵੁੱਡ ਵਿੱਚ ਵੱਡਾ ਬ੍ਰੇਕ ਦੇਣ ਵਾਲੇ ਕੁਕੂ ਕੋਹਲੀ ਨੇ ਮੰਗਲਵਾਰ ਨੂੰ ਆਖਰੀ ਸਾਹ ਲਿਆ। ਉਨ੍ਹਾਂ ਨੂੰ ਮੁੰਬਈ ਦੇ ਕੋਕਿਲਾਬੇਨ ਧੀਰੂਭਾਈ ਅੰਬਾਨੀ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ, ਜਿੱਥੇ ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪਿਆ ਅਤੇ ਉਨ੍ਹਾਂ ਦੀ ਮੌਤ ਹੋ ਗਈ।

ਅਰੁਣਾ ਇਰਾਨੀ ਦੇ ਭਾਈ ਸੰਜੇ ਨੇ ਆਪਣੇ ਜੀਜਾ ਦੇ ਦੇਹਾਂਤ 'ਤੇ ਦੁੱਖ ਪ੍ਰਗਟ ਕਰਦਿਆਂ ਕਿਹਾ, "ਉਨ੍ਹਾਂ ਦਾ ਦੇਹਾਂਤ 5 ਤੋਂ ਸਾਢੇ ਪੰਜ ਵਜੇ ਦੇ ਆਸਪਾਸ ਹੋਇਆ ਹੈ। ਉਨ੍ਹਾਂ ਨੂੰ ਹਾਰਟ ਅਟੈਕ ਆਇਆ ਸੀ। ਸੋਮਵਾਰ ਨੂੰ ਉਨ੍ਹਾਂ ਦਾ ਆਪ੍ਰੇਸ਼ਨ ਹੋਇਆ ਸੀ। ਇੱਥੋਂ ਤੱਕ ਕਿ 25 ਅਗਸਤ ਮੰਗਲਵਾਰ ਵਾਲੇ ਦਿਨ ਉਨ੍ਹਾਂ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲਣ ਵਾਲੀ ਸੀ, ਪਰ ਅਚਾਨਕ ਇਹ ਸਭ ਹੋ ਗਿਆ। ਅਸੀਂ ਰਿਪੋਰਟ ਦਾ ਇੰਤਜ਼ਾਰ ਕਰ ਰਹੇ ਹਾਂ।"

ਬਾਲੀਵੁੱਡ 'ਚ ਸੋਗ ਦੀ ਲਹਿਰ

ਫਿਲਮ ਇੰਡਸਟਰੀ ਤੋਂ ਇੱਕ ਦੁਖਦਾਈ ਖਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਫਿਲਮਕਾਰ ਕੁਕੂ ਕੋਹਲੀ ਦਾ 77 ਸਾਲ ਦੀ ਉਮਰ 'ਚ ਦਿਹਾਂਤ ਹੋ ਗਿਆ। ਅਜੇ ਦੇਵਗਨ ਨੂੰ ਹਿੱਟ ਫਿਲਮ 'ਫੂਲ ਔਰ ਕਾਂਟੇ' ਨਾਲ ਬਾਲੀਵੁੱਡ 'ਚ ਵੱਡਾ ਬ੍ਰੇਕ ਦੇਣ ਵਾਲੇ ਕੁਕੂ ਕੋਹਲੀ ਨੇ ਮੰਗਲਵਾਰ ਨੂੰ ਆਖਰੀ ਸਾਹ ਲਿਆ। ਉਨ੍ਹਾਂ ਨੂੰ ਮੁੰਬਈ ਦੇ ਕੋਕਿਲਾਬੇਨ ਧੀਰੂਭਾਈ ਅੰਬਾਨੀ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ, ਜਿੱਥੇ ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪਿਆ ਅਤੇ ਉਨ੍ਹਾਂ ਦੀ ਮੌਤ ਹੋ ਗਈ।

ਨਾਮੀ ਅਦਾਕਾਰਾ ਦੇ ਸਨ ਪਤੀ

ਕੁਕੂ ਕੋਹਲੀ ਦਾ ਵਿਆਹ ਦਿੱਗਜ ਅਦਾਕਾਰਾ ਅਰੁਣਾ ਇਰਾਨੀ ਨਾਲ ਹੋਇਆ ਸੀ। ਅਦਾਕਾਰਾ ਨਾਲ ਉਨ੍ਹਾਂ ਦੀ ਕੋਈ ਸੰਤਾਨ ਨਹੀਂ ਹੈ। ਹਾਲਾਂਕਿ, ਉਨ੍ਹਾਂ ਦੀ ਪਿਛਲੀ ਪਤਨੀ ਤੋਂ ਦੋ ਧੀਆਂ ਹਨ- ਪੂਜਾ ਅਤੇ ਕਰਿਸ਼ਮਾ ਕੋਹਲੀ। ਉਨ੍ਹਾਂ ਦੀ ਪਹਿਲੀ ਪਤਨੀ ਦਾ ਨਾਂ ਰੀਤਾ ਕੋਹਲੀ ਸੀ। ਕੁਕੂ ਨੇ ਆਪਣੀ ਪਛਾਣ ਮੁੱਖ ਤੌਰ 'ਤੇ ਫ਼ਿਲਮਾਂ ਰਾਹੀਂ ਬਣਾਈ।

ਅੰਤਿਮ ਸੰਸਕਾਰ ਤੇ ਪਹੁੰਚ ਕਈ ਕਲਾਕਾਰ

ਅਰੁਣਾ ਇਰਾਨੀ ਆਪਣੇ ਪਤੀ ਕੁਕੂ ਕੋਹਲੀ ਦੇ ਅੰਤਿਮ ਸੰਸਕਾਰ 'ਤੇ ਬਹੁਤ ਦੁਖੀ ਨਜ਼ਰ ਆਈ। ਉਨ੍ਹਾਂ ਨੂੰ ਅੰਤਮ ਵਿਦਾਇਗੀ ਦੇਣ ਲਈ ਵਿੱਕੀ ਕੌਸ਼ਲ, ਕੈਟਰੀਨਾ ਕੈਫ਼, ਰੋਹਿਤ ਸ਼ੈਟੀ ਅਤੇ ਬਾਲੀਵੁੱਡ ਦੇ ਕਈ ਹੋਰ ਮਸ਼ਹੂਰ ਸਿਤਾਰੇ ਵੀ ਮੌਜੂਦ ਸਨ।

ਇੰਝ ਰਿਹਾ ਫਿਲਮੀ ਦੁਨੀਆ ਨਾਲ ਨਾਤਾ

ਅਜੇ ਦੇਵਗਨ ਨੂੰ ਦਿੱਤਾ ਸੀ ਵੱਡਾ ਬ੍ਰੈਕ: ਕੁਕੂ ਕੋਹਲੀ ਦਾ ਨਾਂ ਹਿੰਦੀ ਸਿਨੇਮਾ ਵਿੱਚ ਖਾਸ ਤੌਰ 'ਤੇ ਅਜੇ ਦੇਵਗਨ ਦੇ ਕਰੀਅਰ ਨਾਲ ਜੁੜਿਆ ਹੋਇਆ ਹੈ। ਸਾਲ 1991 ਵਿੱਚ ਆਈ ‘ਫੂਲ ਔਰ ਕਾਂਟੇ’ ਦਾ ਨਿਰਦੇਸ਼ਨ ਉਨ੍ਹਾਂ ਨੇ ਹੀ ਕੀਤਾ ਸੀ। ਇਸੇ ਫ਼ਿਲਮ ਨਾਲ ਅਜੇ ਦੇਵਗਨ ਨੇ ਬਾਲੀਵੁੱਡ ਵਿੱਚ ਕਦਮ ਰੱਖਿਆ ਅਤੇ ਵੇਖਦਿਆਂ ਹੀ ਵੇਖਦਿਆਂ ਦਰਸ਼ਕਾਂ ਵਿੱਚ ਆਪਣੀ ਮਜ਼ਬੂਤ ਪਛਾਣ ਬਣਾ ਲਈ।

ਕੁਕੂ ਕੋਹਲੀ ਨੇ ਆਪਣੇ ਲੰਬੇ ਕਰੀਅਰ ਵਿੱਚ ਕਈ ਚਰਚਿਤ ਫ਼ਿਲਮਾਂ ਦਾ ਨਿਰਦੇਸ਼ਨ ਕੀਤਾ। ਇਨ੍ਹਾਂ ਵਿੱਚ ‘ਫੂਲ ਔਰ ਕਾਂਟੇ’, ‘ਸੁਹਾਗ’, ‘ਹਕੀਕਤ’, ‘ਜ਼ੁਲਮੀ’, ‘ਅਨਾੜੀ ਨੰਬਰ 1’ ਅਤੇ ‘ਯੇ ਦਿਲ ਆਸ਼ਿਕਾਨਾ’ ਵਰਗੀਆਂ ਫ਼ਿਲਮਾਂ ਸ਼ਾਮਲ ਹਨ। ਉਨ੍ਹਾਂ ਦੀ ਆਖਰੀ ਨਿਰਦੇਸ਼ਿਤ ਫ਼ਿਲਮ ‘ਵੋ ਤੇਰਾ ਨਾਮ ਥਾ’ ਸੀ। ਕਰੀਬ ਤਿੰਨ ਦਹਾਕੇ ਲੰਬੇ ਫ਼ਿਲਮੀ ਸਫ਼ਰ ਵਿੱਚ ਕੁਕੂ ਕੋਹਲੀ ਨੇ ਹਿੰਦੀ ਸਿਨੇਮਾ ਨੂੰ ਕਈ ਯਾਦਗਾਰ ਫ਼ਿਲਮਾਂ ਦਿੱਤੀਆਂ। ਹੁਣ ਉਨ੍ਹਾਂ ਦੇ ਦੇਹਾਂਤ ਨਾਲ ਇੰਡਸਟਰੀ ਨੇ ਇੱਕ ਅਜਿਹੇ ਫ਼ਿਲਮਮੇਕਰ ਨੂੰ ਖੋ ਦਿੱਤਾ ਹੈ, ਜਿਸ ਨੇ ਖਾਸ ਤੌਰ 'ਤੇ 90 ਦੇ ਦਹਾਕੇ ਦੇ ਸਿਨੇਮਾ ਅਤੇ ਕਈ ਕਲਾਕਾਰਾਂ ਦੇ ਕਰੀਅਰ ਵਿੱਚ ਅਹਿਮ ਭੂਮਿਕਾ ਨਿਭਾਈ।

ਦਿੱਗਜ ਗਾਇਕਾ ਦਾ ਦੇਹਾਂਤ; ਮਿਊਜ਼ਿਕ ਇੰਡਸਟਰੀ ‘ਚ ਸੋਗ ਦੀ ਲਹਿਰ…

Wed, 26 Aug 2026 11:46:14 +0530

ਮਿਊਜ਼ਿਕ ਅਜਿਹੀ ਕਲਾ ਹੈ ਜੋ ਸਰਹੱਦਾਂ ਪਾਰ ਕਰਕੇ ਦੁਨੀਆ ਭਰ ਦੇ ਲੋਕਾਂ ਦੇ ਦਿਲਾਂ ਨੂੰ ਛੂਹ ਲੈਂਦੀ ਹੈ। ਇੱਕ ਮਹਾਨ ਗਾਇਕ ਕੋਲ ਅਜਿਹਾ ਜਾਦੂ ਹੁੰਦਾ ਹੈ, ਜੋ ਆਪਣੀ ਮਿੱਠੀ ਅਤੇ ਸੁਰੀਲੀ ਆਵਾਜ਼ ਨਾਲ ਹਰ ਕਿਸੇ ਦਾ ਮੋਹ ਲੈ ਲੈਂਦਾ ਹੈ ਅਤੇ ਸਰੋਤਿਆਂ ਨੂੰ ਆਪਣੇ ਨਾਲ ਬੰਨ੍ਹ ਲੈਂਦਾ ਹੈ।

ਅਮਰੀਕੀ ਕੰਟਰੀ ਮਿਊਜ਼ਿਕ ਦੀ ਦਿੱਗਜ ਗਾਇਕਾ, ਗੀਤਕਾਰ ਅਤੇ ਸੰਗੀਤ ਜਗਤ ਦੀ ਪ੍ਰਸਿੱਧ ਹਸਤੀ ਡੌਲੀ ਪਾਰਟਨ (Dolly Parton) ਦਾ 80 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੇ ਦੇਹਾਂਤ ਦੀ ਖ਼ਬਰ ਉਨ੍ਹਾਂ ਦੇ ਭਤੀਜੇ ਬ੍ਰਾਇਨ ਸੀਵਰ ਨੇ ਇੰਸਟਾਗ੍ਰਾਮ ਵੀਡੀਓ ਰਾਹੀਂ ਸਾਂਝੀ ਕੀਤੀ। ਇਹ ਜਾਣਕਾਰੀ ਲੋਕਪ੍ਰਿਯ ਮੈਗਜ਼ੀਨ ਪੀਪਲ ਦੇ ਹਵਾਲੇ ਨਾਲ ਸਾਹਮਣੇ ਆਈ ਹੈ।

ਡੌਲੀ ਪਾਰਟਨ ਦਾ ਨਾਂ ਸਿਰਫ਼ ਕੰਟਰੀ ਮਿਊਜ਼ਿਕ ਤੱਕ ਸੀਮਿਤ ਨਹੀਂ ਸੀ। ਉਹ ਗਾਇਕਾ, ਗੀਤਕਾਰ, ਅਦਾਕਾਰਾ, ਕਾਰੋਬਾਰੀ ਅਤੇ ਸਮਾਜਸੇਵੀ ਵਜੋਂ ਕਈ ਪੀੜ੍ਹੀਆਂ ਲਈ ਪ੍ਰੇਰਣਾ ਰਹੀ। ਉਨ੍ਹਾਂ ਦੀ ਆਵਾਜ਼, ਸਟੇਜ ਪੇਸ਼ਕਾਰੀ, ਗੀਤ ਲਿਖਣ ਦੀ ਕਲਾ ਅਤੇ ਸਾਦਗੀ ਭਰੀ ਸ਼ਖ਼ਸੀਅਤ ਨੇ ਦੁਨੀਆ ਭਰ ਦੇ ਸੰਗੀਤ ਪ੍ਰੇਮੀਆਂ ਦੇ ਦਿਲਾਂ ਵਿੱਚ ਖ਼ਾਸ ਥਾਂ ਬਣਾਈ।

ਭਤੀਜੇ ਬ੍ਰਾਇਨ ਸੀਵਰ ਨੇ ਦਿੱਤੀ ਜਾਣਕਾਰੀ

ਬ੍ਰਾਇਨ ਸੀਵਰ ਨੇ ਇੰਸਟਾਗ੍ਰਾਮ ਵੀਡੀਓ ਵਿੱਚ ਦੱਸਿਆ ਕਿ ਡੌਲੀ ਪਾਰਟਨ ਨੇ ਕਈ ਸਾਲ ਪਹਿਲਾਂ ਹੀ ਉਨ੍ਹਾਂ ਨੂੰ ਆਪਣੇ ਦੇਹਾਂਤ ਦੀ ਖ਼ਬਰ ਸਾਂਝੀ ਕਰਨ ਲਈ ਕਿਹਾ ਸੀ। ਬ੍ਰਾਇਨ ਦੋ ਦਹਾਕਿਆਂ ਤੋਂ ਵੱਧ ਸਮੇਂ ਤੱਕ ਡੌਲੀ ਪਾਰਟਨ ਦੇ ਸੁਰੱਖਿਆ ਮੁਖੀ ਰਹੇ।

ਉਨ੍ਹਾਂ ਨੇ ਕਿਹਾ ਕਿ ਇਹ ਐਲਾਨ ਉਨ੍ਹਾਂ ਲਈ ਮਾਣ ਅਤੇ ਡੂੰਘੇ ਦੁੱਖ ਨਾਲ ਭਰਿਆ ਪਲ ਹੈ। ਬ੍ਰਾਇਨ ਮੁਤਾਬਕ, ਡੌਲੀ ਨੇ ਆਪਣੇ ਪਰਿਵਾਰ ਦੇ ਨਾਲ-ਨਾਲ ਕਈ ਗਾਇਕਾਂ, ਗੀਤਕਾਰਾਂ, ਸੰਗੀਤਕਾਰਾਂ ਅਤੇ ਸੁਪਨੇ ਦੇਖਣ ਵਾਲੇ ਲੋਕਾਂ ਲਈ ਵੀ ਨਵੇਂ ਦਰਵਾਜ਼ੇ ਖੋਲ੍ਹੇ।

ਬ੍ਰਾਇਨ ਨੇ ਆਪਣੀ ਵੀਡੀਓ ਵਿੱਚ ਡੌਲੀ ਪਾਰਟਨ ਨੂੰ ਪਰਿਵਾਰ ਦੀ ਪਿਆਰੀ ਮੈਂਬਰ, ਮਾਂ-ਵਰਗੀ ਸ਼ਖ਼ਸੀਅਤ ਅਤੇ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਪ੍ਰੇਰਣਾ ਦੱਸਿਆ। ਉਨ੍ਹਾਂ ਕਿਹਾ ਕਿ ਡੌਲੀ ਨੇ ਆਪਣੀ ਮਿਹਨਤ ਅਤੇ ਉਦਾਹਰਨ ਰਾਹੀਂ ਲੋਕਾਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਜ਼ਿੰਦਗੀ ਵਿੱਚ ਅਸੰਭਵ ਲੱਗਣ ਵਾਲੇ ਸੁਪਨੇ ਵੀ ਪੂਰੇ ਕੀਤੇ ਜਾ ਸਕਦੇ ਹਨ।

160 ਮਿਲੀਅਨ ਤੋਂ ਵੱਧ ਐਲਬਮਾਂ ਦੀ ਵਿਕਰੀ

ਡੌਲੀ ਪਾਰਟਨ ਨੂੰ ਦੁਨੀਆ ਦੀ ਸਭ ਤੋਂ ਵੱਧ ਵਿਕਣ ਵਾਲੀ ਮਹਿਲਾ ਕੰਟਰੀ ਮਿਊਜ਼ਿਕ ਕਲਾਕਾਰ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਨੇ ਦੁਨੀਆ ਭਰ ਵਿੱਚ 160 ਮਿਲੀਅਨ ਤੋਂ ਵੱਧ ਐਲਬਮਾਂ ਵੇਚੀਆਂ।

ਉਨ੍ਹਾਂ ਦਾ ਸੰਗੀਤਕ ਸਫ਼ਰ 1967 ਵਿੱਚ ਜਾਰੀ ਹੋਈ ਪਹਿਲੀ ਐਲਬਮ ‘ਹੈਲੋ, ਆਈ ਐਮ ਡੌਲੀ’ ਨਾਲ ਸ਼ੁਰੂ ਹੋਇਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਇੱਕ ਤੋਂ ਬਾਅਦ ਇੱਕ ਅਜਿਹੇ ਗੀਤ ਦਿੱਤੇ ਜੋ ਅੱਜ ਵੀ ਵਿਸ਼ਵ ਪੱਧਰ 'ਤੇ ਸੁਣੇ ਜਾਂਦੇ ਹਨ।

ਡੌਲੀ ਪਾਰਟਨ ਦੇ ਮਸ਼ਹੂਰ ਗੀਤਾਂ ਵਿੱਚ ‘ਆਈ ਵਿਲ ਆਲਵੇਜ਼ ਲਵ ਯੂ’, ‘9 ਟੂ 5’ ਅਤੇ ‘ਜੋਲੀਨ’ ਖ਼ਾਸ ਤੌਰ 'ਤੇ ਸ਼ਾਮਲ ਹਨ। ਇਨ੍ਹਾਂ ਗੀਤਾਂ ਨੇ ਉਨ੍ਹਾਂ ਨੂੰ ਕੰਟਰੀ ਮਿਊਜ਼ਿਕ ਦੀ ਦੁਨੀਆ ਵਿੱਚ ਅਮਰ ਬਣਾ ਦਿੱਤਾ। ਉਨ੍ਹਾਂ ਦੇ ਗੀਤਾਂ ਵਿੱਚ ਪਿਆਰ, ਵਿਛੋੜਾ, ਸੰਘਰਸ਼, ਮਿਹਨਤ ਅਤੇ ਆਮ ਲੋਕਾਂ ਦੀ ਜ਼ਿੰਦਗੀ ਦੀਆਂ ਭਾਵਨਾਵਾਂ ਨੂੰ ਬੇਹੱਦ ਪ੍ਰਭਾਵਸ਼ਾਲੀ ਢੰਗ ਨਾਲ ਪੇਸ਼ ਕੀਤਾ ਗਿਆ।

ਪਿੰਡਾਂ ਵਾਲੇ ਮਾਹੌਲ ਤੋਂ ਵਿਸ਼ਵ ਪੱਧਰੀ ਪਛਾਣ ਤੱਕ

ਡੌਲੀ ਪਾਰਟਨ ਨੇ ਸਧਾਰਣ ਪਿਛੋਕੜ ਤੋਂ ਉੱਠ ਕੇ ਸੰਗੀਤ ਦੀ ਦੁਨੀਆ ਵਿੱਚ ਆਪਣਾ ਨਾਂ ਬਣਾਇਆ। ਉਨ੍ਹਾਂ ਦੀ ਕਹਾਣੀ ਸਿਰਫ਼ ਸਫ਼ਲਤਾ ਦੀ ਕਹਾਣੀ ਨਹੀਂ, ਸਗੋਂ ਲਗਾਤਾਰ ਮਿਹਨਤ, ਵਿਸ਼ਵਾਸ ਅਤੇ ਆਪਣੀਆਂ ਜੜ੍ਹਾਂ ਨਾਲ ਜੁੜੇ ਰਹਿਣ ਦੀ ਮਿਸਾਲ ਵੀ ਹੈ।

ਉਨ੍ਹਾਂ ਨੇ ਕੰਟਰੀ ਮਿਊਜ਼ਿਕ ਨੂੰ ਦੁਨੀਆ ਦੇ ਵੱਡੇ ਦਰਸ਼ਕ ਵਰਗ ਤੱਕ ਪਹੁੰਚਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਡੌਲੀ ਪਾਰਟਨ ਦੀ ਪੇਸ਼ਕਾਰੀ ਵਿੱਚ ਉਨ੍ਹਾਂ ਦੀ ਵਿਲੱਖਣ ਆਵਾਜ਼ ਦੇ ਨਾਲ ਚਮਕਦਾਰ ਪਹਿਰਾਵਾ, ਖੁੱਲ੍ਹੀ ਮੁਸਕਰਾਹਟ ਅਤੇ ਦਰਸ਼ਕਾਂ ਨਾਲ ਸਿੱਧਾ ਸੰਵਾਦ ਹਮੇਸ਼ਾ ਖ਼ਾਸ ਰਹਿੰਦਾ ਸੀ।

ਉਨ੍ਹਾਂ ਦੀ ਕਲਾ ਨੇ ਇਹ ਵੀ ਸਾਬਤ ਕੀਤਾ ਕਿ ਲੋਕਪ੍ਰਿਯਤਾ ਦੇ ਬਾਵਜੂਦ ਆਪਣੀ ਪਛਾਣ, ਆਪਣੀ ਭਾਸ਼ਾ ਅਤੇ ਆਪਣੀਆਂ ਜੜ੍ਹਾਂ ਨਾਲ ਜੁੜੇ ਰਹਿਣਾ ਸੰਭਵ ਹੈ। ਇਸੇ ਕਾਰਨ ਡੌਲੀ ਪਾਰਟਨ ਨੂੰ ਸਿਰਫ਼ ਅਮਰੀਕਾ ਹੀ ਨਹੀਂ, ਸਗੋਂ ਦੁਨੀਆ ਭਰ ਦੇ ਸੰਗੀਤ ਪ੍ਰੇਮੀਆਂ ਵੱਲੋਂ ਪਿਆਰ ਮਿਲਿਆ।

1999 ਵਿੱਚ ਕੰਟਰੀ ਮਿਊਜ਼ਿਕ ਹਾਲ ਆਫ਼ ਫੇਮ ਵਿੱਚ ਸ਼ਾਮਲ

ਡੌਲੀ ਪਾਰਟਨ ਨੂੰ 1999 ਵਿੱਚ ਕੰਟਰੀ ਮਿਊਜ਼ਿਕ ਹਾਲ ਆਫ਼ ਫੇਮ ਵਿੱਚ ਸ਼ਾਮਲ ਕੀਤਾ ਗਿਆ ਸੀ। ਇਹ ਸਨਮਾਨ ਕੰਟਰੀ ਮਿਊਜ਼ਿਕ ਦੀ ਦੁਨੀਆ ਵਿੱਚ ਸਭ ਤੋਂ ਵੱਡੀਆਂ ਉਪਲਬਧੀਆਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ।

ਇਸ ਯਾਦਗਾਰ ਮੌਕੇ 'ਤੇ ਡੌਲੀ ਨੇ ਆਪਣਾ ਪ੍ਰਸਿੱਧ ਗੀਤ ‘ਕੋਟ ਆਫ਼ ਮੈਨੀ ਕਲਰਜ਼’ ਪੇਸ਼ ਕੀਤਾ ਸੀ। ਉਨ੍ਹਾਂ ਦੀ ਸਥਾਪਨਾ ਦੀ ਰਸਮ ਉਨ੍ਹਾਂ ਦੇ ਕਰੀਬੀ ਦੋਸਤ ਅਤੇ ਮਸ਼ਹੂਰ ਗਾਇਕ ਕੈਨੀ ਰੋਜਰਸ ਨੇ ਨਿਭਾਈ ਸੀ।

ਕੈਨੀ ਰੋਜਰਸ ਅਤੇ ਡੌਲੀ ਪਾਰਟਨ ਦੀ ਦੋਸਤੀ ਅਤੇ ਸੰਗੀਤਕ ਸਾਂਝ ਨੂੰ ਕੰਟਰੀ ਮਿਊਜ਼ਿਕ ਦੇ ਇਤਿਹਾਸ ਵਿੱਚ ਖ਼ਾਸ ਸਥਾਨ ਹਾਸਲ ਹੈ। ਦੋਵਾਂ ਨੇ ਇਕੱਠੇ ਕਈ ਯਾਦਗਾਰ ਪੇਸ਼ਕਾਰੀਆਂ ਕੀਤੀਆਂ, ਜਿਨ੍ਹਾਂ ਨੂੰ ਅੱਜ ਵੀ ਸੰਗੀਤ ਪ੍ਰੇਮੀ ਪਸੰਦ ਕਰਦੇ ਹਨ।

2021 ਵਿੱਚ ਮਿਲਿਆ ਆਖ਼ਰੀ ਗ੍ਰੈਮੀ ਪੁਰਸਕਾਰ

ਡੌਲੀ ਪਾਰਟਨ ਨੂੰ ਆਪਣਾ ਆਖ਼ਰੀ ਗ੍ਰੈਮੀ ਪੁਰਸਕਾਰ 2021 ਵਿੱਚ ਮਿਲਿਆ। ਇਹ ਸਨਮਾਨ ਉਨ੍ਹਾਂ ਨੂੰ ਗਾਇਕ ਜ਼ੈਕ ਵਿਲੀਅਮਜ਼ ਨਾਲ ਗਾਏ ਗੀਤ ‘ਦੇਅਰ ਵਾਜ਼ ਜੀਸਸ’ ਲਈ ਦਿੱਤਾ ਗਿਆ ਸੀ।

ਇਹ ਪੁਰਸਕਾਰ ਉਨ੍ਹਾਂ ਦੀ ਲੰਬੀ ਅਤੇ ਸਫ਼ਲ ਸੰਗੀਤਕ ਯਾਤਰਾ ਵਿੱਚ ਇੱਕ ਹੋਰ ਮਹੱਤਵਪੂਰਨ ਉਪਲਬਧੀ ਸੀ। ਕਈ ਦਹਾਕਿਆਂ ਤੱਕ ਸਰਗਰਮ ਰਹਿਣ ਦੇ ਬਾਵਜੂਦ ਡੌਲੀ ਪਾਰਟਨ ਨੇ ਨਵੇਂ ਕਲਾਕਾਰਾਂ ਨਾਲ ਕੰਮ ਕਰਨਾ ਜਾਰੀ ਰੱਖਿਆ ਅਤੇ ਬਦਲਦੇ ਸੰਗੀਤਕ ਦੌਰ ਨਾਲ ਆਪਣੇ ਆਪ ਨੂੰ ਜੋੜੀ ਰੱਖਿਆ।

ਪਿਛਲੇ ਸਾਲ ਉਨ੍ਹਾਂ ਨੂੰ ਆਡੀਓਬੁੱਕ ਸ਼੍ਰੇਣੀ ਵਿੱਚ ਵੀ ਨਾਮਜ਼ਦਗੀ ਮਿਲੀ ਸੀ। ਇਹ ਨਾਮਜ਼ਦਗੀ ਉਨ੍ਹਾਂ ਦੀ ਕਿਤਾਬ ‘ਬਿਹਾਈਂਡ ਦ ਸੀਮਜ਼: ਮਾਈ ਲਾਈਫ ਇਨ ਰਾਈਨਸਟੋਨਜ਼’ ਦੇ ਪਾਠ ਲਈ ਹੋਈ ਸੀ।

ਸਿਹਤ ਕਾਰਨਾਂ ਕਰਕੇ ਲਾਸ ਵੇਗਾਸ ਦੇ ਸ਼ੋਅ ਰੱਦ ਕੀਤੇ

ਸਤੰਬਰ 2025 ਵਿੱਚ ਡੌਲੀ ਪਾਰਟਨ ਨੇ ਲਾਸ ਵੇਗਾਸ ਦੇ ਸੀਜ਼ਰਜ਼ ਪੈਲੇਸ ਵਿੱਚ ਹੋਣ ਵਾਲੇ ਛੇ ਸ਼ੋਅ ਵਾਲੇ ਸੰਗੀਤਕ ਪ੍ਰੋਗਰਾਮ ਨੂੰ ਰੱਦ ਕਰ ਦਿੱਤਾ ਸੀ। ਇਹ ਪ੍ਰੋਗਰਾਮ ਉਨ੍ਹਾਂ ਦੀ ਲੰਬੇ ਸਮੇਂ ਬਾਅਦ ਮੰਚ 'ਤੇ ਵਾਪਸੀ ਵਜੋਂ ਦੇਖਿਆ ਜਾ ਰਿਹਾ ਸੀ।

ਉਸ ਸਮੇਂ ਉਨ੍ਹਾਂ ਨੇ ਆਪਣੀ ਸਿਹਤ ਠੀਕ ਨਾ ਹੋਣ ਕਾਰਨ ਇਹ ਫ਼ੈਸਲਾ ਕੀਤਾ ਸੀ। ਸ਼ੋਅ ਰੱਦ ਹੋਣ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਵਿੱਚ ਨਿਰਾਸ਼ਾ ਦੇਖਣ ਨੂੰ ਮਿਲੀ ਸੀ, ਪਰ ਉਨ੍ਹਾਂ ਨੇ ਆਪਣੇ ਸੰਗੀਤ ਅਤੇ ਪ੍ਰਸ਼ੰਸਕਾਂ ਨਾਲ ਜੁੜਾਅ ਬਣਾਈ ਰੱਖਿਆ।

ਡੌਲੀ ਪਾਰਟਨ ਦੀ ਸਿਹਤ ਨਾਲ ਜੁੜੀ ਇਹ ਖ਼ਬਰ ਉਸ ਸਮੇਂ ਸੁਰਖ਼ੀਆਂ ਵਿੱਚ ਰਹੀ ਸੀ। ਹੁਣ ਉਨ੍ਹਾਂ ਦੇ ਦੇਹਾਂਤ ਦੀ ਜਾਣਕਾਰੀ ਸਾਹਮਣੇ ਆਉਣ ਤੋਂ ਬਾਅਦ ਕੰਟਰੀ ਮਿਊਜ਼ਿਕ ਜਗਤ ਅਤੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਵਿੱਚ ਸੋਗ ਦੀ ਲਹਿਰ ਹੈ।

ਡੌਲੀ ਪਾਰਟਨ ਦੀ ਵਿਰਾਸਤ ਹਮੇਸ਼ਾ ਜ਼ਿੰਦਾ ਰਹੇਗੀ

ਡੌਲੀ ਪਾਰਟਨ ਨੇ ਆਪਣੇ ਗੀਤਾਂ ਰਾਹੀਂ ਪਿਆਰ, ਦਰਦ, ਮਿਹਨਤ ਅਤੇ ਉਮੀਦ ਦੀਆਂ ਕਹਾਣੀਆਂ ਸੁਣਾਈਆਂ। ਉਨ੍ਹਾਂ ਦੀ ਕਲਾ ਨੇ ਵੱਖ-ਵੱਖ ਦੇਸ਼ਾਂ ਅਤੇ ਪੀੜ੍ਹੀਆਂ ਦੇ ਲੋਕਾਂ ਨੂੰ ਜੋੜਿਆ।

ਉਹ ਆਪਣੇ ਪਰਿਵਾਰ ਲਈ ਪਿਆਰ ਭਰੀ ਸ਼ਖ਼ਸੀਅਤ ਸਨ। ਇਸ ਦੇ ਨਾਲ ਹੀ ਉਹ ਗਾਇਕਾਂ, ਗੀਤਕਾਰਾਂ, ਸੰਗੀਤਕਾਰਾਂ ਅਤੇ ਨਵੇਂ ਸੁਪਨੇ ਦੇਖਣ ਵਾਲੇ ਕਲਾਕਾਰਾਂ ਲਈ ਪ੍ਰੇਰਣਾ ਦਾ ਸਰੋਤ ਰਹੀ। ਉਨ੍ਹਾਂ ਦੀ ਸਫ਼ਲਤਾ ਨੇ ਇਹ ਸੰਦੇਸ਼ ਦਿੱਤਾ ਕਿ ਪ੍ਰਤਿਭਾ ਦੇ ਨਾਲ ਮਿਹਨਤ, ਨਿਮਰਤਾ ਅਤੇ ਲੋਕਾਂ ਨਾਲ ਜੁੜਾਅ ਵੀ ਲੰਬੀ ਪਛਾਣ ਬਣਾਉਣ ਲਈ ਜ਼ਰੂਰੀ ਹਨ।

ਉਨ੍ਹਾਂ ਦੇ ਦੇਹਾਂਤ ਨਾਲ ਕੰਟਰੀ ਮਿਊਜ਼ਿਕ ਨੇ ਆਪਣੀ ਇੱਕ ਮਹਾਨ ਆਵਾਜ਼ ਗੁਆ ਲਈ ਹੈ। ਹਾਲਾਂਕਿ ਉਨ੍ਹਾਂ ਦੇ ਗੀਤ, ਉਨ੍ਹਾਂ ਦੀ ਲਿਖਤ ਅਤੇ ਉਨ੍ਹਾਂ ਵੱਲੋਂ ਖੋਲ੍ਹੇ ਗਏ ਮੌਕੇ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰਦੇ ਰਹਿਣਗੇ।

Country music legend Dolly Parton dies at 80

Wed, 26 Aug 2026 09:59:52 +0530

Los Angeles [US], August 26 (ANI): Country music legend Dolly Parton has passed away. She was 80.

The news of her demise was shared by her nephew, Bryan Seaver, via an Instagram video, as per PEOPLE.

"My name is Bryan Seaver, son of Cassie Parton, and I'm representing the Parton and Owens family today announcing the passing of my aunt, Dolly Rebecca Parton Dean, Sister, Sis and Granny to one generation and Gigi to the next," he said in the video.

"This video announcement is something Dolly asked of me years ago, before I fully absorbed it as a future reality. As her head of security for more than two decades, a role my father Larry held before me, I have imagined the heaviness of this moment but haven't truly felt it until now."

Seaver added: "It is an honor, an honor that is mixed with absolute pride and great sadness. But sadness lies with us, not with Dolly. Dolly has lived in the light and is in the arms of Jesus, surely met by Carl, her parents and countless others who have watched her and longed to meet her in the heavens."

"I first went on the road with Dolly as a kid, getting a taste of the road life in the early 1980s. Dolly opened doors not just for me but for her entire family to reach the potential we didn't even know was possible. Dolly also opened doors for generations of singers, songwriters, musicians and dreamers from every walk of life and across every continent., Seaver added in the video message. "By her example, we believed that anything is possible. She never saw a door she couldn't open, and the doors she opened made and changed history.

Seaver ended his statement, saying, "Rest in peace, Aunt Dolly -- Aunt, Granny, Gigi. May God bless Dolly Parton, and may God bless you all. She will always love you."

Parton's health issues had become headlines in the fall of 2025, when she announced that she would not be able to follow through on a six-show December residency at Las Vegas' Caesars Palace that had been announced as a long-awaited return to the concert stage.

With a distinguished career that lasted decades, Parton is the best-selling female country music artist of all time, having sold more than 160 million albums worldwide. Her debut album was 1967's Hello, I'm Dolly, and she went on to release a slew of hits, including "I Will Always Love You," "9 to 5" and "Jolene."

The music icon was also inducted into the Country Music Hall of Fame in 1999. During the memorable ceremony, she performed her hit song "Coat of Many Colors." Parton's close friend and "Islands in the Stream" duet partner Kenny Rogers presided over her induction.

Her final Grammy came in 2021 in a contemporary Christian music category for "There Was Jesus," a song she recorded with Zach Williams. She was nominated again this past year in the audiobook category for her reading of the book "Behind the Seams: My Life in Rhinestones." (ANI)

"Khatam kyun nahin hone dete yeh baat?":Taapsee gets irked over reporter's question on past feud with Kangana Ranaut

Tue, 25 Aug 2026 17:33:27 +0530

Mumbai (Maharashtra) [India], August 25 (ANI): It seems actor Taapsee Pannu is tired of being repeatedly asked by the media about her past feud with actor-politician Kangana Ranaut.

On Tuesday, Taapsee Pannu attended a press meet for her upcoming film 'Gandhari'. However, she appeared irked when a reporter brought up her past war of words with actor-politician Kangana Ranaut during the interaction.

"Aadmi kyun aisa question puchta hai aurton ko? Aap khatam kyun nahin hone dete yeh baat? Koi question puchna hum dono se band karega jab yeh wala, toh yeh issue bhi khatam ho jayega. Aap sab logon ko maza aa raha hai yeh sab dekh ke, isiliye wahi sawaal puch rahe hain. Aise sawaal puchna agar aap band kar dete, toh yeh baat kab ki khatam ho jati. (Why do men ask women such questions? Why don't you let this matter end? If all of you stop asking both of us questions about this, the issue will also come to an end. You all seem to enjoy watching this, which is why you keep asking the same question. If you stopped asking such questions, this matter would have ended long ago)," Taapsee said.

The reporter's question came a day after Kangana Ranaut took a dig at several celebrities and public figures who had criticised her in the past, including Ashutosh Rana, Sonu Sood, Rakhi Sawant, Taapsee Pannu and Baba Ramdev.

While speaking to the media, she said, "I see such people every day, whether it is Ashutosh Rana, who says that I bark like a dog, or Sonu Sood, who says that I should learn how to behave. People like Rakhi Sawant, who makes all kinds of vulgar comments about my character, and Taapsee Pannu, who keeps insulting my parents, my upbringing and my background."

The public spat between the two dates back to 2019. Reportedly, It began after Taapsee Pannu praised the trailer of Kangana Ranaut's film Judgementall Hai Kya, but she did not name or tag Kangana in her tweet. This did not go down well with Kangana's sister Rangoli Chandel. She responded to Taapsee's remarks on social media, calling her a "sasti copy" of Kangana.

The remarks sparked a wider discussion about the equation between the two actors. Taapsee later spoke about the controversy in several interviews, while Kangana also continued to comment on her at different points. (ANI)

ਪੰਜਾਬ ਦੇ ਨਾਮੀ ਕਾਮੇਡੀਅਨ ਦੇ ਪਿਤਾ ਦਾ ਦੇਹਾਂਤ; ਪਾਲੀਵੁੱਡ ਤੋਂ ਲੈ ਕੇ ਬਾਲੀਵੁੱਡ ਤੱਕ ਸੋਗ ਦੀ ਲਹਿਰ

Mon, 24 Aug 2026 12:36:31 +0530

ਕਾਮੇਡੀਅਨ ਰਾਜੀਵ ਠਾਕੁਰ 'ਤੇ ਦੁੱਖਾਂ ਦਾ ਪਹਾੜ ਟੁੱਟ ਪਿਆ ਹੈ, ਕਿਉਂਕਿ ਉਨ੍ਹਾਂ ਦੇ ਪਿਤਾ ਦਾ ਦੇਹਾਂਤ ਹੋ ਗਿਆ ਹੈ। ਰਾਜੀਵ ਠਾਕੁਰ ਦੇ ਪਿਤਾ ਦੇ ਦੇਹਾਂਤ ਦੀ ਖ਼ਬਰ ਨੂੰ ਉਨ੍ਹਾਂ ਦੇ ਦੋਸਤ ਅਤੇ ਕਾਮੇਡੀਅਨ ਕ੍ਰਿਸ਼੍ਨਾ ਅਭਿਸ਼ੇਕ ਨੇ ਕਨਫ਼ਰਮ ਕੀਤਾ ਹੈ। ਇਸੇ ਕਾਰਨ ਦੋਵਾਂ ਦੇ ਇੰਦੌਰ ਵਾਲੇ ਇਵੈਂਟ ਵੀ ਮੁਲਤਵੀ (ਪੋਸਟਪੋਨ) ਕਰ ਦਿੱਤੇ ਗਏ ਹਨ। ਹਾਲਾਂਕਿ ਅਜੇ ਤੱਕ ਇਹ ਸਾਫ਼ ਨਹੀਂ ਹੋਇਆ ਹੈ ਕਿ ਰਾਜੀਵ ਠਾਕੁਰ ਦੇ ਪਿਤਾ ਨੂੰ ਕੀ ਹੋਇਆ ਸੀ।

ਅਚਾਨਕ ਇਸ ਤਰ੍ਹਾਂ ਸਿਰ ਤੋਂ ਪਿਤਾ ਦਾ ਸਾਇਆ ਉੱਠ ਜਾਣ ਨਾਲ ਕਾਮੇਡੀਅਨ ਰਾਜੀਵ ਠਾਕੁਰ ਨੂੰ ਵੱਡਾ ਝਟਕਾ ਲੱਗਿਆ ਹੈ। ਹਰ ਇੱਕ ਸਖਸ਼ ਦੇ ਲਈ ਮਾਪੇ ਬਹੁਤ ਹੀ ਅਹਿਮ ਹੁੰਦੇ ਹਨ। ਮਾਪਿਆਂ ਦੇ ਚੱਲੇ ਜਾਣ ਦੀ ਘਾਟ ਕਦੇ ਵੀ ਕੋਈ ਵੀ ਨਹੀਂ ਪੂਰੀ ਕਰ ਸਕਦਾ। ਕਲਾਕਾਰ ਅਤੇ ਫੈਨਜ਼ ਕਮੈਂਟਾਂ ਤੇ ਪੋਸਟਾਂ ਰਾਹੀਂ ਰਾਜੀਵ ਠਾਕੁਰ ਨੂੰ ਹੌਂਸਲਾ ਦੇ ਰਹੇ ਨੇ ਅਤੇ ਪ੍ਰਾਰਥਨਾ ਕਰ ਰਹੇ ਨੇ ਪ੍ਰਮਾਤਮਾ ਵਿਛੜੀ ਰੂਹ ਨੂੰ ਆਪਣੇ ਚਰਨਾਂ 'ਚ ਨਿਵਾਸ ਬਖਸ਼ੇ ਅਤੇ ਪਿੱਛੇ ਪਰਿਵਾਰ ਨੂੰ ਇਹ ਭਾਣਾ ਮੰਨਣ ਦਾ ਬਲ ਬਖਸ਼ੇ।

ਕਾਮੇਡੀਅਨ ਕ੍ਰਿਸ਼ਨਾ ਨੇ ਸਾਂਝੀ ਕੀਤੀ ਦੁਖਦਾਇਕ ਖਬਰ

ਕ੍ਰਿਸ਼ਨਾ ਨੇ ਇਸ ਦੁਖਦਾਈ ਖ਼ਬਰ ਨੂੰ ਸਾਂਝਾ ਕਰਦੇ ਹੋਏ ਪ੍ਰਸ਼ੰਸਕਾਂ ਨੂੰ ਅੱਪਡੇਟ ਦਿੱਤਾ ਕਿ ਉਹ ਹੁਣੇ-ਹੁਣੇ ਇੰਦੌਰ ਪਹੁੰਚੇ ਹਨ, ਪਰ ਪਹੁੰਚਦਿਆਂ ਹੀ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਰਾਜੀਵ ਠਾਕੁਰ ਦੇ ਪਿਤਾ ਨਹੀਂ ਰਹੇ। ਉਹ ਖ਼ੁਦ ਕ੍ਰਿਸ਼੍ਨਾ ਨਾਲ ਇੰਦੌਰ ਦੇ ਇਵੈਂਟ ਵਿੱਚ ਪਰਫ਼ਾਰਮ ਕਰਨ ਵਾਲੇ ਸਨ, ਪਰ ਹੁਣ ਇਸ ਦੁਖਦਾਈ ਖ਼ਬਰ ਕਾਰਨ ਇਹ ਇਵੈਂਟ ਪੋਸਟਪੋਨ ਹੋ ਰਿਹਾ ਹੈ।

ਰਾਜੀਵ ਠਾਕੁਰ-ਕ੍ਰਿਸ਼ਨਾ ਦਾ ਸ਼ੋਅ ਪੋਸਟਪੋਨ

ਇੰਦੌਰ ਦੇ ਸ਼ੋਅ ਬਾਰੇ ਕ੍ਰਿਸ਼ਨਾ ਨੇ ਪ੍ਰਸ਼ੰਸਕਾਂ ਨੂੰ ਦੱਸਿਆ ਕਿ ਇਸ ਦੁਖਦਾਈ ਖ਼ਬਰ ਕਾਰਨ ਸ਼ੋਅ ਨੂੰ ਰੱਦ ਕਰਨਾ ਪੈ ਰਿਹਾ ਹੈ। ਜਿਨ੍ਹਾਂ ਵੀ ਪ੍ਰਸ਼ੰਸਕਾਂ ਨੇ ਸ਼ੋਅ ਦੀਆਂ ਟਿਕਟਾਂ ਖਰੀਦੀਆਂ ਹਨ, ਉਨ੍ਹਾਂ ਵਿੱਚੋਂ ਕਿਸੇ ਦਾ ਵੀ ਪੈਸਾ ਬਰਬਾਦ ਨਹੀਂ ਜਾਵੇਗਾ, ਕਿਉਂਕਿ ਉਹ ਜਲਦੀ ਹੀ ਸ਼ੋਅ ਨੂੰ ਮੁੜ ਤੈਅ (ਰੀਸ਼ਡਿਊਲ) ਕਰਨਗੇ। ਉਨ੍ਹਾਂ ਸਾਰੇ ਪ੍ਰਸ਼ੰਸਕਾਂ ਦਾ ਸਾਥ ਮੰਗਿਆ ਅਤੇ ਕਿਹਾ ਕਿ ਉਹ ਜਲਦੀ ਹੀ ਨਵੀਂ ਤਾਰੀਖ ਦਾ ਐਲਾਨ ਕਰਨਗੇ।

View this post on Instagram

A post shared by Dream Deviser (@deviserdream)

ਸ਼ੋਅ ਦੇ ਆਯੋਜਕ ਵੱਲੋਂ ਵੀ ਜਾਰੀ ਕੀਤਾ ਗਿਆ ਬਿਆਨ

ਕ੍ਰਿਸ਼ਨਾ ਤੋਂ ਬਾਅਦ ਸ਼ੋਅ ਦੇ ਆਯੋਜਕ ਨੇ ਵੀ ਐਲਾਨ ਕੀਤਾ ਕਿ ਪ੍ਰੋਗਰਾਮ ਨੂੰ ਜਲਦੀ ਹੀ ਮੁੜ ਤੈਅ (ਰੀਸ਼ਡਿਊਲ) ਕੀਤਾ ਜਾਵੇਗਾ। ਉਨ੍ਹਾਂ ਨੇ ਅਧਿਕਾਰਤ ਬਿਆਨ ਜਾਰੀ ਕਰਦਿਆਂ ਦੱਸਿਆ, ‘ਬਹੁਤ ਹੀ ਭਾਰੀ ਮਨ ਨਾਲ ਦੱਸਣਾ ਪੈ ਰਿਹਾ ਹੈ ਕਿ ਟਿਕਟਾਂ ਬੁੱਕ ਕਰ ਚੁੱਕੇ ਲੋਕਾਂ ਨੂੰ ਪ੍ਰੇਸ਼ਾਨੀ ਹੋਈ ਹੈ। ਅਚਾਨਕ ਆਈਆਂ ਦਿੱਕਤਾਂ ਦੇ ਚਲਦਿਆਂ ਸ਼ੋਅ ਨੂੰ ਮੁਲਤਵੀ ਕਰਨਾ ਪਿਆ ਹੈ। ਅਸੀਂ ਸਾਰਿਆਂ ਦੇ ਪੈਸੇ ਰਿਫੰਡ ਕਰ ਦੇਵਾਂਗੇ ਅਤੇ ਜਲਦੀ ਹੀ ਸ਼ੋਅ ਨੂੰ ਦੁਬਾਰਾ ਤੋਂ ਰੀਸ਼ਡਿਊਲ ਕਰਾਂਗੇ।’

ਸਲਮਾਨ ਖ਼ਾਨ ਦੇ ਬਾਡੀ ਡਬਲ ਨੂੰ ਆਇਆ ਹਾਰਟ ਅਟੈਕ, ਹੁਣ ਕੌਣ ਕਰੇਗਾ SLVC3 ਦੇ ਐਕਸ਼ਨ ਸੀਨ!

Sat, 22 Aug 2026 12:42:20 +0530

ਬਾਲੀਵੁੱਡ ਦੇ ਮਸ਼ਹੂਰ ਸਟਾਰ ਸਲਮਾਨ ਖ਼ਾਨ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫ਼ਿਲਮ 'SLVC3' ਨੂੰ ਲੈ ਕੇ ਕਾਫੀ ਚਰਚਾ ਵਿੱਚ ਹਨ। ਵਾਮਸ਼ੀ ਪੈਡੀਪੱਲੀ ਦੀ ਅਗਵਾਈ ਹੇਠ ਬਣ ਰਹੀ ਇਸ ਐਕਸ਼ਨ ਫ਼ਿਲਮ ਦੀ ਸ਼ੂਟਿੰਗ ਜ਼ੋਰ-ਸ਼ੋਰ ਨਾਲ ਚੱਲ ਰਹੀ ਹੈ। ਇਸ ਦੌਰਾਨ ਫ਼ਿਲਮ ਦੇ ਸੈੱਟ ਤੋਂ ਇੱਕ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆਈ ਹੈ; ਦੱਸਿਆ ਜਾ ਰਿਹਾ ਹੈ ਕਿ ਸ਼ੂਟਿੰਗ ਦੌਰਾਨ ਸਲਮਾਨ ਖ਼ਾਨ ਦੇ ਬਾਡੀ ਡਬਲ ਨੂੰ ਅਚਾਨਕ ਦਿਲ ਦਾ ਦੌਰਾ (ਹਾਰਟ ਅਟੈਕ) ਆ ਗਿਆ ਹੈ, ਜਿਸ ਕਾਰਨ ਉਹ ਫ਼ਿਲਮ ਦੀ ਸ਼ੂਟਿੰਗ ਕਰਨ ਦੀ ਹਾਲਤ ਵਿੱਚ ਨਹੀਂ ਹਨ।

ਸਲਮਾਨ ਨੇ ਖ਼ੁਦ ਸੰਭਾਲੇ ਐਕਸ਼ਨ ਸੀਨ

ਰਿਪੋਰਟਾਂ ਮੁਤਾਬਕ, ਸਲਮਾਨ ਖ਼ਾਨ ਨੇ ਫ਼ਿਲਮ ਦੇ ਕੁਝ ਮੁਸ਼ਕਲ ਅਤੇ ਜੋਖ਼ਮ ਭਰੇ ਐਕਸ਼ਨ ਸੀਨ ਖ਼ੁਦ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਸਲਮਾਨ ਖ਼ਾਨ ਪਹਿਲਾਂ ਵੀ ਆਪਣੀਆਂ ਕਈ ਫ਼ਿਲਮਾਂ ਵਿੱਚ ਐਕਸ਼ਨ ਅਤੇ ਸਟੰਟ ਸੀਨ ਖ਼ੁਦ ਕਰਦੇ ਰਹੇ ਹਨ। ਇਸ ਸਥਿਤੀ ਵਿੱਚ, ਉਨ੍ਹਾਂ ਨੇ ਬਾਡੀ ਡਬਲ ਦੀ ਗੈਰ-ਮੌਜੂਦਗੀ ਵਿੱਚ ਵੀ ਸ਼ੂਟਿੰਗ ਜਾਰੀ ਰੱਖਣ ਦਾ ਫ਼ੈਸਲਾ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਜਦੋਂ ਤੱਕ ਸਟੰਟ ਪਰਫਾਰਮਰ ਪੂਰੀ ਤਰ੍ਹਾਂ ਠੀਕ ਹੋ ਕੇ ਸੈੱਟ 'ਤੇ ਵਾਪਸ ਨਹੀਂ ਪਰਤਦੇ, ਤਦ ਤੱਕ ਸਲਮਾਨ ਖ਼ੁਦ ਜ਼ਰੂਰੀ ਐਕਸ਼ਨ ਸੀਨ ਸ਼ੂਟ ਕਰ ਰਹੇ ਹਨ।

ਫ਼ਿਲਮ ਦਾ ਨਾਂ ਰੱਖਿਆ ਜਾ ਸਕਦਾ ਹੈ 'ਮੌਂਸਟਰ'?

ਫ਼ਿਲਮ ਨਾਲ ਜੁੜੇ ਸੂਤਰਾਂ ਮੁਤਾਬਕ, ਸਲਮਾਨ ਖ਼ਾਨ ਨਹੀਂ ਚਾਹੁੰਦੇ ਕਿ ਬਾਡੀ ਡਬਲ ਦੀ ਸਿਹਤ ਖ਼ਰਾਬ ਹੋਣ ਕਾਰਨ ਫ਼ਿਲਮ ਦਾ ਸ਼ੂਟਿੰਗ ਸ਼ਡਿਊਲ ਪ੍ਰਭਾਵਿਤ ਹੋਵੇ। ਇਸ ਲਈ ਹੁਣ ਉਹ SLVC3 ਦੇ ਐਕਸ਼ਨ ਸੀਨ ਖ਼ੁਦ ਕਰਨਗੇ। ਫ਼ਿਲਮਫੇਅਰ ਦੀ ਰਿਪੋਰਟ ਮੁਤਾਬਕ, ਸਲਮਾਨ ਖ਼ਾਨ ਦੀ ਇਸ ਫ਼ਿਲਮ ਦਾ ਨਾਂ 'ਮੌਂਸਟਰ' ਤੱਕ ਰੱਖਿਆ ਜਾ ਸਕਦਾ ਹੈ। ਫ਼ਿਲਹਾਲ ਮੇਕਰਸ ਨੇ ਇਸ ਬਾਰੇ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ।

ਨਾਮੀ ਟੀਵੀ ਐਕਟਰ ਦੀ ਕਾਰ ਦਾ ਐਕਸੀਡੈਂਟ, ਸ਼ੂਟਿੰਗ ਤੋਂ ਪਰਤਦੇ ਸਮੇਂ ਵਾਪਰਿਆ ਹਾਦਸਾ, ਫੈਨਜ਼ ਹੋਏ ਚਿੰਤਤ…

Fri, 21 Aug 2026 15:14:11 +0530

ਮਸ਼ਹੂਰ ਟੀਵੀ ਅਦਾਕਾਰ ਅਰਜੁਨ ਬਿਜਲਾਨੀ ਦੀ ਗੱਡੀ ਦਾ ਐਕਸੀਡੈਂਟ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਅਦਾਕਾਰ ਦੀ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ, ਪਰ ਖ਼ੁਸ਼ਕਿਸਮਤੀ ਨਾਲ ਉਹ ਵਾਲ-ਵਾਲ ਬਚ ਗਏ ਹਨ ਅਤੇ ਬਿਲਕੁਲ ਸਹੀ-ਸਲਾਮਤ ਹਨ। ਇਸ ਘਟਨਾ ਵਿੱਚ ਉਨ੍ਹਾਂ ਨੂੰ ਕੋਈ ਸੱਟ ਨਹੀਂ ਲੱਗੀ।

ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਅਰਜੁਨ ਬਿਜਲਾਨੀ ਆਪਣੇ ਆਉਣ ਵਾਲੇ ਨਵੇਂ ਸ਼ੂਟਿੰਗ ਪ੍ਰੋਜੈਕਟ ਤੋਂ ਪਰਤ ਰਹੇ ਸਨ। ਦੱਸ ਦੇਈਏ ਕਿ ਉਨ੍ਹਾਂ ਦਾ ਆਉਣ ਵਾਲਾ ਸ਼ੋਅ 'ਚੁੰਬਕ' ਸਿਰਫ਼ ਇੱਕ ਹਫ਼ਤੇ ਦੀ ਦੂਰੀ 'ਤੇ ਹੈ ਅਤੇ ਉਹ ਜਲਦੀ ਹੀ ਨੈੱਟਫਲਿਕਸ (Netflix) ਦੇ ਇੱਕ ਵੈੱਬ ਸ਼ੋਅ ਵਿੱਚ ਵੀ ਨਜ਼ਰ ਆਉਣ ਵਾਲੇ ਹਨ। ਹਾਦਸੇ ਸਮੇਂ ਕਾਰ ਵਿੱਚ ਮੌਜੂਦ ਅਦਾਕਾਰ ਸਮੇਤ ਸਾਰੇ ਲੋਕ ਸੁਰੱਖਿਅਤ ਹਨ।

View this post on Instagram

A post shared by Instant Bollywood (@instantbollywood)

ਕਿਹੜੇ ਸ਼ੋਅ ਵਿੱਚ ਆਉਣਗੇ ਨਜ਼ਰ?

ਹਾਲ ਹੀ ਵਿੱਚ ਅਰਜੁਨ ਬਿਜਲਾਨੀ ਇੱਕ ਭਾਰਤੀ ਗੇਮ ਸ਼ੋਅ ਵਿੱਚ ਵੀ ਪਹੁੰਚੇ ਸਨ, ਜਿੱਥੇ ਉਹ ਆਪਣੇ ਨਵੇਂ ਪ੍ਰੋਜੈਕਟ ਨੂੰ ਪ੍ਰਮੋਟ ਕਰਨ ਲਈ ਨਜ਼ਰ ਆਏ। ਇਸ ਸ਼ੋਅ ਦੀ ਸਟਾਰ ਕਾਸਟ ਵਿੱਚ ਅਰਜੁਨ ਬਿਜਲਾਨੀ ਤੋਂ ਇਲਾਵਾ ਨੀਨਾ ਗੁਪਤਾ, ਦੇਵੇਂ ਭੋਜਾਨੀ, ਹੇਲੀ ਸ਼ਾਹ ਅਤੇ ਮਾਨਸੀ ਪਾਰੇਖ ਵੀ ਸ਼ਾਮਲ ਹਨ। ਜਾਣਕਾਰੀ ਮੁਤਾਬਕ 'ਚੁੰਬਕ' ਇੱਕ ਪਰਿਵਾਰਕ ਸ਼ੋਅ (Family Show) ਹੈ।

ਜਿੱਤਿਆ ਸੀ ਰਿਐਲਿਟੀ ਸ਼ੋਅ

ਅਰਜੁਨ ਬਿਜਲਾਨੀ ਹਾਸੇ-ਮਜ਼ਾਕ ਨਾਲ ਭਰਪੂਰ ਭਾਰਤੀ ਸਿੰਘ ਦੇ ਫ਼ੂਡ ਸ਼ੋਅ 'ਲਾਫ਼ਟਰ ਸ਼ੈਫ਼ਸ' (Laughter Chefs) ਵਿੱਚ ਵੀ ਨਜ਼ਰ ਆਏ ਸਨ, ਜਿੱਥੇ ਉਨ੍ਹਾਂ ਦੀ ਜੋੜੀ ਤੇਜਸਵੀ ਪ੍ਰਕਾਸ਼ ਨਾਲ ਬਣੀ ਸੀ। ਇਸ ਤੋਂ ਇਲਾਵਾ, ਪਿਛਲੇ ਸਾਲ ਉਨ੍ਹਾਂ ਨੇ ਰਿਐਲਿਟੀ ਸ਼ੋਅ 'ਰਾਇਜ਼ ਐਂਡ ਫ਼ਾਲ' (Rise and Fall) ਦੀ ਟਰਾਫੀ ਵੀ ਆਪਣੇ ਨਾਂ ਕੀਤੀ ਸੀ। ਇਸ ਸ਼ੋਅ ਦੇ ਵਿਨਰ ਵਜੋਂ ਉਨ੍ਹਾਂ ਨੂੰ 28 ਲੱਖ ਰੁਪਏ ਦਾ ਨਕਦ ਇਨਾਮ ਅਤੇ ਲਗਜ਼ਰੀ ਤੋਹਫ਼ੇ (Hampers) ਮਿਲੇ ਸਨ।

ਇਨ੍ਹਾਂ ਪ੍ਰਸਿੱਧ ਸ਼ੋਅਜ਼ ਵਿੱਚ ਵੀ ਲਿਆ ਹੈ ਹਿੱਸਾ

'ਲਾਫ਼ਟਰ ਸ਼ੈਫ਼ਸ' ਅਤੇ 'ਰਾਇਜ਼ ਐਂਡ ਫ਼ਾਲ' ਤੋਂ ਇਲਾਵਾ ਅਰਜੁਨ ਬਿਜਲਾਨੀ ਨੇ ਕਈ ਹੋਰ ਨਾਮਵਰ ਰਿਐਲਿਟੀ ਸ਼ੋਅਜ਼ ਵਿੱਚ ਵੀ ਹਿੱਸਾ ਲਿਆ ਹੈ। ਉਨ੍ਹਾਂ ਨੇ 'ਫੀਅਰ ਫੈਕਟਰ: ਖ਼ਤਰੋਂ ਕੇ ਖਿਲਾੜੀ 12', 'ਝਲਕ ਦਿਖਲਾ ਜਾ 10', 'ਡਾਂਸ ਦੀਵਾਨੇ 4' ਅਤੇ 'ਖ਼ਤਰੋਂ ਕੇ ਖਿਲਾੜੀ 14' ਜਿਹੇ ਪ੍ਰਸਿੱਧ ਸ਼ੋਅਜ਼ ਰਾਹੀਂ ਦਰਸ਼ਕਾਂ ਦਾ ਖ਼ੂਬ ਮਨੋਰੰਜਨ ਕੀਤਾ ਹੈ। ਅਦਾਕਾਰ ਆਪਣੀ ਸ਼ਾਨਦਾਰ ਅਦਾਕਾਰੀ ਅਤੇ ਮਿਹਨਤ ਸਦਕਾ ਟੀਵੀ ਇੰਡਸਟਰੀ ਦਾ ਇੱਕ ਬਹੁਤ ਵੱਡਾ ਅਤੇ ਜਾਣਿਆ-ਪਛਾਣਿਆ ਨਾਂ ਬਣ ਚੁੱਕੇ ਹਨ। ਸੋਸ਼ਲ ਮੀਡੀਆ ਉੱਤੇ ਵੀ ਅਰਜੁਨ ਦੀ ਚੰਗੀ ਫੈਨ-ਫਾਲਵਿੰਗ ਹੈ।

ਦੁਖਦਾਇਕ ਖਬਰ! ਸੋਸ਼ਲ ਮੀਡੀਆ ਇੰਨਫਲੂਇੰਸਰ ਅਤੇ ਮਸ਼ਹੂਰ ਬਾਈਕਰ ਦੀ ਦਰਦਨਾਕ ਮੌਤ, ਭਰੀ ਜਵਾਨੀ 'ਚ ਤੋੜਿਆ ਦਮ...

Thu, 13 Aug 2026 16:19:08 +0530

ਛੱਤੀਸਗੜ੍ਹ ਦੇ ਬਲੋਦ ਜ਼ਿਲ੍ਹੇ ਵਿੱਚ ਇੱਕ ਦਰਦਨਾਕ ਸੜਕ ਹਾਦਸੇ ਵਿੱਚ ਮੁੰਬਈ ਦੀ ਮਸ਼ਹੂਰ ਸੋਸ਼ਲ ਮੀਡੀਆ ਇਨਫਲੂਇੰਸਰ ਅਤੇ ਮਹਿਲਾ ਬਾਈਕਰ ਦੀ ਮੌਤ ਹੋਣ ਦੀ ਬੇਹੱਦ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਇਸ ਘਟਨਾ ਤੋਂ ਬਾਅਦ ਸੋਸ਼ਲ ਮੀਡੀਆ ਯੂਜ਼ਰਸ ਅਤੇ ਉਸਦੇ ਪ੍ਰਸ਼ੰਸਕਾਂ ਵਿੱਚ ਡੂੰਘਾ ਸੋਗ ਅਤੇ ਮਾਤਮ ਦਾ ਮਾਹੌਲ ਛਾਇਆ ਹੋਇਆ ਹੈ। ਮ੍ਰਿਤਕਾ ਦੀ ਪਛਾਣ 24 ਸਾਲਾ ਰਿਧੀ ਠੱਕਰ ਵਜੋਂ ਹੋਈ ਹੈ, ਜੋ ਕਿ ਮੁੰਬਈ ਦੇ ਬੋਰੀਵਲੀ (ਪੱਛਮ) ਦੀ ਰਹਿਣ ਵਾਲੀ ਸੀ। ਸੋਸ਼ਲ ਮੀਡੀਆ ਉੱਤੇ ਰਿਧੀ ਦੀ ਚੰਗੀ ਫੈਨ ਫਾਲਵਿੰਗ ਸੀ। ਉਨ੍ਹਾਂ ਨੇ ਪੋਸਟ ਪਾ ਕੇ ਆਪਣੇ ਇਸ ਸਫਰ ਦੀ ਜਾਣਕਾਰੀ ਵੀ ਆਪਣੇ ਫੈਨਜ਼ ਦੇ ਨਾਲ ਸਾਂਝੀ ਕੀਤੀ ਸੀ। ਪਰ ਰਿਧੀ ਦਾ ਇਹ ਸਫਰ ਜ਼ਿੰਦਗੀ ਦਾ ਅਖੀਰਲਾ ਸਫਰ ਬਣ ਗਿਆ।

View this post on Instagram

A post shared by Biker Girl⛓️ Riddhi Thakkar (@gearglimpse54)

ਕਿਵੇਂ ਵਾਪਰਿਆ ਹਾਦਸਾ?

ਪੁਲਿਸ ਅਧਿਕਾਰੀਆਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ, ਇਹ ਹਾਦਸਾ ਬੁੱਧਵਾਰ ਸਵੇਰੇ ਕਰੀਬ 6 ਵਜੇ ਰਾਸ਼ਟਰੀ ਰਾਜਮਾਰਗ (NH-30) 'ਤੇ ਪੁਰੂਰ ਥਾਣਾ ਖੇਤਰ ਦੇ ਮਾਰਕਟੋਲਾ ਘਾਟ ਨੇੜੇ ਵਾਪਰਿਆ। ਰਿਧੀ ਠੱਕਰ ਮਹਾਰਾਸ਼ਟਰ ਅਤੇ ਕੁਝ ਹੋਰ ਰਾਜਾਂ ਦੇ ਲਗਭਗ 20 ਮਹਿਲਾ ਮੋਟਰਸਾਈਕਲ ਸਵਾਰਾਂ ਦੇ ਇੱਕ ਸਮੂਹ ਨਾਲ ਬਸਤਰ ਖੇਤਰ ਦੇ ਦੌਰੇ 'ਤੇ ਜਾ ਰਹੀ ਸੀ। ਇਹ ਸਾਰਾ ਗਰੁੱਪ ਪਹਿਲਾਂ ਰਾਏਪੁਰ ਪਹੁੰਚਿਆ ਸੀ ਅਤੇ ਉੱਥੋਂ ਬਸਤਰ ਵੱਲ ਰਵਾਨਾ ਹੋਇਆ ਸੀ।

ਹਾਦਸੇ ਵੇਲੇ ਰਿਧੀ ਆਪਣੀ ਬਜਾਜ ਅਵੈਂਜਰ ਮੋਟਰਸਾਈਕਲ 'ਤੇ ਸਵਾਰ ਸੀ। ਇਸ ਦੌਰਾਨ ਰਸਤੇ ਵਿੱਚ ਇੱਕ ਤੇਜ਼ ਰਫ਼ਤਾਰ ਅਣਪਛਾਤੇ ਭਾਰੀ ਵਾਹਨ (ਟ੍ਰਾਲੇ) ਨੇ ਉਸਦੀ ਬਾਈਕ ਨੂੰ ਜ਼ੋਰਦਾਰ ਟੱਕਰ ਮਾਰ ਦਿੱਤੀ। ਟੱਕਰ ਇੰਨੀ ਭਿਆਨਕ ਸੀ ਕਿ ਰਿਧੀ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਈ, ਜਿਸ ਵਿੱਚ ਉਸਦੇ ਪੈਰਾਂ 'ਤੇ ਬਹੁਤ ਗੰਭੀਰ ਸੱਟਾਂ ਲੱਗੀਆਂ। ਹਾਦਸੇ ਨੂੰ ਅੰਜਾਮ ਦੇਣ ਤੋਂ ਬਾਅਦ ਡਰਾਈਵਰ ਆਪਣੇ ਵਾਹਨ ਸਮੇਤ ਮੌਕੇ ਤੋਂ ਫ਼ਰਾਰ ਹੋ ਗਿਆ।

ਇਲਾਜ ਦੌਰਾਨ ਤੋੜਿਆ ਦਮ

ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਰਿਧੀ ਦੇ ਨਾਲ ਸਫ਼ਰ ਕਰ ਰਹੇ ਹੋਰ ਬਾਈਕਰ ਸਾਥੀਆਂ ਨੇ ਤੁਰੰਤ ਪੁਲਿਸ ਹੈਲਪਲਾਈਨ 'ਤੇ ਸੰਪਰਕ ਕੀਤਾ। ਮੌਕੇ 'ਤੇ ਪਹੁੰਚੀ ਐਮਰਜੈਂਸੀ ਮਦਦ ਰਾਹੀਂ ਉਸਨੂੰ ਗੁਆਂਢੀ ਕਾਂਕੇਰ ਜ਼ਿਲ੍ਹੇ ਦੇ ਚਾਰਾਮਾ ਕਮਿਊਨਿਟੀ ਹੈਲਥ ਸੈਂਟਰ ਪਹੁੰਚਾਇਆ ਗਿਆ। ਹਾਲਤ ਦੀ ਗੰਭੀਰਤਾ ਨੂੰ ਦੇਖਦਿਆਂ ਡਾਕਟਰਾਂ ਨੇ ਉਸਨੂੰ ਧਮਤਰੀ ਜ਼ਿਲ੍ਹੇ ਦੇ ਇੱਕ ਨਿੱਜੀ ਹਸਪਤਾਲ ਲਈ ਰੈਫਰ ਕਰ ਦਿੱਤਾ, ਜਿੱਥੇ ਇਲਾਜ ਦੌਰਾਨ ਉਸਨੇ ਦਮ ਤੋੜ ਦਿੱਤਾ।

ਘਟਨਾ ਸਥਾਨ ਰਾਜ ਦੀ ਰਾਜਧਾਨੀ ਰਾਏਪੁਰ ਤੋਂ ਲਗਭਗ 90 ਕਿਲੋਮੀਟਰ ਦੂਰ ਹੈ। ਫ਼ਿਲਹਾਲ, ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਫ਼ਰਾਰ ਵਾਹਨ ਅਤੇ ਉਸਦੇ ਡਰਾਈਵਰ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ ਅਤੇ ਨੇੜਲੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਖੰਗਾਲੀ ਜਾ ਰਹੀ ਹੈ। ਮਹਿਲਾ ਬਾਈਕਰ ਦੀ ਅਚਾਨਕ ਹੋਈ ਇਸ ਮੌਤ ਨਾਲ ਪਰਿਵਾਰ ਅਤੇ ਮੀਡੀਆ ਜਗਤ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ।

ਮਿਊਜ਼ਿਕ ਇੰਡਸਟਰੀ ‘ਚ ਮੱਚੀ ਹਲਚਲ! ਮਹਾਨ ਸੰਗੀਤਕਾਰ ਦਾ ਪੁੱਤਰ ਹੋਇਆ ਭਿਆਨਕ ਐਕਸੀਡੈਂਟ ਦਾ ਸ਼ਿਕਾਰ, ਫੈਨਜ਼ ਚਿੰਤਤ

Mon, 10 Aug 2026 16:39:50 +0530

ਸੰਗੀਤ ਜਗਤ ਤੋਂ ਇੱਕ ਵੱਡੀ ਅਤੇ ਚਿੰਤਾਜਨਕ ਖ਼ਬਰ ਸਾਹਮਣੇ ਆ ਰਹੀ ਹੈ। ਮਹਾਨ ਸੰਗੀਤਕਾਰ ਏ.ਆਰ. ਰਹਿਮਾਨ ਦੇ ਪੁੱਤਰ ਅਤੇ ਪਲੇਬੈਕ ਗਾਇਕ ਏ.ਆਰ. ਅਮੀਨ ਸੋਮਵਾਰ, 10 ਅਗਸਤ ਦੀ ਸਵੇਰ ਨੂੰ ਚੇਨਈ ਦੇ ਗਿੰਡੀ ਇਲਾਕੇ ਵਿੱਚ ਇੱਕ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਏ।

ਪ੍ਰਾਪਤ ਜਾਣਕਾਰੀ ਅਨੁਸਾਰ, ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਏ.ਆਰ. ਅਮੀਨ ਆਪਣੇ ਇੱਕ ਦੋਸਤ ਨਾਲ ਕੋਅੰਬੇਡੂ ਵੱਲੋਂ ਆ ਰਹੇ ਸਨ। ਰਸਤੇ ਵਿੱਚ ਉਨ੍ਹਾਂ ਦੀ ਕਾਰ ਸਾਹਮਣੇ ਤੋਂ ਆ ਰਹੇ ਇੱਕ ਹੋਰ ਵਾਹਨ ਨਾਲ ਟਕਰਾ ਗਈ।

ਖੁਸ਼ਕਿਸਮਤੀ ਨਾਲ ਵੱਡਾ ਹਾਦਸਾ ਟਲਿਆ

ਟੱਕਰ ਕਾਫ਼ੀ ਅਚਾਨਕ ਹੋਈ ਜਿਸ ਕਾਰਨ ਵਾਹਨ ਨੂੰ ਕਾਫ਼ੀ ਨੁਕਸਾਨ ਪਹੁੰਚਿਆ, ਪਰ ਖੁਸ਼ਕਿਸਮਤੀ ਰਹੀ ਕਿ ਇਹ ਹਾਦਸਾ ਕਿਸੇ ਵੱਡੇ ਜਾਨੀ ਨੁਕਸਾਨ ਵਿੱਚ ਨਹੀਂ ਬਦਲਿਆ। ਕਾਰ ਵਿੱਚ ਸਵਾਰ ਸਾਰੇ ਲੋਕਾਂ ਨੂੰ ਸਿਰਫ਼ ਮਾਮੂਲੀ ਸੱਟਾਂ ਹੀ ਲੱਗੀਆਂ ਹਨ। ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਸਥਾਨਕ ਲੋਕ ਅਤੇ ਰਾਹਗੀਰ ਮਦਦ ਲਈ ਤੁਰੰਤ ਅੱਗੇ ਆਏ ਅਤੇ ਸਥਿਤੀ ਨੂੰ ਸੰਭਾਲਿਆ।

ਪੁਲਿਸ ਕਰ ਰਹੀ ਹੈ ਮਾਮਲੇ ਦੀ ਜਾਂਚ

ਹਾਦਸੇ ਦੀ ਸੂਚਨਾ ਮਿਲਣ ਤੋਂ ਬਾਅਦ ਸਥਾਨਕ ਪੁਲਿਸ ਮੌਕੇ 'ਤੇ ਪਹੁੰਚੀ। ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਹਾਦਸਾ ਕਿਸ ਕਾਰਨ ਵਾਪਰਿਆ-ਕੀ ਇਹ ਤੇਜ਼ ਰਫ਼ਤਾਰ ਸੀ ਜਾਂ ਕੋਈ ਹੋਰ ਟ੍ਰੈਫਿਕ ਕਾਰਨ। ਫ਼ਿਲਹਾਲ ਸਾਰੇ ਜ਼ਖ਼ਮੀ ਸੁਰੱਖਿਅਤ ਹਨ ਅਤੇ ਉਨ੍ਹਾਂ ਨੂੰ ਲੋੜੀਂਦਾ ਇਲਾਜ ਦੇ ਦਿੱਤਾ ਗਿਆ ਹੈ।

ਇਸ ਹਾਦਸੇ ਦੀ ਖ਼ਬਰ ਸਾਹਮਣੇ ਆਉਂਦਿਆਂ ਹੀ ਏ.ਆਰ. ਅਮੀਨ ਅਤੇ ਏ.ਆਰ. ਰਹਿਮਾਨ ਦੇ ਪ੍ਰਸ਼ੰਸਕਾਂ ਵਿੱਚ ਚਿੰਤਾ ਦੀ ਲਹਿਰ ਦੌੜ ਗਈ ਸੀ, ਪਰ ਪਰਿਵਾਰਕ ਸੂਤਰਾਂ ਅਤੇ ਮਾਮੂਲੀ ਸੱਟਾਂ ਦੀ ਖ਼ਬਰ ਮਿਲਣ ਤੋਂ ਬਾਅਦ ਸਾਰਿਆਂ ਨੇ ਸੁੱਖ ਦਾ ਸਾਹ ਲਿਆ ਹੈ।

ਇਸ ਹਾਦਸੇ ਵਿੱਚ ਅਮੀਨ ਅਤੇ ਉਨ੍ਹਾਂ ਦੇ ਦੋਸਤ ਨੂੰ ਮਾਮੂਲੀ ਸੱਟਾਂ ਲੱਗੀਆਂ। ਦੋਵਾਂ ਨੂੰ ਤੁਰੰਤ ਇੱਕ ਨਿੱਜੀ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਨ੍ਹਾਂ ਦਾ ਇਲਾਜ ਕੀਤਾ ਗਿਆ। ਇਲਾਜ ਤੋਂ ਬਾਅਦ ਦੋਵਾਂ ਨੂੰ ਛੁੱਟੀ ਦੇ ਦਿੱਤੀ ਗਈ ਅਤੇ ਉਹ ਘਰ ਪਰਤ ਆਏ।

ਨਾਮੀ ਇਨਫਲੂਐਂਸਰ ਦਾ ਸ਼ਰੇਆਮ ਕਤਲ; ਸੋਸ਼ਲ ਮੀਡੀਆ 'ਤੇ ਲਾਈਵ ਦੌਰਾਨ ਤਾੜ-ਤਾੜ ਚੱਲੀਆਂ ਗੋਲੀਆਂ, ਹਮਲਾਵਰ ਫਰਾਰ...

Thu, 06 Aug 2026 17:09:46 +0530

ਮਨੋਰੰਜਨ ਅਤੇ ਸੋਸ਼ਲ ਮੀਡੀਆ ਜਗਤ ਤੋਂ ਇੱਕ ਦਿਲ ਦਹਿਲਾ ਦੇਣ ਵਾਲੀ ਖ਼ਬਰ ਸਾਹਮਣੇ ਆਈ ਹੈ, ਜਿਸ ਨੇ ਸੋਸ਼ਲ ਮੀਡੀਆ ਸਟਾਰਾਂ ਵਿੱਚ ਦਹਿਸ਼ਤ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ। ਮਸ਼ਹੂਰ ਮੈਕਸੀਕਨ ਇਨਫਲੂਐਂਸਰ ਸੀਜ਼ਰ ਗੈਸਟੇਲਮ (Cesar Gastelum) ਦਾ ਟਿਕਟੋਕ 'ਤੇ ਲਾਈਵ ਸਟ੍ਰੀਮਿੰਗ ਦੌਰਾਨ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ ਹੈ। ਇਸ ਘਟਨਾ ਨੇ ਸਾਰਿਆਂ ਨੂੰ ਸਦਮੇ ਵਿੱਚ ਪਾ ਦਿੱਤਾ ਹੈ ਅਤੇ ਸੋਸ਼ਲ ਮੀਡੀਆ ਇਨਫਲੂਐਂਸਰਾਂ ਦੀ ਸੁਰੱਖਿਆ ਨੂੰ ਲੈ ਕੇ ਗੰਭੀਰ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।

ਲਾਈਵ ਸਟ੍ਰੀਮ ਦੌਰਾਨ ਚੱਲੀਆਂ ਗੋਲੀਆਂ

ਪ੍ਰਾਪਤ ਰਿਪੋਰਟਾਂ ਅਨੁਸਾਰ, ਇਹ ਘਟਨਾ ਮੈਕਸੀਕੋ ਦੇ ਸਿਨਾਲੋਆ ਰਾਜ ਦੀ ਰਾਜਧਾਨੀ ਕੁਲੀਆਕਨ ਵਿੱਚ ਵਾਪਰੀ। ਇਨਫਲੂਐਂਸਰ ਸੀਜ਼ਰ ਗੈਸਟੇਲਮ ਆਪਣੇ ਦੋ ਦੋਸਤਾਂ ਨਾਲ ਇੱਕ ਕੇਐਫਸੀ (KFC) ਦੀ ਪਾਰਕਿੰਗ ਵਿੱਚ ਟਿਕਟੋਕ 'ਤੇ ਲਾਈਵ ਸੀ। ਵੀਡੀਓ ਵਿੱਚ ਉਹ ਹੱਸਦਾ ਹੋਇਆ ਆਪਣੇ ਫਾਲੋਅਰਜ਼ ਨਾਲ ਗੱਲਬਾਤ ਕਰ ਰਿਹਾ ਸੀ ਕਿ ਅਚਾਨਕ ਮੋਟਰਸਾਈਕਲ 'ਤੇ ਸਵਾਰ ਹੋ ਕੇ ਆਏ ਦੋ ਹਮਲਾਵਰਾਂ ਨੇ ਉਸ 'ਤੇ ਅੰਨ੍ਹੇਵਾਹ ਗੋਲੀਆਂ ਚਲਾ ਦਿੱਤੀਆਂ। ਇਹ ਹਮਲਾ ਇੰਨੀ ਤੇਜ਼ੀ ਨਾਲ ਹੋਇਆ ਕਿ ਮੌਕੇ 'ਤੇ ਮੌਜੂਦ ਲੋਕ ਕੁਝ ਸਮਝ ਹੀ ਨਹੀਂ ਸਕੇ ਅਤੇ ਹਮਲਾਵਰ ਵਾਰਦਾਤ ਨੂੰ ਅੰਜਾਮ ਦੇ ਕੇ ਮੌਕੇ ਤੋਂ ਫਰਾਰ ਹੋ ਗਏ।

ਰਾਸ਼ਟਰਪਤੀ ਨੇ ਦਿੱਤੀ ਪ੍ਰਤੀਕਿਰਿਆ

ਇਸ ਦੁਖਦਾਈ ਘਟਨਾ 'ਤੇ ਪ੍ਰਤੀਕਿਰਿਆ ਦਿੰਦਿਆਂ ਮੈਕਸੀਕਨ ਰਾਸ਼ਟਰਪਤੀ ਕਲਾਉਡੀਆ ਸ਼ੀਨਬੌਮ ਨੇ ਭਰੋਸਾ ਦਿੱਤਾ ਹੈ ਕਿ ਇਸ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਦੋਸ਼ੀਆਂ ਨੂੰ ਜਲਦੀ ਗ੍ਰਿਫ਼ਤਾਰ ਕਰਕੇ ਕਾਨੂੰਨ ਅਨੁਸਾਰ ਸਖ਼ਤ ਤੋਂ ਸਖ਼ਤ ਸਜ਼ਾ ਦਿੱਤੀ ਜਾਵੇਗੀ ਅਤੇ ਇਸ ਅਪਰਾਧ ਵਿੱਚ ਸ਼ਾਮਲ ਕਿਸੇ ਵੀ ਵਿਅਕਤੀ ਨੂੰ ਬਖਸ਼ਿਆ ਨਹੀਂ ਜਾਵੇਗਾ।

ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਚੰਗੀ ਫੈਨ ਫਾਲੋਇੰਗ ਸੀ

ਮੈਕਸੀਕੋ ਦੇ ਮਸ਼ਹੂਰ ਇੰਫਲੂਐਂਸਰ ਸੀਜ਼ਰ ਗੈਸਟੇਲਮ ਦੇ ਟਿਕਟੌਕ 'ਤੇ 6.5 ਲੱਖ ਤੋਂ ਵੱਧ ਫਾਲੋਅਰ ਸਨ, ਜਦਕਿ ਇੰਸਟਾਗ੍ਰਾਮ ਅਤੇ ਹੋਰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਵੀ ਉਨ੍ਹਾਂ ਦੀ ਵੱਡੀ ਫੈਨ ਫਾਲੋਇੰਗ ਸੀ। ਉਹ ਨਿਯਮਿਤ ਤੌਰ 'ਤੇ ਕਾਮੇਡੀ ਵੀਡੀਓ ਅਤੇ ਮੈਕਸੀਕੋ ਦੇ ਖੇਤਰੀ ਸੰਗੀਤ ਨਾਲ ਜੁੜਿਆ ਕੰਟੈਂਟ ਸਾਂਝਾ ਕਰਦੇ ਸਨ। ਆਪਣੇ ਕੁਝ ਵੀਡੀਓਜ਼ ਵਿੱਚ ਉਹ ਖੁਦ ਨੂੰ 'ਬੇਲੀਕੋ (Bélico)' ਵੀ ਕਹਿੰਦੇ ਸਨ, ਜੋ ਮੈਕਸੀਕੋ ਦੀਆਂ ਕੁਝ ਸਬ-ਕਲਚਰਾਂ ਵਿੱਚ ਕਾਰਟੈਲ ਸਭਿਆਚਾਰ ਨਾਲ ਜੁੜੇ ਹੋਣ ਦਾ ਸੰਕੇਤ ਮੰਨਿਆ ਜਾਂਦਾ ਹੈ।

View this post on Instagram

A post shared by Criisstty Cardoza (@conexion_media_digital)

Bigg Boss ਦੇ ਸੈੱਟ 'ਤੇ ਸਲਮਾਨ ਖਾਨ ਨੇ ਕੀਤਾ ਸੀ ਵਾਅਦਾ, ਜਾਣੋ ਕਿਸ ਮਾਮਲੇ ਦੇ ਚੱਲਦੇ ਚੰਡੀਗੜ੍ਹ ਕੋਰਟ ਨੇ ਐਕਟਰ ਨੂੰ ਭੇਜਿਆ ਨੋਟਿਸ

Thu, 06 Aug 2026 11:39:35 +0530

ਮਨੀਮਾਜਰਾ ਦੇ ਨਿਵਾਸੀ ਅਤੇ ਕਾਰੋਬਾਰੀ ਅਰੁਣ ਗੁਪਤਾ ਵੱਲੋਂ ਬਾਲੀਵੁੱਡ ਅਦਾਕਾਰ ਸਲਮਾਨ ਖ਼ਾਨ ਅਤੇ ਹੋਰਾਂ ਖ਼ਿਲਾਫ਼ ਜੇ.ਐੱਮ.ਆਈ.ਸੀ. (JMIC) ਦੀ ਅਦਾਲਤ ਵਿੱਚ ਦਾਇਰ ਕੀਤੇ ਮਾਮਲੇ 'ਚ ਕੋਰਟ ਨੇ ਸਖ਼ਤ ਨੋਟਿਸ ਲੈਂਦਿਆਂ ਮੁਲਜ਼ਮਾਂ ਨੂੰ ਨੋਟਿਸ ਜਾਰੀ ਕੀਤਾ ਹੈ। ਅਦਾਲਤ ਨੇ ਸਟਾਈਲ ਕੁਓਟੈਂਟ ਜਵੈਲਰੀ ਪ੍ਰਾਈਵੇਟ ਲਿਮਟਿਡ ਕੰਪਨੀ, ਪ੍ਰਸਾਦ ਬਿੰਦੂ ਮਾਧਵ, ਸੰਤੋਸ਼ ਸ਼੍ਰੀਵਾਸਤਵ, ਬੀਇੰਗ ਹਿਊਮਨ ਫਾਊਂਡੇਸ਼ਨ, ਅਦਾਕਾਰ ਸਲਮਾਨ ਖ਼ਾਨ ਅਤੇ ਅਲਵੀਰਾ ਖ਼ਾਨ ਅਗਨੀਹੋਤਰੀ ਨੂੰ ਨੋਟਿਸ ਭੇਜ ਕੇ 5 ਅਕਤੂਬਰ ਤੱਕ ਦਾਇਰ ਦੋਸ਼ਾਂ 'ਤੇ ਆਪਣਾ ਜਵਾਬ ਦਾਖ਼ਲ ਕਰਨ ਦੇ ਆਦੇਸ਼ ਦਿੱਤੇ ਹਨ।

ਜੇਕਰ ਅਦਾਲਤ ਇਹਨਾਂ ਦੇ ਜਵਾਬ ਤੋਂ ਸੰਤੁਸ਼ਟ ਨਹੀਂ ਹੁੰਦੀ ਹੈ, ਤਾਂ ਮੁਲਜ਼ਮਾਂ ਨੂੰ ਸੰਮਨ ਵੀ ਜਾਰੀ ਕੀਤੇ ਜਾ ਸਕਦੇ ਹਨ। ਇਸ ਤੋਂ ਪਹਿਲਾਂ ਸਾਲ 2021 ਵਿੱਚ ਯੂ.ਟੀ. ਪੁਲਿਸ ਵੱਲੋਂ ਵੀ ਸਲਮਾਨ ਖ਼ਾਨ ਨੂੰ ਨੋਟਿਸ ਭੇਜਿਆ ਗਿਆ ਸੀ, ਜਿਸ ਦਾ ਜਵਾਬ ਓਹਨਾਂ ਨੇ ਈ-ਮੇਲ ਰਾਹੀਂ ਦਿੱਤਾ ਸੀ।

3 ਕਰੋੜ ਰੁਪਏ ਦਾ ਕੀਤਾ ਸੀ ਨਿਵੇਸ਼

ਸ਼ਿਕਾਇਤਕਰਤਾ ਅਰੁਣ ਗੁਪਤਾ ਨੇ ਦੱਸਿਆ ਕਿ ਕੁਝ ਸਾਲ ਪਹਿਲਾਂ ਮੁੰਬਈ ਵਿੱਚ ਸ਼ੋਅ 'ਬਿਗ ਬੌਸ' ਦੇ ਸੈੱਟ 'ਤੇ ਓਹਨਾਂ ਦੀ ਮੁਲਾਕਾਤ ਸਲਮਾਨ ਖ਼ਾਨ ਨਾਲ ਹੋਈ ਸੀ। ਸਲਮਾਨ ਨੇ ਓਹਨਾਂ ਨੂੰ ਸ਼ੋਅਰੂਮ ਖੋਲ੍ਹਣ ਦੀ ਸਲਾਹ ਦਿੱਤੀ ਸੀ ਅਤੇ ਖ਼ੁਦ ਚੰਡੀਗੜ੍ਹ ਆ ਕੇ ਉਸ ਦਾ ਉਦਘਾਟਨ ਕਰਨ ਦਾ ਵਾਅਦਾ ਕੀਤਾ ਸੀ। ਸਲਮਾਨ ਦੇ ਇਸ ਭਰੋਸੇ 'ਤੇ ਅਰੁਣ ਗੁਪਤਾ ਨੇ ਸਾਲ 2018 ਵਿੱਚ 3 ਕਰੋੜ ਰੁਪਏ ਦਾ ਨਿਵੇਸ਼ ਕਰਕੇ ਮਨੀਮਾਜਰਾ ਵਿੱਚ ਸ਼ੋਅਰੂਮ ਖੋਲ੍ਹਿਆ। ਹਾਲਾਂਕਿ, ਉਦਘਾਟਨ ਸਮੇਂ ਸਲਮਾਨ ਖ਼ਾਨ ਆਪ ਨਹੀਂ ਆਏ ਅਤੇ ਓਹਨਾਂ ਨੇ ਆਪਣੀ ਭੈਣ ਅਲਵੀਰਾ ਦੇ ਪਤੀ ਅਤੁਲ ਅਗਨੀਹੋਤਰੀ ਨੂੰ ਭੇਜ ਦਿੱਤਾ।

Pradeep Rawat dies: ਲਗਾਨ-ਗਜਨੀ ਫੇਮ ਅਦਾਕਾਰ ਪ੍ਰਦੀਪ ਰਾਵਤ ਦਾ ਦੇਹਾਂਤ: 74 ਸਾਲ ਦੀ ਉਮਰ 'ਚ ਇਸ ਬਿਮਾਰੀ ਦੇ ਚੱਲਦੇ ਤੋੜਿਆ ਦਮ, ਮਨੋਰੰਜਨ ਜਗਤ ‘ਚ ਸੋਗ ਦੀ ਲਹਿਰ…

Wed, 05 Aug 2026 10:11:38 +0530

ਬਾਲੀਵੁੱਡ ਜਗਤ ਤੋਂ ਬਹੁਤ ਹੀ ਦੁਖਦਾਇਕ ਖਬਰ ਸਾਹਮਣੇ ਆਈ ਹੈ। ਲਗਾਨ ਅਤੇ ਗਜਨੀ ਸਮੇਤ ਕਈ ਫ਼ਿਲਮਾਂ ਵਿੱਚ ਨਜ਼ਰ ਆਉਣ ਵਾਲੇ ਪ੍ਰਸਿੱਧ ਅਦਾਕਾਰ ਪ੍ਰਦੀਪ ਰਾਵਤ (Pradeep Rawat of 'Ghajini', 'Lagaan' fame passes away) ਦਾ 74 ਸਾਲ ਦੀ ਉਮਰ ਵਿੱਚ ਮੰਗਲਵਾਰ ਸ਼ਾਮ ਨੂੰ ਦੇਹਾਂਤ ਹੋ ਗਿਆ। ਉਨ੍ਹਾਂ ਦੇ ਦੇਹਾਂਤ ਦੀ ਜਾਣਕਾਰੀ ਫ਼ਿਲਮ 'ਲਗਾਨ' ਵਿੱਚ ਉਨ੍ਹਾਂ ਨਾਲ ਕੰਮ ਕਰਨ ਵਾਲੇ ਅਦਾਕਾਰ ਯਸ਼ਪਾਲ ਸ਼ਰਮਾ ਨੇ ਇੰਸਟਾਗ੍ਰਾਮ 'ਤੇ ਸ਼ਰਧਾਂਜਲੀ ਭੇਟ ਕਰਦਿਆਂ ਸਾਂਝੀ ਕੀਤੀ।

ਇਸ ਬਿਮਾਰੀ ਦੇ ਚੱਲਦੇ ਤੋੜਿਆ ਦਮ

ਹਿੰਦੁਸਤਾਨ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ, ਪ੍ਰਦੀਪ ਰਾਵਤ ਦੇ ਮੈਨੇਜਰ ਸਿਧਾਰਥ ਤਿਵਾੜੀ ਨੇ ਉਨ੍ਹਾਂ ਦੇ ਦੇਹਾਂਤ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਅਦਾਕਾਰ ਕੈਂਸਰ ਤੋਂ ਪੀੜਤ ਸਨ ਅਤੇ ਬਿਮਾਰੀ ਦੁਬਾਰਾ ਵਾਪਸ ਆ ਗਈ ਸੀ। ਪਿਛਲੇ ਇੱਕ ਮਹੀਨੇ ਤੋਂ ਉਨ੍ਹਾਂ ਦਾ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਸੀ।

ਮਹਾਭਾਰਤ ਵਿੱਚ ਅਸ਼ਵਥਾਮਾ ਦਾ ਰੋਲ ਨਿਭਾਇਆ ਸੀ

ਪ੍ਰਦੀਪ ਰਾਵਤ ਨੇ ਆਪਣੇ ਅਦਾਕਾਰੀ ਸਫ਼ਰ ਦੀ ਸ਼ੁਰੂਆਤ ਬੀ.ਆਰ. ਚੋਪੜਾ ਦੇ ਟੀਵੀ ਸ਼ੋਅ 'ਮਹਾਭਾਰਤ' ਵਿੱਚ ਅਸ਼ਵਥਾਮਾ ਦੀ ਭੂਮਿਕਾ ਨਾਲ ਕੀਤੀ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਹਿੰਦੀ, ਤੇਲਗੂ, ਤਾਮਿਲ, ਕੰਨੜ, ਮਲਿਆਲਮ, ਬੰਗਾਲੀ ਅਤੇ ਭੋਜਪੁਰੀ ਫ਼ਿਲਮਾਂ ਵਿੱਚ ਕੰਮ ਕੀਤਾ। ਹਿੰਦੀ ਸਿਨੇਮਾ ਵਿੱਚ ਉਹ 'ਲਗਾਨ', 'ਸਰਫਰੋਸ਼', 'ਗਜਨੀ', 'ਬੈਜੂ ਬਾਵਰਾ', 'ਆਵਾਰਾਪਨ' ਅਤੇ 'ਗ੍ਰੈਂਡ ਮਸਤੀ' ਵਰਗੀਆਂ ਫ਼ਿਲਮਾਂ ਵਿੱਚ ਨਜ਼ਰ ਆਏ। ਉੱਥੇ ਹੀ, ਤੇਲਗੂ ਫ਼ਿਲਮ 'ਸਈ' (Sye) ਨਾਲ ਉਨ੍ਹਾਂ ਨੇ ਦੱਖਣੀ ਭਾਰਤੀ ਸਿਨੇਮਾ ਵਿੱਚ ਕਦਮ ਰੱਖਿਆ ਅਤੇ ਕਈ ਯਾਦਗਾਰ ਖਲਨਾਇਕ (ਵਿਲਨ) ਦੇ ਕਿਰਦਾਰ ਨਿਭਾਏ।

ਤਮਿਲ ਫ਼ਿਲਮ 'ਗਜਨੀ' (2005) ਵਿੱਚ ਉਨ੍ਹਾਂ ਦੇ ਡਬਲ ਰੋਲ ਨੂੰ ਕਾਫੀ ਪਸੰਦ ਕੀਤਾ ਗਿਆ। ਬਾਅਦ ਵਿੱਚ ਉਨ੍ਹਾਂ ਨੇ ਇਹੀ ਭੂਮਿਕਾ ਹਿੰਦੀ ਰੀਮੇਕ 'ਗਜਨੀ' ਵਿੱਚ ਵੀ ਨਿਭਾਈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਕੰਨੜ ਫ਼ਿਲਮ 'ਪੈਰੋਡੀ', ਮਲਿਆਲਮ ਫ਼ਿਲਮ 'ਚਾਈਨਾ ਟਾਊਨ', ਬੰਗਾਲੀ ਫ਼ਿਲਮ 'ਹੀਰੋ 420' ਅਤੇ ਭੋਜਪੁਰੀ ਫ਼ਿਲਮ 'ਕ੍ਰੈਕ ਫਾਈਟਰ' ਵਿੱਚ ਵੀ ਅਦਾਕਾਰੀ ਕੀਤੀ ਸੀ।

ਸਲਮਾਨ ਨੂੰ ਪ੍ਰਦੀਪ ਰਾਵਤ ਕਾਰਨ ਨਹੀਂ ਮਿਲੀ ਸੀ 'ਗਜਨੀ'

27 ਮਾਰਚ 2025 ਨੂੰ ਮੁੰਬਈ ਵਿੱਚ ਫ਼ਿਲਮ 'ਸਿਕੰਦਰ' ਦੀ ਪ੍ਰੈੱਸ ਮੀਟ ਦੌਰਾਨ ਸਲਮਾਨ ਤੋਂ ਪੁੱਛਿਆ ਗਿਆ ਸੀ ਕਿ ਕੀ ਅਸਲ ਵਿੱਚ ਆਮਿਰ ਤੋਂ ਪਹਿਲਾਂ ਤੁਹਾਨੂੰ 'ਗਜਨੀ' ਮਿਲੀ ਸੀ। ਇਸ 'ਤੇ ਅਦਾਕਾਰ ਨੇ ਕਿਹਾ ਸੀ, 'ਮੈਂ ਵੀ ਸੁਣਿਆ ਹੈ। ਮੈਂ ਇਹ ਪ੍ਰਦੀਪ ਤੋਂ ਸੁਣਿਆ ਹੈ, ਅਸੀਂ ਉਸ ਨੂੰ ਗਜਨੀ ਬੁਲਾਉਂਦੇ ਹਾਂ। ਉਹ ਮੇਰਾ ਦੋਸਤ ਹੈ, ਅਸੀਂ 4-5 ਫ਼ਿਲਮਾਂ ਇਕੱਠੇ ਕੀਤੀਆਂ ਹਨ। ਉਸ ਨੇ ਇੱਕ ਵਾਰ ਕਿਹਾ ਸੀ, ਮੁਰੁਗਦਾਸ (ਗਜਨੀ ਦੇ ਡਾਇਰੈਕਟਰ) ਬਹੁਤ ਅਨੁਸ਼ਾਸਿਤ ਹਨ, ਇੰਨੇ ਸਿੰਸੀਅਰ ਹਨ, ਸਲਮਾਨ ਕਿਵੇਂ ਕੰਮ ਕਰ ਲਵੇਗਾ ਉਨ੍ਹਾਂ ਦੇ ਨਾਲ, ਸਲਮਾਨ ਨੂੰ ਗੁੱਸਾ ਬਹੁਤ ਆਉਂਦਾ ਹੈ।'

ਅੱਗੇ ਸਲਮਾਨ ਨੇ ਕਿਹਾ ਸੀ, 'ਮਤਲਬ ਉਹ ਮੇਰੇ ਨਾਲ 5 ਪਿਕਚਰਾਂ ਕਰ ਚੁੱਕਾ ਹੈ, ਉਸ ਤੋਂ ਬਾਅਦ ਉਹ ਇਹ ਬੋਲਦਾ ਹੈ। ਉਸ ਤੋਂ ਬਾਅਦ ਮੈਂ ਵਿਚਾਰੇ ਨੂੰ ਮਿਲਿਆ ਹੀ ਨਹੀਂ। ਮਿਲੇਗਾ ਤਾਂ ਮੈਂ ਉਸ ਤੋਂ ਪੁੱਛਾਂਗਾ ਕਿ ਮੈਂ ਕਦੋਂ ਗੁੱਸਾ ਹੋਇਆ ਤੇਰੇ ਨਾਲ।'

ਸੋਨੂੰ ਸੂਦ ਨੇ ਪ੍ਰਦੀਪ ਰਾਵਤ ਨੂੰ ਦਿੱਤੀ ਸ਼ਰਧਾਂਜਲੀ

ਅਦਾਕਾਰ ਸੋਨੂੰ ਸੂਦ ਨੇ ਇੰਸਟਾਗ੍ਰਾਮ ਸਟੋਰੀ 'ਤੇ ਪ੍ਰਦੀਪ ਰਾਵਤ ਦੀ ਬਲੈਕ ਐਂਡ ਵ੍ਹਾਈਟ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ, ‘ਪ੍ਰਦੀਪ ਰਾਵਤ ਭਾਈ, ਤੁਹਾਡੀ ਕਮੀ ਹਮੇਸ਼ਾ ਮਹਿਸੂਸ ਹੋਵੇਗੀ। ਤੁਸੀਂ ਹਮੇਸ਼ਾ ਯਾਦ ਆਵੋਗੇ।’

ਸੰਗੀਤ ਜਗਤ ਨੂੰ ਵੱਡਾ ਸਦਮਾ: ਮਸ਼ਹੂਰ ਗਾਇਕ ਦਾ ਦੇਹਾਂਤ, ਸੜਕ ਹਾਦਸੇ ‘ਚ ਤੋੜਿਆ ਦਮ, ਪਰਿਵਾਰ ਸਣੇ ਕਲਾਕਾਰ ਤੇ ਫੈਨਜ਼ ਡੂੰਘੇ ਦੁੱਖ ‘ਚ...

Thu, 30 Jul 2026 16:38:59 +0530

ਸੰਗੀਤ ਜਗਤ ਤੋਂ ਇੱਕ ਬੇਹੱਦ ਮੰਦਭਾਗੀ ਅਤੇ ਦਿਲ ਕੰਬਾਊ ਖ਼ਬਰ ਸਾਹਮਣੇ ਆਈ ਹੈ, ਜਿਸ ਕਾਰਨ ਦੁਨੀਆ ਭਰ ਵਿੱਚ ਫੈਲੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਦੀਆਂ ਅੱਖਾਂ ਨਮ ਹਨ। ਮਸ਼ਹੂਰ ਆਇਰਿਸ਼ ਗਾਇਕ-ਗੀਤਕਾਰ, ਰਾਕ ਬੈਂਡ 'ਦ ਫਰੇਮਜ਼' ਦੇ ਮੁੱਖ ਗਾਇਕ ਅਤੇ ਅਦਾਕਾਰ ਗਲੇਨ ਹੈਨਸਾਰਡ (Glen Hansard) ਦਾ 56 ਸਾਲ ਦੀ ਉਮਰ ਵਿੱਚ ਇੱਕ ਭਿਆਨਕ ਮੋਟਰਸਾਈਕਲ ਹਾਦਸੇ ਵਿੱਚ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੀ ਅਚਾਨਕ ਹੋਈ ਮੌਤ ਨਾਲ ਕਲਾ ਅਤੇ ਸੰਗੀਤ ਜਗਤ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ।

ਮੋਟਰਸਾਈਕਲ ਹਾਦਸੇ ਵਿੱਚ ਵਾਪਰਿਆ ਭਾਣਾ

ਰਿਪੋਰਟਾਂ ਦੇ ਅਨੁਸਾਰ, ਇਹ ਦੁਖਦਾਈ ਹਾਦਸਾ ਪੱਛਮੀ ਡਬਲਿਨ ਦੇ ਲੂਕਨ ਵਿੱਚ ਲੋਅਰ ਰੋਡ 'ਤੇ ਵਾਪਰਿਆ। ਸਥਾਨਕ ਸਮੇਂ ਮੁਤਾਬਕ ਸਵੇਰੇ 4:30 ਵਜੇ ਤੋਂ ਥੋੜ੍ਹੀ ਦੇਰ ਪਹਿਲਾਂ ਐਮਰਜੈਂਸੀ ਸੇਵਾਵਾਂ ਨੂੰ ਇਸ ਹਾਦਸੇ ਦੀ ਸੂਚਨਾ ਦਿੱਤੀ ਗਈ। ਮੌਕੇ 'ਤੇ ਪਹੁੰਚ ਕੇ ਐਮਰਜੈਂਸੀ ਟੀਮਾਂ ਵੱਲੋਂ ਉਨ੍ਹਾਂ ਨੂੰ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਗਈ, ਪਰ ਉਹ ਜ਼ਖ਼ਮਾਂ ਦੀ ਤਾਬ ਨਾ ਝੱਲਦਿਆਂ ਹੋਏ ਇਸ ਫਾਨੀ ਸੰਸਾਰ ਤੋਂ ਰੁਖ਼ਸਤ ਹੋ ਗਏ। ਪੁਲਿਸ ਇਸ ਘਟਨਾ ਦੀ ਗੰਭੀਰਤਾ ਨਾਲ ਜਾਂਚ ਕਰ ਰਹੀ ਹੈ ਅਤੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਉਨ੍ਹਾਂ ਕੋਲ ਇਸ ਹਾਦਸੇ ਨਾਲ ਜੁੜੀ ਕੋਈ ਵੀ ਜਾਣਕਾਰੀ ਹੋਵੇ ਤਾਂ ਉਹ ਸਾਂਝੀ ਕਰਨ।

ਪਰਿਵਾਰ ਵੱਲੋਂ ਸਾਂਝੀ ਕੀਤੀ ਗਈ ਦੁਖਦਾਇਕ ਖਬਰ

ਹੈਨਸਾਰਡ ਦੀ ਮੌਤ ਦੀ ਪੁਸ਼ਟੀ ਉਨ੍ਹਾਂ ਦੇ ਪ੍ਰਤੀਨਿਧੀਆਂ, ਏਟੀਸੀ ਮੈਨੇਜਮੈਂਟ ਵੱਲੋਂ ਕੀਤੀ ਗਈ ਹੈ। ਪਰਿਵਾਰ ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ, "ਇਹ ਭਾਰੀ ਦਿਲ ਨਾਲ ਹੈ ਕਿ ਅਸੀਂ ਗਲੇਨ ਹੈਨਸਾਰਡ ਦੇ ਦੇਹਾਂਤ ਦਾ ਐਲਾਨ ਕਰਦੇ ਹਾਂ... ਗਲੇਨ ਦਾ ਪਰਿਵਾਰ ਇਸ ਦੁਖਦਾਈ ਘਟਨਾ ਤੋਂ ਬਹੁਤ ਸਦਮੇ ਵਿੱਚ ਹੈ ਅਤੇ ਇਸ ਮੁਸ਼ਕਲ ਸਮੇਂ ਦੌਰਾਨ ਨਿੱਜਤਾ ਦੀ ਬੇਨਤੀ ਕਰਦਾ ਹੈ।" ਪਰਿਵਾਰ ਨੇ ਮਿਲੇ ਸਮਰਥਨ ਅਤੇ ਐਮਰਜੈਂਸੀ ਸੇਵਾਵਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਹੈ।

View this post on Instagram

A post shared by Glen Hansard (@glenhansard)

ਕੌਣ ਸਨ ਗਲੇਨ ਹੈਨਸਾਰਡ?

ਸਾਲ 1970 ਵਿੱਚ ਡਬਲਿਨ ਵਿੱਚ ਜਨਮੇ ਗਲੇਨ ਹੈਨਸਾਰਡ ਨੇ ਆਪਣੇ ਸੰਗੀਤਕ ਸਫ਼ਰ ਦੀ ਸ਼ੁਰੂਆਤ ਸ਼ਹਿਰ ਦੀਆਂ ਸੜਕਾਂ 'ਤੇ ਗਾ ਕੇ ਕੀਤੀ ਸੀ। ਬਾਅਦ ਵਿੱਚ ਉਨ੍ਹਾਂ ਨੇ ਆਇਰਿਸ਼ ਰਾਕ ਬੈਂਡ 'ਦ ਫਰੇਮਜ਼' ਦੇ ਫਰੰਟਮੈਨ ਵਜੋਂ ਅੰਤਰਰਾਸ਼ਟਰੀ ਪ੍ਰਸਿੱਧੀ ਹਾਸਲ ਕੀਤੀ। ਉਨ੍ਹਾਂ ਨੂੰ ਸਭ ਤੋਂ ਵੱਧ ਪਛਾਣ 2007 ਦੀ ਮਸ਼ਹੂਰ ਫ਼ਿਲਮ "ਵਨਸ" ਦੇ ਆਸਕਰ ਜੇਤੂ ਗੀਤ "ਫਾਲਿੰਗ ਸਲੋਵਲੀ" ਦੇ ਸਹਿ-ਲੇਖਕ ਅਤੇ ਗਾਇਕ ਵਜੋਂ ਮਿਲੀ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਚੈੱਕ ਗਾਇਕਾ ਮਾਰਕੇਟਾ ਇਰਗਲੋਵਾ ਨਾਲ ਮਿਲ ਕੇ "ਦ ਸਵੈਲ ਸੀਜ਼ਨ" ਸੰਗੀਤਕ ਜੋੜੀ ਰਾਹੀਂ ਵੀ ਦੁਨੀਆ ਭਰ ਵਿੱਚ ਨਾਂ ਕਮਾਇਆ। ਸੰਗੀਤ, ਫ਼ਿਲਮਾਂ ਅਤੇ ਥੀਏਟਰ ਵਿੱਚ ਉਨ੍ਹਾਂ ਦਾ ਯੋਗਦਾਨ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ।

ਸਿਆਸੀ ਅਤੇ ਪ੍ਰਮੁੱਖ ਹਸਤੀਆਂ ਵੱਲੋਂ ਡੂੰਘੇ ਦੁੱਖ ਦਾ ਪ੍ਰਗਟਾਵਾ

ਗਲੇਨ ਹੈਨਸਾਰਡ ਦੇ ਅਕਾਲ ਚਲਾਣੇ 'ਤੇ ਆਇਰਲੈਂਡ ਦੇ ਸਾਬਕਾ ਰਾਸ਼ਟਰਪਤੀ ਮਾਈਕਲ ਡੀ. ਹਿਗਿੰਸ ਨੇ ਗਹਿਰਾ ਦੁੱਖ ਪ੍ਰਗਟ ਕਰਦਿਆਂ ਕਿਹਾ ਕਿ ਉਹ ਇੱਕ "ਸ਼ਾਨਦਾਰ ਸੰਗੀਤਕਾਰ ਅਤੇ ਕਲਾਕਾਰ" ਸਨ, ਜਿਨ੍ਹਾਂ ਵਿੱਚ ਕਹਾਣੀ ਸੁਣਾਉਣ ਦੀ ਅਨੋਖੀ ਪ੍ਰਤਿਭਾ ਸੀ। ਉਨ੍ਹਾਂ ਨੇ ਆਪਣੀ ਸਾਰੀ ਜ਼ਿੰਦਗੀ ਸਮਾਜਿਕ ਮੁੱਦਿਆਂ, ਖ਼ਾਸ ਕਰਕੇ ਬੇਘਰ ਹੋਣ ਦੀ ਸਮੱਸਿਆ ਵਿਰੁੱਧ ਆਵਾਜ਼ ਬੁਲੰਦ ਕਰਨ ਵਿੱਚ ਲਗਾਈ। ਇਸ ਦੇ ਨਾਲ ਹੀ ਆਇਰਲੈਂਡ ਦੇ ਪ੍ਰਧਾਨ ਮੰਤਰੀ ਮਾਈਕਲ ਮਾਰਟਿਨ ਨੇ ਵੀ ਗਲੇਨ ਹੈਨਸਾਰਡ ਦੀ ਮੌਤ 'ਤੇ ਡੂੰਘਾ ਸੋਗ ਜਤਾਇਆ ਹੈ।

ਗਾਇਕ ਦਿਲਪ੍ਰੀਤ ਢਿੱਲੋਂ ਖ਼ਿਲਾਫ਼ FIR, ਮਿਊਜ਼ਿਕ ਕੰਪਨੀ ਮਾਲਕ ਦੀ ਕੀਤੀ ਕੁੱਟਮਾਰ, ਧਮਕੀ ਦਿੰਦੇ ਹੋਏ ਫਿਰ ਤਾਣੀ ਪਿਸਤੌਲ...

Fri, 24 Jul 2026 14:56:49 +0530

ਮੋਹਾਲੀ ਦੇ ਮਟੌਰ ਥਾਣੇ ਵਿੱਚ ਪੰਜਾਬੀ ਗਾਇਕ ਦਿਲਪ੍ਰੀਤ ਸਿੰਘ ਢਿੱਲੋਂ ਖ਼ਿਲਾਫ਼ ਕੁੱਟਮਾਰ, ਜ਼ਬਰਦਸਤੀ ਬੰਧਕ ਬਣਾਉਣ ਅਤੇ ਹਥਿਆਰ ਦੀ ਵਰਤੋਂ ਕਰਨ ਦੇ ਦੋਸ਼ਾਂ ਹੇਠ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਹ ਕਾਰਵਾਈ ਮੇਲੋਡੀ ਹਾਊਸ ਮਿਊਜ਼ਿਕ ਕੰਪਨੀ ਦੇ ਸੰਚਾਲਕ ਰੇਅਮੰਤ ਮਰਵਾਹਾ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਕੀਤੀ ਗਈ ਹੈ।

ਸ਼ਿਕਾਇਤਕਰਤਾ ਦਾ ਦੋਸ਼ ਹੈ ਕਿ ਟੀ-ਸੀਰੀਜ਼ ਨਾਲ ਗੀਤਾਂ ਦੀ ਡੀਲ ਨਾ ਹੋਣ ਦੀ ਰੰਜਿਸ਼ ਕਾਰਨ ਦਿਲਪ੍ਰੀਤ ਢਿੱਲੋਂ ਨੇ ਉਨ੍ਹਾਂ ਨਾਲ ਕੁੱਟਮਾਰ ਕੀਤੀ। ਉਨ੍ਹਾਂ ਨੇ ਇਹ ਵੀ ਦਾਅਵਾ ਕੀਤਾ ਕਿ ਗਾਇਕ ਨੇ ਪਿਸਤੌਲ ਦਿਖਾ ਕੇ ਉਨ੍ਹਾਂ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਪੁਲਿਸ ਮੁਤਾਬਕ ਇਹ ਵਿਵਾਦ ਟੀ-ਸੀਰੀਜ਼ ਨਾਲ ਗੀਤਾਂ ਦੀ ਡੀਲ ਨੂੰ ਲੈ ਕੇ ਸ਼ੁਰੂ ਹੋਇਆ। ਸ਼ਿਕਾਇਤਕਰਤਾ ਰੇਅਮੰਤ ਮਰਵਾਹਾ ਨੇ ਦੱਸਿਆ ਕਿ ਉਹ ਪਿਛਲੇ ਕਰੀਬ ਪੰਜ ਸਾਲਾਂ ਤੋਂ ਮੇਲੋਡੀ ਹਾਊਸ ਨਾਮ ਦੀ ਮਿਊਜ਼ਿਕ ਕੰਪਨੀ ਚਲਾ ਰਹੇ ਹਨ। ਉਨ੍ਹਾਂ ਦੇ ਅਨੁਸਾਰ, ਕਰੀਬ 5-6 ਮਹੀਨੇ ਪਹਿਲਾਂ ਦਿਲਪ੍ਰੀਤ ਢਿੱਲੋਂ ਨੇ ਟੀ-ਸੀਰੀਜ਼ ਨਾਲ ਗੀਤਾਂ ਦੀ ਰਿਕਾਰਡਿੰਗ ਦੀ ਡੀਲ ਕਰਵਾਉਣ ਲਈ ਉਨ੍ਹਾਂ ਨਾਲ ਸੰਪਰਕ ਕੀਤਾ ਸੀ।

ਰੇਅਮੰਤ ਮਰਵਾਹਾ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨੇ ਟੀ-ਸੀਰੀਜ਼ ਦੇ ਅਧਿਕਾਰੀਆਂ ਨਾਲ ਗੱਲ ਵੀ ਕਰਵਾਈ, ਪਰ ਕਿਸੇ ਕਾਰਨ ਇਹ ਡੀਲ ਨਹੀਂ ਹੋ ਸਕੀ। ਸ਼ਿਕਾਇਤ ਮੁਤਾਬਕ, ਇਸੇ ਗੱਲ ਨੂੰ ਲੈ ਕੇ ਦਿਲਪ੍ਰੀਤ ਢਿੱਲੋਂ ਉਨ੍ਹਾਂ ਨਾਲ ਨਾਰਾਜ਼ ਸੀ। ਉਨ੍ਹਾਂ ਨੇ ਦੱਸਿਆ ਕਿ 22 ਜੁਲਾਈ ਦੀ ਰਾਤ ਉਹ ਆਪਣੇ ਦੋਸਤ ਗੁਰਪ੍ਰੀਤ ਸਿੰਘ ਦੇ ਸੈਕਟਰ-70 ਸਥਿਤ ਫਲੈਟ ਵਿੱਚ ਮੌਜੂਦ ਸਨ, ਜਿੱਥੇ ਉਨ੍ਹਾਂ ਦਾ ਦੋਸਤ ਯੁਗ ਵੀ ਬੈਠਾ ਹੋਇਆ ਸੀ। ਇਸੇ ਦੌਰਾਨ ਦਿਲਪ੍ਰੀਤ ਢਿੱਲੋਂ ਉੱਥੇ ਪਹੁੰਚ ਗਿਆ।

ਸ਼ਿਕਾਇਤਕਰਤਾ ਰੇਅਮੰਤ ਮਰਵਾਹਾ ਨੇ ਪੁਲਿਸ ਨੂੰ ਦਿੱਤੇ ਬਿਆਨ ਵਿੱਚ ਦੋਸ਼ ਲਗਾਇਆ ਕਿ ਦਿਲਪ੍ਰੀਤ ਢਿੱਲੋਂ ਨੇ ਉਨ੍ਹਾਂ ਨਾਲ ਬਹਿਸ ਕਰਨੀ ਸ਼ੁਰੂ ਕਰ ਦਿੱਤੀ। ਸ਼ਿਕਾਇਤ ਮੁਤਾਬਕ, ਗਾਇਕ ਨੇ ਕਿਹਾ ਕਿ ਉਹ ਟੀ-ਸੀਰੀਜ਼ ਜਾਂ ਕਿਸੇ ਹੋਰ ਮਿਊਜ਼ਿਕ ਕੰਪਨੀ ਨਾਲ ਉਸ ਦੀ ਡੀਲ ਕਰਵਾਉਣ, ਕਿਉਂਕਿ ਉਹ ਆਪਣੀ ਪਤਨੀ ਨੂੰ 1 ਤੋਂ 2 ਕਰੋੜ ਰੁਪਏ ਦੀ ਗੱਡੀ ਖਰੀਦ ਕੇ ਦੇਣਾ ਚਾਹੁੰਦਾ ਹੈ। ਜਦੋਂ ਉਨ੍ਹਾਂ ਨੇ ਆਪਣੀ ਮਜਬੂਰੀ ਦੱਸੀ ਤਾਂ ਦਿਲਪ੍ਰੀਤ ਢਿੱਲੋਂ ਗੁੱਸੇ ਵਿੱਚ ਆ ਗਿਆ ਅਤੇ ਕਥਿਤ ਤੌਰ 'ਤੇ ਉਨ੍ਹਾਂ ਨਾਲ ਕੁੱਟਮਾਰ ਕੀਤੀ।

ਗਾਇਕ ਵੱਲੋਂ ਕੀਤੀ ਗਈ ਕੁੱਟਮਾਰ, ਫਿਰ ਤਾਣੀ ਪਿਸਤੌਲ

ਸ਼ਿਕਾਇਤ ਵਿੱਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਜਦੋਂ ਉਹ ਉੱਥੋਂ ਨਿਕਲਣ ਦੀ ਕੋਸ਼ਿਸ਼ ਕਰ ਰਹੇ ਸਨ ਤਾਂ ਦਿਲਪ੍ਰੀਤ ਢਿੱਲੋਂ ਨੇ ਉਨ੍ਹਾਂ ਦਾ ਕਾਲਰ ਫੜ ਕੇ ਦੂਜੇ ਕਮਰੇ ਵਿੱਚ ਖਿੱਚ ਲਿਆ ਅਤੇ ਜ਼ਮੀਨ 'ਤੇ ਸੁੱਟ ਦਿੱਤਾ। ਇਸ ਤੋਂ ਬਾਅਦ ਉਨ੍ਹਾਂ ਦੇ ਪੇਟ, ਪੱਸਲੀਆਂ ਅਤੇ ਸਰੀਰ ਦੇ ਹੋਰ ਹਿੱਸਿਆਂ 'ਤੇ ਲੱਤਾਂ ਮਾਰੀਆਂ ਗਈਆਂ। ਸ਼ਿਕਾਇਤਕਰਤਾ ਦਾ ਇਹ ਵੀ ਦੋਸ਼ ਹੈ ਕਿ ਕੁੱਟਮਾਰ ਤੋਂ ਬਾਅਦ ਦਿਲਪ੍ਰੀਤ ਢਿੱਲੋਂ ਨੇ ਆਪਣੀ ਕਮਰ ਤੋਂ ਪਿਸਤੌਲ ਕੱਢ ਕੇ ਉਨ੍ਹਾਂ ਵੱਲ ਤਾਣ ਦਿੱਤੀ ਅਤੇ ਧਮਕੀ ਦਿੱਤੀ।

ਪਿਸਟਲ ਤਾਣ ਕੇ ਪੂਰੇ ਪਰਿਵਾਰ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਾ ਦੋਸ਼: ਰੇਅਮੰਤ ਮਰਵਾਹਾ ਦੇ ਅਨੁਸਾਰ ਦੋਸ਼ੀ ਨੇ ਉਨ੍ਹਾਂ ਨੂੰ ਅਤੇ ਉਨ੍ਹਾਂ ਦੇ ਪੂਰੇ ਪਰਿਵਾਰ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ। ਉਨ੍ਹਾਂ ਦੇ ਰੌਲਾ ਪਾਉਣ ਅਤੇ ਵਿਰੋਧ ਕਰਨ 'ਤੇ ਦੋਸ਼ੀ ਗਾਲੀ-ਗਲੋਜ ਕਰਦਿਆਂ ਮੌਕੇ ਤੋਂ ਫ਼ਰਾਰ ਹੋ ਗਿਆ। ਘਟਨਾ ਤੋਂ ਬਾਅਦ ਜ਼ਖ਼ਮੀ ਰੇਅਮੰਤ ਮਰਵਾਹਾ ਨੂੰ ਇਲਾਜ ਲਈ ਫੇਜ਼-6 ਸਥਿਤ ਸਿਵਲ ਹਸਪਤਾਲ, ਮੋਹਾਲੀ ਵਿੱਚ ਦਾਖ਼ਲ ਕਰਵਾਇਆ ਗਿਆ। ਇਲਾਜ ਤੋਂ ਬਾਅਦ ਡਿਸਚਾਰਜ ਹੋਣ 'ਤੇ ਉਨ੍ਹਾਂ ਨੇ ਮਟੌਰ ਥਾਣਾ ਪਹੁੰਚ ਕੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ।

ਇਨ੍ਹਾਂ ਧਾਰਾਵਾਂ ਤਹਿਤ ਐੱਫ.ਆਈ.ਆਰ. ਦਰਜ

ਪੁਲਿਸ ਨੇ ਸ਼ਿਕਾਇਤ ਦੇ ਆਧਾਰ 'ਤੇ ਦਿਲਪ੍ਰੀਤ ਸਿੰਘ ਢਿੱਲੋਂ ਖ਼ਿਲਾਫ਼ ਭਾਰਤੀ ਨਿਆਂ ਸੰਹਿਤਾ (BNS) ਦੀ ਧਾਰਾ 115(2), 126(2), 351(2) ਅਤੇ ਆਰਮਜ਼ ਐਕਟ ਦੀ ਧਾਰਾ 25 ਅਤੇ 27 ਤਹਿਤ ਮਾਮਲਾ ਦਰਜ ਕੀਤਾ ਹੈ। ਮਟੌਰ ਥਾਣਾ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।

ਜਾਂਚ ਅਧਿਕਾਰੀ ਏ.ਐੱਸ.ਆਈ. ਕੇਵਲ ਕੁਮਾਰ ਨੇ ਦੱਸਿਆ ਕਿ ਸ਼ਿਕਾਇਤਕਰਤਾ ਦੇ ਬਿਆਨਾਂ ਦੇ ਆਧਾਰ 'ਤੇ ਐੱਫ.ਆਈ.ਆਰ. ਦਰਜ ਕੀਤੀ ਗਈ ਹੈ। ਦੋਸ਼ੀ ਗਾਇਕ ਨੂੰ ਜਲਦੀ ਹੀ ਜਾਂਚ ਵਿੱਚ ਸ਼ਾਮਿਲ ਕਰਕੇ ਪੁੱਛਗਿੱਛ ਕੀਤੀ ਜਾਵੇਗੀ।

ਫ਼ਿਲਮੀ ਜਗਤ ਨੂੰ ਵੱਡਾ ਘਾਟਾ! ਨਾਮੀ ਅਦਾਕਾਰਾ ਦੀ ਕਾਰ ਐਂਕਸੀਡੈਂਟ ‘ਚ ਦਰਦਨਾਕ ਮੌਤ, ਫੈਨਜ਼ ਸਣੇ ਕਲਾਕਾਰ ਸਦਮੇ ‘ਚ….

Thu, 23 Jul 2026 12:08:10 +0530

ਹਾਲੀਵੁੱਡ ਤੋਂ ਇੱਕ ਬਹੁਤ ਹੀ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ‘ਗੌਡਜ਼ਿਲਾ ਵਰਸੇਜ਼ ਕਾਂਗ’ ਅਤੇ ‘ਗੌਡਜ਼ਿਲਾ ਐਕਸ ਕਾਂਗ: ਦ ਨਿਊ ਐਂਪਾਇਰ’ ਵਿੱਚ ਜੀਆ ਦਾ ਯਾਦਗਾਰ ਕਿਰਦਾਰ ਨਿਭਾਉਣ ਵਾਲੀ 18 ਸਾਲਾ ਅਦਾਕਾਰਾ ਕੈਲੀ ਹੌਟਲ (kaylee hottle) ਦਾ ਇੱਕ ਸੜਕ ਹਾਦਸੇ ਵਿੱਚ ਦੇਹਾਂਤ ਹੋ ਗਿਆ ਹੈ। ਇਹ ਹਾਦਸਾ ਮੰਗਲਵਾਰ (21 ਜੁਲਾਈ) ਅਮਰੀਕਾ ਦੇ ਮੈਰੀਲੈਂਡ ਦੇ ਇਜੈਂਸਵਿਲ ਇਲਾਕੇ ਵਿੱਚ ਵਾਪਰਿਆ। ਉਨ੍ਹਾਂ ਦੇ ਦੇਹਾਂਤ ਦੀ ਖ਼ਬਰ ਸਾਹਮਣੇ ਆਉਂਦਿਆਂ ਹੀ ਫ਼ਿਲਮ ਇੰਡਸਟਰੀ ਅਤੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ।

ਫਰੈਡਰਿਕ ਕਾਉਂਟੀ ਸ਼ੈਰਿਫ਼ ਦਫ਼ਤਰ ਦੇ ਮੁਤਾਬਕ, ਇਹ ਹਾਦਸਾ ਸਵੇਰੇ ਕਰੀਬ 3 ਵਜੇ ਵਾਪਰਿਆ, ਜਦੋਂ 1995 ਮਾਡਲ ਦੀ ਹੋਂਡਾ ਅਕੌਰਡ ਕਾਰ ਸੜਕ ਤੋਂ ਉਤਰ ਕੇ ਇੱਕ ਪੁਲੀਆ ਨਾਲ ਟਕਰਾ ਗਈ। ਕਾਰ ਵਿੱਚ ਕੁਝ ਤਿੰਨ ਲੋਕ ਸਵਾਰ ਸਨ।

ਅਸਪਤਾਲ ਲਿਜਾਉਂਦੇ ਸਮੇਂ ਹੋਈ ਕੈਲੀ ਹੌਟਲ ਦੀ ਮੌਤ:

ਜਾਣਕਾਰੀ ਮੁਤਾਬਕ, ਕੈਲੀ ਹੌਟਲ 1995 ਮਾਡਲ ਦੀ ਹੋਂਡਾ ਅਕੌਰਡ ਕਾਰ ਵਿੱਚ ਦੋ ਹੋਰ ਯਾਤਰੀਆਂ ਨਾਲ ਸਵਾਰ ਸੀ। ਕਾਰ ਅਚਾਨਕ ਸੜਕ ਤੋਂ ਹੇਠਾਂ ਉਤਰ ਕੇ ਇੱਕ ਪੁਲੀਆ ਨਾਲ ਟਕਰਾ ਗਈ। ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਕਾਰ ਦੀ ਤੇਜ਼ ਰਫ਼ਤਾਰ ਇਸ ਹਾਦਸੇ ਦਾ ਮੁੱਖ ਕਾਰਨ ਬਣੀ। ਹਸਪਤਾਲ ਲਿਜਾਂਦੇ ਸਮੇਂ ਰਸਤੇ ਵਿੱਚ ਹੀ ਕੈਲੀ ਦਾ ਦਿਲ ਧੜਕਣਾ ਬੰਦ ਹੋ ਗਿਆ ਅਤੇ ਡਾਕਟਰਾਂ ਦੀਆਂ ਲੱਖ ਕੋਸ਼ਿਸ਼ਾਂ ਦੇ ਬਾਵਜੂਦ ਉਸ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਕਾਰ ਚਲਾ ਰਹੇ 19 ਸਾਲਾ ਨੌਜਵਾਨ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ।

ਪਿਤਾ ਬੋਲੇ- ‘ਡਰਾਈਵਰ ਨੂੰ ਮੁਆਫ਼ ਕਰਦਾ ਹਾਂ’

ਕੈਲੀ ਦੇ ਪਿਤਾ ਜੋਸ਼ੂਆ ਹੌਟਲ (Joshua Hottle), ਜੋ ਖ਼ੁਦ ਵੀ ਬੋਲੇ-ਸੁਣਨ ਤੋਂ ਅਸਮਰੱਥ ਹਨ, ਨੇ ਫੇਸਬੁੱਕ ਲਾਈਵਸਟ੍ਰੀਮ ਰਾਹੀਂ ਅਮਰੀਕੀ ਸਾਈਨ ਭਾਸ਼ਾ (ASL) ਵਿੱਚ ਆਪਣੀ ਧੀ ਦੇ ਚਲੇ ਜਾਣ ਦੀ ਦੁਖਦਾਈ ਖ਼ਬਰ ਸਾਂਝੀ ਕੀਤੀ। ਉਨ੍ਹਾਂ ਨੇ ਕਿਹਾ, ‘ਅਸੀਂ ਉਸ ਨਾਲ ਬਿਤਾਏ 18 ਸਾਲਾਂ ਲਈ ਸ਼ੁਕਰਗੁਜ਼ਾਰ ਹਾਂ, ਕਾਸ਼ ਸਾਨੂੰ ਉਸ ਨਾਲ ਹੋਰ ਸਮਾਂ ਮਿਲਦਾ।’ ਉਨ੍ਹਾਂ ਦੱਸਿਆ ਕਿ ਉਹ ਟੈਕਸਾਸ ਤੋਂ ਮੈਰੀਲੈਂਡ ਆਪਣੀ ਧੀ ਦੀ ਮ੍ਰਿਤਕ ਦੇਹ ਲੈਣ ਜਾ ਰਹੇ ਹਨ। ਸਭ ਤੋਂ ਭਾਵੁਕ ਕਰਨ ਵਾਲੀ ਗੱਲ ਇਹ ਰਹੀ ਕਿ ਧੀ ਨੂੰ ਗੁਆਉਣ ਦੇ ਬਾਵਜੂਦ ਜੋਸ਼ੂਆ ਹੌਟਲ ਨੇ ਹਾਦਸੇ ਸਮੇਂ ਕਾਰ ਚਲਾ ਰਹੇ 19 ਸਾਲਾ ਨੌਜਵਾਨ ਨੂੰ ਮੁਆਫ਼ ਕਰ ਦਿੱਤਾ। ਉਨ੍ਹਾਂ ਕਿਹਾ, ‘ਮੈਂ ਤੈਨੂੰ ਮੁਆਫ਼ ਕਰਦਾ ਹਾਂ। ਇਸ ਘਟਨਾ ਨਾਲ ਆਪਣੀ ਪੂਰੀ ਜ਼ਿੰਦਗੀ ਬਰਬਾਦ ਨਾ ਹੋਣ ਦੇਣਾ।’ ਉੱਥੇ ਹੀ, ਕੈਲੀ ਦੀ ਮਾਂ ਨੇ ਵੀ ਕਿਹਾ ਕਿ ਉਨ੍ਹਾਂ ਨੂੰ ਅੱਜ ਵੀ ਮਹਿਸੂਸ ਹੁੰਦਾ ਹੈ ਕਿ ਉਨ੍ਹਾਂ ਦੀ ਧੀ ਉਨ੍ਹਾਂ ਦੇ ਨਾਲ ਹੀ ਹੈ।

ਹਾਲੀਵੁੱਡ ਸਿਤਾਰਿਆਂ ਨੇ ਜਤਾਇਆ ਦੁੱਖ

ਕੈਲੀ ਹੌਟਲ ਦੇ ਦੇਹਾਂਤ 'ਤੇ ਹਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਡੂੰਘਾ ਦੁੱਖ ਜਤਾਇਆ ਹੈ। ਉਨ੍ਹਾਂ ਦੀ ਸਹਿ-ਕਲਾਕਾਰ ਮਿਲੀ ਬੌਬੀ ਬ੍ਰਾਊਨ ਨੇ ਇੰਸਟਾਗ੍ਰਾਮ 'ਤੇ ਲਿਖਿਆ, ‘ਇਹ ਖ਼ਬਰ ਸੁਣ ਕੇ ਮੈਂ ਪੂਰੀ ਤਰ੍ਹਾਂ ਟੁੱਟ ਗਈ ਹਾਂ। ਤੇਰੀ ਬਹੁਤ ਯਾਦ ਆਵੇਗੀ।’ ਆਸਕਰ ਜੇਤੂ ਅਦਾਕਾਰਾ ਮਾਰਲੀ ਮੈਟਲਿਨ ਨੇ ਉਨ੍ਹਾਂ ਨੂੰ ਪ੍ਰਤਿਭਾਵਾਨ ਅਤੇ ਖ਼ੂਬਸੂਰਤ ਕਲਾਕਾਰ ਦੱਸਦਿਆਂ ਸ਼ਰਧਾਂਜਲੀ ਭੇਂਟ ਕੀਤੀ। ਉੱਥੇ ਹੀ, ਆਸਕਰ ਜੇਤੂ ਅਦਾਕਾਰ ਟ੍ਰੌਏ ਕੋਤਸੁਰ (Troy Kotsur) ਨੇ ਕਿਹਾ ਕਿ ਕੈਲੀ ਦੀ ਮੌਤ ਨੇ ਉਨ੍ਹਾਂ ਨੂੰ ਆਪਣੀ ਧੀ ਦੀ ਯਾਦ ਦਿਵਾ ਦਿੱਤੀ ਅਤੇ ਇਹ ਮਹਿਸੂਸ ਕਰਵਾਇਆ ਕਿ ਜਿੰਦਗੀ ਦੇ ਹਰ ਪਲ ਦੀ ਕਦਰ ਕਰਨੀ ਚਾਹੀਦੀ ਹੈ।

ਕੌਣ ਸੀ ਕੈਲੀ ਹੌਟਲ?

ਟੈਕਸਾਸ ਸਕੂਲ ਫ਼ਾਰ ਦ ਡੈਫ਼ (Texas School for the Deaf) ਦੀ ਵਿਦਿਆਰਥਣ ਕੈਲੀ ਨੇ ਮਹਿਜ਼ 9 ਸਾਲ ਦੀ ਉਮਰ ਵਿੱਚ ਆਪਣੇ ਅਦਾਕਾਰੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ‘ਗੌਡਜ਼ਿਲਾ’ ਫ਼ਿਲਮਾਂ ਵਿੱਚ ਉਸ ਨੇ ‘ਜੀਆ’ ਦਾ ਕਿਰਦਾਰ ਨਿਭਾਇਆ ਸੀ, ਜੋ ਵਿਸ਼ਾਲਕਾਇ ‘ਕਾਂਗ’ ਨਾਲ ਸਾਈਨ ਭਾਸ਼ਾ ਰਾਹੀਂ ਭਾਵਨਾਤਮਕ ਰਿਸ਼ਤਾ ਬਣਾਉਂਦੀ ਹੈ। ਸਾਲ 2024 ਦੀ ਫ਼ਿਲਮ ਲਈ ਉਸ ਨੂੰ ‘ਸੈਟਰਨ ਅਵਾਰਡਜ਼’ (Saturn Awards) ਵਿੱਚ ਸਰਵੋਤਮ ਯੁਵਾ ਕਲਾਕਾਰ ਸ਼੍ਰੇਣੀ ਲਈ ਨਾਮਜ਼ਦ ਵੀ ਕੀਤਾ ਗਿਆ ਸੀ।

ਪੰਜਾਬੀ ਗਾਇਕ ਕਰਨ ਨੂੰ ਆਇਆ ਹਾਰਟ ਅਟੈਕ; ਇੰਝ ਫਸਟ ਏਡ ਨਾਲ ਬਚੀ ਜਾਨ, ਵੀਡੀਓ ਸ਼ੇਅਰ ਕਰ ਬੋਲੇ-‘ਲਾਈਫ ਬਹੁਤ ਛੋਟੀ ਆ,ਕੱਲ੍ਹ ਮੈਂ ਜਮਾਂ ਮਰ ਕੇ ਬਚਿਆ…’

Mon, 20 Jul 2026 11:22:45 +0530

ਪੰਜਾਬੀ ਗਾਇਕ, ਅਦਾਕਾਰ, ਮਾਡਲ ਅਤੇ ਫਿਟਨੈਸ ਇਨਫਲੂਐਂਸਰ ਕਰਨਦੀਪ ਉਰਫ ਕਰਨ ਬਰਾੜ ਨੂੰ ਆਸਟ੍ਰੇਲੀਆ ਵਿੱਚ ਹਾਰਟ ਅਟੈਕ ਆ ਗਿਆ ਹੈ। ਗਾਇਕ ਨੇ ਖੁਦ ਇਸ ਦੀ ਵੀਡੀਓ ਇੰਸਟਾਗ੍ਰਾਮ ਉੱਤੇ ਸ਼ੇਅਰ ਕਰਦਿਆਂ ਲਿਖਿਆ ਕਿ 19 ਮਈ ਉਨ੍ਹਾਂ ਦੀ ਜ਼ਿੰਦਗੀ ਦਾ ਆਖ਼ਰੀ ਦਿਨ ਸੀ ਅਤੇ ਜੇਕਰ ਉਨ੍ਹਾਂ ਦੇ ਚਾਰ ਦੋਸਤ ਕੋਲ ਨਾ ਹੁੰਦੇ ਤਾਂ ਉਹ ਜ਼ਿੰਦਾ ਨਾ ਬਚਦੇ।

ਠੀਕ ਹੋਣ ਤੋਂ ਬਾਅਦ ਵੀਡੀਓ ਰਾਹੀਂ ਦਿੱਤਾ ਆਹ ਸੰਦੇਸ਼

ਰੋਪੜ ਵਿੱਚ ਜੰਮੇ ਅਤੇ ਆਸਟ੍ਰੇਲੀਆ ਵਿੱਚ ਰਹਿ ਰਹੇ 32 ਸਾਲਾ ਕਰਨਦੀਪ ਨੇ ਵੀਡੀਓ ਪਾ ਕੇ ਨੌਜਵਾਨਾਂ ਨੂੰ ਅਪੀਲ ਕੀਤੀ ਹੈ ਕਿ ਭਾਵੇਂ ਤੁਸੀਂ ਜਿੰਮ ਜਾਂਦੇ ਹੋ, ਪਰ ਫਿਰ ਵੀ ਆਪਣਾ ਮੈਡੀਕਲ ਚੈਕਅੱਪ ਜ਼ਰੂਰ ਕਰਵਾਓ ਕਿਉਂਕਿ ਪਤਾ ਨਹੀਂ ਕਦੋਂ ਕੀ ਹੋ ਜਾਵੇ। ਆਪਣੀ ਉਦਾਹਰਣ ਦਿੰਦਿਆਂ ਉਨ੍ਹਾਂ ਦੱਸਿਆ ਕਿ ਉਹ ਰੋਜ਼ ਜਿੰਮ ਜਾਂਦੇ ਹਨ ਅਤੇ ਚੰਗੀ ਖੁਰਾਕ ਲੈਂਦੇ ਹਨ, ਇਸ ਦੇ ਬਾਵਜੂਦ ਉਨ੍ਹਾਂ ਦਾ ਦਿਮਾਗ ਅਤੇ ਦਿਲ ਰੁਕ ਗਿਆ ਸੀ।

ਕਰਨਦੀਪ ਨੇ ਨਵੀਂ ਜ਼ਿੰਦਗੀ ਮਿਲਣ 'ਤੇ ਕਿਹਾ ਕਿ ਮੈਂ ਤਾਂ ਫਿਟਨੈਸ ਪ੍ਰਤੀ ਬਹੁਤ ਜ਼ਿਆਦਾ ਅਵੇਅਰ ਹਾਂ। ਮੈਨੂੰ ਨੌਲੇਜ ਵੀ ਹੈ, ਪਰ ਕਦੇ ਵੀ ਕੁਝ ਵੀ ਹੋ ਸਕਦਾ ਹੈ। ਲਾਈਫ ਇਜ਼ ਵੈਰੀ ਸ਼ਾਰਟ। ਸੋ ਮੈਂ ਸਭ ਨੂੰ ਇਹੀ ਕਹਾਂਗਾ ਕਿ ਸਭ ਨਾਲ ਪਿਆਰ ਮਿਲ ਕੇ ਰਹੋ। ਆਪਣੇ ਮਾਤਾ-ਪਿਤਾ, ਭੈਣ-ਭਾਈ ਦੇ ਨਾਲ ਪਿਆਰ ਨਾਲ ਰਹੋ।

ਕਰਨ ਨੇ ਵੀਡੀਓ ਸ਼ੇਅਰ ਕਰਕੇ ਦੱਸੀਆਂ ਅਹਿਮ ਗੱਲਾਂ...

ਜ਼ਿੰਦਗੀ ਦਾ ਕੋਈ ਭਰੋਸਾ ਨਹੀਂ- ਗਾਇਕ ਨੇ ਕਿਹਾ ਕੱਲ੍ਹ ਮੇਰੇ ਨਾਲ ਜੋ ਹਾਦਸਾ ਹੋਇਆ, ਉਸ ਨੇ ਇਹ ਅਹਿਸਾਸ ਕਰਾ ਦਿੱਤਾ ਕਿ ਜ਼ਿੰਦਗੀ ਬਹੁਤ ਛੋਟੀ ਅਤੇ ਅਨਿਸ਼ਚਿਤ ਹੈ। ਇਨਸਾਨ ਭਾਵੇਂ ਕਿੰਨਾ ਵੀ ਫਿੱਟ ਹੋਵੇ, ਜਿੰਮ ਜਾਂਦਾ ਹੋਵੇ ਅਤੇ ਉਸ ਨੂੰ ਸਿਹਤ ਦੀ ਪੂਰੀ ਨੌਲੇਜ ਹੋਵੇ, ਫਿਰ ਵੀ ਹਾਰਟ ਅਟੈਕ, ਬ੍ਰੇਨ ਸਟੋਕ ਜਾਂ ਸ਼ੂਗਰ ਲੋ ਵਰਗੀ ਸਮੱਸਿਆ ਕਦੇ ਵੀ ਆ ਸਕਦੀ ਹੈ। ਇੱਥੇ ਕੁਝ ਵੀ ਪਰਮਾਨੈਂਟ ਨਹੀਂ ਹੈ।

ਕੱਲ ਮੈ ਜਮਾਂ ਮਰ ਕੇ ਬਚਿਆ ਆਂ, ਚਾਰ ਸਾਹ ਰਹਿ ਗਏ, ਪਰ ਪਰਮਾਤਮਾ ਨੂੰ ਕੁੱਝ ਹੋਰ ਹੀ ਮਨਜ਼ੂਰ ਸੀ, ਜ਼ਿੰਦਗੀ ਬਹੁਤ ਛੋਟੀ ਹੈ ਇਸ ਲਈ ਹਰ ਕਿਸੇ ਦੀ ਮਦਦ ਜ਼ਰੂਰ ਕਰੋ, ਪਰ ਸਹੀ ਤਰੀਕੇ ਨਾਲ ਕਰੋ…ਇਸ ਲਈ ਕਾਮਯਾਬੀ ਪਾਉਣ ਲਈ ਕਦੇ ਵੀ ਕੋਈ ਗਲਤ ਰਸਤਾ ਨਾ ਅਪਣਾਓ, ਹਮੇਸ਼ਾ ਇਮਾਨਦਾਰੀ ਅਤੇ ਸਿੱਧੇ ਤਰੀਕੇ ਨਾਲ ਅੱਗੇ ਵਧੋ।’’

ਆਪਣਿਆਂ ਦੇ ਨਾਲ ਰਹੋ ਅਤੇ ਸ਼ੁਕਰਗੁਜ਼ਾਰ ਰਹੋ- ਕੱਲ੍ਹ ਮੈਂ ਬਿਲਕੁਲ ਮੌਤ ਦੇ ਮੂੰਹੋਂ ਬਚ ਕੇ ਵਾਪਸ ਆਇਆ ਹਾਂ। ਜੇਕਰ ਐਨ ਵਕ਼ਤ 'ਤੇ ਮੇਰੇ ਚਾਰ ਦੋਸਤ ਮੇਰੇ ਸੱਜੇ-ਖੱਬੇ ਨਾ ਹੁੰਦੇ, ਤਾਂ ਅੱਜ ਮੇਰਾ ਕੰਮ ਤਮਾਮ ਹੋ ਚੁੱਕਿਆ ਹੁੰਦਾ। ਭਗਵਾਨ ਨੂੰ ਕੁਝ ਅਤੇ ਹੀ ਮਨਜ਼ੂਰ ਸੀ ਕਿ ਮੈਨੂੰ ਨਵੀਂ ਜ਼ਿੰਦਗੀ ਮਿਲੀ ਹੈ। ਇਸ ਲਈ ਆਪਣੇ ਮਾਂ-ਬਾਪ ਕੋਲ ਰਹੋ ਅਤੇ ਭੈਣ-ਭਰਾਵਾਂ ਨਾਲ ਪਿਆਰ ਕਰੋ।

ਉਨ੍ਹਾਂ ਨੇ ਅੱਗੇ ਕਿਹਾ ਕਿ - ਸਾਰਾ ਕੁੱਝ ਇੱਥੇ ਹੀ ਪੈ ਰਹਿ ਜਾਣਾ ਪੈਸੇ, ਰਿਸ਼ਤੇ, ਚੀਜ਼ਾਂ ਸਭ…

ਮੈਂ ਤਾਂ ਕੱਲ ਸਾਰਾ ਕੁੱਝ ਅਨੁਭਵ ਕਰ ਲਿਆ, ਸਾਰਾ ਕੁੱਝ ਇੱਥੇ ਹੀ ਰਹਿ ਜਾਣਾ ਪੈਸੇ, ਰਿਸ਼ਤੇ, ਚੀਜ਼ਾਂ...ਮੈਂ ਪਹਿਲਾਂ ਹੀ ਬਹੁਤ ਗਰਾਊਂਡਡ ਰਹਿਣ ਦੀ ਕੋਸ਼ਿਸ਼ ਕਰਦਾ ਹਾਂ ਅਤੇ ਹੁਣ ਹੋਰ ਨੀਵਾਂ ਹੋ ਕੇ ਜ਼ਿੰਦਗੀ ਗੁਜ਼ਰਨ ਦੀ ਕੋਸ਼ਿਸ਼ ਕਰਾਂਗਾ, ਜ਼ਿੰਦਗੀ ਬਹੁਤ ਛੋਟੀ ਹੈ…ਸਾਰਿਆਂ ਲਈ ਵਧੀਆ ਬਣ ਕੇ ਰਹੋ, ਪਿਆਰ ਨਾਲ ਰਹੋ’’। ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਫੈਨਜ਼ ਗਾਇਕ ਦੀ ਤੰਦਰੁਸਤੀ ਦੇ ਲਈ ਅਰਦਾਸਾਂ ਕਰ ਰਹੇ ਹਨ। ਉਨ੍ਹਾਂ ਦੇ ਵੱਲੋਂ ਦਿੱਤੇ ਇਸ ਖਾਸ ਸੁਨੇਹੇ ਦੀ ਤਾਰੀਫ ਕਰ ਰਹੇ ਹਨ।

View this post on Instagram

A post shared by Karandeep Singh (@brarkaranofficial)

ਯਾਮੀ ਗੌਤਮ ਦੇ ਨਾਂ ਵੱਡੀ ਪ੍ਰਾਪਤੀ: 'ਆਰਟੀਕਲ 370' ਲਈ ਮਿਲਿਆ ਨੈਸ਼ਨਲ ਐਵਾਰਡ

Sat, 18 Jul 2026 21:02:51 +0530

72nd National Film Awards: ਬਾਲੀਵੁੱਡ ਅਦਾਕਾਰਾ ਯਾਮੀ ਗੌਤਮ ਲਈ ਇਹ ਇੱਕ ਬਹੁਤ ਹੀ ਖਾਸ ਅਤੇ ਮਾਣਮੱਤਾ ਪਲ ਹੈ। 72ਵੇਂ ਰਾਸ਼ਟਰੀ ਫਿਲਮ ਪੁਰਸਕਾਰਾਂ ਵਿੱਚ ਯਾਮੀ ਗੌਤਮ ਨੂੰ ਫਿਲਮ 'ਆਰਟੀਕਲ 370' ਲਈ ਬੈਸਟ ਐਕਟਰਸ (ਸਰਵੋਤਮ ਅਦਾਕਾਰਾ) ਦੇ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਇਹ ਯਾਮੀ ਦੇ ਕਰੀਅਰ ਦਾ ਪਹਿਲਾ ਨੈਸ਼ਨਲ ਐਵਾਰਡ ਹੈ। ਸੋਸ਼ਲ ਮੀਡੀਆ ਉੱਤੇ ਕਲਾਕਾਰ ਅਤੇ ਫੈਨਜ਼ ਅਦਾਕਾਰਾ ਨੂੰ ਵਧਾਈਆਂ ਦੇ ਰਹੇ ਹਨ।

ਫਿਲਮ ਦੀ ਸ਼ਾਨਦਾਰ ਸਫਲਤਾ

'ਆਰਟੀਕਲ 370' ਫਿਲਮ ਨਾ ਸਿਰਫ਼ ਕ੍ਰਿਟਿਕਸ ਦੀ ਪਸੰਦ ਬਣੀ, ਸਗੋਂ ਇਸਨੇ ਬਾਕਸ ਆਫਿਸ 'ਤੇ ਵੀ ਜ਼ਬਰਦਸਤ ਕਮਾਈ ਕੀਤੀ। Aditya Suhas Jambhale ਦੁਆਰਾ ਨਿਰਦੇਸ਼ਿਤ ਇਸ ਫਿਲਮ ਨੂੰ ਬੈਸਟ ਫੀਚਰ ਫਿਲਮ ਦਾ ਖਿਤਾਬ ਵੀ ਮਿਲਿਆ ਹੈ।

ਮੀਡੀਆ ਰਿਪੋਰਟ ਮੁਤਾਬਕ, ਕਰੀਬ 20 ਕਰੋੜ ਰੁਪਏ ਦੇ ਬਜਟ ਵਿੱਚ ਬਣੀ ਇਸ ਫਿਲਮ ਨੇ ਦੁਨੀਆ ਭਰ ਵਿੱਚ ਲਗਭਗ 110 ਕਰੋੜ ਰੁਪਏ ਦਾ ਸ਼ਾਨਦਾਰ ਬਾਕਸ ਆਫਿਸ ਕਲੈਕਸ਼ਨ ਕੀਤਾ ਹੈ। ਫਿਲਮ ਵਿੱਚ ਯਾਮੀ ਗੌਤਮ ਦੀ ਅਦਾਕਾਰੀ ਨੂੰ ਦਰਸ਼ਕਾਂ ਅਤੇ ਆਲੋਚਕਾਂ ਦੋਵਾਂ ਵੱਲੋਂ ਭਰਪੂਰ ਸਰਾਹਿਆ ਗਿਆ ਸੀ।

ਯਾਮੀ ਦਾ ਫਿਲਮੀ ਸਫ਼ਰ

ਯਾਮੀ ਗੌਤਮ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 2010 ਵਿੱਚ ਕੰਨੜ ਫਿਲਮ 'ਉੱਲਾਸਾ ਉਤਸਾਹਾ' ਤੋਂ ਕੀਤੀ ਸੀ। ਇਸ ਤੋਂ ਬਾਅਦ 2012 ਵਿੱਚ 'ਵਿੱਕੀ ਡੋਨਰ' ਨਾਲ ਉਨ੍ਹਾਂ ਨੇ ਬਾਲੀਵੁੱਡ ਵਿੱਚ ਕਦਮ ਰੱਖਿਆ। ਆਪਣੇ ਲੰਬੇ ਕਰੀਅਰ ਦੌਰਾਨ ਉਹ 'ਕਾਬਿਲ', 'ਉੜੀ: ਦ ਸਰਜੀਕਲ ਸਟ੍ਰਾਈਕ' ਅਤੇ 'ਓਐਮਜੀ 2' ਵਰਗੀਆਂ ਕਈ ਚਰਚਿਤ ਫਿਲਮਾਂ ਵਿੱਚ ਨਜ਼ਰ ਆ ਚੁੱਕੀ ਹੈ। ਹੁਣ ਨੈਸ਼ਨਲ ਐਵਾਰਡ ਜਿੱਤ ਕੇ ਉਨ੍ਹਾਂ ਨੇ ਆਪਣੀ ਅਦਾਕਾਰੀ ਦਾ ਲੋਹਾ ਇੱਕ ਵਾਰ ਫਿਰ ਮਨਵਾ ਲਿਆ ਹੈ।

ਜਾਣੋ ਕੌਣ ਹੈ ਜੈਸਮੀਨ ਸੈਂਡਲਸ ਦਾ ਮੰਗੇਤਰ ਸ਼ੇਖਰ ਚੌਧਰੀ? ਕੀ ਕਰਦਾ ਕੰਮ…ਗਾਇਕਾ ਨੇ ਸਟੇਜ 'ਤੇ ਕੀਤਾ ਸੀ ਮੰਗਣੀ ਦਾ ਐਲਾਨ

Mon, 13 Jul 2026 12:55:14 +0530

ਪਾਲੀਵੁੱਡ ਅਤੇ ਬਾਲੀਵੁੱਡ ਗਾਇਕਾ ਜੈਸਮੀਨ ਸੈਂਡਲਸ ਦੇ ‘ਦਿ ਡ੍ਰੀਮ ਗਰਲ ਇੰਡੀਆ ਟੂਰ’ ਵਿੱਚ ਪਹੁੰਚੇ ਪ੍ਰਸ਼ੰਸਕਾਂ ਨੂੰ ਸਿਰਫ਼ ਸ਼ਾਨਦਾਰ ਸੰਗੀਤਕ ਪ੍ਰਦਰਸ਼ਨ ਹੀ ਨਹੀਂ, ਸਗੋਂ ਇੱਕ ਵੱਡਾ ਸਰਪ੍ਰਾਈਜ਼ ਵੀ ਮਿਲਿਆ। ਗਾਇਕਾ ਨੇ ਸਟੇਜ 'ਤੇ ਹੀ ਆਪਣੀ ਮੰਗਣੀ ਦਾ ਐਲਾਨ ਕਰ ਦਿੱਤਾ, ਜਿਸ ਨੇ ਉੱਥੇ ਮੌਜੂਦ ਸਾਰਿਆਂ ਨੂੰ ਭਾਵੁਕ ਕਰ ਦਿੱਤਾ। ਖੁਦ ਗਾਇਕਾ ਵੀ ਇਸ ਮੌਕੇ ਉੱਤੇ ਇਮੋਸ਼ਨਲ ਹੁੰਦੀ ਹੋਈ ਨਜ਼ਰ ਆਈ। ਸੋਸ਼ਲ ਮੀਡੀਆ ਉੱਤੇ ਜੈਸਮੀਨ ਸੈਂਡਲਸ ਦੀਆਂ ਵੀਡੀਓਜ਼ ਖੂਬ ਵਾਇਰਲ ਹੋ ਰਹੀਆਂ ਹਨ।

ਵਾਇਰਲ ਵੀਡੀਓ ਦੇ ਵਿੱਚ ਖੁਸ਼ੀ ਨਾਲ ਚਮਕਦੀ ਨਜ਼ਰ ਆਈ ਜੈਸਮੀਨ ਨੇ ਆਪਣੀ ਮੰਗਣੀ ਦੀ ਅੰਗੂਠੀ ਦਿਖਾਈ ਅਤੇ ਪਹਿਲੀ ਵਾਰ ਆਪਣੇ ਮੰਗੇਤਰ ਸ਼ੇਖਰ ਚੌਧਰੀ ਨੂੰ ਸਾਰਿਆਂ ਦੇ ਸਾਹਮਣੇ ਇੰਟਰੋਡਿਊਸ ਕੀਤਾ। ਪਰ ਇਸ ਤੋਂ ਬਾਅਦ ਹੀ ਹਰ ਕਿਸੇ ਦੇ ਮਨ ਵਿੱਚ ਇਹ ਸਵਾਲ ਉੱਠ ਰਿਹਾ ਹੈ ਕਿ ਕੌਣ ਹਨ ਸ਼ੇਖਰ ਚੌਧਰੀ, ਜੋ ਜੈਸਮੀਨ ਨਾਲ ਵਿਆਹ ਕਰਨ ਜਾ ਰਹੇ ਹਨ।

ਸਟੇਜ 'ਤੇ ਖਾਸ ਪਲ

ਪਰਫਾਰਮੈਂਸ ਦੌਰਾਨ ਜੈਸਮੀਨ ਨੇ ਸ਼ੇਖਰ ਨੂੰ ਸਟੇਜ 'ਤੇ ਬੁਲਾਇਆ, ਉਨ੍ਹਾਂ ਦਾ ਹੱਥ ਫੜਿਆ ਅਤੇ ਮਾਣ ਨਾਲ ਆਪਣੇ ਪ੍ਰਸ਼ੰਸਕਾਂ ਨਾਲ ਮਿਲਵਾਇਆ। ਉਨ੍ਹਾਂ ਨੇ ਕਿਹਾ, 'ਇਹ ਉਹੀ ਇਨਸਾਨ ਹਨ ਜਿਨ੍ਹਾਂ ਨੇ ਮੈਨੂੰ ਅੰਗੂਠੀ ਪਹਿਨਾਈ ਹੈ, ਇਹ ਮੇਰੇ ਹਨ।'ਇਹ ਖਾਸ ਪਲ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਗਿਆ ਹੈ ਅਤੇ ਪ੍ਰਸ਼ੰਸਕ ਇਸ ਖ਼ਬਰ 'ਤੇ ਆਪਣੀ ਖੁਸ਼ੀ ਜ਼ਾਹਰ ਕਰ ਰਹੇ ਹਨ।

ਕੌਣ ਹਨ ਸ਼ੇਖਰ ਚੌਧਰੀ?

ਜਿੱਥੇ ਜੈਸਮੀਨ ਸੈਂਡਲਸ ਸੋਸ਼ਲ ਮੀਡੀਆ ਅਤੇ ਪਬਲਿਕ ਲਾਈਫ ਵਿੱਚ ਕਾਫੀ ਐਕਟਿਵ ਰਹਿੰਦੀ ਹੈ, ਉੱਥੇ ਹੀ ਸ਼ੇਖਰ ਚੌਧਰੀ ਲਾਈਮਲਾਈਟ ਤੋਂ ਦੂਰ ਰਹਿਣਾ ਪਸੰਦ ਕਰਦੇ ਹਨ। ਉਹ ਮਨੋਰੰਜਨ ਜਗਤ (ਐਂਟਰਟੇਨਮੈਂਟ ਇੰਡਸਟਰੀ) ਨਾਲ ਨਹੀਂ ਜੁੜੇ ਹੋਏ ਅਤੇ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਨਿੱਜੀ (ਪ੍ਰਾਈਵੇਟ) ਰੱਖਣਾ ਪਸੰਦ ਕਰਦੇ ਹਨ।

ਰਿਸ਼ਤਾ ਪੂਰੀ ਤਰ੍ਹਾਂ ਸੀਕਰੇਟ ਰੱਖਿਆ

ਜੈਸਮੀਨ ਨੇ ਹਾਲੇ ਤੱਕ ਆਪਣੇ ਮੰਗੇਤਰ ਬਾਰੇ ਜ਼ਿਆਦਾ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ। ਉਨ੍ਹਾਂ ਦੇ ਕੰਮ, ਬੈਕਗ੍ਰਾਊਂਡ ਜਾਂ ਦੋਵਾਂ ਦੀ ਮੁਲਾਕਾਤ ਕਿਵੇਂ ਹੋਈ - ਇਨ੍ਹਾਂ ਸਭ ਗੱਲਾਂ ਬਾਰੇ ਕੋਈ ਵੀ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਦਰਅਸਲ, ਗਾਇਕਾ ਨੇ ਇਸ ਰਿਸ਼ਤੇ ਨੂੰ ਪੂਰੀ ਤਰ੍ਹਾਂ ਨਾਲ ਗੁਪਤ (ਸੀਕਰੇਟ) ਰੱਖਿਆ ਸੀ ਅਤੇ ਸਟੇਜ 'ਤੇ ਇਹ ਉਨ੍ਹਾਂ ਦਾ ਪਹਿਲਾ ਪਬਲਿਕ ਅਪੀਅਰੈਂਸ ਸੀ।

ਚੌਧਰੀ ਲਾਈਮਲਾਈਟ ਤੋਂ ਦੂਰ ਰਹੇ ਹਨ, ਪਰ ਉਹ ਹਮੇਸ਼ਾ ਜੈਸਮੀਨ ਦੀ ਜ਼ਿੰਦਗੀ ਦਾ ਹਿੱਸਾ ਰਹੇ ਹਨ। ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਨੂੰ ਅਕਸਰ ਗਾਇਕਾ ਦੇ ਨਾਲ ਟੂਰ, ਏਅਰਪੋਰਟ ਅਤੇ ਧਾਰਮਿਕ ਅਸਥਾਨਾਂ 'ਤੇ ਦੇਖਿਆ ਹੈ। ਉਹ ਉਨ੍ਹਾਂ ਦੇ ਕਈ ਇੰਸਟਾਗ੍ਰਾਮ ਪੋਸਟਾਂ ਅਤੇ ਵੀਡੀਓਜ਼ ਵਿੱਚ ਵੀ ਨਜ਼ਰ ਆਏ ਹਨ, ਹਾਲਾਂਕਿ ਜੋੜੇ ਨੇ ਹੁਣ ਤੱਕ ਕਦੇ ਵੀ ਆਪਣੇ ਰਿਸ਼ਤੇ ਦੀ ਜਨਤਕ ਤੌਰ 'ਤੇ ਪੁਸ਼ਟੀ ਨਹੀਂ ਕੀਤੀ ਸੀ।

ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਇੱਕ ਪੁਰਾਣੀ ਵੀਡੀਓ ਵਿੱਚ ਚੌਧਰੀ ਨੂੰ ਇੱਕ ਕੌਂਸਰਟ ਤੋਂ ਪਹਿਲਾਂ ਬੈਕਸਟੇਜ ਜੈਸਮੀਨ ਦੇ ਪਿੱਛੇ ਚਲਦੇ ਦੇਖਿਆ ਜਾ ਸਕਦਾ ਹੈ, ਜਿੱਥੇ ਉਨ੍ਹਾਂ ਨੇ "ਟੀਮ ਸੈਂਡਲਸ" ਲਿਖੀ ਕਾਲੀ ਟੀ-ਸ਼ਰਟ ਪਾਈ ਹੋਈ ਹੈ। ਵੀਡੀਓ ਵਿੱਚ, ਜੈਸਮੀਨ ਨੇ ਗੁਲਾਬੀ ਲਹਿੰਗਾ ਪਾਇਆ ਹੋਇਆ ਹੈ ਅਤੇ ਚੌਧਰੀ ਉਨ੍ਹਾਂ ਨੂੰ ਸਹਾਰਾ ਦਿੰਦੇ ਨਜ਼ਰ ਆ ਰਹੇ ਹਨ। ਜੈਸਮੀਨ ਦੀ ਜ਼ਿੰਦਗੀ ਵਿੱਚ ਉਨ੍ਹਾਂ ਦੀ ਲਗਾਤਾਰ ਮੌਜੂਦਗੀ ਕਾਰਨ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਨੂੰ ਪਿਆਰ ਨਾਲ "ਚੌਧਰੀ ਸਾਹਿਬ" ਦਾ ਨਾਮ ਦਿੱਤਾ ਹੈ।

ਖ਼ਬਰਾਂ ਅਨੁਸਾਰ, ਸ਼ੇਖਰ ਗਾਇਕਾ ਦੀ ਟੀਮ ਦਾ ਹੀ ਇੱਕ ਹਿੱਸਾ ਹਨ ਅਤੇ ਉਹ ਅਕਸਰ ਜੈਸਮੀਨ ਨਾਲ ਉਜੈਨ ਦੇ ਮਹਾਕਾਲੇਸ਼ਵਰ ਮੰਦਰ ਸਮੇਤ ਕਈ ਧਾਰਮਿਕ ਯਾਤਰਾਵਾਂ 'ਤੇ ਵੀ ਗਏ ਹਨ।

View this post on Instagram

A post shared by 🦚 Radhe Radhe 🦚 (@____deekshu)

View this post on Instagram

A post shared by Preeti Rana ji (@explorewithmee6)

View this post on Instagram

A post shared by lily (@evy_x29)

ਬਾਲੀਵੁੱਡ ਜਗਤ ਤੋਂ ਵੱਡੀ ਖਬਰ..ਇਹ ਨਾਮੀ ਅਦਾਕਾਰ ਮੁੜ ਜਾਏਗਾ ਜੇਲ੍ਹ! ਇਸ ਮਾਮਲੇ ‘ਚ ਹਾਈ ਕੋਰਟ ਨੇ ਖਾਰਜ ਕੀਤੀ ਅਪੀਲ

Fri, 10 Jul 2026 17:07:00 +0530

ਬਾਲੀਵੁੱਡ ਤੋਂ ਇਸ ਸਮੇਂ ਵੱਡੀ ਖਬਰ ਆ ਰਹੀ ਹੈ, ਜੀ ਹਾਂ ਅਦਾਕਾਰ ਰਾਜਪਾਲ ਯਾਦਵ (Rajpal Yadav) ਚੈੱਕ ਬਾਊਂਸ ਮਾਮਲੇ ਵਿੱਚ ਮੁੜ ਜੇਲ੍ਹ ਜਾਣਗੇ। ਦਿੱਲੀ ਹਾਈ ਕੋਰਟ ਨੇ ਉਨ੍ਹਾਂ ਨੂੰ ਤਿੰਨ ਮਹੀਨੇ ਦੀ ਜੇਲ੍ਹ ਦੀ ਸਜ਼ਾ ਸੁਣਾਈ ਹੈ। ਇਸ ਦੇ ਨਾਲ ਹੀ ਅਦਾਲਤ ਨੇ ਰਾਜਪਾਲ ਯਾਦਵ 'ਤੇ ਭਾਰੀ ਜੁਰਮਾਨਾ ਵੀ ਲਗਾਇਆ ਹੈ। ਅੱਜ ਸ਼ੁੱਕਰਵਾਰ, 10 ਜੁਲਾਈ ਨੂੰ ਦਿੱਲੀ ਹਾਈ ਕੋਰਟ ਵਿੱਚ ਇਸ ਮਾਮਲੇ ਦੀ ਸੁਣਵਾਈ ਹੋਈ, ਜਿਸ ਦੌਰਾਨ ਅਦਾਲਤ ਨੇ ਉਨ੍ਹਾਂ ਦੀ ਸਜ਼ਾ ਨੂੰ ਬਰਕਰਾਰ ਰੱਖਣ ਦਾ ਫੈਸਲਾ ਸੁਣਾਇਆ।

ਤਿੰਨ ਮਹੀਨੇ ਜੇਲ੍ਹ ‘ਚ ਕੱਟਣੇ ਪੈਣੇ

ਰਾਜਪਾਲ ਯਾਦਵ ਨੂੰ ਚੈੱਕ ਬਾਊਂਸ ਦੇ ਸਾਰੇ ਸੱਤ ਮਾਮਲਿਆਂ ਵਿੱਚ ਤਿੰਨ-ਤਿੰਨ ਮਹੀਨੇ ਦੀ ਸਾਧਾਰਨ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਹਾਲਾਂਕਿ, ਅਦਾਲਤ ਨੇ ਇਹ ਆਦੇਸ਼ ਦਿੱਤਾ ਹੈ ਕਿ ਇਹ ਸਾਰੀਆਂ ਸਜ਼ਾਵਾਂ ਇਕੱਠੀਆਂ (concurrently) ਚੱਲਣਗੀਆਂ। ਇਸ ਲਈ, ਅਦਾਕਾਰ ਨੂੰ ਕੁੱਲ ਮਿਲਾ ਕੇ ਸਿਰਫ਼ ਤਿੰਨ ਮਹੀਨੇ ਹੀ ਜੇਲ੍ਹ ਵਿੱਚ ਬਿਤਾਉਣੇ ਪੈਣਗੇ।

ਜਸਟਿਸ ਸਵਰਨ ਕਾਂਤਾ ਸ਼ਰਮਾ ਦੀ ਬੈਂਚ ਨੇ ਅਦਾਕਾਰ ਰਾਜਪਾਲ ਯਾਦਵ ਵੱਲੋਂ ਹੇਠਲੀ ਅਦਾਲਤ ਦੇ ਫੈਸਲੇ ਨੂੰ ਚੁਣੌਤੀ ਦੇਣ ਵਾਲੀਆਂ ਪਟੀਸ਼ਨਾਂ ਨੂੰ ਖਾਰਜ ਕਰਦਿਆਂ ਉਨ੍ਹਾਂ ਦੀ ਸਜ਼ਾ ਨੂੰ ਬਰਕਰਾਰ ਰੱਖਿਆ ਹੈ। ਜਸਟਿਸ ਸ਼ਰਮਾ ਨੇ ਕਿਹਾ ਕਿ ਰਾਜਪਾਲ ਯਾਦਵ ਨੂੰ ਅਦਾਲਤ ਵਿੱਚ ਦਿੱਤੇ ਗਏ ਆਪਣੇ ਵਾਅਦੇ (ਅੰਡਰਟੇਕਿੰਗ) ਨੂੰ ਪੂਰਾ ਕਰਨ ਲਈ ਕਈ ਮੌਕੇ ਦਿੱਤੇ ਗਏ ਸਨ, ਪਰ ਵਾਰ-ਵਾਰ ਮੌਕੇ ਮਿਲਣ ਦੇ ਬਾਵਜੂਦ ਉਨ੍ਹਾਂ ਨੇ ਅਦਾਲਤੀ ਹੁਕਮਾਂ ਦੀ ਪਾਲਣਾ ਨਹੀਂ ਕੀਤੀ।

ਅਦਾਲਤ ਨੇ ਹਰ ਮਾਮਲੇ ਵਿੱਚ 1.05 ਕਰੋੜ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਇਸ ਤਰ੍ਹਾਂ ਸੱਤਾਂ ਮਾਮਲਿਆਂ ਵਿੱਚ ਕੁੱਲ ਜੁਰਮਾਨਾ 7.35 ਕਰੋੜ ਰੁਪਏ ਬਣਦਾ ਹੈ। ਅਦਾਲਤ ਦੇ ਆਦੇਸ਼ ਅਨੁਸਾਰ, ਹਰ ਮਾਮਲੇ ਵਿੱਚ 1 ਕਰੋੜ 4 ਲੱਖ 75 ਹਜ਼ਾਰ ਰੁਪਏ ਸ਼ਿਕਾਇਤਕਰਤਾ ਨੂੰ ਅਤੇ 25 ਹਜ਼ਾਰ ਰੁਪਏ ਰਾਜ ਸਰਕਾਰ ਨੂੰ ਅਦਾ ਕਰਨੇ ਹੋਣਗੇ।

ਜਾਣੋ ਪੂਰਾ ਮਾਮਲਾ ਹੈ ਕੀ?

ਚੈੱਕ ਬਾਊਂਸ ਦਾ ਇਹ ਮਾਮਲਾ ਸਾਲ 2010 ਵਿੱਚ ਰਾਜਪਾਲ ਯਾਦਵ ਵੱਲੋਂ ਬਣਾਈ ਗਈ ਫ਼ਿਲਮ 'ਅਤਾ ਪਤਾ ਲਾਪਤਾ' ਨਾਲ ਜੁੜਿਆ ਹੋਇਆ ਹੈ। ਇਸ ਫ਼ਿਲਮ ਲਈ ਅਦਾਕਾਰ ਨੇ 5 ਕਰੋੜ ਰੁਪਏ ਦਾ ਕਰਜ਼ਾ ਲਿਆ ਸੀ, ਹਾਲਾਂਕਿ ਰਾਜਪਾਲ ਯਾਦਵ ਦਾ ਦਾਅਵਾ ਸੀ ਕਿ ਇਹ ਇੱਕ ਨਿਵੇਸ਼ (investment) ਸੀ। ਸਮੇਂ ਦੇ ਨਾਲ ਇਹ ਕਰਜ਼ਾ ਵੱਧ ਕੇ 9 ਕਰੋੜ ਰੁਪਏ ਹੋ ਗਿਆ। ਇਸੇ ਮਾਮਲੇ ਵਿੱਚ ਉਨ੍ਹਾਂ ਨੇ 5 ਫਰਵਰੀ 2026 ਨੂੰ ਤਿਹਾੜ ਜੇਲ੍ਹ ਵਿੱਚ ਆਤਮ-ਸਮਰਪਣ ਕੀਤਾ ਸੀ। ਉਸ ਔਖੇ ਸਮੇਂ ਦੌਰਾਨ ਸੋਨੂੰ ਸੂਦ ਸਮੇਤ ਕਈ ਹੋਰ ਅਦਾਕਾਰਾਂ ਨੇ ਉਨ੍ਹਾਂ ਦੀ ਮਦਦ ਵੀ ਕੀਤੀ ਸੀ।

ਰਾਜਪਾਲ ਯਾਦਵ ਨੇ ਇਹ ਵੀ ਦਾਅਵਾ ਕੀਤਾ ਸੀ ਕਿ, "ਆਉਣ ਵਾਲੇ ਸਾਲਾਂ ਵਿੱਚ ਮੇਰੇ ਕੋਲ ਬ੍ਰਾਂਡਿੰਗ ਲਈ 1200 ਕਰੋੜ ਰੁਪਏ ਦਾ ਕੰਮ ਹੈ। ਮੇਰੇ ਕੋਲ 4 ਸਮਝੌਤੇ (ਐਗਰੀਮੈਂਟ) ਹਨ, ਜਿਨ੍ਹਾਂ ਵਿੱਚ ਫ਼ਿਲਮਾਂ ਸ਼ਾਮਲ ਨਹੀਂ ਹਨ। ਕੋਈ ਪ੍ਰੋਜੈਕਟ 200 ਕਰੋੜ ਰੁਪਏ ਦਾ ਹੈ, ਤਾਂ ਕੋਈ 2000 ਕਰੋੜ ਰੁਪਏ ਦਾ। ਇਸ ਵਿੱਚੋਂ ਕੁਝ ਮੇਰੀ ਫੀਸ ਹੈ ਅਤੇ ਕੁਝ ਪ੍ਰੋਜੈਕਟਾਂ ਵਿੱਚ ਮੇਰਾ ਹਿੱਸਾ (ਸ਼ੇਅਰ) ਹੈ। ਮੇਰੀਆਂ 10 ਫ਼ਿਲਮਾਂ ਕਤਾਰ ਵਿੱਚ ਹਨ।"

ਤਿਹਾੜ ਜੇਲ੍ਹ ਤੋਂ ਬਾਹਰ ਆਉਣ ਤੋਂ ਬਾਅਦ ਰਾਜਪਾਲ ਯਾਦਵ ਨੇ ਕਿਹਾ ਸੀ, "ਮੈਂ ਇਹ ਕਹਿਣਾ ਚਾਹੁੰਦਾ ਹਾਂ ਕਿ ਮੈਂ ਪੈਸਿਆਂ ਨਾਲ ਘਿਰਿਆ ਹੋਇਆ ਹਾਂ, ਰਾਜਪਾਲ ਇੱਕ ਚਲਦੀ-ਫਿਰਦੀ ਚੈੱਕਬੁੱਕ ਹੈ। ਮੈਂ ਪੈਸਾ ਕਮਾਉਂਦਾ ਹਾਂ, ਮੈਂ ਲੋਕਾਂ ਨੂੰ ਪੈਸਾ ਕਮਾਉਣ ਵਿੱਚ ਮਦਦ ਕਰਦਾ ਹਾਂ, ਅਤੇ ਕਈ ਘਰ ਇਸ 'ਤੇ ਨਿਰਭਰ ਕਰਦੇ ਹਨ।"

ਤੁਹਾਨੂੰ ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਰਾਜਪਾਲ ਯਾਦਵ ਫ਼ਿਲਮ 'ਭੂਤ ਬੰਗਲਾ' ਅਤੇ 'ਵੈਲਕਮ ਟੂ ਦਾ ਜੰਗਲ' ਵਿੱਚ ਨਜ਼ਰ ਆਏ ਸਨ। ਇਨ੍ਹਾਂ ਦੋਵਾਂ ਫ਼ਿਲਮਾਂ ਨੇ ਬਾਕਸ ਆਫਿਸ 'ਤੇ ਕਾਫ਼ੀ ਚੰਗੀ ਕਮਾਈ ਕੀਤੀ ਸੀ।

ਫਿਲਮ 'ਸਤਲੁਜ' ਦਾ ਦੇਸ਼ ਭਰ ਦੇ ਗੁਰੂ-ਘਰਾਂ ‘ਚ ਵਿਸ਼ੇਸ਼ ਪ੍ਰਦਰਸ਼ਨ; ਪੰਜਾਬ ਦੇ ਪਿੰਡਾਂ ‘ਚ ਦਿਖਾਈ ਜਾ ਰਹੀ ‘SATLUJ’, ਪੰਜਾਬੀਆਂ ‘ਚ ਭਾਰੀ ਉਤਸ਼ਾਹ

Fri, 10 Jul 2026 17:05:00 +0530

ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਦੀ ਫ਼ਿਲਮ ਸਤਲੁਜ (Satluj) ਦਾ ਖੁਮਾਰ ਪੰਜਾਬੀਆਂ ਦੇ ਸਿਰ ਚੜ੍ਹ ਬੋਲ ਰਿਹਾ ਹੈ। ਭਾਵੇਂ ਭਾਰਤ ਵਿੱਚ ਸਟ੍ਰੀਮਿੰਗ ਪਲੇਟਫਾਰਮ ਤੋਂ ਇਸ ਫਿਲਮ ਨੂੰ ਹਟਾ ਦਿੱਤਾ ਗਿਆ ਹੈ ਪਰ ਫਿਰ ਵੀ ਫਿਲਮ 'ਸਤਲੁਜ' (SATLUJ) ਨੂੰ ਲੈ ਕੇ ਲੋਕਾਂ ਵਿੱਚ ਉਤਸ਼ਾਹ ਘੱਟਣ ਦੀ ਬਜਾਏ ਹੋਰ ਵਧ ਗਿਆ ਹੈ। ਹੁਣ ਇਹ ਫਿਲਮ ਦੇਸ਼ ਭਰ ਦੇ ਵੱਖ-ਵੱਖ ਗੁਰੂ-ਘਰਾਂ ਵਿੱਚ ਵੱਡੇ ਪੱਧਰ 'ਤੇ ਪ੍ਰਦਰਸ਼ਿਤ ਕੀਤੀ ਜਾ ਰਹੀ ਹੈ। ਇਹ ਫਿਲਮ ਮਸ਼ਹੂਰ ਮਨੁੱਖੀ ਅਧਿਕਾਰ ਕਾਰਕੁਨ ਜਸਵੰਤ ਸਿੰਘ ਖਾਲੜਾ ਦੇ ਜੀਵਨ ਸੰਘਰਸ਼ ਅਤੇ ਉਨ੍ਹਾਂ ਦੀ ਕੁਰਬਾਨੀ ਦੀ ਦਾਸਤਾਨ ਨੂੰ ਬਿਆਨ ਕਰਦੀ ਹੈ।

View this post on Instagram

A post shared by Harwin Dahele (@harwin22)

ਵੱਖ-ਵੱਖ ਥਾਵਾਂ 'ਤੇ ਫਿਲਮ ਦਾ ਪ੍ਰਦਰਸ਼ਨ

ਪੰਜਾਬ, ਹਰਿਆਣਾ, ਰਾਜਸਥਾਨ, ਦਿੱਲੀ ਅਤੇ ਜੰਮੂ ਦੇ ਕਈ ਗੁਰੂ-ਘਰਾਂ ਵਿੱਚ ਇਸ ਫਿਲਮ ਨੂੰ ਦਿਖਾਉਣ ਲਈ ਵਿਸ਼ੇਸ਼ ਪ੍ਰਬੰਧ ਕੀਤੇ ਗਏ ਹਨ। ਹਾਲ ਹੀ ਵਿੱਚ, ਮੋਗਾ ਵਿਖੇ ਗੁਰਦੁਆਰਾ ਬੀਬੀ ਕਾਹਨ ਕੌਰ ਜੀ ਵਿਖੇ ਭਾਈ ਰਾਜਵੰਤ ਸਿੰਘ ਮਾਹਲਾ ਜੀ ਦੇ ਵਿਸ਼ੇਸ਼ ਉਪਰਾਲੇ ਅਤੇ ਸਮੂਹ ਸੰਗਤ ਦੇ ਸਹਿਯੋਗ ਨਾਲ ਇਸ ਫਿਲਮ ਦਾ ਪ੍ਰਦਰਸ਼ਨ ਕੀਤਾ ਗਿਆ। ਇਸ ਮੌਕੇ ਖਾਲਸਾ ਸੇਵਾ ਸੋਸਾਇਟੀ (ਰਜਿ.) ਮੋਗਾ ਅਤੇ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਮੋਗਾ ਵੱਲੋਂ ਵਿਸ਼ੇਸ਼ ਸਹਿਯੋਗ ਦਿੱਤਾ ਗਿਆ। ਇਸ ਤੋਂ ਇਲਾਵਾ ਪਿੰਡ ਲਾਲਪੁਰ ਵਿੱਚ ਵੀ ਸੰਗਤਾਂ ਲਈ ਇਸ ਫਿਲਮ ਨੂੰ ਦਿਖਾਇਆ ਗਿਆ।

View this post on Instagram

A post shared by 𝐑𝐚𝐠𝐡𝐚𝐯 𝐒𝐡𝐚𝐫𝐦𝐚 🧿 (@itz_raghuu_315_)

ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਦਿਖਾਈ ਜਾਏਗੀ

ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਇੱਕ ਵਿਸ਼ੇਸ਼ ਸਮਾਗਮ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ, ਜਿਸ ਵਿੱਚ ਮਨੁੱਖੀ ਅਧਿਕਾਰ ਕਾਰਕੁਨ ਸ਼ਹੀਦ ਜਸਵੰਤ ਸਿੰਘ ਖਾਲੜਾ ਦੇ ਜੀਵਨ 'ਤੇ ਆਧਾਰਿਤ ਫਿਲਮ 'ਸਤਲੁਜ' ਵਿਖਾਈ ਜਾਵੇਗੀ। ਇਹ ਫਿਲਮ ਉਸ ਸਮੇਂ ਦੀ ਸਰਕਾਰ ਵੱਲੋਂ ਪੰਜਾਬ ਦੇ ਬੇਕਸੂਰ ਸਿੱਖ ਨੌਜਵਾਨਾਂ ਦੀ ਕੀਤੀ ਗਈ ਨਸਲਕੁਸ਼ੀ ਦੀ ਸੱਚਾਈ ਨੂੰ ਦਰਸਾਉਂਦੀ ਹੈ। ਇਹ ਪ੍ਰੋਗਰਾਮ ਸ਼ੁੱਕਰਵਾਰ, 10 ਜੁਲਾਈ 2026 ਨੂੰ ਸ਼ਾਮ 7:00 ਵਜੇ ਭਾਈ ਲੱਖੀ ਸ਼ਾਹ ਵਣਜਾਰਾ ਹਾਲ, ਗੁਰਦੁਆਰਾ ਰਕਾਬ ਗੰਜ ਸਾਹਿਬ ਵਿਖੇ ਰੱਖਿਆ ਗਿਆ ਹੈ। ਸੰਗਤਾਂ ਨੂੰ ਨਿਮਰਤਾ ਸਹਿਤ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਇਸ ਫਿਲਮ ਨੂੰ ਦੇਖਣ ਲਈ ਵੱਧ ਤੋਂ ਵੱਧ ਗਿਣਤੀ ਵਿੱਚ ਪਹੁੰਚਣ।

View this post on Instagram

A post shared by Inderjit Singh Monty (@inderjitsinghmonty)

ਬੁੜੀਆ ਸਾਹਿਬ ਵਿਖੇ ਹੋਵੇਗਾ ਵਿਸ਼ੇਸ਼ ਪ੍ਰੋਗਰਾਮ

ਇਸੇ ਲੜੀ ਤਹਿਤ ਹੁਣ ਗੁਰਦੁਆਰਾ ਗੁਰੂ ਤੇਗ ਬਹਾਦਰ ਸਾਹਿਬ, ਬੁੜੀਆ ਸਾਹਿਬ ਵਿਖੇ ਵੀ ਇੱਕ ਵਿਸ਼ੇਸ਼ ਸਮਾਗਮ ਉਲੀਕਿਆ ਗਿਆ ਹੈ। ਪ੍ਰਬੰਧਕਾਂ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ:

ਸਥਾਨ: ਗੁਰਦੁਆਰਾ ਗੁਰੂ ਤੇਗ ਬਹਾਦਰ ਸਾਹਿਬ, ਬੁੜੀਆ ਸਾਹਿਬ।

ਮਿਤੀ: 12 ਜੁਲਾਈ 2026, ਦਿਨ ਐਤਵਾਰ।

ਸਮਾਂ: ਸ਼ਾਮ 6:00 ਵਜੇ।

ਸਮੂਹ ਪ੍ਰਬੰਧਕਾਂ ਨੇ ਇਲਾਕੇ ਦੀ ਸੰਗਤ ਨੂੰ ਨਿਮਰਤਾ ਸਹਿਤ ਬੇਨਤੀ ਕੀਤੀ ਹੈ ਕਿ ਉਹ ਇਸ ਫਿਲਮ ਰਾਹੀਂ ਜਸਵੰਤ ਸਿੰਘ ਖਾਲੜਾ ਜੀ ਦੀ ਲਾਸਾਨੀ ਕੁਰਬਾਨੀ ਅਤੇ ਇਨਸਾਫ਼ ਲਈ ਕੀਤੇ ਗਏ ਸੰਘਰਸ਼ ਨੂੰ ਜਾਣਨ ਲਈ ਵੱਧ ਤੋਂ ਵੱਧ ਗਿਣਤੀ ਵਿੱਚ ਪਹੁੰਚਣ।

View this post on Instagram

A post shared by GURUDWARA SAHIB (@buria__sahib)

ਫਿਲਮ ਦਾ ਮਕਸਦ

'ਸਤਲੁਜ' ਫਿਲਮ ਸਿਰਫ਼ ਇੱਕ ਮਨੋਰੰਜਨ ਦਾ ਸਾਧਨ ਨਹੀਂ, ਸਗੋਂ ਇਹ ਜਸਵੰਤ ਸਿੰਘ ਖਾਲੜਾ ਦੀ ਉਸ ਵਿਰਾਸਤ ਨੂੰ ਜਿਉਂਦਾ ਰੱਖਣ ਦਾ ਇੱਕ ਯਤਨ ਹੈ, ਜਿਨ੍ਹਾਂ ਨੇ ਮਨੁੱਖੀ ਅਧਿਕਾਰਾਂ ਦੀ ਰਾਖੀ ਲਈ ਆਪਣੀ ਜਾਨ ਤੱਕ ਕੁਰਬਾਨ ਕਰ ਦਿੱਤੀ ਸੀ। ਸਟ੍ਰੀਮਿੰਗ ਤੋਂ ਹਟਾਏ ਜਾਣ ਤੋਂ ਬਾਅਦ, ਸੰਗਤਾਂ ਵੱਲੋਂ ਆਪਣੇ ਪੱਧਰ 'ਤੇ ਗੁਰੂ-ਘਰਾਂ ਵਿੱਚ ਇਸ ਨੂੰ ਦਿਖਾਉਣਾ ਇਸ ਗੱਲ ਦਾ ਪ੍ਰਤੀਕ ਹੈ ਕਿ ਲੋਕ ਸੱਚ ਅਤੇ ਇਨਸਾਫ਼ ਦੀ ਆਵਾਜ਼ ਨੂੰ ਦਬਾਉਣ ਨਹੀਂ ਦੇਣਾ ਚਾਹੁੰਦੇ।

ਉਮੀਦ ਕੀਤੀ ਜਾ ਰਹੀ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਹੋਰ ਵੀ ਕਈ ਇਲਾਕਿਆਂ ਵਿੱਚ ਇਸ ਫਿਲਮ ਦੇ ਪ੍ਰਦਰਸ਼ਨ ਹੋਣਗੇ, ਤਾਂ ਜੋ ਇਹ ਮਹੱਤਵਪੂਰਨ ਇਤਿਹਾਸ ਵੱਧ ਤੋਂ ਵੱਧ ਲੋਕਾਂ ਤੱਕ ਪਹੁੰਚ ਸਕੇ।

View this post on Instagram

A post shared by JAN KI ARDAAS SEVA SOCIETY (@jan_ki_ardaas_sewa_society)

ਸੰਗੀਤ ਜਗਤ ਨੂੰ ਵੱਡਾ ਘਾਟਾ! ਮਸ਼ਹੂਰ ਗਾਇਕਾ ਦਾ 36 ਸਾਲ ਦੀ ਉਮਰ ‘ਚ ਦਿਹਾਂਤ; ਇਸ ਗੀਤ ਨੇ ਰਾਤੋ-ਰਾਤ ਬਣਿਆ ਸੀ ਸਟਾਰ…

Thu, 09 Jul 2026 13:30:36 +0530

ਸੰਗੀਤ ਜਗਤ ਤੋਂ ਇੱਕ ਬਹੁਤ ਹੀ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ, ਜਿਸ ਨੇ ਪੂਰੀ ਇੰਡਸਟਰੀ ਅਤੇ ਉਸਦੇ ਪ੍ਰਸ਼ੰਸਕਾਂ ਨੂੰ ਡੂੰਘੇ ਸਦਮੇ ਵਿੱਚ ਪਾ ਦਿੱਤਾ ਹੈ। ਬ੍ਰਿਟਿਸ਼ ਮੂਲ ਦੀ ਪ੍ਰਸਿੱਧ ਗਾਇਕਾ ਅਤੇ ਮਸ਼ਹੂਰ ਗਰਲ ਗਰੁੱਪ 'G.R.L.' ਦੀ ਮੈਂਬਰ ਲੌਰੇਨ ਬੇਨੇਟ ਹੁਣ ਸਾਡੇ ਵਿੱਚ ਨਹੀਂ ਰਹੀ। ਉਹ ਸਿਰਫ਼ 36 ਸਾਲ ਦੀ ਸੀ, ਉਹ ਆਪਣੇ ਪਿੱਛੇ ਆਪਣੀ 6 ਸਾਲਾਂ ਦੀ ਇੱਕ ਮਾਸੂਮ ਬੱਚੀ ਨੂੰ ਛੱਡ ਗਏ। ਜਿਸ ਕਰਕੇ ਪਰਿਵਾਰ ਦੇ ਨਾਲ-ਨਾਲ ਫੈਨਜ਼ ਵੀ ਕਾਫੀ ਡੂੰਘੇ ਸਦਮੇ ਦੇ ਵਿੱਚ ਹਨ। ਲੌਰੇਨ ਨੂੰ ਵਿਸ਼ਵ ਭਰ ਵਿੱਚ ਉਨ੍ਹਾਂ ਦੇ ਸੁਪਰਹਿੱਟ ਗੀਤ 'ਪਾਰਟੀ ਰੌਕ ਐਂਥਮ' (Party Rock Anthem) ਲਈ ਜਾਣਿਆ ਜਾਂਦਾ ਸੀ। ਫਿਲਹਾਲ ਉਨ੍ਹਾਂ ਦੀ ਮੌਤ ਦੇ ਕਾਰਨਾਂ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।

G.R.L. ਗਰੁੱਪ ਨੇ ਪ੍ਰਗਟਾਇਆ ਡੂੰਘਾ ਦੁੱਖ

ਲੌਰੇਨ ਦੇ ਗਰੁੱਪ 'G.R.L.' ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ਰਾਹੀਂ ਗਾਇਕਾ ਦੇ ਦਿਹਾਂਤ ਦੀ ਪੁਸ਼ਟੀ ਕੀਤੀ ਹੈ। ਗਰੁੱਪ ਨੇ ਇੱਕ ਭਾਵੁਕ ਸੰਦੇਸ਼ ਸਾਂਝਾ ਕਰਦਿਆਂ ਲਿਖਿਆ, "ਬਹੁਤ ਹੀ ਦੁੱਖ ਨਾਲ ਅਸੀਂ ਆਪਣੀ ਪਿਆਰੀ ਲੌਰੇਨ ਦੇ ਜਾਣ ਦੀ ਖ਼ਬਰ ਸਾਂਝੀ ਕਰ ਰਹੇ ਹਾਂ। ਸਾਡਾ ਦਿਲ ਟੁੱਟ ਗਿਆ ਹੈ। ਸ਼ਬਦਾਂ ਵਿੱਚ ਬਿਆਨ ਕਰਨਾ ਮੁਸ਼ਕਲ ਹੈ ਕਿ ਉਹ ਸਾਡੇ ਲਈ ਕਿੰਨੀ ਖਾਸ ਸੀ। ਅਸੀਂ ਉਸਦੇ ਪਿਆਰ, ਹਾਸੇ ਅਤੇ ਉਸ ਨਾਲ ਬਿਤਾਈਆਂ ਅਣਗਿਣਤ ਯਾਦਾਂ ਨੂੰ ਹਮੇਸ਼ਾ ਆਪਣੇ ਦਿਲਾਂ ਵਿੱਚ ਸੰਭਾਲ ਕੇ ਰੱਖਾਂਗੇ। ਉਸਦੀ ਸੁੰਦਰ ਆਤਮਾ ਨੇ ਬਹੁਤ ਸਾਰੇ ਲੋਕਾਂ ਦੀ ਜ਼ਿੰਦਗੀ ਨੂੰ ਪ੍ਰਭਾਵਿਤ ਕੀਤਾ ਹੈ। ਅਸੀਂ ਉਸਨੂੰ ਹਮੇਸ਼ਾ ਯਾਦ ਕਰਾਂਗੇ।" ਉਨ੍ਹਾਂ ਦੀ ਮੌਤ ‘ਤੇ ਫੈਨਜ਼ ਡੂੰਘਾ ਦੁੱਖ ਜਤਾ ਰਹੇ ਹਨ।

ਸੰਘਰਸ਼ ਅਤੇ ਸਫ਼ਲਤਾ ਭਰਿਆ ਸਫ਼ਰ

ਯੂਕੇ ਦੇ ਕੈਂਟ ਵਿੱਚ ਜਨਮੀ ਲੌਰੇਨ ਨੇ ਆਪਣੇ ਸੰਗੀਤਕ ਸਫ਼ਰ ਦੀ ਸ਼ੁਰੂਆਤ ਬਹੁਤ ਛੋਟੀ ਉਮਰ ਵਿੱਚ ਸਥਾਨਕ ਟੈਲੇਂਟ ਸ਼ੋਅ ਅਤੇ ਪੱਬਾਂ ਵਿੱਚ ਗਾ ਕੇ ਕੀਤੀ ਸੀ। ਉਸਨੇ ਮਸ਼ਹੂਰ ਸ਼ੋਅ 'ਦਿ ਐਕਸ ਫੈਕਟਰ' ਵਿੱਚ ਵੀ ਹਿੱਸਾ ਲਿਆ ਸੀ। ਸਿਰਫ਼ 17 ਸਾਲ ਦੀ ਉਮਰ ਵਿੱਚ ਆਪਣੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਉਹ ਲਾਸ ਏਂਜਲਸ ਚਲੀ ਗਈ, ਜਿੱਥੇ ਉਹ 'ਪੈਰਾਡਾਈਜ਼ੋ ਗਰਲਜ਼' ਗਰੁੱਪ ਦਾ ਹਿੱਸਾ ਬਣੀ। 2011 ਵਿੱਚ 'ਪਾਰਟੀ ਰੌਕ ਐਂਥਮ' ਦੀ ਅਥਾਹ ਸਫ਼ਲਤਾ ਨੇ ਉਸਨੂੰ ਰਾਤੋ-ਰਾਤ ਸਟਾਰ ਬਣਾ ਦਿੱਤਾ, ਜਿਸ ਤੋਂ ਬਾਅਦ ਉਹ 5 ਮੈਂਬਰੀ ਬੈਂਡ 'G.R.L.' ਵਿੱਚ ਸ਼ਾਮਲ ਹੋਈ।

ਆਪਣੇ ਪਿੱਛੇ 6 ਸਾਲ ਦੀ ਧੀ ਨੂੰ ਛੱਡ ਗਈ ਲੌਰੇਨ

ਲੌਰੇਨ ਬੇਨੇਟ ਆਪਣੇ ਪਿੱਛੇ ਆਪਣੀ 6 ਸਾਲ ਦੀ ਮਾਸੂਮ ਧੀ ਹਾਰਲੋ ਨੂੰ ਛੱਡ ਗਈ ਹੈ। ਇਹ ਬੱਚੀ ਲੌਰੇਨ ਅਤੇ 'ਫੁੱਟਲੂਜ਼' ਫ਼ਿਲਮ ਦੇ ਅਦਾਕਾਰ ਕੈਨੀ ਵਰਮਲਡ ਦੀ ਹੈ। ਇੱਕ ਪ੍ਰਤਿਭਾਸ਼ਾਲੀ ਕਲਾਕਾਰ ਅਤੇ ਇੱਕ ਮਾਂ ਦਾ ਇੰਨੀ ਛੋਟੀ ਉਮਰ ਵਿੱਚ ਦੁਨੀਆ ਤੋਂ ਚਲੇ ਜਾਣਾ ਸੰਗੀਤ ਪ੍ਰੇਮੀਆਂ ਲਈ ਇੱਕ ਵੱਡਾ ਨੁਕਸਾਨ ਹੈ। ਉਸਦੇ ਪ੍ਰਸ਼ੰਸਕ ਸੋਸ਼ਲ ਮੀਡੀਆ ਰਾਹੀਂ ਉਸਨੂੰ ਸ਼ਰਧਾਂਜਲੀ ਦੇ ਰਹੇ ਹਨ ਅਤੇ ਉਸਦੇ ਪਰਿਵਾਰ ਨਾਲ ਹਮਦਰਦੀ ਪ੍ਰਗਟ ਕਰ ਰਹੇ ਹਨ।

ਸੋਸ਼ਲ ਮੀਡੀਆ ਉੱਤੇ ਘੱਟ ਐਕਟਿਵ ਰਹਿੰਦੇ ਸਨ

ਉਨ੍ਹਾਂ ਦੇ ਇੰਸਟਾਗ੍ਰਾਮ ਪ੍ਰੋਫਾਈਲ ਤੋਂ ਪਤਾ ਲੱਗਦਾ ਹੈ ਕਿ ਉਹ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਘੱਟ ਸਰਗਰਮ ਰਹਿੰਦੇ ਸਨ। ਇਸ ਸਾਲ ਵੀ ਉਹ ਸੋਸ਼ਲ ਮੀਡੀਆ 'ਤੇ ਬਹੁਤ ਘੱਟ ਐਕਟਿਵ ਸਨ। ਉਨ੍ਹਾਂ ਦੀ ਆਖਰੀ ਇੰਸਟਾਗ੍ਰਾਮ ਪੋਸਟ 22 ਫਰਵਰੀ ਦੀ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਨੈਨਸੀ ਸਿਨਾਤਰਾ ਦੇ ਇੱਕ ਗੀਤ ਦਾ ਵੀਡੀਓ ਸਾਂਝਾ ਕੀਤਾ ਸੀ। ਹੁਣ ਤੱਕ ਉਨ੍ਹਾਂ ਦੇ ਦੋਸਤਾਂ ਵੱਲੋਂ ਉਨ੍ਹਾਂ ਦੀ ਮੌਤ ਦੇ ਸੰਭਾਵਿਤ ਕਾਰਨਾਂ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।

View this post on Instagram

A post shared by LARKSPUR (@larkspurcountrymusic)

View this post on Instagram

A post shared by Lauren Bennett 🇬🇧🇺🇸 (@laurenbennett)

ਐਲਬਮ 'DND' ਲੀਕ ਹੋਣ 'ਤੇ ਭੜਕੇ ਗੈਰੀ ਸੰਧੂ, ਕਿਹਾ- ਕਿਸੇ ‘ਪਤੰਦਰ’ ਨੇ ਮੇਰੀ ਮਿਹਨਤ 'ਤੇ ਫੇਰਿਆ ਪਾਣੀ

Tue, 07 Jul 2026 11:47:34 +0530

ਪੰਜਾਬੀ ਗਾਇਕ ਗੈਰੀ ਸੰਧੂ ਦੀ ਆਉਣ ਵਾਲੀ ਨਵੀਂ ਐਲਬਮ 'DND' ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਇੰਟਰਨੈੱਟ 'ਤੇ ਲੀਕ ਹੋ ਗਈ ਹੈ, ਜਿਸ ਕਾਰਨ ਗਾਇਕ ਬੇਹੱਦ ਗੁੱਸੇ ਵਿੱਚ ਹਨ। ਗੈਰੀ ਸੰਧੂ ਨੇ ਸੋਸ਼ਲ ਮੀਡੀਆ 'ਤੇ ਆਪਣਾ ਗੁੱਸਾ ਜ਼ਾਹਰ ਕਰਦਿਆਂ ਕਿਹਾ ਕਿ ਕਿਸੇ "ਪਤੰਦਰ" ਨੇ ਉਨ੍ਹਾਂ ਦੀ ਕਈ ਮਹੀਨਿਆਂ ਦੀ ਮਿਹਨਤ 'ਤੇ ਪਾਣੀ ਫੇਰ ਦਿੱਤਾ ਹੈ। ਗਾਇਕ ਅਨੁਸਾਰ, ਐਲਬਮ ਅਜੇ ਪੂਰੀ ਤਰ੍ਹਾਂ ਤਿਆਰ ਵੀ ਨਹੀਂ ਸੀ ਹੋਈ ਕਿ ਕਿਸੇ ਨੇ ਜਾਣਬੁੱਝ ਕੇ ਇਸ ਨੂੰ ਲੀਕ ਕਰ ਦਿੱਤਾ। ਇਸ ਘਟਨਾ ਤੋਂ ਬਾਅਦ ਸੰਗੀਤ ਜਗਤ ਵਿੱਚ ਗੀਤਾਂ ਦੀ ਸੁਰੱਖਿਆ ਅਤੇ ਪਾਈਰੇਸੀ (piracy) ਨੂੰ ਲੈ ਕੇ ਵੱਡੇ ਸਵਾਲ ਖੜ੍ਹੇ ਹੋ ਗਏ ਹਨ। ਗੈਰੀ ਸੰਧੂ ਨੇ ਆਪਣੇ ਗੁੱਸੇ ਦਾ ਇਜ਼ਹਾਰ ਕਰਦੇ ਹੋਏ ਲਾਈਵ ਹੋ ਕੇ ਪ੍ਰਸ਼ੰਸਕਾਂ ਨੂੰ ਕੁਝ ਅਣਰਿਲੀਜ਼ਡ ਗੀਤ ਵੀ ਸੁਣਾਏ, ਜੋ ਐਲਬਮ ਦੇ ਲੀਕ ਹੋਣ ਦਾ ਪ੍ਰਤੀਕ ਹਨ।

ਗੈਰੀ ਸੰਧੂ ਦੀ ਐਲਬਮ 'DND' ਲੀਕ: ਅਧੂਰੇ ਸੁਪਨੇ 'ਤੇ ਫਿਰਿਆ ਪਾਣੀ

ਗੈਰੀ ਸੰਧੂ ਆਪਣੀ ਨਵੀਂ ਐਲਬਮ 'DND' ਨੂੰ ਲੈ ਕੇ ਬਹੁਤ ਉਤਸ਼ਾਹਿਤ ਸਨ ਅਤੇ ਉਨ੍ਹਾਂ ਦਾ ਇਰਾਦਾ ਇਸ ਨੂੰ ਸਿਰਫ਼ ਇੱਕ ਛੋਟੀ EP ਤੱਕ ਸੀਮਤ ਰੱਖਣ ਦਾ ਨਹੀਂ, ਸਗੋਂ ਇੱਕ ਪੂਰੀ-ਫਲੈਜਡ (full-fledged) ਐਲਬਮ ਵਜੋਂ ਪੇਸ਼ ਕਰਨ ਦਾ ਸੀ। ਐਲਬਮ ਦਾ ਕੰਮ ਅਜੇ ਚੱਲ ਹੀ ਰਿਹਾ ਸੀ ਅਤੇ ਕਈ ਸ਼ਾਨਦਾਰ ਗੀਤ ਅਜੇ ਜੁੜਨੇ ਬਾਕੀ ਸਨ, ਪਰ ਇਸ ਤੋਂ ਪਹਿਲਾਂ ਹੀ ਕਿਸੇ ਨੇ ਉਨ੍ਹਾਂ ਦੇ ਇਸ ਮਿਹਨਤੀ ਪ੍ਰੋਜੈਕਟ ਨੂੰ ਆਨਲਾਈਨ ਲੀਕ ਕਰ ਦਿੱਤਾ। ਜਿਵੇਂ ਹੀ ਗੈਰੀ ਸੰਧੂ ਨੂੰ ਇਸ ਦੀ ਭਿਣਕ ਪਈ, ਉਹ ਬੇਹੱਦ ਨਿਰਾਸ਼ ਅਤੇ ਗੁੱਸੇ ਵਿੱਚ ਨਜ਼ਰ ਆਏ। ਉਨ੍ਹਾਂ ਨੇ ਤੁਰੰਤ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਰਾਹੀਂ ਆਪਣੇ ਪ੍ਰਸ਼ੰਸਕਾਂ ਨਾਲ ਦੁੱਖ ਸਾਂਝਾ ਕੀਤਾ ਅਤੇ ਆਪਣੀ ਭੜਾਸ ਕੱਢੀ। ਨਿਰਾਸ਼ਾ ਦੇ ਆਲਮ ਵਿੱਚ ਗੈਰੀ ਨੇ ਖੁਦ ਹੀ ਆਪਣਾ ਇੱਕ ਅਣਰਿਲੀਜ਼ਡ (unreleased) ਗੀਤ ਵੀਡੀਓ ਵਿੱਚ ਗਾ ਕੇ ਸੁਣਾ ਦਿੱਤਾ, ਜੋ ਕਿ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਲਈ ਇੱਕ ਵੱਡਾ ਹੈਰਾਨੀਜਨਕ ਮੋੜ ਸੀ।

ਗੈਰੀ ਸੰਧੂ ਦਾ ਵੀਡੀਓ ਸੰਦੇਸ਼: ਐਲਬਮ 'DND' ਦਾ ਮਤਲਬ ਅਤੇ ਯੋਜਨਾਵਾਂ ਦਾ ਖੁਲਾਸਾ

ਵੀਡੀਓ ਵਿੱਚ ਗੈਰੀ ਸੰਧੂ ਨੇ ਆਪਣੀ ਐਲਬਮ ਬਾਰੇ ਵਿਸਥਾਰ ਨਾਲ ਦੱਸਿਆ ਕਿ ਉਨ੍ਹਾਂ ਦੀ ਯੋਜਨਾ 'DND' ਨੂੰ ਸਿਰਫ਼ ਇੱਕ ਛੋਟੀ ਐਕਸਟੈਂਡਿਡ ਪਲੇ (EP) ਵਜੋਂ ਰਿਲੀਜ਼ ਕਰਨ ਦੀ ਨਹੀਂ ਸੀ, ਸਗੋਂ ਉਹ ਇਸ ਨੂੰ ਇੱਕ ਪੂਰੀ-ਫਲੈਜਡ ਐਲਬਮ ਵਜੋਂ ਤਿਆਰ ਕਰਕੇ ਦਰਸ਼ਕਾਂ ਸਾਹਮਣੇ ਲਿਆਉਣਾ ਚਾਹੁੰਦੇ ਸਨ। ਗੈਰੀ ਨੇ ਐਲਬਮ ਦੇ ਨਾਮ 'DND' ਬਾਰੇ ਵੀ ਸਪੱਸ਼ਟ ਕੀਤਾ ਕਿ ਇਸ ਦਾ ਅਰਥ ਸਰੋਤੇ ਆਪਣੀ ਮਰਜ਼ੀ ਅਨੁਸਾਰ 'ਦੋਆਬਾ ਨੇਵਰ ਡਾਈ' (Doaba Never Die) ਜਾਂ 'ਡੂ ਨਾਟ ਡਿਸਟਰਬ' (Do Not Disturb) ਸਮਝ ਸਕਦੇ ਹਨ। ਗਾਇਕ ਨੇ ਦੱਸਿਆ ਕਿ ਉਹ ਇਸ ਪ੍ਰੋਜੈਕਟ ਨੂੰ ਲੈ ਕੇ ਬਹੁਤ ਗੰਭੀਰ ਸਨ, ਪਰ ਅਚਾਨਕ ਲੀਕ ਹੋਣ ਦੀ ਘਟਨਾ ਨੇ ਉਨ੍ਹਾਂ ਦੀ ਸਾਰੀ ਮਿਹਨਤ ਅਤੇ ਯੋਜਨਾਵਾਂ 'ਤੇ ਪਾਣੀ ਫੇਰ ਦਿੱਤਾ ਹੈ।

ਲੀਕ ਕਰਨ ਵਾਲੇ 'ਤੇ ਗੈਰੀ ਸੰਧੂ ਦਾ ਗੁੱਸਾ ਅਤੇ ਸੁਣਾਇਆ ਅਣਰਿਲੀਜ਼ਡ ਗੀਤ

ਗੈਰੀ ਸੰਧੂ ਨੇ ਵੀਡੀਓ ਰਾਹੀਂ ਆਪਣੀ ਭੜਾਸ ਕੱਢਦਿਆਂ ਕਿਹਾ ਕਿ ਕਿਸੇ "ਪਤੰਦਰ" ਨੇ ਉਨ੍ਹਾਂ ਦੀ ਮਿਹਨਤ 'ਤੇ ਪਾਣੀ ਫੇਰ ਦਿੱਤਾ ਹੈ। ਉਨ੍ਹਾਂ ਦੱਸਿਆ ਕਿ ਉਹ ਸਿਰਫ਼ ਇੱਕ ਈ.ਪੀ. ਨਹੀਂ, ਸਗੋਂ ਇੱਕ ਸ਼ਾਨਦਾਰ ਐਲਬਮ ਤਿਆਰ ਕਰ ਰਹੇ ਸਨ, ਜਿਸ ਵਿੱਚ 3-4 ਹੋਰ ਬਿਹਤਰੀਨ ਗੀਤ ਸ਼ਾਮਲ ਕੀਤੇ ਜਾਣੇ ਸਨ। ਆਪਣੀ ਨਿਰਾਸ਼ਾ ਜ਼ਾਹਰ ਕਰਦਿਆਂ ਗੈਰੀ ਨੇ ਵੀਡੀਓ ਵਿੱਚ ਹੀ ਆਪਣਾ ਇੱਕ ਅਣਰਿਲੀਜ਼ਡ ਗੀਤ ਗਾ ਕੇ ਸੁਣਾਇਆ, ਜੋ ਇਸ ਐਲਬਮ ਦਾ ਹਿੱਸਾ ਸੀ।

ਗੈਰੀ ਸੰਧੂ ਦੇ 10 ਸੁਪਰਹਿੱਟ ਗੀਤ: ਸੰਗੀਤ ਜਗਤ 'ਤੇ ਰਾਜ ਕਰਨ ਵਾਲੀਆਂ ਰਚਨਾਵਾਂ

ਪੰਜਾਬੀ ਸੰਗੀਤ ਇੰਡਸਟਰੀ ਵਿੱਚ ਗੈਰੀ ਸੰਧੂ ਇੱਕ ਅਜਿਹਾ ਨਾਂ ਹੈ ਜਿਸ ਦੇ ਗੀਤ ਹਮੇਸ਼ਾ ਚਰਚਾ ਵਿੱਚ ਰਹਿੰਦੇ ਹਨ। ਉਨ੍ਹਾਂ ਦੇ ਪ੍ਰਸਿੱਧ ਗੀਤਾਂ ਵਿੱਚ 'ਇੱਲੀਗਲ ਵੈਪਨ' (ਜੈਸਮੀਨ ਸੈਂਡਲਸ ਨਾਲ) ਸਭ ਤੋਂ ਵੱਡੀ ਹਿੱਟ ਮੰਨੀ ਜਾਂਦੀ ਹੈ। ਪਾਰਟੀ ਦੇ ਸ਼ੌਕੀਨਾਂ ਲਈ 'ਯੇ ਬੇਬੀ' ਅਤੇ ਜੈਸਮੀਨ ਨਾਲ ਹੀ ਇੱਕ ਹੋਰ ਸ਼ਾਨਦਾਰ ਗੀਤ 'ਸਿਪ ਸਿਪ' ਬੇਹੱਦ ਮਕਬੂਲ ਹਨ। ਰੋਮਾਂਟਿਕ ਗੀਤਾਂ ਦੀ ਗੱਲ ਕਰੀਏ ਤਾਂ 'ਦੋ ਗੱਲਾਂ' ਅਤੇ 'ਮਿੰਨਾ ਮਿੰਨਾ' ਸਰੋਤਿਆਂ ਦੇ ਦਿਲਾਂ ਨੂੰ ਛੂਹ ਲੈਂਦੇ ਹਨ, ਜਦਕਿ ਭਾਵੁਕ ਅਤੇ ਮੇਲੋਡੀਅਸ ਗੀਤਾਂ ਵਿੱਚ 'ਰੱਬ ਜਾਣੇ' ਦਾ ਕੋਈ ਮੁਕਾਬਲਾ ਨਹੀਂ। ਆਪਣੇ ਲਿਰਿਕਸ ਅਤੇ ਬੀਟਸ ਲਈ 'ਬੰਦਾ ਬਣ ਜਾ' ਕਾਫੀ ਚਰਚਿਤ ਰਿਹਾ ਹੈ। ਇਸ ਤੋਂ ਇਲਾਵਾ, ਬਾਲੀਵੁੱਡ ਫਿਲਮ 'ਦੇ ਦੇ ਪਿਆਰ ਦੇ' ਵਿੱਚ ਰੀਕ੍ਰੀਏਟ ਕੀਤਾ ਗਿਆ ਗੀਤ 'ਹੌਲੀ ਹੌਲੀ' ਅਤੇ ਰੋਚ ਕਿਲਾ ਨਾਲ 'ਵਨ ਟੱਚ' ਵਰਗੇ ਅਰਬਨ ਪੰਜਾਬੀ ਟਰੈਕ ਵੀ ਬੇਹੱਦ ਪਸੰਦ ਕੀਤੇ ਗਏ ਹਨ। ਇਨ੍ਹਾਂ ਸਭ ਦੇ ਨਾਲ-ਨਾਲ 'ਫੀਲਿੰਗਾਂ' ਨੇ ਵੀ ਯੂਟਿਊਬ ਅਤੇ ਹੋਰ ਸੰਗੀਤ ਪਲੇਟਫਾਰਮਾਂ 'ਤੇ ਲੱਖਾਂ ਵਿਊਜ਼ ਬਟੋਰ ਕੇ ਆਪਣੀ ਵੱਖਰੀ ਪਛਾਣ ਬਣਾਈ ਹੈ।

Satluj: ਫਿਲਮ 'ਸਤਲੁਜ' 'ਤੇ ਬੈਨ ਮਗਰੋਂ ਦਿਲਜੀਤ ਦੋਸਾਂਝ ਦੀ ਆਈ ਪ੍ਰਤੀਕਿਰਿਆ, ਲਾਈਵ ਹੋ ਬੋਲੇ-"ਅੱਜ ਘਰ-ਘਰ ਜਸਵੰਤ ਸਿੰਘ ਖਾਲੜਾ ਦੀ ਗੱਲ ਹੋ ਰਹੀ’

Mon, 06 Jul 2026 11:12:07 +0530

ਦਿਲਜੀਤ ਦੋਸਾਂਝ ਦੀ ਫਿਲਮ 'ਪੰਜਾਬ 95', ਜਿਸ ਨੂੰ 'ਸਤਲੁਜ' ਨਾਮ ਨਾਲ ਤਿੰਨ ਦਿਨ ਪਹਿਲਾਂ OTT ਪਲੇਟਫਾਰਮ ZEE5 'ਤੇ ਰਿਲੀਜ਼ ਕੀਤਾ ਗਿਆ ਸੀ, ਨੂੰ ਦੋ ਦਿਨਾਂ ਬਾਅਦ ਹੀ ਪਲੇਟਫਾਰਮ ਤੋਂ ਹਟਾ ਦਿੱਤਾ ਗਿਆ। ਇਸ ਤੋਂ ਬਾਅਦ ਦਿਲਜੀਤ ਦੋਸਾਂਝ ਨੇ ਇੰਸਟਾਗ੍ਰਾਮ 'ਤੇ ਲਾਈਵ ਹੋ ਕੇ ਆਪਣੀ ਪ੍ਰਤੀਕਿਰਿਆ ਦਿੱਤੀ।

ਦਿਲਜੀਤ ਨੇ ਕਿਹਾ- "ਇੱਕ ਇਨਸਾਨੀਅਤ ਹੁੰਦੀ ਹੈ, ਉਹ ਇਨਸਾਨੀਅਤ ਮਰ ਗਈ ਹੈ। ਕਮਾਲ ਹੈ।" ਉਨ੍ਹਾਂ ਇਹ ਵੀ ਕਿਹਾ ਕਿ ਉਨ੍ਹਾਂ ਨੂੰ ਇਸ ਗੱਲ ਦਾ ਕੋਈ ਦੁੱਖ ਨਹੀਂ ਹੈ ਕਿ ਫਿਲਮ ਇੰਟਰਨੈੱਟ ਤੋਂ ਹਟਾ ਦਿੱਤੀ ਗਈ ਹੈ, ਕਿਉਂਕਿ ਫਿਲਮ ਲੋਕਾਂ ਤੱਕ ਪਹੁੰਚ ਚੁੱਕੀ ਹੈ। ਉਨ੍ਹਾਂ ਮੁਤਾਬਕ, ਹੁਣ ਇਸ ਨੂੰ ਲੋਕਾਂ ਤੱਕ ਪਹੁੰਚਣ ਤੋਂ ਰੋਕਿਆ ਨਹੀਂ ਜਾ ਸਕਦਾ।

ਫਿਲਮ 'ਸਤਲੁਜ' (ਪੰਜਾਬ 95) ਨੂੰ OTT ਪਲੇਟਫਾਰਮ ਤੋਂ ਹਟਾਏ ਜਾਣ ਤੋਂ ਬਾਅਦ ਦਿਲਜੀਤ ਦੋਸਾਂਝ ਨੇ ਇੰਸਟਾਗ੍ਰਾਮ 'ਤੇ ਲਾਈਵ ਹੋ ਕੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਦਿਲਜੀਤ ਨੇ ਕਿਹਾ ਕਿ ਅੱਜ ਘਰ-ਘਰ ਵਿੱਚ ਜਸਵੰਤ ਸਿੰਘ ਖਾਲੜਾ ਦੀ ਚਰਚਾ ਹੋ ਰਹੀ ਹੈ, ਜੋ ਕਿ ਇੱਕ ਵੱਡੀ ਸਫਲਤਾ ਹੈ। ਉਨ੍ਹਾਂ ਕਿਹਾ, "ਜੋ ਚੀਜ਼ ਇੱਕ ਵਾਰ ਇੰਟਰਨੈੱਟ 'ਤੇ ਆ ਗਈ, ਉਹ ਕਦੇ ਖਤਮ ਨਹੀਂ ਹੁੰਦੀ। ਮੈਨੂੰ ਪਹਿਲਾਂ ਹੀ ਪਤਾ ਸੀ ਕਿ ਇਸ ਫਿਲਮ ਨੂੰ ਹਟਾਇਆ ਜਾ ਸਕਦਾ ਹੈ, ਇਸੇ ਲਈ ਮੈਨੂੰ ਇਸ ਗੱਲ ਦਾ ਕੋਈ ਦੁੱਖ ਨਹੀਂ ਹੈ, ਸਗੋਂ ਇਸ ਗੱਲ ਦੀ ਤਸੱਲੀ ਹੈ ਕਿ ਫਿਲਮ ਲੋਕਾਂ ਤੱਕ ਪਹੁੰਚ ਚੁੱਕੀ ਹੈ।"

ਪਤਾ ਸੀ ਫਿਲਮ ਨੂੰ ਹਟਾਇਆ ਜਾਏਗਾ-ਦਿਲਜੀਤ

ਉਨ੍ਹਾਂ ਕਿਹਾ- ਮੈਨੂੰ ਪਹਿਲਾਂ ਹੀ ਪਤਾ ਸੀ ਕਿ ਅਜਿਹਾ ਹੋਣਾ ਹੈ। ਮੈਂ ਸੋਚਿਆ ਸੀ ਕਿ ਜੇਕਰ ਫਿਲਮ ਦੋ-ਤਿੰਨ ਦਿਨ ਵੀ ਚੱਲ ਜਾਵੇ ਤਾਂ ਸਾਡਾ ਕੰਮ ਹੋ ਜਾਵੇਗਾ। ਇੰਟਰਨੈੱਟ 'ਤੇ ਇੱਕ ਵਾਰ ਕੋਈ ਚੀਜ਼ ਆ ਜਾਵੇ, ਤਾਂ ਉਸ ਨੂੰ ਪੂਰੀ ਤਰ੍ਹਾਂ ਹਟਾਉਣਾ ਆਸਾਨ ਨਹੀਂ ਹੁੰਦਾ। ਇਨ੍ਹਾਂ ਦੇ ਸਲਾਹਕਾਰ ਠੀਕ ਨਹੀਂ ਹਨ।

ਦਿਲਜੀਤ ਨੇ ਦੁੱਖ ਜਤਾਉਂਦਿਆਂ ਕਿਹਾ ਕਿ ਜਿਨ੍ਹਾਂ ਦੀ ਆਵਾਜ਼ ਨੂੰ 1995 ਵਿੱਚ ਦਬਾਇਆ ਗਿਆ ਸੀ, ਅੱਜ 2026 ਵਿੱਚ ਵੀ ਉਸੇ ਤਰ੍ਹਾਂ ਆਵਾਜ਼ ਨੂੰ ਦਬਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਫਿਲਮ ਦੇ ਨਿਰਦੇਸ਼ਕ ਹਨੀ ਤ੍ਰੇਹਨ ਦੀ ਮਿਹਨਤ ਨੂੰ ਸਲਾਮ ਕਰਦਿਆਂ ਕਿਹਾ ਕਿ ਸ਼ੂਟਿੰਗ ਦੌਰਾਨ ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ, ਪਰ ਖੁਸ਼ੀ ਇਸ ਗੱਲ ਦੀ ਹੈ ਕਿ ਜੋ ਗੱਲ ਉਹ ਦੁਨੀਆ ਤੱਕ ਪਹੁੰਚਾਉਣੀ ਚਾਹੁੰਦੇ ਸਨ, ਉਹ ਬਿਨਾਂ ਕਿਸੇ ਕੱਟ ਦੇ ਲੋਕਾਂ ਤੱਕ ਪਹੁੰਚ ਗਈ ਹੈ। ਅਖੀਰ ਵਿੱਚ ਉਨ੍ਹਾਂ ਪ੍ਰਸ਼ੰਸਕਾਂ ਨੂੰ ਅਪੀਲ ਕੀਤੀ ਕਿ ਇਹ ਲੋਕਾਂ ਦੀ ਫਿਲਮ ਹੈ, ਜਿੱਥੇ ਵੀ ਇਹ ਉਪਲਬਧ ਹੈ, ਇਸਨੂੰ ਜ਼ਰੂਰ ਦੇਖੋ।

ZEE5 ਨੇ ਫਿਲਮ ਨੂੰ ਵਾਪਿਸ ਲਿਆਉਣ ਨੂੰ ਲੈ ਕੇ ਆਖੀ ਆਹ ਗੱਲ

ਜੇ ਪਾਸੇ, ZEE5 ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਮੌਜੂਦਾ ਹਾਲਾਤਾਂ ਨੂੰ ਦੇਖਦੇ ਹੋਏ ਅਗਲੇ ਹੁਕਮਾਂ ਤੱਕ 'ਸਤਲੁਜ' ਪਲੇਟਫਾਰਮ 'ਤੇ ਉਪਲਬਧ ਨਹੀਂ ਰਹੇਗੀ। ਕੰਪਨੀ ਨੇ ਕਿਹਾ ਕਿ ਉਹ ਕਾਨੂੰਨੀ ਪ੍ਰਕਿਰਿਆ ਤਹਿਤ ਸਾਰੇ ਉਚਿਤ ਵਿਕਲਪਾਂ ਦੀ ਭਾਲ ਕਰ ਰਹੀ ਹੈ, ਤਾਂ ਜੋ ਫਿਲਮ ਨੂੰ ਜਲਦੀ ਤੋਂ ਜਲਦੀ ਦੁਬਾਰਾ ਦਰਸ਼ਕਾਂ ਲਈ ਉਪਲਬਧ ਕਰਵਾਇਆ ਜਾ ਸਕੇ।

ਜਾਣੋ ਕੌਣ ਸਨ ਜਸਵੰਤ ਸਿੰਘ ਖਾਲੜਾ

ਜਸਵੰਤ ਸਿੰਘ ਖਾਲੜਾ ਨੇ ਪੰਜਾਬ ਪੁਲਿਸ ਅਤੇ ਪ੍ਰਸ਼ਾਸਨ 'ਤੇ ਲੱਗੇ ਕਥਿਤ ਗੁੰਮਸ਼ੁਦਗੀ ਅਤੇ ਕਤਲ ਦੇ ਮਾਮਲਿਆਂ ਨੂੰ ਉਜਾਗਰ ਕਰਨ ਦਾ ਕੰਮ ਕੀਤਾ ਸੀ। ਇਸ ਲਈ ਉਨ੍ਹਾਂ ਨੇ ਅੰਮ੍ਰਿਤਸਰ ਦੇ ਕਈ ਸ਼ਮਸ਼ਾਨਘਾਟਾਂ ਦਾ ਦੌਰਾ ਕੀਤਾ। ਉਨ੍ਹਾਂ ਦਾ ਦਾਅਵਾ ਸੀ ਕਿ ਉੱਥੇ 6,000 ਤੋਂ ਵੱਧ ਲਾਸ਼ਾਂ ਦਾ ਗੁਪਤ ਰੂਪ ਵਿੱਚ ਸੰਸਕਾਰ ਕੀਤਾ ਗਿਆ ਸੀ। ਉਨ੍ਹਾਂ ਨੇ ਇਹ ਜਾਣਕਾਰੀ ਕੌਮਾਂਤਰੀ ਮੰਚਾਂ 'ਤੇ ਵੀ ਰੱਖੀ, ਜਿਸ ਤੋਂ ਬਾਅਦ ਭਾਰਤ ਦੇ ਮਨੁੱਖੀ ਅਧਿਕਾਰਾਂ ਦੇ ਰਿਕਾਰਡ ਨੂੰ ਲੈ ਕੇ ਸਵਾਲ ਉੱਠੇ ਸਨ।

ਪਰਿਵਾਰ ਅਨੁਸਾਰ, ਸਿੱਖਾਂ ਦੇ ਹੱਕਾਂ ਲਈ ਆਵਾਜ਼ ਉਠਾਉਣ ਕਾਰਨ ਜਸਵੰਤ ਸਿੰਘ ਖਾਲੜਾ ਨੂੰ ਇਸਦੀ ਵੱਡੀ ਕੀਮਤ ਚੁਕਾਉਣੀ ਪਈ। ਇਲਜ਼ਾਮ ਹੈ ਕਿ 6 ਸਤੰਬਰ 1995 ਨੂੰ ਪੁਲਿਸ ਉਨ੍ਹਾਂ ਨੂੰ ਉਨ੍ਹਾਂ ਦੇ ਘਰੋਂ ਚੁੱਕ ਕੇ ਲੈ ਗਈ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਪੁਲਿਸ ਹਿਰਾਸਤ ਵਿੱਚ ਤਸ਼ੱਦਦ ਦਿੱਤਾ ਗਿਆ ਅਤੇ ਉਨ੍ਹਾਂ ਦਾ ਕਤਲ ਕਰ ਦਿੱਤਾ ਗਿਆ।

ਪਰਿਵਾਰ ਦਾ ਇਹ ਵੀ ਦੋਸ਼ ਹੈ ਕਿ ਇਸ ਮਾਮਲੇ ਵਿੱਚ ਪੁਲਿਸ ਨੇ ਐਫ.ਆਈ.ਆਰ. ਦਰਜ ਨਹੀਂ ਕੀਤੀ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਪਤਨੀ ਨੇ ਸੁਪਰੀਮ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕੀਤੀ, ਜਿਸ 'ਤੇ ਸੁਣਵਾਈ ਤੋਂ ਬਾਅਦ ਅਦਾਲਤ ਨੇ ਮਾਮਲੇ ਦੀ ਜਾਂਚ ਸੀ.ਬੀ.ਆਈ. (CBI) ਨੂੰ ਸੌਂਪਣ ਦਾ ਆਦੇਸ਼ ਦਿੱਤਾ।

Satluj: ਰਿਲੀਜ਼ ਤੋਂ ਸਿਰਫ਼ 2 ਦਿਨ ਬਾਅਦ ZEE5 ਤੋਂ ਹਟਾਈ ਗਈ Diljit Dosanjh ਦੀ ਫ਼ਿਲਮ

Sun, 05 Jul 2026 23:16:30 +0530

ਮਨੋਰੰਜਨ ਜਗਤ ਤੋਂ ਇਕ ਬਹੁਤ ਹੈਰਾਨ ਕਰਨ ਵਾਲੀ ਅੱਪਡੇਟਿਡ ਖ਼ਬਰ ਸਾਹਮਣੇ ਆਈ ਹੈ। ਗਲੋਬਲ ਸਟਾਰ ਦਿਲਜੀਤ ਦੋਸਾਂਝ ਦੀ ਚਰਚਿਤ ਫ਼ਿਲਮ 'ਸਤਲੁਜ' (Satluj), ਜਿਸ ਦਾ ਪਹਿਲਾਂ ਨਾਮ 'ਪੰਜਾਬ 95' (Punjab 95) ਸੀ, ਨੂੰ ਓਟੀਟੀ ਪਲੇਟਫਾਰਮ ZEE5 ਤੋਂ ਅਚਾਨਕ ਹਟਾ ਦਿੱਤਾ ਗਿਆ ਹੈ। ਫ਼ਿਲਮ ਨੂੰ ਰਿਲੀਜ਼ ਹੋਏ ਸਿਰਫ਼ ਦੋ ਦਿਨ ਹੀ ਹੋਏ ਸਨ ਕਿ ਇਹ ਵੱਡਾ ਫ਼ੈਸਲਾ ਲਿਆ ਗਿਆ। ਇਸ ਨਾਲ ਨਾ ਸਿਰਫ਼ ਪ੍ਰਸ਼ੰਸਕ ਹੈਰਾਨ ਹਨ, ਸਗੋਂ ਇਕ ਵਾਰ ਫਿਰ ਅਭਿਵਿਆਕਤੀ ਦੀ ਆਜ਼ਾਦੀ ਨੂੰ ਲੈ ਕੇ ਚਰਚਾ ਤੇਜ਼ ਹੋ ਗਈ ਹੈ।

ਰਿਲੀਜ਼ ਦੇ 48 ਘੰਟਿਆਂ ਵਿੱਚ ਵੱਡੀ ਕਾਰਵਾਈ

ਦਿਲਜੀਤ ਦੋਸਾਂਝ ਸਟਾਰਰ ਇਹ ਫ਼ਿਲਮ 3 ਜੁਲਾਈ 2026 ਨੂੰ ZEE5 'ਤੇ ਬਿਨਾਂ ਕਿਸੇ ਵੱਡੇ ਪ੍ਰਚਾਰ ਦੇ ਡਿਜ਼ੀਟਲ ਤੌਰ 'ਤੇ ਰਿਲੀਜ਼ ਕੀਤੀ ਗਈ ਸੀ। ਦਰਸ਼ਕਾਂ ਵੱਲੋਂ ਇਸ ਨੂੰ ਚੰਗਾ ਸਵਾਗਤ ਮਿਲਿਆ ਅਤੇ ਸੋਸ਼ਲ ਮੀਡੀਆ 'ਤੇ ਦਿਲਜੀਤ ਦੀ ਅਦਾਕਾਰੀ ਦੀ ਖੂਬ ਤਾਰੀਫ਼ ਹੋਣ ਲੱਗੀ। ਪਰ 5 ਜੁਲਾਈ 2026 ਨੂੰ, ਯਾਨੀ ਰਿਲੀਜ਼ ਤੋਂ ਸਿਰਫ਼ 2 ਦਿਨ ਬਾਅਦ, ਇਹ ਫ਼ਿਲਮ ਭਾਰਤ ਵਿੱਚ ਪਲੇਟਫਾਰਮ ਤੋਂ ਹਟਾ ਦਿੱਤੀ ਗਈ।

'ਪੰਜਾਬ 95' ਤੋਂ 'ਸਤਲੁਜ' ਤੱਕ ਦਾ ਸਫ਼ਰ ਅਤੇ ਵਿਵਾਦ

ਇਹ ਫ਼ਿਲਮ ਮਸ਼ਹੂਰ ਮਨੁੱਖੀ ਅਧਿਕਾਰ ਕਰਤਾ ਜਸਵੰਤ ਸਿੰਘ ਖਾਲੜਾ (Jaswant Singh Khalra) ਦੀ ਜ਼ਿੰਦਗੀ 'ਤੇ ਆਧਾਰਿਤ ਹੈ। ਫ਼ਿਲਮ ਦਾ ਸਫ਼ਰ ਸ਼ੁਰੂ ਤੋਂ ਹੀ ਵਿਵਾਦਾਂ ਅਤੇ ਰੁਕਾਵਟਾਂ ਨਾਲ ਭਰਿਆ ਰਿਹਾ ਹੈ:

ਸੈਂਸਰ ਬੋਰਡ ਦੀਆਂ ਆਪਤੀਆਂ: ਫ਼ਿਲਮ ਨੂੰ 2022 ਵਿੱਚ ਹੀ ਸਰਟੀਫਿਕੇਸ਼ਨ ਲਈ ਭੇਜਿਆ ਗਿਆ ਸੀ, ਪਰ ਸੈਂਟ੍ਰਲ ਬੋਰਡ ਆਫ਼ ਫ਼ਿਲਮ ਸਰਟੀਫਿਕੇਸ਼ਨ (CBFC) ਨੇ ਇਸ ਵਿੱਚ 127 ਕੱਟਾਂ ਦੀ ਮੰਗ ਕੀਤੀ ਸੀ।

ਲੰਬਾ ਇੰਤਜ਼ਾਰ: ਫ਼ਿਲਮ ਲਗਭਗ ਤਿੰਨ ਸਾਲ ਤੱਕ ਸਰਟੀਫਿਕੇਸ਼ਨ ਪ੍ਰਕਿਰਿਆ ਵਿੱਚ ਅਟਕੀ ਰਹੀ।

ਨਾਮ ਵਿੱਚ ਬਦਲਾਅ: ਵਿਵਾਦਾਂ ਤੋਂ ਬਚਣ ਲਈ ਫ਼ਿਲਮ ਦਾ ਨਾਮ 'ਪੰਜਾਬ 95' ਤੋਂ ਬਦਲ ਕੇ 'ਸਤਲੁਜ' ਰੱਖਿਆ ਗਿਆ।

ਅੰਤਰਰਾਸ਼ਟਰੀ ਸਕ੍ਰੀਨਿੰਗ ਰੱਦ: ਇਹ ਫ਼ਿਲਮ 2023 ਵਿੱਚ ਟੋਰਾਂਟੋ ਇੰਟਰਨੈਸ਼ਨਲ ਫ਼ਿਲਮ ਫੈਸਟੀਵਲ (TIFF 2023) ਵਿੱਚ ਦਿਖਾਈ ਜਾਣੀ ਸੀ, ਪਰ ਭਾਰਤੀ ਅਧਿਕਾਰੀਆਂ ਦੀਆਂ ਆਪਤੀਆਂ ਤੋਂ ਬਾਅਦ ਇਸ ਦੀ ਸਕ੍ਰੀਨਿੰਗ ਰੱਦ ਕਰ ਦਿੱਤੀ ਗਈ ਸੀ।

ZEE5 ਦਾ ਅਧਿਕਾਰਕ ਬਿਆਨ: "ਅਸੀਂ ਫ਼ਿਲਮ ਦੇ ਨਾਲ ਡਟ ਕੇ ਖੜ੍ਹੇ ਹਾਂ"

ਫ਼ਿਲਮ ਹਟਾਏ ਜਾਣ ਤੋਂ ਬਾਅਦ ZEE5 ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X ਅਤੇ Instagram 'ਤੇ ਅਧਿਕਾਰਕ ਬਿਆਨ ਜਾਰੀ ਕੀਤਾ। ਪਲੇਟਫਾਰਮ ਨੇ ਕਿਹਾ ਕਿ 'ਸਤਲੁਜ' ਨੂੰ ਮਿਲੇ ਜ਼ਬਰਦਸਤ ਰਿਸਪਾਂਸ ਲਈ ਉਹ ਦਰਸ਼ਕਾਂ ਦੇ ਆਭਾਰੀ ਹਨ।

ZEE5 ਨੇ ਸਪਸ਼ਟ ਕੀਤਾ: "ਅਸੀਂ 'ਸਤਲੁਜ' ਅਤੇ ਇਸ ਦੇ ਕ੍ਰੀਏਟਿਵ ਵਿਜ਼ਨ ਦੇ ਨਾਲ ਮਜ਼ਬੂਤੀ ਨਾਲ ਖੜ੍ਹੇ ਹਾਂ। ਮੌਜੂਦਾ ਘਟਨਾਕ੍ਰਮਾਂ ਨੂੰ ਦੇਖਦੇ ਹੋਏ, ਫ਼ਿਲਮ ਅਗਲੇ ਹੁਕਮ ਤੱਕ ਭਾਰਤ ਵਿੱਚ ਉਪਲਬਧ ਨਹੀਂ ਰਹੇਗੀ। ਅਸੀਂ ਇਸ ਫ਼ਿਲਮ ਨੂੰ ਵਾਪਸ ਲਿਆਉਣ ਲਈ ਹਰ ਸੰਭਵ ਕਾਨੂੰਨੀ ਅਤੇ ਪ੍ਰਕਿਰਿਆਤਮਕ ਰਸਤੇ (Legal and Procedural Avenues) ਦੀ ਜਾਂਚ ਕਰ ਰਹੇ ਹਾਂ।"

ਪਲੇਟਫਾਰਮ ਨੇ ਇਹ ਵੀ ਦੁਹਰਾਇਆ ਕਿ ਉਹ ਕਲਾਤਮਕ ਇਮਾਨਦਾਰੀ ਅਤੇ ਮਕਸਦਭਰੀਆਂ ਕਹਾਣੀਆਂ ਨੂੰ ਪੇਸ਼ ਕਰਨ ਲਈ ਵਚਨਬੱਧ ਹਨ। ਹਾਲਾਂਕਿ, ਫ਼ਿਲਮ ਹਟਾਉਣ ਪਿੱਛੇ ਦੇ ਸਹੀ ਕਾਰਣਾਂ ਦਾ ਅਜੇ ਤੱਕ ਖੁਲਾਸਾ ਨਹੀਂ ਕੀਤਾ ਗਿਆ।

ਕਿਉਂ ਖ਼ਾਸ ਹੈ ਇਹ ਫ਼ਿਲਮ?

'ਸਤਲੁਜ' ਕੇਵਲ ਮਨੋਰੰਜਨ ਲਈ ਬਣੀ ਫ਼ਿਲਮ ਨਹੀਂ, ਸਗੋਂ ਇਹ ਪੰਜਾਬ ਦੇ ਇਤਿਹਾਸ ਦੇ ਇਕ ਸੰਵੇਦਨਸ਼ੀਲ ਦੌਰ ਨੂੰ ਵੀ ਸਾਹਮਣੇ ਲਿਆਉਂਦੀ ਹੈ। ਫ਼ਿਲਮ ਵਿੱਚ ਦਿਲਜੀਤ ਦੋਸਾਂਝ ਨਾਲ ਕੰਵਲਜੀਤ ਸਿੰਘ, ਅਰਜੁਨ ਰਾਮਪਾਲ, ਸੁਵਿੰਦਰ ਵਿੱਕੀ, ਗੀਤਿਕਾ ਵਿਦਿਆ ਓਹਲਯਾਨ ਅਤੇ ਕੰਵਲਜੀਤ ਸਿੰਘ ਦੇ ਨਾਲ ਹੋਰ ਅਹਿਮ ਚਿਹਰੇ ਵੀ ਨਜ਼ਰ ਆਉਂਦੇ ਹਨ।

ਫ਼ਿਲਮ ਵਿੱਚ ਜਸਵੰਤ ਸਿੰਘ ਖਾਲੜਾ ਦੀ ਜ਼ਿੰਦਗੀ ਅਤੇ ਸੰਘਰਸ਼ ਨੂੰ ਦਰਸਾਇਆ ਗਿਆ ਹੈ। ਖਾਲੜਾ ਨੇ ਪੰਜਾਬ ਵਿੱਚ ਲਾਪਤਾ ਹੋਏ ਹਜ਼ਾਰਾਂ ਨੌਜਵਾਨਾਂ ਦੇ ਮਾਮਲੇ ਨੂੰ ਦੁਨੀਆ ਸਾਹਮਣੇ ਲਿਆਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ। ਫ਼ਿਲਮ ਨੂੰ ਲੈ ਕੇ ਸੰਵੇਦਨਸ਼ੀਲਤਾ ਦਾ ਅੰਦਾਜ਼ਾ ਇਸ ਗੱਲ ਤੋਂ ਵੀ ਲਗਾਇਆ ਜਾ ਸਕਦਾ ਹੈ ਕਿ ਖਾਲੜਾ ਦੀ ਪਤਨੀ ਨੇ ਵੀ ਇਹ ਫ਼ਿਲਮ ਮਨਜ਼ੂਰ ਕੀਤੀ ਸੀ। ਫ਼ਿਲਮ ਦੀ ਸਟਾਰ ਕਾਸਟ ਵਿੱਚ ਦਿਲਜੀਤ ਦੋਸਾਂਝ, ਕੰਵਲਜੀਤ ਸਿੰਘ, ਅਰਜੁਨ ਰਾਮਪਾਲ, ਸੁਵਿੰਦਰ ਵਿੱਕੀ ਅਤੇ ਗੀਤਿਕਾ ਵਿਦਿਆ ਓਹਲਯਾਨ ਦੇ ਨਾਮ ਖ਼ਾਸ ਤੌਰ 'ਤੇ ਸ਼ਾਮਲ ਹਨ।

GTC News ਦੀ ਨਜ਼ਰ: ਅੱਗੇ ਕੀ ਹੋ ਸਕਦਾ ਹੈ?

ਪੰਜਾਬ ਦੀ ਹਰ ਵੱਡੀ ਤਾਜ਼ਾ ਖ਼ਬਰ 'ਤੇ ਨਜ਼ਰ ਰੱਖਣ ਵਾਲੇ GTC News ਮੁਤਾਬਕ, ਫ਼ਿਲਮ ਦਾ ਇਸ ਤਰ੍ਹਾਂ ਹਟਾਇਆ ਜਾਣਾ ਫ਼ਿਲਮ ਉਦਯੋਗ ਲਈ ਨਵੀਂ ਚੁਣੌਤੀ ਵਜੋਂ ਦੇਖਿਆ ਜਾ ਰਿਹਾ ਹੈ। ਇਹ ਫ਼ਿਲਮ ਭਾਰਤ ਵਿੱਚ ਕਦੇ ਵੀ ਸਿਨੇਮਾਘਰਾਂ ਤੱਕ ਨਹੀਂ ਪਹੁੰਚ ਸਕੀ ਅਤੇ ਹੁਣ ਓਟੀਟੀ 'ਤੇ ਵੀ ਇਸ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਪ੍ਰਸ਼ੰਸਕ ਹੁਣ ਸੋਸ਼ਲ ਮੀਡੀਆ 'ਤੇ #BringBackSatluj ਵਰਗੇ ਹੈਸ਼ਟੈਗ ਚਲਾ ਕੇ ਆਪਣੀ ਨਾਰਾਜ਼ਗੀ ਦਰਜ ਕਰ ਰਹੇ ਹਨ। ਸਵਾਲ ਇਹ ਹੈ ਕਿ ਕੀ ਕਾਨੂੰਨੀ ਪ੍ਰਕਿਰਿਆ ਤੋਂ ਬਾਅਦ ਦਿਲਜੀਤ ਦੀ ਇਹ ਬਹੁਚਰਚਿਤ ਫ਼ਿਲਮ ਮੁੜ ਸਕ੍ਰੀਨ 'ਤੇ ਵਾਪਸੀ ਕਰੇਗੀ?

ਪੰਜਾਬ, ਮਨੋਰੰਜਨ ਅਤੇ ਰਾਜਨੀਤੀ ਨਾਲ ਜੁੜੀਆਂ ਹਰ ਤਾਜ਼ਾ ਖ਼ਬਰਾਂ ਲਈ ਜੁੜੇ ਰਹੋ GTC News ਦੇ ਨਾਲ। ਤੁਸੀਂ ਪੰਜਾਬ ਦੀਆਂ ਜ਼ਿਲ੍ਹਾ-ਵਾਰ ਖ਼ਬਰਾਂ ਸਾਡੇ ਪੰਜਾਬ ਨਿਊਜ਼ ਸੈਕਸ਼ਨ ਵਿੱਚ ਵੀ ਪੜ੍ਹ ਸਕਦੇ ਹੋ।

ਗੈਂਗਸਟਰਾਂ ਦੇ ਨਿਸ਼ਾਨੇ 'ਤੇ ਮਸ਼ਹੂਰ ਗਾਇਕ, 5 ਕਰੋੜ ਦੀ ਫਿਰੌਤੀ ਦੀ ਕੀਤੀ ਮੰਗ, ਸੰਗੀਤ ਜਗਤ 'ਚ ਦਹਿਸ਼ਤ ਦਾ ਮਾਹੌਲ

Sat, 04 Jul 2026 17:33:41 +0530

ਸੋਸ਼ਲ ਮੀਡੀਆ 'ਤੇ ਬੇਹੱਦ ਮਕਬੂਲ ਅਤੇ ਉੱਭਰਦੇ ਹੋਏ ਕਲਾਸੀਕਲ ਅਤੇ ਸੂਫੀ ਗਾਇਕ ਮੁਹੰਮਦ ਆਸਿਫ਼ ਉਰਫ਼ ਬਿਸਮਿਲ ਨਾਲ ਜੁੜੀ ਇੱਕ ਵੱਡੀ ਅਤੇ ਚਿੰਤਾਜਨਕ ਜਾਣਕਾਰੀ ਸਾਹਮਣੇ ਆਈ ਹੈ। ਉਨ੍ਹਾਂ ਨੂੰ ਵਿਦੇਸ਼ ਵਿੱਚ ਬੈਠੇ ਹਰਿਆਣਾ ਦੇ ਖਤਰਨਾਕ ਗੈਂਗਸਟਰ ਦੀਪਕ ਨੰਦਲ ਵੱਲੋਂ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲੀਆਂ ਹਨ ਅਤੇ ਨਾਲ ਹੀ 5 ਕਰੋੜ ਰੁਪਏ ਦੀ ਫਿਰੌਤੀ (ਰੰਗਦਾਰੀ) ਦੀ ਮੰਗ ਕੀਤੀ ਗਈ ਹੈ। ਇਸ ਖ਼ਬਰ ਤੋਂ ਬਾਅਦ ਗਾਇਕ ਦੇ ਪ੍ਰਸ਼ੰਸਕਾਂ ਅਤੇ ਸੰਗੀਤ ਜਗਤ ਵਿੱਚ ਦਹਿਸ਼ਤ ਦਾ ਮਾਹੌਲ ਹੈ।

ਵਿਦੇਸ਼ ਤੋਂ ਆਇਆ ਧਮਕੀ ਭਰਿਆ ਮੈਸੇਜ..ਫਿਰ ਆਈਆਂ ਕਾਲਾਂ

ਗਾਇਕ ਬਿਸਮਿਲ ਨੇ ਆਪਣੀ ਸ਼ਿਕਾਇਤ ਵਿੱਚ ਦੱਸਿਆ ਹੈ ਕਿ ਅਪ੍ਰੈਲ ਮਹੀਨੇ ਵਿੱਚ ਉਨ੍ਹਾਂ ਦੇ ਮੈਨੇਜਰ ਨੂੰ ਪੁਰਤਗਾਲ ਦੇ ਇੱਕ ਨੰਬਰ ਤੋਂ ਕਈ ਵਾਰ ਧਮਕੀ ਭਰੇ ਮੈਸੇਜ ਆਏ, ਜਿਸ ਵਿੱਚ 5 ਕਰੋੜ ਰੁਪਏ ਦੀ ਮੰਗ ਕੀਤੀ ਗਈ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਅਪ੍ਰੈਲ ਵਿੱਚ ਹੀ ਹਰਿਆਣਾ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਅਤੇ ਐਫਆਈਆਰ (FIR) ਦਰਜ ਕਰਵਾਈ। ਹੁਣ ਮਈ ਮਹੀਨੇ ਤੋਂ ਉਨ੍ਹਾਂ ਦੇ ਮੈਨੇਜਰ ਨੂੰ ਫਿਰ ਤੋਂ ਲਗਾਤਾਰ ਧਮਕੀ ਭਰੇ ਮੈਸੇਜ ਆਉਣੇ ਸ਼ੁਰੂ ਹੋ ਗਏ ਹਨ, ਜਦੋਂ ਉਹ ਦਿੱਲੀ ਸਥਿਤ ਆਪਣੇ ਘਰ ਵਿੱਚ ਸਨ।

ਪੁਰਤਗਾਲ ਦੇ ਨੰਬਰ ਤੋਂ ਸਿਰਫ਼ ਮੈਸੇਜ ਹੀ ਨਹੀਂ, ਸਗੋਂ ਉਨ੍ਹਾਂ ਦੇ ਮੈਨੇਜਰ ਨੂੰ ਕਈ ਫ਼ੋਨ ਕਾਲਾਂ ਵੀ ਆਈਆਂ, ਜਿਨ੍ਹਾਂ ਵਿੱਚ ਪੈਸੇ ਨਾ ਦੇਣ 'ਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ ਗਈਆਂ। ਹਰਿਆਣਾ ਪੁਲਿਸ ਦੀ ਸਪੈਸ਼ਲ ਸੈੱਲ ਨੇ ਐਫ.ਆਈ.ਆਰ. (FIR) ਦਰਜ ਕਰਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਸਥਾਨਕ ਪੁਲਿਸ ਨੇ ਗਾਇਕ ਨੂੰ ਸੁਰੱਖਿਆ ਮੁਹੱਈਆ ਕਰਵਾਈ ਹੈ।

ਕੌਣ ਹੈ ਬਿਸਮਿਲ?

ਗਾਇਕ ਬਿਸਮਿਲ ਅਸਲ ਵਿੱਚ ਦਿੱਲੀ ਦੇ ਰਹਿਣ ਵਾਲੇ ਹਨ। ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੇ ਇੰਸਟਾਗ੍ਰਾਮ 'ਤੇ 1 ਮਿਲੀਅਨ (10 ਲੱਖ) ਤੋਂ ਵੱਧ ਫਾਲੋਅਰਜ਼ ਹਨ ਅਤੇ ਉਹ ਦੇਸ਼-ਵਿਦੇਸ਼ ਵਿੱਚ ਕਈ ਸ਼ੋਅ ਕਰ ਚੁੱਕੇ ਹਨ। ਹਾਲ ਹੀ ਵਿੱਚ ਭਾਰਤੀ ਕ੍ਰਿਕਟਰ ਕੁਲਦੀਪ ਯਾਦਵ ਦੇ ਵਿਆਹ ਵਿੱਚ ਮੁਹੰਮਦ ਆਸਿਫ਼ (ਬਿਸਮਿਲ) ਦੀ ਪਰਫਾਰਮੈਂਸ ਕਾਫੀ ਚਰਚਾ ਵਿੱਚ ਰਹੀ ਸੀ। ਮੁਹੰਮਦ ਆਸਿਫ਼ ਦੀ ਸ਼ਾਇਰੀ ਅਤੇ ਗਾਇਕੀ 'ਤੇ ਕੁਲਦੀਪ ਯਾਦਵ ਅਤੇ ਉਨ੍ਹਾਂ ਦੀ ਪਤਨੀ ਵੀ ਖੂਬ ਨੱਚਦੇ ਹੋਏ ਨਜ਼ਰ ਆਏ ਸਨ।

View this post on Instagram

A post shared by Bismil (@bismil.live)

ਬਿਸਮਿਲ ਹੁਣ ਆਪਣਾ ਇੱਕ ਨਵਾਂ ਸ਼ੋਅ ਕਰਨ ਜਾ ਰਹੇ ਹਨ, ਜੋ ਦੁਬਈ ਦੇ ਕੋਕਾ-ਕੋਲਾ ਅਰੀਨਾ (Coca-Cola Arena) ਵਿੱਚ ਆਯੋਜਿਤ ਕੀਤਾ ਜਾਵੇਗਾ। ਇਹ ਪ੍ਰੋਗਰਾਮ 26 ਜੁਲਾਈ ਨੂੰ ਹੋਣਾ ਹੈ, ਜਿੱਥੇ ਉਨ੍ਹਾਂ ਦੇ ਹਜ਼ਾਰਾਂ-ਲੱਖਾਂ ਪ੍ਰਸ਼ੰਸਕਾਂ ਦੇ ਪਹੁੰਚਣ ਦੀ ਸੰਭਾਵਨਾ ਹੈ।

KableOne OTT 'ਤੇ GTC ਦੀ ਵੱਡੀ ਐਂਟਰੀ: ਜੀਟੀਸੀ ਨਿਊਜ਼, ਜੀਟੀਸੀ ਪੰਜਾਬੀ ਅਤੇ ਪੰਜਾਬੀ ਸ਼ਾਰਟਸ ਹੁਣ ਇੱਕੋ ਐਪ 'ਤੇ, ਮਨੋਰੰਜਨ ਅਤੇ ਖ਼ਬਰਾਂ ਦਾ ਨਵਾਂ ਅੰਦਾਜ਼...

Fri, 26 Jun 2026 15:36:18 +0530

ਮਨੋਰੰਜਨ ਅਤੇ ਸੂਚਨਾ ਦੇ ਖੇਤਰ ਵਿੱਚ ਇੱਕ ਵੱਡਾ ਬਦਲਾਅ ਲਿਆਉਂਦੇ ਹੋਏ, GTC ਨੈੱਟਵਰਕ ਨੇ ਹੁਣ ਆਪਣੇ ਤਿੰਨ ਪ੍ਰਮੁੱਖ ਚੈਨਲਾਂ — ਜੀਟੀਸੀ ਨਿਊਜ਼ (GTC News), ਜੀਟੀਸੀ ਪੰਜਾਬੀ (GTC Punjabi) ਅਤੇ ਪੰਜਾਬੀ ਸ਼ਾਰਟਸ (GTC Punjabi Shorts) — ਨੂੰ 'KableOne OTT' ਐਪ 'ਤੇ ਲਾਈਵ ਕਰ ਦਿੱਤੇ ਹਨ। ਇਸ ਨਵੀਂ ਉਪਲਬਧਤਾ ਨਾਲ ਦਰਸ਼ਕਾਂ ਨੂੰ ਹੁਣ ਮਨੋਰੰਜਨ ਦਾ ਡਬਲ ਡੋਜ਼ ਮਿਲਣ ਦੇ ਨਾਲ-ਨਾਲ ਦੇਸ਼-ਵਿਦੇਸ਼ ਦੀਆਂ ਤਾਜ਼ਾ ਖ਼ਬਰਾਂ ਨਾਲ ਜੁੜੇ ਰਹਿਣ ਦਾ ਮੌਕਾ ਵੀ ਮਿਲੇਗਾ। KableOne OTT ਪਲੇਟਫਾਰਮ 'ਤੇ ਇਨ੍ਹਾਂ ਚੈਨਲਾਂ ਦੇ ਆਉਣ ਨਾਲ ਦਰਸ਼ਕ ਹੁਣ ਆਪਣੀ ਪਸੰਦ ਦੇ ਪ੍ਰੋਗਰਾਮ, ਅਰਥਪੂਰਨ ਸਿਨੇਮਾ ਅਤੇ ਮਹੱਤਵਪੂਰਨ ਖ਼ਬਰਾਂ ਦਾ ਅਨੰਦ ਕਿਤੇ ਵੀ ਅਤੇ ਕਿਸੇ ਵੀ ਸਮੇਂ ਲੈ ਸਕਣਗੇ। ਇਹ ਪਹਿਲਕਦਮੀ ਪੰਜਾਬੀ ਦਰਸ਼ਕਾਂ ਲਈ ਮਨੋਰੰਜਨ ਅਤੇ ਜਾਣਕਾਰੀ ਨੂੰ ਇੱਕ ਸਾਂਝੇ ਅਤੇ ਆਧੁਨਿਕ ਡਿਜੀਟਲ ਮੰਚ 'ਤੇ ਲਿਆਉਣ ਦੀ ਇੱਕ ਵੱਡੀ ਕੋਸ਼ਿਸ਼ ਹੈ, ਜਿੱਥੇ ਉਹ ਬਿਨਾਂ ਕਿਸੇ ਰੁਕਾਵਟ ਦੇ ਆਪਣੇ ਮਨਪਸੰਦ ਸਮੱਗਰੀ ਦਾ ਅਨੰਦ ਲੈ ਸਕਦੇ ਹਨ।

ਬਿਲਕੁਲ ਮੁਫ਼ਤ 'ਚ ਲਓ ਖਬਰਾਂ, ਮਨੋਰੰਜਨ ਸਣੇ ਦਿਲਚਸਪ ਫਿਲਮਾਂ ਦਾ ਅਨੰਦ

GTC ਨਿਊਜ਼ ਦੇਸ਼-ਵਿਦੇਸ਼ ਅਤੇ ਪੰਜਾਬ ਦੀ ਹਰ ਛੋਟੀ-ਵੱਡੀ ਖ਼ਬਰ ਨੂੰ ਨਿਰਪੱਖਤਾ ਨਾਲ ਸਭ ਤੋਂ ਪਹਿਲਾਂ ਤੁਹਾਡੇ ਤੱਕ ਪਹੁੰਚਾਉਂਦਾ ਹੈ। ਇਸ ਦੇ ਨਾਲ ਹੀ, GTC ਪੰਜਾਬੀ ਮਨੋਰੰਜਨ ਦੇ ਖੇਤਰ ਵਿੱਚ ਨਵੇਂ ਮਿਆਰ ਸਥਾਪਿਤ ਕਰ ਰਿਹਾ ਹੈ, ਜਿੱਥੇ ਤੁਸੀਂ ਰਿਐਲਿਟੀ ਸ਼ੋਅ, ਟੀਵੀ ਸੀਰੀਅਲ, ਪੰਜਾਬੀ ਸੰਗੀਤ ਅਤੇ ਪ੍ਰਭਾਵਸ਼ਾਲੀ ਸ਼ਾਰਟ ਫਿਲਮਾਂ ਦਾ ਇੱਕੋ ਥਾਂ 'ਤੇ ਅਨੰਦ ਲੈ ਸਕਦੇ ਹੋ। ਦੱਸ ਦਈਏ 'ਪੰਜਾਬੀ ਸ਼ਾਰਟਸ' ਹੁਣ KableOne OTT ਐਪ 'ਤੇ ਉਪਲਬਧ; ਦੇਖੋ 24x7 ਦਿਲਚਸਪ ਫਿਲਮਾਂ ਬਿਲਕੁਲ ਮੁਫ਼ਤ

ਮਨੋਰੰਜਨ ਦੇ ਖੇਤਰ ਵਿੱਚ ਇੱਕ ਨਵੀਂ ਪਹਿਲਕਦਮੀ ਕਰਦਿਆਂ, 'ਪੰਜਾਬੀ ਸ਼ਾਰਟਸ' ਹੁਣ KableOne OTT ਐਪ ਉੱਤੇ ਉਪਲਬਧ ਹੋ ਗਿਆ ਹੈ। ਇਹ ਪਲੇਟਫਾਰਮ ਦਰਸ਼ਕਾਂ ਨੂੰ 24x7 ਪੰਜਾਬੀ ਲਘੂ ਫਿਲਮਾਂ (short films) ਦੇਖਣ ਦਾ ਮੌਕਾ ਦਿੰਦਾ ਹੈ।

ਦਰਸ਼ਕ ਇੱਥੇ ਸਿਰਫ਼ 45 ਮਿੰਟਾਂ ਵਿੱਚ ਸ਼ਕਤੀਸ਼ਾਲੀ ਅਤੇ ਪ੍ਰਭਾਵਸ਼ਾਲੀ ਕਹਾਣੀਆਂ ਦਾ ਅਨੰਦ ਲੈ ਸਕਦੇ ਹਨ। ਇਹ ਚੈਨਲ ਨਵੇਂ ਕਲਾਕਾਰਾਂ ਅਤੇ ਲੇਖਕਾਂ ਦੀ ਪ੍ਰਤਿਭਾ ਨੂੰ ਮੰਚ ਪ੍ਰਦਾਨ ਕਰਦਾ ਹੈ।ਇੱਥੇ ਵੱਖ-ਵੱਖ ਤਰ੍ਹਾਂ ਦੀਆਂ ਕਹਾਣੀਆਂ ਦਿਖਾਈਆਂ ਜਾਂਦੀਆਂ ਹਨ ਜੋ ਵਿਸ਼ਵ ਭਰ ਦੇ ਪੰਜਾਬੀ ਦਰਸ਼ਕਾਂ ਨੂੰ ਅਰਥਪੂਰਨ ਸਿਨੇਮਾ ਨਾਲ ਜੋੜਦੀਆਂ ਹਨ।

KableOne ਦਾ ਉਦੇਸ਼ ਪੰਜਾਬ ਦੀਆਂ ਕਹਾਣੀਆਂ ਨੂੰ ਪੂਰੀ ਦੁਨੀਆ ਤੱਕ ਪਹੁੰਚਾਉਣਾ ਹੈ। ਦਰਸ਼ਕ ਇਸ ਐਪ ਰਾਹੀਂ ਲਾਈਵ ਸਟ੍ਰੀਮਿੰਗ ਅਤੇ ਹੋਰ ਪ੍ਰੋਗਰਾਮਾਂ ਦਾ ਆਨੰਦ ਲੈ ਸਕਦੇ ਹਨ।

View this post on Instagram

A post shared by GTC PUNJABI (@gtcpunjabionline)

ਪੰਜਾਬੀਆਂ ਦੇ ਲਈ ਖੁਸ਼ਖਬਰੀ! GTC ਨੈੱਟਵਰਕ ਹੁਣ ਸੈਮਸੰਗ ਟੀਵੀ ਪਲੱਸ 'ਤੇ ਉਪਲਬਧ; ਦਰਸ਼ਕਾਂ ਨੂੰ ਮਿਲੇਗਾ ਮਨੋਰੰਜਨ ਦਾ ਨਵਾਂ ਅਨੁਭਵ

Wed, 24 Jun 2026 12:33:00 +0530

ਪੰਜਾਬੀ ਮਨੋਰੰਜਨ ਜਗਤ ਲਈ ਇੱਕ ਵੱਡੀ ਖਬਰ ਸਾਹਮਣੇ ਆਈ ਹੈ। GTC ਨੈੱਟਵਰਕ ਹੁਣ ਸੈਮਸੰਗ ਟੀਵੀ ਪਲੱਸ (Samsung TV Plus) 'ਤੇ ਲਾਈਵ ਹੋ ਗਿਆ ਹੈ, ਜਿਸ ਨਾਲ ਦਰਸ਼ਕਾਂ ਲਈ ਆਪਣੇ ਮਨਪਸੰਦ ਪੰਜਾਬੀ ਕੰਟੈਂਟ ਨੂੰ ਦੇਖਣਾ ਹੋਰ ਵੀ ਆਸਾਨ ਹੋ ਗਿਆ ਹੈ। ਦਰਸ਼ਕ ਹੁਣ ਸੈਮਸੰਗ ਸਮਾਰਟ ਟੀਵੀ ਅਤੇ ਮੋਬਾਈਲ ਹੈਂਡਸੈੱਟਾਂ 'ਤੇ GTC ਨੈੱਟਵਰਕ ਦੇ ਵੱਖ-ਵੱਖ ਚੈਨਲਾਂ ਦਾ ਆਨੰਦ ਲੈ ਸਕਦੇ ਹਨ।

ਕਿਹੜੇ ਚੈਨਲ ਉਪਲਬਧ ਹਨ?

GTC ਨੈੱਟਵਰਕ ਦੇ ਤਿੰਨ ਪ੍ਰਮੁੱਖ ਚੈਨਲ ਹੁਣ ਸੈਮਸੰਗ ਟੀਵੀ ਪਲੱਸ 'ਤੇ ਉਪਲਬਧ ਹਨ:

GTC NEWS: ਚੈਨਲ ਨੰਬਰ 1494

GTC PUNJABI: ਚੈਨਲ ਨੰਬਰ 1312

PUNJABI SHORTS: ਚੈਨਲ ਨੰਬਰ 1314

ਜਾਣੋ ਇਹ ਖਾਸ ਗੱਲਾਂ…

ਇਸ ਨੈੱਟਵਰਕ ਦੀਆਂ ਸਭ ਤੋਂ ਵੱਡੀਆਂ ਵਿਸ਼ੇਸ਼ਤਾਵਾਂ ਇਹ ਹਨ ਕਿ ਇਹ ਸੇਵਾ 100% ਮੁਫਤ ਹੈ ਅਤੇ ਇਸਦੇ ਲਈ ਕੋਈ ਸਬਸਕ੍ਰਿਪਸ਼ਨ ਦੀ ਲੋੜ ਨਹੀਂ ਹੈ। ਦਰਸ਼ਕ ਕਿਤੇ ਵੀ ਅਤੇ ਕਿਸੇ ਵੀ ਸਮੇਂ ਲਾਈਵ ਟੀਵੀ ਦਾ ਆਨੰਦ ਲੈ ਸਕਦੇ ਹਨ। ਇੱਥੇ ਹਰ ਉਮਰ ਦੇ ਦਰਸ਼ਕਾਂ ਲਈ ਪਸੰਦੀਦਾ ਪੰਜਾਬੀ ਕੰਟੈਂਟ ਇੱਕੋ ਥਾਂ 'ਤੇ ਮੌਜੂਦ ਹੈ, ਜਿਸ ਵਿੱਚ ਖਬਰਾਂ, ਫਿਲਮਾਂ ਅਤੇ ਹੋਰ ਮਨੋਰੰਜਕ ਸ਼ੋਅ ਸ਼ਾਮਲ ਹਨ।

ਤੁਸੀਂ ਅੱਜ ਹੀ ਆਪਣੇ ਸੈਮਸੰਗ ਡਿਵਾਈਸ 'ਤੇ ਇਨ੍ਹਾਂ ਚੈਨਲਾਂ ਨੂੰ ਟਿਊਨ ਕਰ ਸਕਦੇ ਹੋ ਅਤੇ ਪੰਜਾਬੀ ਮਨੋਰੰਜਨ ਦੀ ਦੁਨੀਆ ਦਾ ਲੁਤਫ ਲੈ ਸਕਦੇ ਹੋ।

ਜੀਟੀਸੀ (GTC) ਨੈੱਟਵਰਕ: ਪੰਜਾਬੀਅਤ ਦੀ ਆਵਾਜ਼ ਅਤੇ ਮਨੋਰੰਜਨ ਦਾ ਨਵਾਂ ਮੁਕਾਮ

ਜੀਟੀਸੀ (GTC) ਨੈੱਟਵਰਕ ਲਗਾਤਾਰ ਪੰਜਾਬੀ ਭਾਸ਼ਾ ਅਤੇ ਸੱਭਿਆਚਾਰ ਨੂੰ ਪ੍ਰਫੁੱਲਿਤ ਕਰਨ ਲਈ ਵਚਨਬੱਧ ਹੈ। ਜਿੱਥੇ GTC ਨਿਊਜ਼ ਦੇਸ਼-ਵਿਦੇਸ਼ ਅਤੇ ਪੰਜਾਬ ਦੀ ਹਰ ਛੋਟੀ-ਵੱਡੀ ਖ਼ਬਰ ਨੂੰ ਨਿਰਪੱਖਤਾ ਨਾਲ ਸਭ ਤੋਂ ਪਹਿਲਾਂ ਦਰਸ਼ਕਾਂ ਤੱਕ ਪਹੁੰਚਾਉਂਦਾ ਹੈ, ਉੱਥੇ ਹੀ GTC ਪੰਜਾਬੀ ਮਨੋਰੰਜਨ ਦੇ ਖੇਤਰ ਵਿੱਚ ਇੱਕ ਨਵਾਂ ਮਿਆਰ ਸਥਾਪਿਤ ਕਰ ਰਿਹਾ ਹੈ। ਦਰਸ਼ਕ ਇੱਥੇ ਦਿਲਚਸਪ ਰਿਐਲਿਟੀ ਸ਼ੋਅ, ਮਨੋਰੰਜਕ ਟੀਵੀ ਸੀਰੀਅਲ, ਪੰਜਾਬੀ ਸੰਗੀਤ ਅਤੇ ਪ੍ਰਭਾਵਸ਼ਾਲੀ ਸ਼ਾਰਟ ਫਿਲਮਾਂ ਦਾ ਇੱਕੋ ਥਾਂ 'ਤੇ ਅਨੰਦ ਲੈ ਸਕਦੇ ਹਨ। ਪੰਜਾਬੀਅਤ ਦੀ ਤਰੱਕੀ ਲਈ ਕੀਤੇ ਜਾ ਰਹੇ ਇਹ ਨਿਰੰਤਰ ਉਪਰਾਲੇ ਜੀਟੀਸੀ ਨੈੱਟਵਰਕ ਨੂੰ ਹਰ ਪੰਜਾਬੀ ਘਰ ਦੀ ਪਹਿਲੀ ਪਸੰਦ ਬਣਾ ਰਹੇ ਹਨ, ਜੋ ਦਰਸ਼ਕਾਂ ਨੂੰ ਉਨ੍ਹਾਂ ਦੀ ਮਾਂ-ਬੋਲੀ ਅਤੇ ਸੱਭਿਆਚਾਰ ਨਾਲ ਨੇੜਿਓਂ ਜੋੜੀ ਰੱਖਦਾ ਹੈ।

ਮਿਊਜ਼ਿਕ ਜਗਤ ਤੋਂ ਵੱਡੀ ਖਬਰ! ਨਾਮੀ ਬਾਲੀਵੁੱਡ ਗਾਇਕ ਜੂਝ ਰਿਹਾ ਗੰਭੀਰ ਬਿਮਾਰੀ ਨਾਲ, ਦੱਬੀ ਗਰਦਨ ਦੀ ਨਸ…, ਫੈਨਜ਼ ਚਿੰਤਤ

Wed, 17 Jun 2026 15:41:47 +0530

ਬਾਲੀਵੁੱਡ ਜਗਤ ਤੋਂ ਹੈਰਾਨ ਕਰਨ ਵਾਲੀ ਖਬਰ ਸਾਹਮਣੇ ਆਈ ਹੈ। ਜੀ ਹਾਂ ਮਸ਼ਹੂਰ ਗਾਇਕ ਸੋਨੂੰ ਨਿਗਮ ਇਨ੍ਹੀਂ ਦਿਨੀਂ ਨਸ ਦੱਬਣ ਦੀ ਗੰਭੀਰ ਅਤੇ ਦਰਦਨਾਕ ਸਮੱਸਿਆ ਨਾਲ ਜੂਝ ਰਹੇ ਹਨ। ਹਾਲਾਂਕਿ, ਇਸ ਤਕਲੀਫ਼ ਦੇ ਬਾਵਜੂਦ ਸੰਗੀਤ ਪ੍ਰਤੀ ਉਨ੍ਹਾਂ ਦਾ ਜਜ਼ਬਾ ਬਿਲਕੁਲ ਵੀ ਘੱਟ ਨਹੀਂ ਹੋਇਆ ਹੈ। ਸੋਸ਼ਲ ਮੀਡੀਆ 'ਤੇ ਆਪਣੀ ਸਿਹਤ ਬਾਰੇ ਜਾਣਕਾਰੀ ਦਿੰਦਿਆਂ ਸੋਨੂੰ ਨੇ ਕੁਝ ਅਜਿਹੀਆਂ ਗੱਲਾਂ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ ਨੇ ਉਨ੍ਹਾਂ ਦੇ ਕਰੋੜਾਂ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਹੈ ਅਤੇ ਹਰ ਕੋਈ ਉਨ੍ਹਾਂ ਦੇ ਜਲਦੀ ਠੀਕ ਹੋਣ ਦੀ ਕਾਮਨਾ ਕਰ ਰਿਹਾ ਹੈ।

ਪਿਛਲੇ ਕੁੱਝ ਦਿਨਾਂ ਤੋਂ ਦਰਦ ‘ਚ ਹਾਂ- ਸੋਨੂੰ ਨਿਗਮ

ਮਸ਼ਹੂਰ ਗਾਇਕ ਸੋਨੂੰ ਨਿਗਮ ਨੇ ਖੁਦ ਸੋਸ਼ਲ ਮੀਡੀਆ ਰਾਹੀਂ ਜਾਣਕਾਰੀ ਦਿੱਤੀ ਹੈ ਕਿ ਉਨ੍ਹਾਂ ਦੀ ਗਰਦਨ ਦੀ ਨਸ ਦੱਬ ਗਈ ਹੈ। ਉਨ੍ਹਾਂ ਨੇ ਇੰਸਟਾਗ੍ਰਾਮ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਹ ਗਰਦਨ 'ਤੇ ਪੱਟੀਆਂ ਲਗਾ ਕੇ ਪਰਫਾਰਮੈਂਸ ਦੀ ਤਿਆਰੀ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਇਹ ਘਟਨਾ 13 ਜੂਨ ਦੀ ਹੈ। ਵੀਡੀਓ ਵਿੱਚ ਸੋਨੂੰ ਨਿਗਮ ਨੇ ਦੱਸਿਆ ਕਿ ਉਹ ਪਿਛਲੇ ਇੱਕ ਹਫ਼ਤੇ ਤੋਂ ਕਾਫ਼ੀ ਦਰਦ ਵਿੱਚ ਹਨ। ਉਨ੍ਹਾਂ ਕਿਹਾ, "ਦੇਖੋ, ਮੇਰੀਆਂ ਨਸਾਂ ਦੱਬ ਗਈਆਂ ਹਨ। ਮੈਂ ਇੱਕ ਹਫ਼ਤੇ ਤੋਂ ਇਹ ਭੁਗਤ ਰਿਹਾ ਹਾਂ।" ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਦੇ ਕਈ ਟੈਸਟ ਜਿਵੇਂ ਕਿ MRI ਅਤੇ CT ਸਕੈਨ ਹੋ ਚੁੱਕੇ ਹਨ। ਨਾਲ ਹੀ ਉਹ ਦਰਦ ਤੋਂ ਰਾਹਤ ਲਈ ਦਵਾਈਆਂ ਅਤੇ ਫਿਜ਼ੀਓਥੈਰੇਪੀ ਵੀ ਲੈ ਰਹੇ ਹਨ, ਜੋ ਕਿ ਕਾਫ਼ੀ ਥਕਾਵਟ ਵਾਲਾ ਕੰਮ ਹੈ। ਸੋਨੂੰ ਨੇ ਇਹ ਵੀ ਦੱਸਿਆ ਕਿ ਪੇਨਕਿਲਰਸ (ਦਰਦ ਨਿਵਾਰਕ ਦਵਾਈਆਂ) ਲੈਣ ਕਾਰਨ ਉਨ੍ਹਾਂ ਦਾ ਗਲਾ ਵੀ ਕੁਝ ਭਾਰੀ ਹੋ ਗਿਆ ਹੈ।

ਵੀਡੀਓ ਦੇ ਵਿੱਚ ਉਹ ਅੱਗੇ ਕਹਿੰਦੇ ਹਨ ਕਿ ਸਟੇਜ 'ਤੇ ਵਾਪਸੀ ਨੂੰ ਲੈ ਕੇ ਉਨ੍ਹਾਂ ਦਾ ਕੌਨਫੀਡੈਂਸ ਘੱਟ ਗਿਆ ਹੈ ਪਰ ਉਮੀਦ ਹੈ ਕਿ ਭਗਵਾਨ ਮੈਨੂੰ ਸਟੇਜ 'ਤੇ ਸ਼ਕਤੀ ਦੇਣਗੇ।

View this post on Instagram

A post shared by Sonu Nigam (@sonunigamofficial)

ਕਈ ਗਾਇਕ ਤੇ ਫੈਨਜ਼ ਕਰ ਰਹੇ ਸੋਨੂੰ ਨਿਗਮ ਲਈ ਦੁਆਵਾਂ

ਸੋਨੂੰ ਨਿਗਮ ਦੀ ਸੋਸ਼ਲ ਮੀਡੀਆ ਪੋਸਟ ਸਾਹਮਣੇ ਆਉਣ ਤੋਂ ਬਾਅਦ ਸੰਗੀਤ ਜਗਤ ਦੇ ਕਈ ਦਿੱਗਜ ਗਾਇਕ ਉਨ੍ਹਾਂ ਦੇ ਜਲਦੀ ਸਿਹਤਯਾਬ ਹੋਣ ਲਈ ਦੁਆਵਾਂ ਕਰ ਰਹੇ ਹਨ। ਇਨ੍ਹਾਂ ਵਿੱਚ ਕਵਿਤਾ ਸੇਠ, ਰੂਪ ਕੁਮਾਰ ਰਾਠੌੜ, ਅਲੀਸ਼ਾ ਚਿਨੋਏ ਅਤੇ ਅਫਸਾਨਾ ਖਾਨ ਸਮੇਤ ਕਈ ਹੋਰ ਨਾਮੀ ਕਲਾਕਾਰ ਸ਼ਾਮਲ ਹਨ, ਜੋ ਲਗਾਤਾਰ ਸੋਨੂੰ ਨਿਗਮ ਦੀ ਸਿਹਤ ਬਾਰੇ ਚਿੰਤਾ ਜ਼ਾਹਰ ਕਰ ਰਹੇ ਹਨ ਅਤੇ ਉਨ੍ਹਾਂ ਨੂੰ ਹੌਸਲਾ ਦੇ ਰਹੇ ਹਨ। ਇਸ ਤੋਂ ਇਲਾਵਾ ਫੈਨਜ਼ ਵੀ ਗਾਇਕ ਦੇ ਜਲਦੀ ਠੀਕ ਹੋਣ ਲਈ ਦੁਆਵਾਂ ਕਰ ਰਹੇ ਹਨ ਅਤੇ ਉਨ੍ਹਾਂ ਦੇ ਹੌਸਲੇ ਨੂੰ ਸਲਾਮ ਕਰ ਰਹੇ ਹਨ।

ਬਾਲੀਵੁੱਡ ਜਗਤ ਨੂੰ ਦੇ ਚੁੱਕੇ ਨੇ ਕਈ ਸੁਪਰ ਹਿੱਟ ਗੀਤ

ਬਾਲੀਵੁੱਡ ਦੇ ਦਿੱਗਜ ਗਾਇਕ ਸੋਨੂੰ ਨਿਗਮ ਨੇ ਬਾਲੀਵੁੱਡ ਨੂੰ ਕਈ ਸੁਪਰ ਹਿੱਟ ਗੀਤ ਦਿੱਤੇ ਹਨ। ਇਹਨਾਂ ਵਿੱਚ 'ਸੰਦੇਸ਼ੇ ਆਤੇ ਹੈਂ', 'ਅਭੀ ਮੁਝ ਮੇਂ ਕਹੀਂ', 'ਪਾਪਾ ਮੇਰੀ ਜਾਨ', 'ਕਲ ਹੋ ਨਾ ਹੋ', 'ਯੇ ਦਿਲ ਦੀਵਾਨਾ', 'ਦਿਲ ਡੂਬਾ' ਅਤੇ 'ਤੁਮਸੇ ਮਿਲਕੇ ਦਿਲ ਕਾ ਹੈ ਜੋ ਹਾਲ' ਵਰਗੇ ਸੁਪਰਹਿੱਟ ਗੀਤ ਸ਼ਾਮਲ ਹਨ। ਇਹ ਗੀਤ ਸੋਨੂੰ ਨਿਗਮ ਦੀ ਬਹੁਮੁਖੀ ਆਵਾਜ਼ ਅਤੇ ਉਨ੍ਹਾਂ ਦੇ ਲੰਬੇ ਅਤੇ ਸ਼ਾਨਦਾਰ ਸੰਗੀਤਕ ਸਫ਼ਰ ਨੂੰ ਦਰਸਾਉਂਦੇ ਹਨ, ਜੋ ਅੱਜ ਵੀ ਲੋਕਾਂ ਦੇ ਦਿਲਾਂ ਵਿੱਚ ਵਸੇ ਹੋਏ ਹਨ।

'ਕੁਮਕੁਮ ਭਾਗਿਆ' ਫੇਮ ਅਦਾਕਾਰਾ ਦੀ ਘਰ ‘ਚੋਂ ਮਿਲੀ ਮ੍ਰਿਤਕ ਦੇਹ, ਪੱਖੇ ਨਾਲ ਲਟਕਦੀ ਮਿਲੀ ਲਾਸ਼…ਮਰਨ ਤੋਂ ਕੁਝ ਘੰਟੇ ਪਹਿਲਾਂ ਪੋਸਟ ਕੀਤੀ ਸੀ ਰੀਲ

Mon, 15 Jun 2026 15:46:03 +0530

ਟੀਵੀ ਜਗਤ ਤੋਂ ਬਹੁਤ ਹੀ ਦੁਖਦਾਇਕ ਖਬਰ ਸਾਹਮਣੇ ਆ ਰਹੀ ਹੈ। ਜਿੱਥੇ ਟੀਵੀ ਅਦਾਕਾਰਾ ਸੰਚਿਤਾ ਉਗਲੇ ਨੇ ਸੋਮਵਾਰ ਨੂੰ ਖੁਦਕੁਸ਼ੀ ਕਰ ਲਈ। ਉਹ 30 ਸਾਲ ਦੀ ਸੀ। ਪੁਲਿਸ ਨੇ ਦੱਸਿਆ ਕਿ ਅਦਾਕਾਰਾ ਦੀ ਲਾਸ਼ ਘਰ ਵਿੱਚ ਸੀਲਿੰਗ ਫੈਨ ਨਾਲ ਲਟਕਦੀ ਮਿਲੀ। ਉਸ ਨੇ ਸਾੜੀ ਦਾ ਫਾਹਾ ਬਣਾ ਕੇ ਫਾਂਸੀ ਲਗਾਈ ਸੀ।

ਇੱਕ ਪੁਲਿਸ ਅਫ਼ਸਰ ਨੇ ਨਿਊਜ਼ ਏਜੰਸੀ PTI ਨੂੰ ਦੱਸਿਆ, 'ਸਾਡੀ ਟੀਮ ਸੂਚਨਾ ਮਿਲਦੇ ਹੀ ਮੌਕੇ 'ਤੇ ਪਹੁੰਚੀ। ਉੱਥੇ ਕੁਝ ਵੀ ਸ਼ੱਕੀ ਨਹੀਂ ਮਿਲਿਆ ਅਤੇ ਨਾ ਹੀ ਕੋਈ ਸੁਸਾਈਡ ਨੋਟ ਬਰਾਮਦ ਹੋਇਆ ਹੈ। ਘਟਨਾ ਦੇ ਸਮੇਂ ਉਹ ਘਰ ਵਿੱਚ ਇਕੱਲੀ ਸੀ। ਉਸਦੇ ਪਿਤਾ ਨੇ ਆਪਣੀ ਧੀ ਦੀ ਮੌਤ ਲਈ ਕਿਸੇ ਨੂੰ ਵੀ ਜ਼ਿੰਮੇਵਾਰ ਨਹੀਂ ਠਹਿਰਾਇਆ ਹੈ।'

ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ

ਸੰਚਿਤਾ ਆਪਣੇ ਮਾਤਾ-ਪਿਤਾ ਨਾਲ ਮਹਾਰਾਸ਼ਟਰ ਦੇ ਪਾਲਘਰ ਵਿੱਚ ਰਹਿੰਦੀ ਸੀ। ਉਹ ਟੀਵੀ ਸੀਰੀਅਲ ‘ਕੁਮਕੁਮ ਭਾਗਿਆ’ ਅਤੇ ‘ਵਾਗਲੇ ਕੀ ਦੁਨੀਆ’ ਵਿੱਚ ਨਜ਼ਰ ਆਈ ਸੀ। ਪੁਲਿਸ ਨੇ ਉਸਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ ਅਤੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਮੌਤ ਤੋਂ ਕੁਝ ਘੰਟੇ ਪਹਿਲਾਂ ਵੀਡੀਓ ਪੋਸਟ ਕੀਤੀ:

ਸੰਚਿਤਾ ਦੇ ਦਿਹਾਂਤ ਤੋਂ ਕੁਝ ਘੰਟੇ ਪਹਿਲਾਂ ਹੀ ਉਸ ਦੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਉਂਟ ਤੋਂ ਇੱਕ ਰੀਲ ਪੋਸਟ ਕੀਤੀ ਗਈ ਸੀ। ਵੀਡੀਓ ਵਿੱਚ ਅਦਾਕਾਰਾ 'ਡਫਲੀ ਵਾਲੇ, ਡਫਲੀ ਬਜਾ' ਗੀਤ 'ਤੇ ਲਿਪਸਿੰਕ ਕਰਦੀ ਨਜ਼ਰ ਆਈ ਸੀ। ਇਸ ਵੀਡੀਓ ਦੇ ਕੈਪਸ਼ਨ ਵਿੱਚ ਅਦਾਕਾਰਾ ਨੇ ਲਿਖਿਆ ਸੀ, 'ਮੈਂ ਨਾਚੂ, ਤੂੰ ਨਚਾ।'

View this post on Instagram

A post shared by Sanchita Ugale (@sanchita_ugale)

ਕਮੈਂਟ ਸੈਕਸ਼ਨ ਵਿੱਚ ਅਦਾਕਾਰਾ ਦੇ ਪ੍ਰਸ਼ੰਸਕ ਉਸ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ। ਅਦਾਕਾਰਾ ਸੋਸ਼ਲ ਮੀਡੀਆ 'ਤੇ ਬਹੁਤ ਐਕਟਿਵ ਸੀ ਅਤੇ ਲਗਾਤਾਰ ਪੋਸਟਾਂ ਕਰਦੀ ਰਹਿੰਦੀ ਸੀ। ਉਸ ਦੇ ਇੰਸਟਾਗ੍ਰਾਮ 'ਤੇ 1 ਲੱਖ 39 ਹਜ਼ਾਰ ਫਾਲੋਅਰਜ਼ ਹਨ।

ਟੀਵੀ ਸੀਰੀਅਲ ਸਣੇ ਫਿਲਮਾਂ 'ਚ ਵੀ ਦਿਖਾਏ ਸਨ ਅਦਾਕਾਰੀ ਦੇ ਜੌਹਰ

ਸੰਚਿਤਾ ਉਗਲੇ ਨੇ ਕਈ ਟੀਵੀ ਸ਼ੋਅ ਅਤੇ ਫ਼ਿਲਮਾਂ ਵਿੱਚ ਕੰਮ ਕੀਤਾ ਸੀ। ਉਹ ‘ਕੁਮਕੁਮ ਭਾਗਿਆ’ ਅਤੇ ‘ਵਾਗਲੇ ਕੀ ਦੁਨੀਆ’ ਵਰਗੇ ਕਈ ਪ੍ਰਸਿੱਧ ਟੀਵੀ ਸ਼ੋਆਂ ਦਾ ਹਿੱਸਾ ਰਹਿ ਚੁੱਕੀ ਸੀ। ਆਖਰੀ ਵਾਰ ਉਹ ਦੰਗਲ ਟੀਵੀ ਦੇ ਸ਼ੋਅ ‘ਸਾਜਨ ਘਰ ਮੈਂ’ ਵਿੱਚ ਨਜ਼ਰ ਆਈ ਸੀ। ਇਸ ਤੋਂ ਇਲਾਵਾ, ਉਹ ਪਾਪੂਲਰ ਸ਼ੋਅ ‘ਦਿਲਵਾਲੀ ਦੁਲਹਨੀਆਂ ਲੇ ਜਾਏਗੀ’ ਵਿੱਚ ਸੌਰਭ ਬੇਦੀ ਦੇ ਨਾਲ ਮੁੱਖ ਭੂਮਿਕਾ (ਲੀਡ ਰੋਲ) ਵਿੱਚ ਵੀ ਨਜ਼ਰ ਆ ਚੁੱਕੀ ਸੀ।

ਸੰਚਿਤਾ ਨੇ ਫ਼ਿਲਮ ‘ਛਾਵਾ’ ਵਿੱਚ ਵੀ ਕੰਮ ਕੀਤਾ ਸੀ, ਜਿਸ ਵਿੱਚ ਉਹ ਤਾਰਾਬਾਈ ਦੇ ਕਿਰਦਾਰ ਵਿੱਚ ਨਜ਼ਰ ਆਈ ਸੀ। ਇਸ ਫ਼ਿਲਮ ਵਿੱਚ ਵਿੱਕੀ ਕੌਸ਼ਲ ਅਤੇ ਅਕਸ਼ੈ ਖੰਨਾ ਮੁੱਖ ਭੂਮਿਕਾਵਾਂ ਵਿੱਚ ਸਨ। ਇਸ ਤੋਂ ਇਲਾਵਾ, ਸੰਚਿਤਾ ਨੇ ਮਨੋਜ ਬਾਜਪਾਈ ਦੇ ਨਾਲ ਫ਼ਿਲਮ ‘ਸਾਈਲੈਂਸ 2: ਦ ਨਾਈਟ ਆਊਲ ਬਾਰ ਸ਼ੂਟਆਊਟ’ ਵਿੱਚ ਵੀ ਕੰਮ ਕੀਤਾ ਸੀ।

ਹੈਲੀਕਾਪਟਰ ਕ੍ਰੈਸ਼ 'ਚ ਮਾਰਿਆ ਗਿਆ ਨਾਮੀ ਗਾਇਕ; ਦੋ ਹੈਲੀਕਾਪਟਰ ਆਪਸ ‘ਚ ਟਕਰਾਏ, ਦਿੱਗਜ YouTuber ਦੀ ਵੀ ਮੌਤ, ਮਨੋਰੰਜਨ ਜਗਤ ‘ਚ ਸੋਗ ਦੀ ਲਹਿਰ…

Mon, 15 Jun 2026 14:46:16 +0530

ਸੰਗੀਤ ਜਗਤ ਤੋਂ ਬਹੁਤ ਹੀ ਦੁਖਦਾਇਕ ਖਬਰ ਸਾਹਮਣੇ ਆਈ ਹੈ। ਜਿੱਥੇ ਦੁਨੀਆ ਦੇ ਚਰਚਿਤ ਗਾਇਕ ਅਤੇ ਨਾਮੀ ਯੂਟਿਊਬਰ ਦੀ ਮੌਤ ਹੋ ਗੀ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਬ੍ਰਾਜ਼ੀਲ ਵਿੱਚ ਇੱਕ ਹੈਲੀਕਾਪਟਰ ਹਾਦਸੇ ਵਿੱਚ ਗਾਇਕ ਅਤੇ ਗੀਤਕਾਰ ਓਲੀਵਰ ਟ੍ਰੀ ਦੀ ਮੌਤ ਹੋ ਗਈ ਹੈ। ਉਹ 32 ਸਾਲ ਦੇ ਸਨ। ਇਸ ਭਿਆਨਕ ਹਾਦਸੇ ਵਿੱਚ ਕੁੱਲ ਛੇ ਲੋਕਾਂ ਦੀ ਜਾਨ ਚਲੀ ਗਈ। ਮ੍ਰਿਤਕਾਂ ਵਿੱਚ ਓਲੀਵਰ ਟ੍ਰੀ, ਅਰਜਨਟੀਨਾ ਦੇ ਯੂਟਿਊਬਰ ਗੈਸਪਰ ਪ੍ਰਿਮ (ਗੈਸਪੀ), ਲੂਕਾਸ ਵਿਗਨੇਲ, ਲੂਕਾਸ ਬ੍ਰਿਟੋ ਚਾਵੇਸ ਅਤੇ ਪਾਇਲਟ ਐਲੇਗਜ਼ੈਂਡਰੇ ਸੂਜ਼ਾ ਅਤੇ ਚਾਰਲਸ ਮਾਰਸੀਲੈਕ ਸ਼ਾਮਲ ਸਨ।

ਹਾਦਸੇ ਦੇ ਸਮੇਂ ਓਲੀਵਰ ਟ੍ਰੀ ਅੰਤਰਰਾਸ਼ਟਰੀ ਟੂਰ 'ਤੇ ਸਨ। ਉਨ੍ਹਾਂ ਨੇ 6 ਜੂਨ ਨੂੰ ਸਾਓ ਪਾਓਲੋ ਵਿੱਚ ਪਰਫਾਰਮ ਕੀਤਾ ਸੀ ਅਤੇ 1 ਜੁਲਾਈ ਨੂੰ ਲਿਸਬਨ ਵਿੱਚ ਉਨ੍ਹਾਂ ਦਾ ਪ੍ਰੋਗਰਾਮ ਹੋਣਾ ਸੀ। ਇਸ ਤੋਂ ਇਲਾਵਾ ਉਨ੍ਹਾਂ ਦੇ ਸਪੇਨ, ਆਸਟ੍ਰੀਆ, ਅਮਰੀਕਾ ਅਤੇ ਚੀਨ ਵਿੱਚ ਵੀ ਸ਼ੋਅ ਸਨ। ਓਲੀਵਰ ਟ੍ਰੀ ਆਪਣੇ ਅਲਟਰਨੇਟਿਵ, ਪੌਪ ਅਤੇ ਇਲੈਕਟ੍ਰਾਨਿਕ ਸੰਗੀਤ ਦੇ ਮਿਸ਼ਰਣ ਲਈ ਜਾਣੇ ਜਾਂਦੇ ਸਨ। ਉਨ੍ਹਾਂ ਨੂੰ ‘ਲਾਈਫ ਗੋਜ਼ ਓਨ’ ਅਤੇ ‘ਮਿਸ ਯੂ’ ਵਰਗੇ ਗੀਤਾਂ ਨਾਲ ਦੁਨੀਆ ਭਰ ਵਿੱਚ ਵੱਡੀ ਪਛਾਣ ਮਿਲੀ ਸੀ।

ਇੰਝ ਆਸਮਾਨ ‘ਚ ਵਾਪਰਿਆ ਹਾਦਸਾ

ਨਿਊਜ਼ ਏਜੰਸੀ ANI ਦੀ ਰਿਪੋਰਟ ਦੇ ਅਨੁਸਾਰ, ਇਹ ਹਾਦਸਾ ਐਤਵਾਰ ਨੂੰ ਰੀਓ ਡੀ ਜਨੇਰੀਓ ਵਿੱਚ ਵਾਪਰਿਆ, ਜਦੋਂ ਦੋ ਹੈਲੀਕਾਪਟਰ ਹਵਾ ਵਿੱਚ ਆਪਸ ਵਿੱਚ ਟਕਰਾ ਗਏ। ਟੱਕਰ ਤੋਂ ਬਾਅਦ ਦੋਵੇਂ ਏਅਰਕ੍ਰਾਫਟ ਹੇਠਾਂ ਡਿੱਗ ਕੇ ਕਰੈਸ਼ ਹੋ ਗਏ ਅਤੇ ਮੌਕੇ 'ਤੇ ਹੀ ਅੱਗ ਲੱਗ ਗਈ। ਅਧਿਕਾਰੀਆਂ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਹਾਦਸੇ ਦੇ ਅਸਲ ਕਾਰਨਾਂ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।

ਹਾਦਸੇ ਦੀ ਜਾਂਚ ਵਿੱਚ ਜੁਟੀ ਪੁਲਿਸ

ਰੀਓ ਡੀ ਜਨੇਰੀਓ ਸਟੇਟ ਸਿਵਲ ਪੁਲਿਸ ਨੇ ਪੁਸ਼ਟੀ ਕੀਤੀ ਹੈ ਕਿ ਇਸ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ। ਪੁਲਿਸ ਅਨੁਸਾਰ, ਫੋਰੈਂਸਿਕ ਟੀਮਾਂ ਨੇ ਮੌਕੇ ਦਾ ਮੁਆਇਨਾ ਕੀਤਾ ਹੈ ਅਤੇ ਹੁਣ ਉਹ ਹਵਾਈ ਹਾਦਸਿਆਂ ਦੀ ਰੋਕਥਾਮ ਲਈ ਬਣੀ ਜਾਂਚ ਏਜੰਸੀ ਦੀ ਰਿਪੋਰਟ ਦੀ ਉਡੀਕ ਕਰ ਰਹੇ ਹਨ। ਮ੍ਰਿਤਕਾਂ ਦੀ ਪਛਾਣ ਲਈ ਫੋਰੈਂਸਿਕ ਟੈਸਟ ਵੀ ਕੀਤੇ ਜਾਣਗੇ। ਮਿਲੀ ਜਾਣਕਾਰੀ ਅਨੁਸਾਰ, ਇੱਕ ਹੈਲੀਕਾਪਟਰ ਵਿੱਚ ਸਵਾਰ ਪੰਜ ਵਿਅਕਤੀਆਂ ਅਤੇ ਦੂਜੇ ਹੈਲੀਕਾਪਟਰ ਦੇ ਪਾਇਲਟ ਦੀ ਮੌਤ ਹੋ ਗਈ ਹੈ। ਇਸ ਹਾਦਸੇ ਵਿੱਚ ਕਿਸੇ ਦੇ ਵੀ ਬਚਣ ਦੀ ਕੋਈ ਖ਼ਬਰ ਨਹੀਂ ਹੈ।

2010 ਤੋਂ ਸ਼ੁਰੂ ਹੋਇਆ ਸੀ ਗਾਇਕੀ ਦਾ ਸਫਰ

ਓਲੀਵਰ ਟ੍ਰੀ ਨੇ ਆਪਣੇ ਸੰਗੀਤਕ ਕਰੀਅਰ ਦੀ ਸ਼ੁਰੂਆਤ ਸਾਲ 2010 ਵਿੱਚ ਕੀਤੀ ਸੀ ਅਤੇ ਸ਼ੁਰੂਆਤ ਵਿੱਚ ਉਹ "ਟ੍ਰੀ" ਨਾਮ ਹੇਠ ਗੀਤ ਰਿਲੀਜ਼ ਕਰਦੇ ਸਨ। ਸਾਲ 2017 ਵਿੱਚ ਉਨ੍ਹਾਂ ਦਾ ਗੀਤ "ਵੈਨ ਆਈ ਐਮ ਡਾਊਨ" ਬਹੁਤ ਵਾਇਰਲ ਹੋਇਆ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ 'ਅਟਲਾਂਟਿਕ ਰਿਕਾਰਡਸ' ਨਾਲ ਸਮਝੌਤਾ ਕੀਤਾ। 2018 ਵਿੱਚ ਉਨ੍ਹਾਂ ਦੀ EP "ਏਲੀਅਨ ਬੁਆਏ" ਰਿਲੀਜ਼ ਹੋਈ, ਜਿਸ ਨੇ ਉਨ੍ਹਾਂ ਨੂੰ ਵੱਡੀ ਪਛਾਣ ਦਿਵਾਈ। ਉਨ੍ਹਾਂ ਦਾ ਪਹਿਲਾ ਸਟੂਡੀਓ ਐਲਬਮ "ਅਗਲੀ ਇਜ਼ ਬਿਊਟੀਫੁਲ" 2020 ਵਿੱਚ ਆਇਆ, ਜਿਸ ਨੂੰ ਦਰਸ਼ਕਾਂ ਨੇ ਬਹੁਤ ਪਸੰਦ ਕੀਤਾ। ਇਸ ਤੋਂ ਬਾਅਦ 2021 ਵਿੱਚ ਉਨ੍ਹਾਂ ਦਾ ਗੀਤ "ਲਾਈਫ ਗੋਜ਼ ਓਨ" ਅਤੇ 2022 ਵਿੱਚ "ਮਿਸ ਯੂ" ਦੁਨੀਆ ਭਰ ਵਿੱਚ ਸੁਪਰਹਿੱਟ ਸਾਬਤ ਹੋਏ।

ਇੰਸਟਾਗ੍ਰਾਮ 3.3 ਮਿਲੀਅਨ ਫਾਲੋਆਰਜ਼

ਓਲੀਵਰ ਟ੍ਰੀ ਦੀ ਇੰਸਟਾਗ੍ਰਾਮ 'ਤੇ ਬਹੁਤ ਤਕੜੀ ਫੈਨ ਫਾਲੋਇੰਗ ਸੀ। ਇਸ ਮਸ਼ਹੂਰ ਸੰਗੀਤਕਾਰ ਨੇ ਹਾਲ ਹੀ ਵਿੱਚ 6 ਜੂਨ ਨੂੰ ਸਾਓ ਪਾਓਲੋ ਵਿੱਚ ਪਰਫਾਰਮ ਕੀਤਾ ਸੀ ਅਤੇ 1 ਜੁਲਾਈ ਨੂੰ ਪੁਰਤਗਾਲ ਦੇ ਲਿਸਬਨ ਵਿੱਚ ਇੱਕ ਕੰਸਰਟ ਨਾਲ ਆਪਣੇ ਟੂਰ ਨੂੰ ਜਾਰੀ ਰੱਖਣ ਵਾਲੇ ਸਨ। ਇਸ ਤੋਂ ਇਲਾਵਾ ਸਪੇਨ, ਆਸਟ੍ਰੀਆ, ਅਮਰੀਕਾ ਅਤੇ ਚੀਨ ਵਿੱਚ ਵੀ ਉਨ੍ਹਾਂ ਦੇ ਕਈ ਸ਼ੋਅ ਹੋਣੇ ਸਨ। ਓਲੀਵਰ ਟ੍ਰੀ ਪੌਪ ਅਤੇ ਇਲੈਕਟ੍ਰਾਨਿਕ ਸੰਗੀਤ ਦੇ ਨਾਲ ਅਲਟਰਨੇਟਿਵ ਸੰਗੀਤ ਨੂੰ ਮਿਲਾਉਣ ਲਈ ਜਾਣੇ ਜਾਂਦੇ ਸਨ। ਉਨ੍ਹਾਂ ਨੂੰ ‘ਲਾਈਫ ਗੋਜ਼ ਓਨ’ ਅਤੇ ‘ਮਿਸ ਯੂ’ ਵਰਗੇ ਗੀਤਾਂ ਨਾਲ ਦੁਨੀਆ ਭਰ ਵਿੱਚ ਬਹੁਤ ਪ੍ਰਸਿੱਧੀ ਮਿਲੀ ਅਤੇ ਸਮੇਂ ਦੇ ਨਾਲ ਉਨ੍ਹਾਂ ਨੇ ਬਹੁਤ ਵੱਡਾ ਅੰਤਰਰਾਸ਼ਟਰੀ ਪ੍ਰਸ਼ੰਸਕ ਵਰਗ ਬਣਾ ਲਿਆ ਸੀ।

View this post on Instagram

A post shared by Oliver Tree (@olivertree)

ਮਸ਼ਹੂਰ ਯੂਟਿਊਬਰ ਨੇ ਵੀ ਤੋੜਿਆ ਦਮ

ਅਰਜਨਟੀਨਾ ਦੇ ਮਸ਼ਹੂਰ ਯੂਟਿਊਬਰ ਅਤੇ ਕਾਮੇਡੀਅਨ ਗੈਸਪਰ ਪ੍ਰਿਮ (ਗੈਸਪੀ) 23 ਸਾਲ ਦੇ ਸਨ। ਉਹ ਸੜਕਾਂ 'ਤੇ ਅਣਜਾਣ ਲੋਕਾਂ ਤੋਂ ਮਜ਼ਾਕੀਆ, ਅਜੀਬ ਅਤੇ ਵਿਵਾਦਿਤ ਸਵਾਲ ਪੁੱਛਣ (ਸਟ੍ਰੀਟ ਇੰਟਰਵਿਊ) ਲਈ ਜਾਣੇ ਜਾਂਦੇ ਸਨ। ਯੂਟਿਊਬ 'ਤੇ ਉਨ੍ਹਾਂ ਦੇ 25 ਲੱਖ (2.5 ਮਿਲੀਅਨ) ਤੋਂ ਵੱਧ ਸਬਸਕ੍ਰਾਈਬਰ ਸਨ।

ਇਸ ਹਾਦਸੇ ਦੇ ਵਿੱਚ ਕਈ ਨਾਮੀ ਹਸਤੀਆਂ ਇਸ ਫਾਨੀ ਸੰਸਾਰ ਤੋਂ ਰੁਖਸਤ ਹੋ ਗਈਆਂ ਹਨ। ਇੰਨੀ ਛੋਟੀ ਉਮਰ ਦੇ ਵਿੱਚ ਚੱਲੇ ਜਾਣ ਕਰਕੇ ਉਨ੍ਹਾਂ ਦੇ ਫੈਨਜ਼ ਨਿਰਾਸ਼ ਅਤੇ ਉਦਾਸ ਹਨ। ਅਜਿਹੇ ਕਲਾਕਾਰਾਂ ਦਾ ਇਸ ਜੱਗ ਤੋਂ ਰੁਖਸਤ ਹੋਣਾ ਕਲਾ ਜਗਤ ਲਈ ਵੱਡਾ ਘਾਟਾ ਹੈ।

ਸਿੱਧੂ ਮੂਸੇਵਾਲਾ ਦੇ ਜਨਮਦਿਨ ਮੌਕੇ ਭਾਵੁਕ ਹੋਏ ਮਾਪੇ; ਪਿਤਾ ਨੇ ਲਿਖਿਆ ‘ਮੇਰਾ ਪੁੱਤ ਅੱਜ ਵੀ ਲੋਕਾਂ ਦੇ ਦਿਲਾਂ ‘ਚ ਜਿਉਂਦਾ ਹੈ’

Thu, 11 Jun 2026 12:27:13 +0530

ਮਰਹੂਮ ਪੰਜਾਬੀ ਗਾਇਕ ਸ਼ੁਭਦੀਪ ਸਿੰਘ ਸਿੱਧੂ ਉਰਫ ਸਿੱਧੂ ਮੂਸੇਵਾਲਾ ਦਾ ਅੱਜ ਜਨਮਦਿਨ ਹੈ। ਇਸ ਖਾਸ ਮੌਕੇ 'ਤੇ ਉਨ੍ਹਾਂ ਦੇ ਮਾਪੇ ਭਾਵੁਕ ਹੁੰਦੇ ਹੋਏ ਨਜ਼ਰ ਆਏ। ਪਿਤਾ ਬਲਕੌਰ ਸਿੰਘ ਨੇ ਆਪਣੇ ਪੁੱਤਰ ਨੂੰ ਯਾਦ ਕਰਦਿਆਂ ਸੋਸ਼ਲ ਮੀਡੀਆ 'ਤੇ ਇੱਕ ਬਹੁਤ ਹੀ ਭਾਵੁਕ ਪੋਸਟ ਸਾਂਝੀ ਕੀਤੀ ਹੈ।

ਪਿਤਾ ਬਲਕੌਰ ਸਿੰਘ ਹੋਏ ਭਾਵੁਕ

ਬਲਕੌਰ ਸਿੰਘ ਨੇ ਲਿਖਿਆ ਕਿ ਅੱਜ ਉਨ੍ਹਾਂ ਦੇ ਪੁੱਤਰ ਦਾ ਚੌਥਾ ਜਨਮਦਿਨ ਹੈ, ਪਰ ਉਸਦੇ ਬਿਨਾਂ ਇਹ ਸਮਾਂ ਬਹੁਤ ਔਖਾ ਹੈ। ਉਨ੍ਹਾਂ ਕਿਹਾ, "ਚਾਰ ਸਾਲ ਪਹਿਲਾਂ ਜਦੋਂ ਤੂੰ ਦੂਰ ਹੋਇਆ ਸੀ, ਲੱਗਿਆ ਸੀ ਮੇਰੀ ਦੁਨੀਆ ਵੀ ਉੱਥੇ ਹੀ ਰੁਕ ਗਈ। ਸਮੇਂ ਨੇ ਇਹ ਤਾਂ ਸਿਖਾ ਦਿੱਤਾ ਕਿ ਚਲਦਾ ਰਹਿਣਾ ਹੈ, ਪਰ ਤੇਰੀ ਕਮੀ ਨਾਲ ਸਮਝੌਤਾ ਕਦੇ ਨਹੀਂ ਹੋਇਆ।"

ਪਿਤਾ ਬਲਕੌਰ ਸਿੰਘ ਨੇ ਅੱਗੇ ਕਿਹਾ ਕਿ ਕਈਆਂ ਨੇ ਸੋਚਿਆ ਸੀ ਕਿ ਸਮੇਂ ਨਾਲ ਲੋਕ ਸਿੱਧੂ ਨੂੰ ਭੁੱਲ ਜਾਣਗੇ, ਪਰ ਲੋਕਾਂ ਦੇ ਪਿਆਰ ਨੇ ਹਰ ਵਾਰ ਉਨ੍ਹਾਂ ਨੂੰ ਗਲਤ ਸਾਬਤ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਜਿੱਥੇ ਵੀ ਉਹ ਸਿੱਧੂ ਦੇ ਨਾਮ, ਗੱਲਾਂ ਜਾਂ ਗਾਇਕੀ ਦਾ ਜ਼ਿਕਰ ਦੇਖਦੇ ਹਨ, ਉੱਥੇ ਮਹਿਸੂਸ ਹੁੰਦਾ ਹੈ ਕਿ ਉਨ੍ਹਾਂ ਦਾ ਪੁੱਤ ਅੱਜ ਵੀ ਲੋਕਾਂ ਦੇ ਦਿਲਾਂ ਵਿੱਚ ਜਿਉਂਦਾ ਹੈ। ਅੰਤ ਵਿੱਚ ਉਨ੍ਹਾਂ ਆਪਣੇ ਪੁੱਤਰ ਨੂੰ 'ਸ਼ੇਰ ਪੁੱਤ' ਕਹਿੰਦੇ ਹੋਏ ਜਨਮਦਿਨ ਦੀ ਵਧਾਈ ਦਿੱਤੀ ਅਤੇ ਲਿਖਿਆ ਕਿ ਰੱਬ ਨੇ ਉਨ੍ਹਾਂ ਨੂੰ ਉਸਦੇ ਬਿਨਾਂ ਜੀਣਾ ਤਾਂ ਸਿਖਾ ਦਿੱਤਾ ਹੈ, ਪਰ ਭੁੱਲਣਾ ਮੁਮਕਿਨ ਨਹੀਂ।

View this post on Instagram

A post shared by Balkaur Singh (@sardarbalkaursidhu)

ਮਾਂ ਨੇ ਲਿਖਿਆ-'ਚਾਰ ਸਾਲਾਂ ਵਿੱਚ ਬਹੁਤ ਕੁਝ ਬਦਲ ਗਿਆ, ਪਰ ਇੱਕ ਚੀਜ਼ ਨਹੀਂ ਬਦਲੀ—ਤੇਰੀ ਉਡੀਕ'

ਉੱਧਰ ਸਿੱਧੂ ਦੇ ਮਾਤਾ ਚਰਨ ਕੌਰ ਨੇ ਵੀ ਆਪਣੇ ਪੁੱਤਰ ਨੂੰ ਜਨਮਦਿਨ ਦੀ ਵਧਾਈ ਦਿੰਦੇ ਹੋਏ ਆਪਣੇ ਦਿਲ ਦੇ ਜ਼ਜ਼ਬਾਤਾਂ ਨੂੰ ਬਿਆਨ ਕੀਤਾ ਹੈ। ਉਨ੍ਹਾਂ ਦੀ ਪੋਸਟ ਰਾਹੀਂ ਇੱਕ ਮਾਂ ਦਾ ਆਪਣੇ ਪੁੱਤ ਦਾ ਇੰਝ ਇਸ ਸੰਸਾਰ ਤੋਂ ਚਲੇ ਜਾਣ ਦਾ ਦੁੱਖ ਬਿਆਨ ਕੀਤਾ ਹੈ।

ਉਨ੍ਹਾਂ ਨੇ ਆਪਣੇ ਪੁੱਤਰ ਨਾਲ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ ਉੱਤੇ ਲਿਖਿਆ ਹੈ- ‘’ਬੇਟਾ ❤️ ਅੱਜ ਤੇਰਾ ਚੌਥਾ ਜਨਮਦਿਨ ਹੈ ਤੇਰੇ ਬਿਨਾਂ, ਚਾਰ ਸਾਲਾਂ ਵਿੱਚ ਬਹੁਤ ਕੁਝ ਬਦਲ ਗਿਆ, ਪਰ ਇੱਕ ਚੀਜ਼ ਨਹੀਂ ਬਦਲੀ—ਤੇਰੀ ਉਡੀਕ।’’

ਉਨ੍ਹਾਂ ਨੇ ਅੱਗੇ ਲਿਖਿਆ- ‘ਮੈਂ ਅੱਜ ਵੀ ਕਈ ਵਾਰੀ ਤੇਰੇ ਕਮਰੇ ਕੋਲੋਂ ਲੰਘਦਿਆਂ ਇਹ ਸੋਚ ਲੈਂਦੀ ਹਾਂ ਕਿ ਤੂੰ ਹੁਣੇ ਦਰਵਾਜ਼ਾ ਖੋਲ੍ਹ ਕੇ ਬਾਹਰ ਆ ਜਾਵੇਂਗਾ। ਅੱਜ ਵੀ ਕੋਈ ਖੁਸ਼ੀ ਗਮੀ ਦਾ ਸਮਾਂ ਸਾਡੇ ਤੇ ਆਉਂਦਾ ਤਾਂ ਸਭ ਤੋਂ ਪਹਿਲਾਂ ਖਿਆਲ ਤੇਰਾ ਹੀ ਆਉਂਦਾ।

ਲੋਕਾਂ ਲਈ ਤੂੰ ਇੱਕ ਵੱਡਾ ਨਾਮ ਹੈ, ਪਰ ਮੇਰੇ ਲਈ ਤੂੰ ਅੱਜ ਵੀ ਉਹੀ ਬੱਚਾ ਹੈ ਜਿਸਨੂੰ ਮੈਂ ਆਪਣੀਆਂ ਬਾਹਾਂ ਵਿੱਚ ਚੁੱਕਿਆ ਸੀ। ਤੇਰੀ ਕਮੀ ਹਰ ਰੋਜ਼ ਮਹਿਸੂਸ ਹੁੰਦੀ ਹੈ, ਪਰ ਤੇਰੇ ਉੱਤੇ ਮਾਣ ਵੀ ਹਰ ਰੋਜ਼ ਵੱਧਦਾ ਹੈ।

ਜਨਮਦਿਨ ਮੁਬਾਰਕ ਮੇਰੇ ਸ਼ੇਰ, ਤੇਰੀ ਮਾਂ ਅੱਜ ਵੀ ਤੈਨੂੰ ਓਨਾ ਹੀ ਪਿਆਰ ਕਰਦੀ ਹੈ ਜਿੰਨਾ ਉਸ ਦਿਨ ਕਰਦੀ ਸੀ ਜਦੋਂ ਤੈਨੂੰ ਪਹਿਲੀ ਵਾਰ ਆਪਣੀ ਗੋਦ ਵਿੱਚ ਲਿਆ ਸੀ। ❤️

~ ਮਾਂ’

View this post on Instagram

A post shared by Charan Kaur (@charan_kaur5911)

ਸਿੱਧੂ ਮੂਸੇਵਾਲਾ ਦੇ ਪ੍ਰਸ਼ੰਸਕ ਅੱਜ ਵੀ ਉਨ੍ਹਾਂ ਦੇ ਜਨਮਦਿਨ 'ਤੇ ਸੋਸ਼ਲ ਮੀਡੀਆ ਰਾਹੀਂ ਆਪਣਾ ਪਿਆਰ ਪ੍ਰਗਟ ਕਰ ਰਹੇ ਹਨ ਅਤੇ ਉਨ੍ਹਾਂ ਦੀਆਂ ਯਾਦਾਂ ਨੂੰ ਤਾਜ਼ਾ ਕਰ ਰਹੇ ਹਨ।

ਗੁਰੂ ਰੰਧਾਵਾ ਦੇ ਜਿੰਮ ਦੇ ਬਾਹਰ ਚੱਲੀਆਂ ਤਾਬੜ-ਤੋੜ ਗੋਲੀਆਂ, ਲਾਰੈਂਸ ਗੈਂਗ ਨੇ ਲਈ ਜ਼ਿੰਮੇਵਾਰੀ, ਇਲਾਕੇ ‘ਚ ਫੈਲੀ ਦਹਿਸ਼ਤ

Thu, 11 Jun 2026 10:26:45 +0530

ਦਿੱਲੀ ਦੇ ਪੱਛਮੀ ਵਿਹਾਰ ਇਲਾਕੇ ਵਿੱਚ ਵੀਰਵਾਰ ਤੜਕੇ ਇੱਕ ਜਿੰਮ ਦੇ ਬਾਹਰ ਮੋਟਰਸਾਈਕਲ ਸਵਾਰ ਦੋ ਬਦਮਾਸ਼ਾਂ ਨੇ ਤਾਬੜਤੋੜ ਗੋਲੀਬਾਰੀ ਕੀਤੀ। ਪੁਲਿਸ ਸੂਤਰਾਂ ਅਨੁਸਾਰ, ਇਹ ਜਿੰਮ ਦਿੱਲੀ ਦੇ ਰਾਜੌਰੀ ਗਾਰਡਨ ਦੇ ਰਹਿਣ ਵਾਲੇ ਦੋ ਕਾਰੋਬਾਰੀਆਂ ਦਾ ਹੈ, ਜਿਸਦੇ ਬ੍ਰਾਂਡ ਅੰਬੈਸਡਰ ਮਸ਼ਹੂਰ ਪੰਜਾਬੀ ਗਾਇਕ ਗੁਰੂ ਰੰਧਾਵਾ ਹਨ।

ਇਸ ਘਟਨਾ ਵਿੱਚ ਕੋਈ ਜ਼ਖਮੀ ਤਾਂ ਨਹੀਂ ਹੋਇਆ, ਪਰ ਇਸ ਵਾਰਦਾਤ ਤੋਂ ਬਾਅਦ ਇਲਾਕੇ ਵਿੱਚ ਦਹਿਸ਼ਤ ਦਾ ਮਾਹੌਲ ਹੈ। ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਸ਼ੇਅਰ ਕਰਕੇ ਬਦਨਾਮ ਲਾਰੈਂਸ ਗੈਂਗ ਨੇ ਇਸ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ। ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਫਿਰੌਤੀ (extortion), ਗੈਂਗਵਾਰ ਅਤੇ ਆਪਸੀ ਰੰਜਿਸ਼ ਸਮੇਤ ਸਾਰੇ ਪਹਿਲੂਆਂ ਤੋਂ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਹਮਲਾਵਰਾਂ ਨੇ ਜਿੰਮ 'ਤੇ ਘੱਟੋ-ਘੱਟ 7 ਰਾਊਂਡ ਫਾਇਰਿੰਗ ਕੀਤੀ ਅਤੇ ਵਾਰਦਾਤ ਨੂੰ ਅੰਜਾਮ ਦੇ ਕੇ ਮੌਕੇ ਤੋਂ ਫਰਾਰ ਹੋ ਗਏ। ਗ਼ਨੀਮਤ ਇਹ ਰਹੀ ਕਿ ਇਹ ਹਮਲਾ ਸਵੇਰੇ ਤੜਕੇ ਹੋਇਆ, ਜਦੋਂ ਜਿੰਮ ਬੰਦ ਸੀ ਅਤੇ ਉੱਥੇ ਕੋਈ ਮੌਜੂਦ ਨਹੀਂ ਸੀ। ਇਸ ਕਾਰਨ ਇਸ ਘਟਨਾ ਵਿੱਚ ਕਿਸੇ ਦੇ ਜ਼ਖਮੀ ਹੋਣ ਜਾਂ ਕੋਈ ਵੱਡਾ ਨੁਕਸਾਨ ਹੋਣ ਦੀ ਖਬਰ ਨਹੀਂ ਹੈ।

ਕੇਅਰਟੇਕਰ ਦੇ ਪਹੁੰਚਣ 'ਤੇ ਹੋਇਆ ਖੁਲਾਸਾ

ਇਸ ਘਟਨਾ ਦਾ ਪਤਾ ਉਦੋਂ ਲੱਗਿਆ ਜਦੋਂ ਸਵੇਰੇ ਕਰੀਬ ਸਵਾ 5 ਵਜੇ ਜਿੰਮ ਦਾ ਕੇਅਰਟੇਕਰ ਉੱਥੇ ਪਹੁੰਚਿਆ। ਜਿੰਮ ਦੇ ਸ਼ੀਸ਼ੇ ਟੁੱਟੇ ਦੇਖ ਕੇ ਅਤੇ ਗੋਲੀਆਂ ਦੇ ਨਿਸ਼ਾਨ ਪਾ ਕੇ ਉਸਨੇ ਤੁਰੰਤ ਪੁਲਿਸ ਨੂੰ ਸੂਚਨਾ ਦਿੱਤੀ। ਸੂਚਨਾ ਮਿਲਦੇ ਹੀ ਦਿੱਲੀ ਪੁਲਿਸ ਦੇ ਉੱਚ ਅਧਿਕਾਰੀ ਅਤੇ ਸਥਾਨਕ ਪੁਲਿਸ ਦੀ ਟੀਮ ਮੌਕੇ 'ਤੇ ਪਹੁੰਚ ਗਈ।

CCTV ਕੈਮਰਿਆਂ ਨੂੰ ਖੰਗਾਲਿਆ ਜਾ ਰਿਹਾ

ਜਾਂਚ ਲਈ ਤੁਰੰਤ ਫੋਰੈਂਸਿਕ ਟੀਮ (FSL) ਨੂੰ ਵੀ ਮੌਕੇ 'ਤੇ ਬੁਲਾਇਆ ਗਿਆ। ਫੋਰੈਂਸਿਕ ਮਾਹਿਰਾਂ ਨੇ ਘਟਨਾ ਸਥਾਨ ਤੋਂ ਖਾਲੀ ਕਾਰਤੂਸ ਅਤੇ ਹੋਰ ਵਿਗਿਆਨਕ ਸਬੂਤ ਇਕੱਠੇ ਕੀਤੇ ਹਨ। ਪੁਲਿਸ ਹਮਲਾਵਰਾਂ ਦੀ ਪਛਾਣ ਕਰਨ ਲਈ ਜਿੰਮ ਦੇ ਆਸ-ਪਾਸ ਅਤੇ ਉਨ੍ਹਾਂ ਦੇ ਭੱਜਣ ਵਾਲੇ ਰਸਤਿਆਂ 'ਤੇ ਲੱਗੇ ਸੀਸੀਟੀਵੀ (CCTV) ਕੈਮਰਿਆਂ ਦੀ ਫੁਟੇਜ ਦੀ ਜਾਂਚ ਕਰ ਰਹੀ ਹੈ।

ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਜਿਸ ਫਿਟਨੈੱਸ ਸੈਂਟਰ 'ਤੇ ਹਮਲਾ ਹੋਇਆ ਹੈ, ਉਸ ਦੇ ਮਾਲਕ ਰਾਜੌਰੀ ਗਾਰਡਨ ਦੇ ਰਹਿਣ ਵਾਲੇ ਦੋ ਕਾਰੋਬਾਰੀ ਹਨ। ਇਸ ਦੇ ਨਾਲ ਹੀ, ਮਸ਼ਹੂਰ ਪੰਜਾਬੀ ਗਾਇਕ ਗੁਰੂ ਰੰਧਾਵਾ ਇਸ ਜਿੰਮ ਦੇ ਬ੍ਰਾਂਡ ਅੰਬੈਸਡਰ ਹਨ। ਇਹੀ ਕਾਰਨ ਹੈ ਕਿ ਇਸ ਹਮਲੇ ਨੂੰ ਬਹੁਤ ਗੰਭੀਰਤਾ ਨਾਲ ਲਿਆ ਜਾ ਰਿਹਾ ਹੈ।

ਵਾਰਦਾਤ ਦੇ ਕੁਝ ਹੀ ਦੇਰ ਬਾਅਦ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਵਾਇਰਲ ਹੋਣ ਲੱਗੀ। ਇਸ ਪੋਸਟ ਵਿੱਚ ਲਾਰੈਂਸ ਗੈਂਗ ਨਾਲ ਜੁੜੇ 'ਅਨਿਲ ਪੰਡਿਤ ਗਰੁੱਪ' ਨੇ ਕਥਿਤ ਤੌਰ 'ਤੇ ਇਸ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ। ਇਸ ਦਾਅਵੇ ਤੋਂ ਬਾਅਦ ਪੁਲਿਸ ਅਤੇ ਸੁਰੱਖਿਆ ਏਜੰਸੀਆਂ ਪੂਰੀ ਤਰ੍ਹਾਂ ਚੌਕਸ ਹੋ ਗਈਆਂ ਹਨ।

ਫਿਰੌਤੀ ਅਤੇ ਆਪਸੀ ਰੰਜਿਸ਼ ਦੇ ਐਂਗਲ ਤੋਂ ਜਾਂਚ ਸ਼ੁਰੂ

ਦਿੱਲੀ ਪੁਲਿਸ ਦੇ ਅਧਿਕਾਰੀਆਂ ਅਨੁਸਾਰ, ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕਰਨ ਲਈ ਕਈ ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ। ਪੁਲਿਸ ਇਸ ਘਟਨਾ ਨੂੰ ਫਿਰੌਤੀ (Extortion), ਗੈਂਗਸਟਰਾਂ ਦੀ ਆਪਸੀ ਰੰਜਿਸ਼ ਅਤੇ ਜਿੰਮ ਦੇ ਮਾਲਕਾਂ ਦੀ ਕਿਸੇ ਨਿੱਜੀ ਦੁਸ਼ਮਣੀ ਦੇ ਪਹਿਲੂਆਂ ਤੋਂ ਜੋੜ ਕੇ ਦੇਖ ਰਹੀ ਹੈ। ਪੁਲਿਸ ਨੇ ਸਬੰਧਤ ਧਾਰਾਵਾਂ ਤਹਿਤ ਕੇਸ ਦਰਜ ਕਰ ਲਿਆ ਹੈ ਅਤੇ ਮੁਲਜ਼ਮਾਂ ਦੀ ਭਾਲ ਵਿੱਚ ਵੱਖ-ਵੱਖ ਥਾਵਾਂ 'ਤੇ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।

ਸੋਸ਼ਲ ਮੀਡੀਆ 'ਤੇ ਵਾਇਰਲ ਪੋਸਟ ਵਿੱਚ ਕੀ ਲਿਖਿਆ ਹੈ...

ਘਟਨਾ ਤੋਂ ਬਾਅਦ ਵਾਇਰਲ ਹੋਈ ਪੋਸਟ ਵਿੱਚ ਲਿਖਿਆ ਹੈ- "ਜੈ ਮਹਾਕਾਲ, ਜੈ ਸ਼੍ਰੀ ਰਾਮ, ਰਾਮ-ਰਾਮ ਸਾਰੇ ਭਰਾਵਾਂ ਨੂੰ। ਅੱਜ ਦਿੱਲੀ ਵਿੱਚ '24HS FITNESS' ਜਿੰਮ (ਗੁਰੂ ਰੰਧਾਵਾ ਦੇ ਜਿੰਮ) 'ਤੇ ਜੋ ਫਾਇਰਿੰਗ ਹੋਈ ਹੈ, ਉਹ ਮੈਂ ਅਨਿਲ ਪੰਡਿਤ USA ਅਤੇ ਲਾਰੈਂਸ ਗਰੁੱਪ ਨੇ ਕੀਤੀ ਹੈ।"

ਪੋਸਟ ਵਿੱਚ ਅੱਗੇ ਲਿਖਿਆ ਹੈ- "ਇਹ ਸਲਮਾਨ ਖਾਨ ਨਾਲ ਕੁਝ ਜ਼ਿਆਦਾ ਹੀ ਕਰੀਬੀ ਹੋ ਰਿਹਾ ਸੀ। ਅਸੀਂ ਇਸਨੂੰ ਪਹਿਲਾਂ ਵੀ ਸਮਝਾਇਆ ਸੀ ਕਿ ਉਸ ਤੋਂ ਦੂਰ ਰਹੋ, ਉਹ ਸਾਡਾ ਦੁਸ਼ਮਣ ਹੈ, ਪਰ ਇਸ ਨੂੰ ਸਮਝ ਨਹੀਂ ਆਈ। ਸਾਡੇ ਜਿੰਨੇ ਵੀ ਦੁਸ਼ਮਣ ਹਨ, ਉਹ ਭਾਵੇਂ ਕਿਸੇ ਵੀ ਕੋਨੇ ਵਿੱਚ ਲੁਕ ਜਾਣ, ਜਲਦੀ ਹੀ ਸਭ ਨਾਲ ਮੁਲਾਕਾਤ ਹੋਵੇਗੀ। ਵੇਟ ਐਂਡ ਵਾਚ (Wait and Watch)।"

ਪੋਸਟ ਦੇ ਅੰਤ ਵਿੱਚ ਇੱਕ ਨੋਟ ਲਿਖਿਆ ਗਿਆ ਹੈ- "ਅਤੇ ਜਿੰਨੇ ਵੀ ਇਹ ਦੇਸ਼ ਵਿਰੋਧੀ ਹਨ, ਜੋ ਦੇਸ਼ ਦੇ ਖਿਲਾਫ ਸਾਜ਼ਿਸ਼ਾਂ ਰਚਦੇ ਹਨ, ਦੁਨੀਆ ਦੇ ਕਿਸੇ ਵੀ ਕੋਨੇ ਵਿੱਚ ਲੁਕ ਜਾਣਾ, ਉੱਥੇ ਹੀ ਮਾਰਾਂਗੇ।"

ਅੰਤ ਵਿੱਚ ਸਲਾਮ ਸਾਹਿਦਾ ਨੂ, ਲਾਰੈਂਸ ਬਿਸ਼ਨੋਈ ਗਰੁੱਪ, ਜਤਿੰਦਰ ਗੋਗੀ ਮਾਨ ਗਰੁੱਪ, ਹੈਰੀ ਬਾਕਸਰ, ਆਰਜ਼ੂ ਬਿਸ਼ਨੋਈ, ਟਾਇਸਨ ਬਿਸ਼ਨੋਈ, ਸ਼ੁਭਮ ਲੋਂਕਰ, ਹਰਮਨ ਸੰਧੂ ਅਤੇ ਅੰਕਿਤ ਸੇਰਸਾ ਦਾ ਨਾਮ ਲਿਖਿਆ ਗਿਆ ਹੈ।

ਜੀਟੀਸੀ ਨਿਊਜ਼ ਇਸ ਵਾਇਰਲ ਹੋ ਰਹੀ ਇਸ ਪੋਸਟ ਦੀ ਪੁਸ਼ਟੀ ਨਹੀਂ ਕਰਦਾ ਹੈ।

ਮਿਊਜ਼ਿਕ ਜਗਤ ਤੋਂ ਦੁਖਦਾਇਕ ਖਬਰ! ਭਰੀ ਜਵਾਨੀ ‘ਚ ਗਾਇਕ ਦੀ ਹਾਰਟ ਅਟੈਕ ਨਾਲ ਮੌਤ, ਪਤਨੀ ਤੇ ਬੱਚਿਆਂ ਦਾ ਰੋ-ਰੋ ਬੁਰਾ ਹਾਲ…

Mon, 08 Jun 2026 14:53:31 +0530

ਮਨੋਰੰਜਨ ਜਗਤ ਤੋਂ ਬਹੁਤ ਹੀ ਦੁਖਦਾਇਕ ਭਰੀ ਖਬਰ ਸਾਹਮਣੇ ਆਈ ਹੈ। ਦੱਸ ਦਈਏ ਹਰਿਆਣਵੀ ਲੋਕ ਕਲਾਕਾਰ ਅਤੇ ਰਾਗਨੀ ਗਾਇਕ ਪੈਪਸੀ ਸ਼ਰਮਾ ਦਾ ਦਿਹਾਂਤ ਹੋ ਗਿਆ ਹੈ। ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਅਚਾਨਕ ਛਾਤੀ ਵਿੱਚ ਦਰਦ ਹੋਣ ਤੋਂ ਬਾਅਦ ਉਨ੍ਹਾਂ ਨੂੰ ਇੱਕ ਨਿੱਜੀ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ, ਜਿੱਥੇ ਇਲਾਜ ਦੌਰਾਨ ਉਨ੍ਹਾਂ ਦੀ ਮੌਤ ਹੋ ਗਈ। ਪੈਪਸੀ ਸ਼ਰਮਾ 38 ਸਾਲ ਦੇ ਸਨ ਅਤੇ ਉਨ੍ਹਾਂ ਦੇ ਪਰਿਵਾਰ ਵਿੱਚ ਇੱਕ 10 ਸਾਲ ਦੀ ਬੇਟੀ ਅਤੇ 7 ਸਾਲ ਦਾ ਬੇਟਾ ਹੈ। ਪਰਿਵਾਰ ਵਾਲਿਆਂ ਦਾ ਰੋ-ਰੋ ਬੁਰਾ ਹਾਲ ਹੋਇਆ ਪਿਆ ਹੈ। ਮਿਊਜ਼ਿਕ ਜਗਤ ਦੇ ਵਿੱਚ ਵੀ ਸੋਗ ਦੀ ਲਹਿਰ ਛਾ ਗਈ।

ਪੈਪਸੀ ਨਾਂਅ ਤੋਂ ਖੱਟੀ ਪ੍ਰਸਿੱਧੀ

ਉਨ੍ਹਾਂ ਦਾ ਅਸਲੀ ਨਾਂ ਯਸ਼ਪਾਲ ਸ਼ਰਮਾ ਸੀ, ਪਰ ਉਹ ਸਟੇਜ 'ਤੇ ਪੈਪਸੀ ਸ਼ਰਮਾ ਦੇ ਨਾਂ ਨਾਲ ਮਸ਼ਹੂਰ ਹੋਏ। ਉਹ ਮੂਲ ਰੂਪ ਵਿੱਚ ਗਾਜ਼ੀਆਬਾਦ ਦੇ ਪਤਲਾ ਪਿੰਡ ਦੇ ਰਹਿਣ ਵਾਲੇ ਸਨ। ਹਰਿਆਣਾ ਤੋਂ ਇਲਾਵਾ ਉਨ੍ਹਾਂ ਨੇ ਉੱਤਰ ਪ੍ਰਦੇਸ਼ ਅਤੇ ਦਿੱਲੀ ਐਨਸੀਆਰ ਵਿੱਚ ਸਟੇਜ ਪ੍ਰਦਰਸ਼ਨਾਂ ਰਾਹੀਂ ਆਪਣੀ ਇੱਕ ਖਾਸ ਪਛਾਣ ਬਣਾਈ ਸੀ। ਹਰਿਆਣਾ ਵਿੱਚ ਗਊਸ਼ਾਲਾਵਾਂ ਵਿੱਚ ਹੋਣ ਵਾਲੇ ਰਾਗਨੀ ਮੁਕਾਬਲਿਆਂ ਵਿੱਚ ਉਨ੍ਹਾਂ ਦੀ ਅਹਿਮ ਭੂਮਿਕਾ ਰਹਿੰਦੀ ਸੀ।

ਦਰਸ਼ਕਾਂ ਦੇ ਦਿਲਾਂ ‘ਤੇ ਕੀਤਾ ਰਾਜ

ਉਨ੍ਹਾਂ ਦੀ ਪਛਾਣ ਸਿਰਫ਼ ਇੱਕ ਗਾਇਕ ਵਜੋਂ ਹੀ ਨਹੀਂ, ਸਗੋਂ ਸਟੇਜ 'ਤੇ ਆਪਣੇ ਮਜ਼ਾਕੀਆ ਅੰਦਾਜ਼ ਅਤੇ ਕਾਮਿਕ ਟਾਈਮਿੰਗ ਲਈ ਵੀ ਸੀ। ਰਾਗਨੀ ਦੇ ਪ੍ਰੋਗਰਾਮਾਂ ਦੌਰਾਨ ਉਹ ਦਰਸ਼ਕਾਂ ਨੂੰ ਹਸਾਉਣ ਅਤੇ ਉਨ੍ਹਾਂ ਦਾ ਮਨੋਰੰਜਨ ਕਰਨ ਦੀ ਇੱਕ ਅਨੋਖੀ ਕਲਾ ਰੱਖਦੇ ਸਨ।

ਸਪਨਾ ਚੌਧਰੀ ਦੇ ਨਾਲ ਕਈ ਸਟੇਜਾਂ ਕੀਤੀਆਂ ਸਾਂਝੀਆਂ

ਮਸ਼ਹੂਰ ਹਰਿਆਣਵੀ ਸਟੇਜ ਪਰਫਾਰਮਰ ਸਪਨਾ ਚੌਧਰੀ ਨਾਲ ਉਨ੍ਹਾਂ ਦੇ ਕਈ ਪ੍ਰੋਗਰਾਮ ਹੋਏ। ਇੱਕ ਵਾਰ ਸਟੇਜ 'ਤੇ ਨਾਗਿਨ ਡਾਂਸ ਵਿੱਚ ਉਨ੍ਹਾਂ ਨੇ ਸਪਨਾ ਚੌਧਰੀ ਨੂੰ ਵੀ ਮਾਤ ਦੇ ਦਿੱਤੀ ਸੀ। ਇਸ ਵੀਡੀਓ ਨੂੰ ਇੱਕ ਮਿਊਜ਼ਿਕ ਕੰਪਨੀ ਨੇ ਰਿਲੀਜ਼ ਕੀਤਾ ਸੀ, ਜਿਸ ਨੂੰ 6 ਕਰੋੜ ਤੋਂ ਵੱਧ ਵਾਰ ਦੇਖਿਆ ਗਿਆ।

ਛੇ ਭਰਾਵਾਂ ਵਿੱਚ ਸਭ ਤੋਂ ਛੋਟੇ ਸਨ ਪੈਪਸੀ ਸ਼ਰਮਾ

ਮੂਲ ਰੂਪ ਵਿੱਚ ਉੱਤਰ ਪ੍ਰਦੇਸ਼ ਦੇ ਰਹਿਣ ਵਾਲੇ ਯਸ਼ਪਾਲ ਸ਼ਰਮਾ ਉਰਫ਼ ਪੈਪਸੀ ਸ਼ਰਮਾ ਛੇ ਭਰਾਵਾਂ ਵਿੱਚੋਂ ਸਭ ਤੋਂ ਛੋਟੇ ਸਨ। ਉਨ੍ਹਾਂ ਦਾ ਇੱਕ ਭਰਾ ਅਧਿਆਪਕ ਹੈ, ਜਦਕਿ ਬਾਕੀ ਭਰਾ ਵੱਖ-ਵੱਖ ਕਾਰੋਬਾਰਾਂ ਨਾਲ ਜੁੜੇ ਹੋਏ ਹਨ। ਪਰਿਵਾਰ ਦੇ ਨਾਲ ਰਹਿੰਦੇ ਹੋਏ ਵੀ ਉਨ੍ਹਾਂ ਨੇ ਸੰਗੀਤ ਦੀ ਦੁਨੀਆ ਵਿੱਚ ਆਪਣੀ ਵੱਖਰੀ ਪਛਾਣ ਬਣਾਈ ਅਤੇ ਹਰਿਆਣਵੀ ਲੋਕ ਸੱਭਿਆਚਾਰ ਨੂੰ ਅੱਗੇ ਵਧਾਉਣ ਵਿੱਚ ਵੱਡਾ ਯੋਗਦਾਨ ਪਾਇਆ।

ਬਚਪਨ ਤੋਂ ਹੀ ਗਾਇਕੀ ਅਤੇ ਹਰਿਆਣਵੀ ਸੱਭਿਆਚਾਰ ਨਾਲ ਸੀ ਲਗਾਅ

ਪੈਪਸੀ ਸ਼ਰਮਾ ਨੂੰ ਬਚਪਨ ਤੋਂ ਹੀ ਗਾਉਣ ਦਾ ਸ਼ੌਕ ਸੀ। ਉੱਤਰ ਪ੍ਰਦੇਸ਼ ਦੇ ਹੋਣ ਦੇ ਬਾਵਜੂਦ ਉਨ੍ਹਾਂ ਨੂੰ ਖਾਸ ਤੌਰ 'ਤੇ ਹਰਿਆਣਵੀ ਗੀਤਾਂ ਅਤੇ ਲੋਕ ਸੱਭਿਆਚਾਰ ਨਾਲ ਡੂੰਘਾ ਲਗਾਅ ਸੀ। ਇਹੀ ਕਾਰਨ ਸੀ ਕਿ ਉਨ੍ਹਾਂ ਨੇ ਆਪਣੇ ਜ਼ਿਆਦਾਤਰ ਗੀਤ ਅਤੇ ਪੇਸ਼ਕਾਰੀਆਂ ਹਰਿਆਣਵੀ ਭਾਸ਼ਾ ਵਿੱਚ ਦਿੱਤੀਆਂ। ਆਪਣੀ ਦਮਦਾਰ ਆਵਾਜ਼ ਅਤੇ ਰਵਾਇਤੀ ਰਾਗਨੀਆਂ ਕਾਰਨ ਉਹ ਹਰਿਆਣਾ ਦੇ ਲੋਕ ਸੰਗੀਤ ਪ੍ਰੇਮੀਆਂ ਵਿੱਚ ਇੱਕ ਬਹੁਤ ਹੀ ਮਕਬੂਲ ਨਾਂ ਬਣ ਗਏ ਸਨ।

ਘਰਦਿਆਂ ਨੂੰ ਦੱਸੇ ਬਿਨਾਂ ਸ਼ੁਰੂ ਕੀਤਾ ਸੀ ਗਾਉਣਾ, ਟੀਵੀ ਤੋਂ ਲੱਗੀ ਸੀ ਖ਼ਬਰ

ਪੈਪਸੀ ਸ਼ਰਮਾ ਦੇ ਭਰਾ ਨੇ ਦੱਸਿਆ ਕਿ ਕਰੀਬ 20 ਸਾਲ ਪਹਿਲਾਂ ਪੈਪਸੀ ਨੇ ਪਰਿਵਾਰ ਨੂੰ ਦੱਸੇ ਬਿਨਾਂ ਗਾਉਣਾ ਸ਼ੁਰੂ ਕਰ ਦਿੱਤਾ ਸੀ। ਜਦੋਂ ਪਹਿਲੀ ਵਾਰ ਉਨ੍ਹਾਂ ਦਾ ਪ੍ਰੋਗਰਾਮ ਟੈਲੀਵਿਜ਼ਨ 'ਤੇ ਪ੍ਰਸਾਰਿਤ ਹੋਇਆ, ਤਾਂ ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਨੂੰ ਲੋਕਾਂ ਰਾਹੀਂ ਇਸ ਬਾਰੇ ਪਤਾ ਲੱਗਾ। ਉਦੋਂ ਤੱਕ ਯਸ਼ਪਾਲ ਸ਼ਰਮਾ ਹਰਿਆਣਵੀ ਗਾਇਕ ਵਜੋਂ ਆਪਣੀ ਪਛਾਣ ਬਣਾ ਚੁੱਕੇ ਸਨ।

'ਪਤਲਾ ਦੁਪੱਟਾ ਤੇਰਾ ਮੂੰਹ ਦਿਖਯੈ' ਗੀਤ ਨਾਲ ਹੋਏ ਮਸ਼ਹੂਰ

ਪੈਪਸੀ ਸ਼ਰਮਾ ਨੇ ਹਰਿਆਣਵੀ ਸੰਗੀਤ ਜਗਤ ਦੇ ਕਈ ਪ੍ਰਸਿੱਧ ਕਲਾਕਾਰਾਂ ਨਾਲ ਲੰਬੇ ਸਮੇਂ ਤੱਕ ਕੰਮ ਕੀਤਾ। ਉਨ੍ਹਾਂ ਨੇ ਹਰਿਆਣਵੀ ਡਾਂਸਰ ਅਤੇ ਗਾਇਕਾ ਸਪਨਾ ਚੌਧਰੀ ਨਾਲ ਕਈ ਲਾਈਵ ਸਟੇਜ ਸ਼ੋਅ ਕੀਤੇ, ਜਦਕਿ ਹਰਿਆਣਵੀ ਗਾਇਕਾ ਰਾਜਬਾਲਾ ਨਾਲ ਵੀ ਕਈ ਰਾਗਨੀਆਂ ਅਤੇ ਸੱਭਿਆਚਾਰਕ ਪ੍ਰੋਗਰਾਮਾਂ ਵਿੱਚ ਆਪਣੀ ਗਾਇਕੀ ਦਾ ਜਾਦੂ ਬਿਖੇਰਿਆ।

ਪੈਪਸੀ ਸ਼ਰਮਾ ਦੀਆਂ ਕਈ ਰਾਗਨੀਆਂ ਨੂੰ ਲੋਕਾਂ ਨੇ ਬਹੁਤ ਪਸੰਦ ਕੀਤਾ। ਖਾਸ ਤੌਰ 'ਤੇ 'ਪਤਲਾ ਦੁਪੱਟਾ ਤੇਰਾ ਮੂੰਹ ਦਿਖਯੈ' ਗੀਤ ਬਹੁਤ ਹਿੱਟ ਰਿਹਾ ਸੀ। ਇਸ ਰਾਗਨੀ 'ਤੇ ਸਪਨਾ ਚੌਧਰੀ ਨੇ ਕਈ ਸਟੇਜਾਂ 'ਤੇ ਡਾਂਸ ਪਰਫਾਰਮੈਂਸ ਦਿੱਤੀ ਸੀ, ਜਿਸ ਨੂੰ 15 ਮਿਲੀਅਨ (ਡੇਢ ਕਰੋੜ) ਤੋਂ ਵੱਧ ਵਾਰ ਦੇਖਿਆ ਗਿਆ ਸੀ।

ਪੰਜਾਬੀ ਸਿਨੇਮਾ ਨੂੰ ਵੱਡਾ ਘਾਟਾ! ਖੁੱਲ੍ਹਾ ਨਾਲਾ ਬਣਿਆ ‘ਕਾਲ’, ਪੰਜਾਬੀ ਅਦਾਕਾਰਾ ਦੇ ਪਤੀ ਦੀ ਇੰਝ ਗਈ ਜਾਨ…ਪਰ ਜਾਂਦੇ-ਜਾਂਦੇ ਵੀ ਕਰ ਗਏ ਇਹ ਨੇਕ ਕੰਮ

Fri, 05 Jun 2026 14:25:03 +0530

ਵਰਿਸ਼ਠ ਪੱਤਰਕਾਰ ਅਤੇ ਸਿੱਖਿਆ ਸ਼ਾਸਤਰੀ ਸਵਰਨ ਸਿੰਘ ਭੰਗੂ ਦਾ ਵੀਰਵਾਰ ਨੂੰ ਸ੍ਰੀ ਚਮਕੌਰ ਸਾਹਿਬ ਵਿਖੇ ਦਿਹਾਂਤ ਹੋ ਗਿਆ। ਉਹ ਪ੍ਰਸਿੱਧ ਪੰਜਾਬੀ ਅਦਾਕਾਰਾ ਗੁਰਪ੍ਰੀਤ ਕੌਰ ਭੰਗੂ ਦੇ ਪਤੀ ਸਨ। ਪਰਿਵਾਰ ਅਤੇ ਹੋਰਾਂ ਵੱਲੋਂ ਪ੍ਰਸ਼ਾਸਨ ਅਤੇ ਨਗਰ ਪੰਚਾਇਤ 'ਤੇ ਲਾਪਰਵਾਹੀ ਦੇ ਗੰਭੀਰ ਦੋਸ਼ ਲਗਾਏ ਗਏ ਹਨ, ਜਿਸ ਕਾਰਨ ਇਹ ਦੁਖਦਾਈ ਹਾਦਸਾ ਵਾਪਰਿਆ। ਉਹਨਾਂ ਨੇ ਆਪਣੀ ਮੌਤ ਤੋਂ ਬਾਅਦ ਆਪਣੀ ਮ੍ਰਿਤਕ ਦੇਹ ਪੀ.ਜੀ.ਆਈ. ਚੰਡੀਗੜ੍ਹ ਨੂੰ ਦਾਨ ਕਰਨ ਦਾ ਨੇਕ ਫੈਸਲਾ ਲਿਆ ਸੀ।

ਇੰਝ ਵਾਪਰਿਆ ਦਰਦਨਾਕ ਹਾਦਸਾ

ਇਸ ਘਟਨਾ ਦੇ ਵੇਰਵੇ ਅਨੁਸਾਰ, ਰਾਤ ਦੇ ਹਨੇਰੇ ਵਿੱਚ ਸਵਰਨ ਸਿੰਘ ਭੰਗੂ ਆਪਣੀ ਸਾਈਕਲ ਸਮੇਤ ਇੱਕ ਖੁੱਲ੍ਹੇ ਨਾਲੇ ਵਿੱਚ ਡਿੱਗ ਗਏ ਸਨ। ਉਹ ਸਾਰੀ ਰਾਤ ਉੱਥੇ ਹੀ ਪਏ ਰਹੇ। ਸਵੇਰੇ ਜਦੋਂ ਸਥਾਨਕ ਲੋਕਾਂ ਨੇ ਉਨ੍ਹਾਂ ਨੂੰ ਬਾਹਰ ਕੱਢਿਆ, ਤਾਂ ਉਦੋਂ ਤੱਕ ਉਨ੍ਹਾਂ ਦੀ ਮੌਤ ਹੋ ਚੁੱਕੀ ਸੀ। ਇਸ ਦੁਖਦਾਈ ਘਟਨਾ ਤੋਂ ਬਾਅਦ ਸ੍ਰੀ ਚਮਕੌਰ ਸਾਹਿਬ ਸਮੇਤ ਪੂਰੇ ਪੰਜਾਬ ਅਤੇ ਵਿਦੇਸ਼ਾਂ ਵਿੱਚ ਵੱਸਦੇ ਪੰਜਾਬੀਆਂ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ।

ਪੰਜਾਬ ਲਈ ਅਮੁੱਲ ਯੋਗਦਾਨ

ਪੰਜਾਬੀ ਫਿਲਮ ਅਤੇ ਸੰਗੀਤ ਜਗਤ ਦੀਆਂ ਨਾਮਵਰ ਹਸਤੀਆਂ ਅਦਾਕਾਰਾ ਗੁਰਪ੍ਰੀਤ ਕੌਰ ਭੰਗੂ ਨਾਲ ਦੁੱਖ ਸਾਂਝਾ ਕਰਨ ਲਈ ਪਹੁੰਚ ਰਹੀਆਂ ਹਨ ਅਤੇ ਸੋਸ਼ਲ ਮੀਡੀਆ 'ਤੇ ਵੀ ਵੱਡੀ ਗਿਣਤੀ ਵਿੱਚ ਲੋਕ ਆਪਣੀਆਂ ਸੰਵੇਦਨਾਵਾਂ ਪ੍ਰਗਟ ਕਰ ਰਹੇ ਹਨ। ਸਵਰਨ ਸਿੰਘ ਭੰਗੂ ਪੱਤਰਕਾਰੀ ਦੇ ਮਾਧਿਅਮ ਰਾਹੀਂ ਦੱਬੇ-ਕੁਚਲੇ ਅਤੇ ਪੀੜਿਤ ਲੋਕਾਂ ਦੀ ਆਵਾਜ਼ ਬਣੇ ਸਨ। ਉਨ੍ਹਾਂ ਨੇ ਸਮਾਜ ਸੇਵਾ ਦੇ ਖੇਤਰ ਵਿੱਚ ਵੀ ਬਹੁਤ ਅਮੁੱਲ ਯੋਗਦਾਨ ਪਾਇਆ।

ਸਵਰਨ ਸਿੰਘ ਭੰਗੂ ਨੇ ਅਣਗਿਣਤ ਲੋੜਵੰਦ ਬੱਚਿਆਂ ਨੂੰ ਮੁਫ਼ਤ ਸਿੱਖਿਆ ਪ੍ਰਦਾਨ ਕੀਤੀ, ਜਿਸ ਕਾਰਨ ਉਨ੍ਹਾਂ ਦੇ ਕਈ ਵਿਦਿਆਰਥੀ ਅੱਜ ਉੱਚੇ ਅਹੁਦਿਆਂ 'ਤੇ ਹਨ ਅਤੇ ਉਨ੍ਹਾਂ ਦੇ ਦਿਹਾਂਤ ਤੋਂ ਬਾਅਦ ਡੂੰਘੇ ਸਦਮੇ ਵਿੱਚ ਹਨ। ਉਨ੍ਹਾਂ ਨੇ ਨਾਟਕਾਂ ਅਤੇ ਸਮਾਜਿਕ ਸੈਮੀਨਾਰਾਂ ਰਾਹੀਂ ਲੋਕਾਂ ਨੂੰ ਸਮਾਜਿਕ ਕੁਰੀਤੀਆਂ ਦੇ ਖਿਲਾਫ ਜਾਗਰੂਕ ਕਰਨ ਵਿੱਚ ਵੀ ਅਹਿਮ ਭੂਮਿਕਾ ਨਿਭਾਈ।

PGI ਨੂੰ ਦਾਨ ਕੀਤੀ ਮ੍ਰਿਤਕ ਦੇਹ

ਸਵਰਨ ਸਿੰਘ ਭੰਗੂ ਨੇ ਆਪਣੇ ਜੀਵਨ ਕਾਲ ਦੌਰਾਨ ਹੀ ਆਪਣੀ ਦੇਹ ਪੀ.ਜੀ.ਆਈ. ਚੰਡੀਗੜ੍ਹ ਨੂੰ ਦਾਨ ਕਰਨ ਦਾ ਫੈਸਲਾ ਲਿਆ ਸੀ। ਇਸੇ ਫੈਸਲੇ ਅਨੁਸਾਰ, 6 ਜੂਨ ਨੂੰ ਅੰਤਿਮ ਦਰਸ਼ਨਾਂ ਤੋਂ ਬਾਅਦ ਉਨ੍ਹਾਂ ਦੀ ਮ੍ਰਿਤਕ ਦੇਹ ਪੀ.ਜੀ.ਆਈ. ਚੰਡੀਗੜ੍ਹ ਪ੍ਰਸ਼ਾਸਨ ਨੂੰ ਸੌਂਪ ਦਿੱਤੀ ਜਾਵੇਗੀ।

ਪੰਜਾਬੀ ਸਿਨੇਮਾ ਜਗਤ ਤੋਂ ਮੰਦਭਾਗੀ ਖਬਰ! ਪੰਜਾਬੀ ਅਦਾਕਾਰਾ ਗੁਰਪ੍ਰੀਤ ਕੌਰ ਭੰਗੂ ਦੇ ਪਤੀ ਸਵਰਨ ਸਿੰਘ ਭੰਗੂ ਦਾ ਦਿਹਾਂਤ….ਮਨੋਰੰਜਨ ਜਗਤ ‘ਚ ਸੋਗ ਦੀ ਲਹਿਰ

Thu, 04 Jun 2026 15:33:36 +0530

ਅੱਜ ਪੰਜਾਬੀ ਪੱਤਰਕਾਰੀ ਅਤੇ ਸਮਾਜ ਸੇਵਾ ਦੇ ਖੇਤਰ ਵਿੱਚੋਂ ਇੱਕ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ। ਜਾਣੇ-ਮਾਣੇ ਪੱਤਰਕਾਰ ਅਤੇ ਸਮਾਜ ਸੇਵਕ ਸਵਰਨ ਸਿੰਘ ਭੰਗੂ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਗਏ ਹਨ। ਉਨ੍ਹਾਂ ਦੇ ਅਕਾਲ ਚਲਾਣੇ ਨਾਲ ਪੱਤਰਕਾਰੀ ਜਗਤ ਅਤੇ ਉਨ੍ਹਾਂ ਦੇ ਪਰਿਵਾਰ ਵਿੱਚ ਸੋਗ ਦੀ ਲਹਿਰ ਹੈ।

ਸਵਰਨ ਸਿੰਘ ਭੰਗੂ ਕੇਵਲ ਇੱਕ ਪੱਤਰਕਾਰ ਹੀ ਨਹੀਂ, ਸਗੋਂ ਇੱਕ ਮਹਾਨ ਸਮਾਜ ਸੇਵਕ ਵੀ ਸਨ। ਉਹ ਆਪਣੇ ਲੇਖਾਂ ਅਤੇ ਖ਼ਬਰਾਂ ਰਾਹੀਂ ਹਮੇਸ਼ਾ ਸਮਾਜਿਕ ਮੁੱਦਿਆਂ 'ਤੇ ਗੱਲ ਕਰਦੇ ਸਨ। ਇਸ ਤੋਂ ਇਲਾਵਾ, ਉਹ ਨਾਟਕਾਂ ਅਤੇ ਸੈਮੀਨਾਰਾਂ ਰਾਹੀਂ ਪਿੰਡ-ਪਿੰਡ ਜਾ ਕੇ ਲੋਕਾਂ ਨੂੰ ਭ੍ਰਿਸ਼ਟਾਚਾਰ, ਬੇਇਨਸਾਫ਼ੀ ਅਤੇ ਸਮਾਜਿਕ ਅਸਮਾਨਤਾ ਖ਼ਿਲਾਫ਼ ਜਾਗਰੂਕ ਕਰਦੇ ਸਨ। ਉਨ੍ਹਾਂ ਦੇ ਜਾਣ ਨਾਲ ਸਮਾਜ ਨੂੰ ਅਜਿਹਾ ਘਾਟਾ ਪਿਆ ਹੈ ਜਿਸ ਨੂੰ ਪੂਰਾ ਕਰਨਾ ਮੁਸ਼ਕਿਲ ਹੈ।

ਨਾਮੀ ਅਦਾਕਾਰਾ ਦੇ ਪਤੀ ਸਨ ਸਵਰਨ ਸਿੰਘ ਭੰਗੂ

ਦੱਸ ਦੇਈਏ ਕਿ ਸਵਰਨ ਸਿੰਘ ਭੰਗੂ ਦੀ ਪਤਨੀ ਗੁਰਪ੍ਰੀਤ ਕੌਰ ਭੰਗੂ ਪੰਜਾਬੀ ਫ਼ਿਲਮਾਂ ਦੀ ਇੱਕ ਉੱਘੀ ਅਦਾਕਾਰਾ ਹਨ। ਇਸ ਦੁੱਖ ਦੀ ਘੜੀ ਵਿੱਚ 'ਪੰਜਾਬ ਐਂਡ ਚੰਡੀਗੜ੍ਹ ਜਰਨਲਿਸਟ ਯੂਨੀਅਨ' ਨੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਯੂਨੀਅਨ ਨੇ ਉਨ੍ਹਾਂ ਵੱਲੋਂ ਪੱਤਰਕਾਰੀ ਅਤੇ ਸਮਾਜਿਕ ਖੇਤਰ ਵਿੱਚ ਪਾਏ ਗਏ ਯੋਗਦਾਨ ਨੂੰ ਯਾਦ ਕਰਦਿਆਂ ਉਨ੍ਹਾਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਹੈ। ਇਸ ਤੋਂ ਇਲਾਵਾ ਮਨੋਰੰਜਨ ਜਗਤ ਦੇ ਵਿੱਚ ਵੀ ਸੋਗ ਦੀ ਲਹਿਰ ਛਾ ਗਈ ਹੈ। ਕਲਾਕਾਰ ਅਤੇ ਫੈਨਜ਼ ਵੀ ਪੋਸਟ ਪਾ ਕੇ ਸਵਰਨ ਸਿੰਘ ਭੰਗੂ ਦੇ ਦਿਹਾਂਤ ਉੱਤੇ ਦੁੱਖ ਜਤਾ ਰਹੇ ਹਨ। ਭੰਗੂ ਸਾਹਿਬ ਨੇ ਆਪਣਾ ਸਾਰਾ ਜੀਵਨ ਬਹੁਤ ਹੀ ਸਾਦਗੀ, ਇਮਾਨਦਾਰੀ ਅਤੇ ਨਿਮਰਤਾ ਨਾਲ ਬਤੀਤ ਕੀਤਾ। ਉਹ ਹਰ ਕਿਸੇ ਨੂੰ ਪਿਆਰ ਅਤੇ ਸਤਿਕਾਰ ਦੇਣ ਵਾਲੇ ਸ਼ਖ਼ਸ ਸਨ। ਹਰ ਕੋਈ ਅੱਜ ਉਨ੍ਹਾਂ ਦੇ ਨਿਮਰ ਸੁਭਾਅ ਕਰਕੇ ਉਨ੍ਹਾਂ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕਰ ਰਹੇ ਹਨ।

ਪੰਜਾਬੀ ਕਲਾਕਾਰਾਂ ਵੱਲੋਂ ਪ੍ਰਗਟਾਇਆ ਗਿਆ ਦੁੱਖ

ਪੰਜਾਬੀ ਗਾਇਕ ਅਤੇ ਐਕਟਰ ਰਵਨੀਤ ਸਿੰਘ ਨੇ ਜਾਣੇ-ਮਾਣੇ ਪੱਤਰਕਾਰ ਅਤੇ ਸਮਾਜ ਸੇਵਕ ਸਵਰਨ ਸਿੰਘ ਭੰਗੂ ਦੇ ਅਕਾਲ ਚਲਾਣੇ 'ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਉੱਤੇ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ ‘’RIP ਸਵਰਨ ਭੰਗੂ ਸਰ’’

ਪੰਜਾਬੀ ਜਗਤ ਦੇ ਦਿੱਗਜ ਕਲਾਕਾਰ ਮਲਕੀਤ ਰੌਣੀ ਨੇ ਵੀ ਪੋਸਟ ਪਾ ਕੇ ਦੁੱਖ ਜਤਾਇਆ ਤੇ ਨਾਲ ਹੀ ਉਨ੍ਹਾਂ ਨੇ ਅੰਤਿਮ ਦਰਸ਼ਨ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਹੈ। ਉਨ੍ਹਾਂ ਨੇ ਲਿਖਿਆ ਹੈ- 'ਸਾਨੂੰ ਬੜੇ ਦੁੱਖ ਨਾਲ ਸੂਚਿਤ ਕਰਨਾ ਪੈ ਰਿਹਾ ਹੈ ਕਿ ਸਿੱਖਿਆ ਦੇ ਖੇਤਰ ਵਿੱਚ ਨਿਸ਼ਕਾਮ ਸੇਵਾ ਨਿਭਾਉਣ ਵਾਲੀ ਅਗਾਂਹਵਧੂ ਅਤੇ ਪ੍ਰਤੀਬੱਧ ਸ਼ਖ਼ਸੀਅਤ, ਸ੍ਰੀ ਚਮਕੌਰ ਸਾਹਿਬ ਦੇ ਸਰਦਾਰ ਸਵਰਨ ਸਿੰਘ ਭੰਗੂ ਹੁਣ ਸਾਡੇ ਦਰਮਿਆਨ ਨਹੀਂ ਰਹੇ। ਉਨ੍ਹਾਂ ਦੀ ਇੱਛਾ ਅਨੁਸਾਰ, ਮਾਨਵੀ ਕਾਰਜਾਂ ਲਈ ਉਨ੍ਹਾਂ ਦੇ ਸਰੀਰ-ਦਾਨ ਦੀਆਂ ਰਸਮਾਂ ਮਿਤੀ 06-06-2026 (ਦਿਨ ਸ਼ਨੀਵਾਰ) ਨੂੰ ਕੀਤੀਆਂ ਜਾਣਗੀਆਂ। ਉਨ੍ਹਾਂ ਦੇ ਅੰਤਿਮ ਦਰਸ਼ਨ ਸਵੇਰੇ 8 ਵਜੇ ਤੋਂ 10 ਵਜੇ ਤੱਕ ਕੰਗ ਯਾਦਗਾਰੀ ਸਿੱਖਿਆ ਸੰਸਥਾ, ਬੱਸੀ ਗੁੱਜਰਾਂ, ਸ੍ਰੀ ਚਮਕੌਰ ਸਾਹਿਬ ਵਿਖੇ ਅਤੇ ਸਵੇਰੇ 11 ਵਜੇ ਤੋਂ 11:30 ਵਜੇ ਤੱਕ ਆਦਰਸ਼ ਭਵਨ, ਸ੍ਰੀ ਚਮਕੌਰ ਸਾਹਿਬ ਵਿਖੇ ਹੋਣਗੇ।

ਰੈਪਰ ਬਾਦਸ਼ਾਹ ਨੂੰ ਵੱਡਾ ਝਟਕਾ! ਤੁਰੰਤ ਕਲੱਬ ਹੋਇਆ ਸੀਲ, ਜਾਣੋ ਵਜ੍ਹਾ…

Tue, 02 Jun 2026 15:13:03 +0530

ਚੰਡੀਗੜ੍ਹ ਦੇ ਸੈਕਟਰ-26 ਵਿੱਚ ਉਸ ਸਮੇਂ ਹਲਚਲ ਮੱਚ ਗਈ ਜਦੋਂ ਉੱਥੇ ਸਥਿਤ ਮਸ਼ਹੂਰ ਰੈਪਰ ਬਾਦਸ਼ਾਹ ਦੇ 'ਸਾਗੋ ਕਲੱਬ' (Sago club) ਨੂੰ ਮੰਗਲਵਾਰ ਸਵੇਰੇ ਪ੍ਰਸ਼ਾਸਨ ਦੀ ਬਿਲਡਿੰਗ ਬ੍ਰਾਂਚ ਵੱਲੋਂ ਸੀਲ ਕਰ ਦਿੱਤਾ ਗਿਆ ਹੈ। ਕਲੱਬ ਦੇ ਸੰਚਾਲਕਾਂ ਨੂੰ ਭਵਨ ਨਿਯਮਾਂ ਦੀ ਉਲੰਘਣਾ ਕਰਨ ਲਈ ਕਈ ਵਾਰ ਨੋਟਿਸ ਦਿੱਤੇ ਗਏ ਸਨ। ਉਨ੍ਹਾਂ ਨੂੰ ਨਿਰਧਾਰਤ ਸਮੇਂ ਵਿੱਚ ਕਮੀਆਂ ਦੂਰ ਕਰਨ ਅਤੇ ਨਿਯਮਾਂ ਦੀ ਪਾਲਣਾ ਕਰਨ ਲਈ ਕਿਹਾ ਗਿਆ ਸੀ, ਪਰ ਕੋਈ ਕਾਰਵਾਈ ਨਾ ਹੋਣ ਕਾਰਨ ਬਿਲਡਿੰਗ ਬ੍ਰਾਂਚ ਦੀ ਟੀਮ ਨੇ ਮੌਕੇ 'ਤੇ ਪਹੁੰਚ ਕੇ ਕਲੱਬ ਨੂੰ ਸੀਲ ਕਰ ਦਿੱਤਾ ਹੈ।

ਇਸ ਵਜ੍ਹਾ ਕਰਕੇ ਕਲੱਬ ਨੂੰ ਜੜਿਆ ਗਿਆ ਤਾਲਾ

ਪ੍ਰਸ਼ਾਸਨ ਅਨੁਸਾਰ, ਇਹ ਕਲੱਬ ਲੰਬੇ ਸਮੇਂ ਤੋਂ ਭਵਨ ਨਿਰਮਾਣ ਦੇ ਨਿਯਮਾਂ ਅਤੇ ਮਨਜ਼ੂਰਸ਼ੁਦਾ ਨਕਸ਼ੇ ਦੀ ਉਲੰਘਣਾ ਨੂੰ ਲੈ ਕੇ ਵਿਵਾਦਾਂ ਵਿੱਚ ਸੀ। ਵਾਰ-ਵਾਰ ਨੋਟਿਸ ਭੇਜਣ ਦੇ ਬਾਵਜੂਦ ਸੰਤੋਖਜਨਕ ਜਵਾਬ ਨਾ ਮਿਲਣ ਅਤੇ ਨਿਯਮਾਂ ਦੀ ਪਾਲਣਾ ਨਾ ਕੀਤੇ ਜਾਣ ਕਾਰਨ ਅੰਤ ਵਿੱਚ ਕਲੱਬ ਨੂੰ ਸੀਲ ਕਰਨ ਦਾ ਫੈਸਲਾ ਲਿਆ ਗਿਆ। ਇਹ ਉਹੀ ਕਲੱਬ ਹੈ ਜੋ ਪਹਿਲਾਂ ਵੀ ਇੱਕ ਵੱਡੇ ਵਿਵਾਦ ਕਾਰਨ ਚਰਚਾ ਵਿੱਚ ਰਿਹਾ ਸੀ, ਜਦੋਂ ਕਲੱਬ ਦੇ ਬਾਹਰ ਹੋਏ ਧਮਾਕਿਆਂ ਦੀ ਜ਼ਿੰਮੇਵਾਰੀ ਸੋਸ਼ਲ ਮੀਡੀਆ ਰਾਹੀਂ ਗੈਂਗਸਟਰ ਗੋਲਡੀ ਬਰਾੜ ਅਤੇ ਰੋਹਿਤ ਗੋਦਾਰਾ ਵੱਲੋਂ ਲਈ ਗਈ ਸੀ।

ਪ੍ਰਸ਼ਾਸਨ ਮੁਤਾਬਕ, ਕਲੱਬ ਲਈ ਜੋ ਨਕਸ਼ਾ ਮਨਜ਼ੂਰ ਕੀਤਾ ਗਿਆ ਸੀ, ਉਸ ਤੋਂ ਇਲਾਵਾ ਅੰਦਰ ਵਾਧੂ ਉਸਾਰੀ ਕਰ ਲਈ ਗਈ ਸੀ। ਬਿਲਡਿੰਗ ਬ੍ਰਾਂਚ ਵੱਲੋਂ ਇਸ ਸਬੰਧੀ ਕਲੱਬ ਸੰਚਾਲਕਾਂ ਨੂੰ ਨੋਟਿਸ ਜਾਰੀ ਕਰਕੇ ਨਾਜਾਇਜ਼ ਉਸਾਰੀ ਨੂੰ ਹਟਾਉਣ ਦੇ ਨਿਰਦੇਸ਼ ਦਿੱਤੇ ਗਏ ਸਨ। ਹਾਲਾਂਕਿ, ਨਿਰਧਾਰਤ ਸਮੇਂ ਦੇ ਅੰਦਰ ਉਸਾਰੀ ਨਹੀਂ ਹਟਾਈ ਗਈ। ਇਸ ਤੋਂ ਬਾਅਦ ਮੰਗਲਵਾਰ ਸਵੇਰੇ ਕਰੀਬ 9:30 ਵਜੇ ਬਿਲਡਿੰਗ ਬ੍ਰਾਂਚ ਦੀ ਟੀਮ ਪੁਲਿਸ ਦੀ ਮੌਜੂਦਗੀ ਵਿੱਚ ਮੌਕੇ 'ਤੇ ਪਹੁੰਚੀ ਅਤੇ ਕਾਰਵਾਈ ਕਰਦੇ ਹੋਏ ਕਲੱਬ ਨੂੰ ਸੀਲ ਕਰ ਦਿੱਤਾ।

ਤਕਰੀਬਨ ਦੋ ਸਾਲ ਪਹਿਲਾਂ ਸੈਕਟਰ-26 ਵਿੱਚ ਸਥਿਤ ਦੋ ਕਲੱਬਾਂ ਦੇ ਬਾਹਰ ਧਮਾਕੇ ਹੋਏ ਸਨ। ਇਸ ਘਟਨਾ ਦੀ ਜ਼ਿੰਮੇਵਾਰੀ ਲਾਰੈਂਸ ਗੈਂਗ ਵੱਲੋਂ ਲਈ ਗਈ ਸੀ। ਸੋਸ਼ਲ ਮੀਡੀਆ 'ਤੇ ਗੈਂਗਸਟਰ ਗੋਲਡੀ ਬਰਾੜ ਦੇ ਨਾਮ 'ਤੇ ਇੱਕ ਪੋਸਟ ਵੀ ਸਾਹਮਣੇ ਆਈ ਸੀ, ਜਿਸ ਵਿੱਚ ਧਮਾਕਿਆਂ ਦਾ ਕਾਰਨ ਕਥਿਤ ਤੌਰ 'ਤੇ ਪ੍ਰੋਟੈਕਸ਼ਨ ਮਨੀ (ਜਬਰੀ ਵਸੂਲੀ) ਨਾ ਦੇਣਾ ਦੱਸਿਆ ਗਿਆ ਸੀ।

ਇਹ ਧਮਾਕੇ 'ਸੇਵਿਲੇ ਬਾਰ ਐਂਡ ਲਾਉਂਜ' ਅਤੇ 'ਡਿ'ਓਰਾ ਕਲੱਬ' ਦੇ ਬਾਹਰ ਹੋਏ ਸਨ, ਜਿਸ ਨਾਲ ਕਲੱਬਾਂ ਦੇ ਬਾਹਰ ਲੱਗੇ ਸ਼ੀਸ਼ੇ ਟੁੱਟ ਗਏ ਸਨ। ਮਸ਼ਹੂਰ ਰੈਪਰ ਬਾਦਸ਼ਾਹ 'ਸੇਵਿਲੇ ਬਾਰ ਐਂਡ ਲਾਉਂਜ' ਦੇ ਮਾਲਕਾਂ ਵਿੱਚੋਂ ਇੱਕ ਭਾਈਵਾਲ ਹਨ। ਸੋਸ਼ਲ ਮੀਡੀਆ 'ਤੇ ਗੋਲਡੀ ਬਰਾੜ ਦੇ ਨਾਮ 'ਤੇ ਜਾਰੀ ਇੱਕ ਪੋਸਟ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਇਨ੍ਹਾਂ ਕਲੱਬਾਂ ਦੇ ਮਾਲਕਾਂ ਨਾਲ ਪ੍ਰੋਟੈਕਸ਼ਨ ਮਨੀ ਲਈ ਸੰਪਰਕ ਕੀਤਾ ਗਿਆ ਸੀ। ਪੋਸਟ ਵਿੱਚ ਕਿਹਾ ਗਿਆ ਸੀ ਕਿ ਜਦੋਂ ਉਨ੍ਹਾਂ ਦੀਆਂ ਕਾਲਾਂ ਅਤੇ ਸੰਦੇਸ਼ਾਂ ਦਾ ਕੋਈ ਜਵਾਬ ਨਹੀਂ ਦਿੱਤਾ ਗਿਆ, ਤਾਂ ਇਹ ਧਮਾਕੇ ਕੀਤੇ ਗਏ। ਇਸ ਵਿੱਚ ਇਹ ਵੀ ਚੇਤਾਵਨੀ ਦਿੱਤੀ ਗਈ ਸੀ ਕਿ ਜਿਹੜੇ ਲੋਕ ਉਨ੍ਹਾਂ ਦੀਆਂ ਕਾਲਾਂ ਨੂੰ ਨਜ਼ਰਅੰਦਾਜ਼ ਕਰ ਰਹੇ ਹਨ, ਉਹ ਇਸ ਨੂੰ ਇੱਕ ਚੇਤਾਵਨੀ ਸਮਝਣ, ਹਾਲਾਂਕਿ ਪੁਲਿਸ ਅਤੇ ਸੁਰੱਖਿਆ ਏਜੰਸੀਆਂ ਵੱਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਗਈ ਸੀ।

ਮਸ਼ਹੂਰ ਰੈਪਰ ਬਾਦਸ਼ਾਹ ਸੋਸ਼ਲ ਮੀਡੀਆ 'ਤੇ ਕਾਫੀ ਸਰਗਰਮ ਹਨ ਅਤੇ ਉਨ੍ਹਾਂ ਦੇ ਵੱਖ-ਵੱਖ ਪਲੇਟਫਾਰਮਾਂ 'ਤੇ ਬਹੁਤ ਜ਼ਿਆਦਾ ਫਾਲੋਅਰਜ਼ ਹਨ। ਇੰਸਟਾਗ੍ਰਾਮ 'ਤੇ ਉਨ੍ਹਾਂ ਦੇ 18 ਮਿਲੀਅਨ ਫਾਲੋਅਰਜ਼ ਹਨ, ਜਦਕਿ ਫੇਸਬੁੱਕ 'ਤੇ ਉਨ੍ਹਾਂ ਦੇ 9.2 ਮਿਲੀਅਨ ਲਾਈਕਸ/ਫਾਲੋਅਰਜ਼ ਹਨ। ਇਸ ਤੋਂ ਇਲਾਵਾ, ਯੂਟਿਊਬ 'ਤੇ ਉਨ੍ਹਾਂ ਦੇ 8.4 ਮਿਲੀਅਨ ਸਬਸਕ੍ਰਾਈਬਰਜ਼ ਹਨ ਅਤੇ ਐਕਸ (ਟਵਿੱਟਰ) 'ਤੇ ਉਨ੍ਹਾਂ ਦੇ 2.7 ਮਿਲੀਅਨ ਫਾਲੋਅਰਜ਼ ਹਨ।

ਪੰਜਾਬੀ ਸੰਗੀਤ ਜਗਤ ਤੋਂ ਮੰਦਭਾਗੀ ਖਬਰ! ਮਸ਼ਹੂਰ ਗਾਇਕਾ ਦਾ ਹੋਇਆ ਦੇਹਾਂਤ, ਇੰਡਸਟਰੀ 'ਚ ਸੋਗ ਦੀ ਲਹਿਰ

Sat, 02 May 2026 15:36:53 +0530

ਪੰਜਾਬੀ ਸੰਗੀਤ ਜਗਤ ਤੋਂ ਇੱਕ ਬਹੁਤ ਹੀ ਮੰਦਭਾਗੀ ਅਤੇ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਆਪਣੀ ਸੁਰੀਲੀ ਆਵਾਜ਼ ਨਾਲ ਲੱਖਾਂ ਸਰੋਤਿਆਂ ਦੇ ਦਿਲਾਂ 'ਤੇ ਰਾਜ ਕਰਨ ਵਾਲੀ ਮਸ਼ਹੂਰ ਗਾਇਕਾ ਮੁਮਤਾਜ ਗਿੱਲ ਦਾ ਦੇਹਾਂਤ ਹੋ ਗਿਆ ਹੈ। ਇਸ ਖ਼ਬਰ ਦੇ ਸਾਹਮਣੇ ਆਉਣ ਤੋਂ ਬਾਅਦ ਸੰਗੀਤ ਇੰਡਸਟਰੀ ਅਤੇ ਪ੍ਰਸ਼ੰਸਕਾਂ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ।

ਹੈਰੀ ਹਰਮਨ ਨੇ ਕੀਤੀ ਪੁਸ਼ਟੀ

ਮੁਮਤਾਜ ਗਿੱਲ ਦੇ ਦੇਹਾਂਤ ਦੀ ਜਾਣਕਾਰੀ ਜਾਣੇ-ਪਛਾਣੇ ਗਾਇਕ ਅਤੇ ਗੀਤਕਾਰ ਹੈਰੀ ਹਰਮਨ ਨੇ ਸਾਂਝੀ ਕੀਤੀ ਹੈ। ਉਨ੍ਹਾਂ ਦੇ ਜਾਣ ਨਾਲ ਪੂਰੇ ਸੰਗੀਤ ਜਗਤ ਅਤੇ ਪਰਿਵਾਰ ਨੂੰ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ। ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ ਅਤੇ ਕਲਾਕਾਰਾਂ ਵੱਲੋਂ ਲਗਾਤਾਰ ਦੁੱਖ ਦਾ ਪ੍ਰਗਟਾਵਾ ਕੀਤਾ ਜਾ ਰਿਹਾ ਹੈ।

ਉਨ੍ਹਾਂ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ- 'RIP ..ਅੱਜ ਤੜਕੇ ਫੇਸਬੁੱਕ ਖੋਲ੍ਹੀ ਤਾਂ ਆਹ ਖ਼ਬਰ ਦੇਖੀ , ਮਨ ਬਹੁਤ ਉਦਾਸ ਹੋ ਗਿਆ ਕਿ ਗਾਇਕਾ ਮੁਮਤਾਜ ਗਿੱਲ ਨਹੀਂ ਰਹੇ। ਬਹੁਤ ਮਿਲਣਸਾਰ ਤੇ ਵਧੀਆ ਸੁਭਾਅ ਦੀ ਕੁੜੀ ਸੀ ਮੁਮਤਾਜ , ਪਰਮਾਤਮਾ ਕਿਸ ਦੀ ਚੰਦਰੀ ਨਜ਼ਰ ਲੱਗ ਗਈ ਸੰਗੀਤ ਜਗਤ ਨੂੰ

ਮੇਰਾ ਲਿੱਖਿਆ ਗੀਤ "ਬਰਫ਼ੀ ਦੇ ਡੱਬੇ" ਮੁਮਤਾਜ ਗਿੱਲ ਤੇ ਸੈਮੀ ਰਜਪੁਰੀਆ ਦੀ ਆਵਾਜ਼ ਵਿੱਚ ਬਹੁਤ ਮਕਬੂਲ ਹੋਇਆ ਸੀ। ਜਦੋਂ ਕਦੇ ਮੁਮਤਾਜ ਨਾਲ ਗੱਲ੍ਹ ਹੋਣੀ ਤਾਂ ਬੜੇ ਅਦਬ ਨਾਲ ਗੱਲ੍ਹ ਕਰਨੀ । ਪਰ ਅੱਜ ਦੀ ਖ਼ਬਰ ਨੇ ਤਾਂ ਦਿਲ ਹੀ ਹਿਲਾ ਕੇ ਰੱਖ ਦਿੱਤਾ।

ਨਾ ਰੱਬਾ ਬੱਸ ਕਰ ਯਰ ਕਿਓਂ ਜਵਾਨ ਧੀਆਂ ਪੁੱਤ ਲਿਜਾ ਰਿਹੈਂ 🙏 ਕੱਲ੍ਹ ਬਾਈ ਪਾਲੀ ਦੇਤਵਾਲੀਆ ਦੇ ਬੇਟੇ ਦੀ ਖ਼ਬਰ ਤੇ ਅੱਜ ਮੁਮਤਾਜ

ਬੇਹੱਦ ਅਫ਼ਸੋਸ'

ਦੋ ਦਿਨਾਂ 'ਚ ਲੱਗਿਆ ਦੂਜਾ ਵੱਡਾ ਝਟਕਾ

ਜ਼ਿਕਰਯੋਗ ਹੈ ਕਿ ਪੰਜਾਬੀ ਇੰਡਸਟਰੀ ਅਜੇ ਦੋ ਦਿਨ ਪਹਿਲਾਂ ਹੋਏ ਇੱਕ ਹੋਰ ਦੁਖਾਂਤ ਵਿੱਚੋਂ ਉਭਰ ਰਹੀ ਸੀ। ਦੱਸ ਦੇਈਏ ਕਿ ਪ੍ਰਸਿੱਧ ਗਾਇਕ ਪਾਲੀ ਦੇਤਵਾਲੀਆ ਦੇ ਪੁੱਤਰ ਮਨਜੋਤ ਸਿੰਘ (35) ਦਾ ਵੀ ਬੀਤੇ ਦਿਨੀਂ ਦਿਲ ਦਾ ਦੌਰਾ ਪੈਣ ਕਾਰਨ ਦੇਹਾਂਤ ਹੋ ਗਿਆ ਸੀ। ਉਹ ਪਿਛਲੇ ਕੁਝ ਸਮੇਂ ਤੋਂ ਸਿਹਤ ਸਬੰਧੀ ਮੁਸ਼ਕਲਾਂ ਨਾਲ ਜੂਝ ਰਹੇ ਸਨ। ਹੁਣ ਮੁਮਤਾਜ ਗਿੱਲ ਦੀ ਮੌਤ ਦੀ ਖ਼ਬਰ ਨੇ ਪ੍ਰਸ਼ੰਸਕਾਂ ਦੀਆਂ ਅੱਖਾਂ ਇੱਕ ਵਾਰ ਫਿਰ ਨਮ ਕਰ ਦਿੱਤੀਆਂ ਹਨ।

ਮਨੋਰੰਜਨ ਜਗਤ ਤੋਂ ਮੰਦਭਾਗੀ ਖਬਰ! ਇਸ ਨਾਮੀ ਅਦਾਕਾਰਾ ਦਾ ਹੋਇਆ ਦਿਹਾਂਤ, ਘਰ ‘ਚ ਅਚਾਨਕ ਵਿਗੜੀ ਤਬੀਅਤ ਫਿਰ ਤੋੜਿਆ ਦਮ….

Wed, 22 Apr 2026 15:14:39 +0530

ਮਨੋਰੰਜਨ ਜਗਤ ਤੋਂ ਬਹੁਤ ਹੀ ਦੁਖਦਾਇਕ ਖਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਹਰਿਆਣਵੀ ਅਦਾਕਾਰਾ ਦਿਵਿਆਂਕਾ ਸਿਰੋਹੀ (30) ਦਾ ਦਿਹਾਂਤ ਹੋ ਗਿਆ ਹੈ। ਮੰਗਲਵਾਰ ਦੇਰ ਰਾਤ ਯੂਪੀ ਦੇ ਗਾਜ਼ੀਆਬਾਦ ਸਥਿਤ ਉਨ੍ਹਾਂ ਦੇ ਘਰ ਵਿੱਚ ਅਚਾਨਕ ਤਬੀਅਤ ਵਿਗੜ ਗਈ, ਜਿਸ ਕਾਰਨ ਉਹ ਚੱਕਰ ਖਾ ਕੇ ਜ਼ਮੀਨ 'ਤੇ ਡਿੱਗ ਪਈ। ਇਸ ਹਾਦਸੇ ਵਿੱਚ ਉਨ੍ਹਾਂ ਦੇ ਸਿਰ 'ਤੇ ਗੰਭੀਰ ਸੱਟ ਲੱਗੀ। ਪਰਿਵਾਰ ਵਾਲੇ ਤੁਰੰਤ ਉਨ੍ਹਾਂ ਨੂੰ ਹਸਪਤਾਲ ਲੈ ਕੇ ਗਏ, ਪਰ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ।

50 ਤੋਂ ਵੱਧ ਹਰਿਆਣਵੀ ਗੀਤਾਂ 'ਚ ਕੀਤਾ ਕੰਮ

ਦਿਵਿਆਂਕਾ (Divyanka Sirohi) ਨੇ ਆਪਣੇ ਕਰੀਅਰ ਵਿੱਚ 50 ਤੋਂ ਵੱਧ ਹਰਿਆਣਵੀ ਗਾਣਿਆਂ ਵਿੱਚ ਕੰਮ ਕੀਤਾ ਸੀ ਅਤੇ ਉਹ ਮਾਸੂਮ ਸ਼ਰਮਾ, ਅਮਿਤ ਸੈਣੀ ਰੋਹਤਕੀਆ ਤੇ ਕੇਡੀ ਵਰਗੇ ਵੱਡੇ ਕਲਾਕਾਰਾਂ ਨਾਲ ਵੀ ਨਜ਼ਰ ਆ ਚੁੱਕੀ ਸੀ। ਸੋਸ਼ਲ ਮੀਡੀਆ 'ਤੇ ਵੀ ਉਨ੍ਹਾਂ ਦੀ ਕਾਫੀ ਲੋਕਪ੍ਰਿਯਤਾ ਸੀ ਅਤੇ ਇੰਸਟਾਗ੍ਰਾਮ 'ਤੇ ਉਨ੍ਹਾਂ ਦੇ 1.3 ਮਿਲੀਅਨ ਫਾਲੋਅਰਜ਼ ਹਨ। ਉਨ੍ਹਾਂ ਦੇ ਅਚਾਨਕ ਚਲੇ ਜਾਣ ਨਾਲ ਹਰਿਆਣਵੀ ਮਨੋਰੰਜਨ ਇੰਡਸਟਰੀ ਵਿੱਚ ਸੋਗ ਦੀ ਲਹਿਰ ਹੈ।

ਜਾਣੋ ਦਿਵਿਆਂਕਾ ਦੀ ਨਿੱਜੀ ਜ਼ਿੰਦਗੀ ਬਾਰੇ

ਦਿਵਿਆਂਕਾ ਸਿਰੋਹੀ ਦਾ ਜਨਮ 19 ਨਵੰਬਰ 1996 ਨੂੰ ਬੁਲੰਦਸ਼ਹਿਰ ਵਿੱਚ ਹੋਇਆ ਸੀ, ਪਰ ਅੱਜ-ਕੱਲ੍ਹ ਉਨ੍ਹਾਂ ਦਾ ਪਰਿਵਾਰ ਗਾਜ਼ੀਆਬਾਦ ਵਿੱਚ ਰਹਿ ਰਿਹਾ ਹੈ। ਪੜ੍ਹਾਈ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਮੇਰਠ ਦੀ ਚੌਧਰੀ ਚਰਨ ਸਿੰਘ ਯੂਨੀਵਰਸਿਟੀ ਤੋਂ ਬੀ.ਕਾਮ (B.Com) ਕੀਤੀ ਅਤੇ ਉਸ ਤੋਂ ਬਾਅਦ ਸਿੱਕਮ ਤੋਂ ਐਮ.ਬੀ.ਏ (MBA) ਦੀ ਡਿਗਰੀ ਹਾਸਲ ਕੀਤੀ। ਉਨ੍ਹਾਂ ਨੇ ਗੁਰੂਗ੍ਰਾਮ ਤੋਂ ਬੀ.ਐੱਡ (B.Ed) ਵੀ ਕੀਤੀ ਹੋਈ ਸੀ।

ਦਿਵਿਆਂਕਾ ਦੇ ਪਰਿਵਾਰ ਵਿੱਚ ਉਨ੍ਹਾਂ ਦੇ ਪਿਤਾ ਗਜੇਂਦਰ, ਜੋ ਕਿ ਇੱਕ ਟ੍ਰਾਂਸਪੋਰਟਰ ਹਨ, ਅਤੇ ਮਾਤਾ ਅਨੀਤਾ, ਜੋ ਕਿ ਘਰੇਲੂ ਸੁਆਣੀ ਹਨ, ਤੋਂ ਇਲਾਵਾ ਦੋ ਭਰਾ ਹਿਮਾਂਸ਼ੂ ਤੇ ਦੀਪਾਂਸ਼ੂ ਅਤੇ ਇੱਕ ਭੈਣ ਜਸਮੀਤ ਹਨ। ਇੱਕ ਹੋਣਹਾਰ ਅਦਾਕਾਰਾ ਹੋਣ ਦੇ ਨਾਲ-ਨਾਲ ਉਹ ਵਿਦਿਅਕ ਪੱਖੋਂ ਵੀ ਕਾਫੀ ਮਜ਼ਬੂਤ ਸਨ।

ਦਿਵਿਆਂਕਾ ਦੇ ਭਰਾ ਹਿਮਾਂਸ਼ੂ ਨੇ ਦੱਸਿਆ ਕਿ ਮੰਗਲਵਾਰ ਰਾਤ ਦਿਵਿਆਂਕਾ ਘਰ ਹੀ ਸੀ। ਰਾਤ ਕਰੀਬ 8 ਵਜੇ ਉਸ ਦੀ ਤਬੀਅਤ ਵਿਗੜ ਗਈ ਅਤੇ ਉਹ ਫਰਸ਼ 'ਤੇ ਡਿੱਗ ਪਈ। ਡਿੱਗਣ ਕਾਰਨ ਉਸ ਦੇ ਸਿਰ 'ਤੇ ਅੰਦਰੂਨੀ ਸੱਟ ਲੱਗੀ ਅਤੇ ਖੂਨ ਵਗਣ ਲੱਗ ਪਿਆ। ਜਦੋਂ ਛੋਟਾ ਭਰਾ ਦੀਪਾਂਸ਼ੂ ਉਸ ਕੋਲ ਪਹੁੰਚਿਆ, ਉਦੋਂ ਤੱਕ ਉਸ ਦਾ ਸਰੀਰ ਠੰਡਾ ਪੈ ਚੁੱਕਾ ਸੀ। ਹਸਪਤਾਲ ਲਿਜਾਣ 'ਤੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਬੁੱਧਵਾਰ ਸਵੇਰੇ ਗਾਜ਼ੀਆਬਾਦ ਵਿਖੇ ਉਸ ਦਾ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ।

ਮਾਸੂਮ ਸ਼ਰਮਾ ਨੇ ਕਰਵਾਈ ਸੀ ਜਾਣ-ਪਛਾਣ

ਸਿਰਸਾ ਦੇ ਜੇਸੀਡੀ (JCD) ਵਿੱਚ ਇੱਕ ਲਾਈਵ ਸ਼ੋਅ ਦੌਰਾਨ ਮਸ਼ਹੂਰ ਗਾਇਕ ਮਾਸੂਮ ਸ਼ਰਮਾ ਨੇ ਅਦਾਕਾਰਾ ਦਿਵਿਆਂਕਾ ਸਿਰੋਹੀ ਨੂੰ ਸਟੇਜ 'ਤੇ ਬੁਲਾ ਕੇ ਦਰਸ਼ਕਾਂ ਨਾਲ ਉਸਦੀ ਜਾਣ-ਪਛਾਣ ਕਰਵਾਈ ਸੀ। ਜਿਵੇਂ ਹੀ ਦਿਵਿਆਂਕਾ ਸਟੇਜ 'ਤੇ ਪਹੁੰਚੀ, ਤਾਂ ਉੱਥੇ ਮੌਜੂਦ ਦਰਸ਼ਕਾਂ ਨੇ ਤਾਲੀਆਂ ਦੀ ਗੜਗੜਾਹਟ ਨਾਲ ਉਸਦਾ ਨਿੱਘਾ ਸਵਾਗਤ ਕੀਤਾ।

ਮਾਸੂਮ ਸ਼ਰਮਾ ਨੇ ਖੁਦ ਦਿਵਿਆਂਕਾ ਦਾ ਨਾਮ ਲੈ ਕੇ ਉਸਦੀ ਪਛਾਣ ਕਰਵਾਈ ਅਤੇ ਇਸ ਦੌਰਾਨ ਉਹ ਕਾਫੀ ਦੇਰ ਤੱਕ ਸਟੇਜ 'ਤੇ ਮੌਜੂਦ ਰਹੀ। ਦਿਵਿਆਂਕਾ ਦੀ ਲੋਕਪ੍ਰਿਯਤਾ ਦਾ ਅੰਦਾਜ਼ਾ ਇਸੇ ਗੱਲ ਤੋਂ ਲਗਾਇਆ ਜਾ ਸਕਦਾ ਸੀ ਕਿ ਪ੍ਰਸ਼ੰਸਕ ਉਸਨੂੰ ਦੇਖ ਕੇ ਬੇਹੱਦ ਉਤਸ਼ਾਹਿਤ ਹੋ ਗਏ ਸਨ।

ਟਿਕ-ਟਾਕ ਤੋਂ ਹੋਈ ਸੀ ਮਸ਼ਹੂਰ

ਇੱਕ ਇੰਟਰਵਿਊ ਦੌਰਾਨ ਦਿਵਿਆਂਕਾ ਨੇ ਦੱਸਿਆ ਸੀ ਕਿ ਉਸਨੂੰ ਬਚਪਨ ਤੋਂ ਹੀ ਐਕਟਿੰਗ ਅਤੇ ਡਾਂਸ ਦਾ ਬਹੁਤ ਸ਼ੌਕ ਸੀ। ਉਸਨੇ ਦਿਵਾਲੀ ਦੇ ਦਿਨਾਂ ਵਿੱਚ ਨੀਲੇ ਰੰਗ ਦਾ ਸੂਟ ਪਾ ਕੇ ਟਿਕ-ਟਾਕ 'ਤੇ ਪੰਜਾਬੀ ਗਾਇਕਾ ਸੁਨੰਦਾ ਸ਼ਰਮਾ ਦੇ ਗਾਣੇ 'ਮੇਰੀ ਮੰਮੀ ਨੂੰ ਪਸੰਦ ਨੀ ਤੂੰ' 'ਤੇ ਇੱਕ ਵੀਡੀਓ ਬਣਾਈ ਸੀ।

ਉਸਦੇ ਸ਼ਾਨਦਾਰ ਐਕਸਪ੍ਰੈਸ਼ਨ ਕਾਰਨ ਉਹ ਵੀਡੀਓ ਵਾਇਰਲ ਹੋ ਗਈ ਅਤੇ ਉਸ 'ਤੇ ਕਰੀਬ 20 ਮਿਲੀਅਨ ਵਿਊਜ਼ ਆਏ। ਇਸ ਵੀਡੀਓ ਦੀ ਸਫਲਤਾ ਤੋਂ ਬਾਅਦ ਟਿਕ-ਟਾਕ 'ਤੇ ਉਸਦੇ ਫਾਲੋਅਰਜ਼ ਦੀ ਗਿਣਤੀ ਵਧ ਕੇ 5 ਮਿਲੀਅਨ ਹੋ ਗਈ ਸੀ। ਉੱਥੋਂ ਹੀ ਉਸਦੇ ਸਫਲ ਸਫਰ ਦੀ ਸ਼ੁਰੂਆਤ ਹੋਈ।

ਦਿਵਿਆਂਕਾ ਨੇ ਆਪਣੇ ਪਰਿਵਾਰ ਦੇ ਸਹਿਯੋਗ ਬਾਰੇ ਗੱਲ ਕਰਦਿਆਂ ਦੱਸਿਆ ਸੀ ਕਿ ਉਸ ਨੂੰ ਕਦੇ ਵੀ ਅਜਿਹਾ ਮਹਿਸੂਸ ਨਹੀਂ ਹੋਇਆ ਕਿ ਪਰਿਵਾਰ ਸਾਥ ਨਹੀਂ ਦੇਵੇਗਾ। ਉਸ ਦੇ ਪਰਿਵਾਰ ਨੇ ਹਰ ਮੋੜ 'ਤੇ ਉਸ ਦਾ ਪੂਰਾ ਸਾਥ ਦਿੱਤਾ। ਦਿਵਿਆਂਕਾ ਨੇ ਵਿੱਤੀ ਤੌਰ 'ਤੇ (Financially) ਵੀ ਆਪਣੇ ਆਪ ਨੂੰ ਖੁਦ ਹੀ ਸੰਭਾਲਿਆ ਸੀ।

ਇੰਝ ਹੋਈ ਸੀ ਹਰਿਆਣਵੀ ਇੰਡਸਟਰੀ 'ਚ ਐਂਟਰੀ

ਸਾਲ 2018 ਵਿੱਚ ਉਸ ਨੇ ਨੌਕਰੀ (Job) ਵੀ ਕੀਤੀ, ਪਰ ਜਦੋਂ ਉਸ ਨੂੰ ਲੱਗਾ ਕਿ ਉਹ ਮਨੋਰੰਜਨ ਜਗਤ ਵਿੱਚ ਕੁਝ ਵੱਡਾ ਕਰ ਸਕਦੀ ਹੈ, ਤਾਂ ਉਸ ਨੇ ਨੌਕਰੀ ਛੱਡ ਦਿੱਤੀ। ਹਰਿਆਣਵੀ ਇੰਡਸਟਰੀ ਵਿੱਚ ਉਸ ਦੇ ਸਫ਼ਰ ਦੀ ਸ਼ੁਰੂਆਤ 'ਵਿਲੇਨ' ਗਾਣੇ ਤੋਂ ਹੋਈ ਸੀ।

ਇੰਡਸਟਰੀ ਬਾਰੇ ਗੱਲ ਕਰਦਿਆਂ ਦਿਵਿਆਂਕਾ ਨੇ ਕਿਹਾ ਸੀ ਕਿ ਜੇਕਰ ਤੁਸੀਂ ਖੁਦ ਠੀਕ ਹੋ ਤਾਂ ਸਭ ਕੁਝ ਠੀਕ ਹੈ। ਹਰ ਜਗ੍ਹਾ ਹਰ ਤਰ੍ਹਾਂ ਦੇ ਲੋਕ ਮਿਲਦੇ ਹਨ ਅਤੇ ਜੋ ਲੋਕ ਆਪਣੇ ਆਪ ਨੂੰ ਸੰਭਾਲ ਨਹੀਂ ਪਾਉਂਦੇ, ਉਨ੍ਹਾਂ ਲਈ ਇਹ ਲਾਈਨ ਮਾੜੀ ਹੈ। ਦਿਵਿਆਂਕਾ ਨੇ ਦੱਸਿਆ ਕਿ ਉਸ ਕੋਲ ਆਪਣੀ ਟੀਮ ਹੈ ਅਤੇ ਉਹ ਆਪਣੀ ਸ਼ੂਟਿੰਗ 'ਤੇ ਹਮੇਸ਼ਾ ਆਪਣੇ ਭਰਾ ਨੂੰ ਨਾਲ ਲੈ ਕੇ ਜਾਂਦੀ ਸੀ।

ਵਿਆਹ ਨੂੰ ਲੈ ਕੇ ਆਖੀ ਸੀ ਇਹ ਗੱਲ

ਵਿਆਹ ਦੇ ਸਵਾਲ 'ਤੇ ਦਿਵਿਆਂਕਾ ਨੇ ਕਿਹਾ ਸੀ ਕਿ ਚਾਹੇ ਲਵ ਮੈਰਿਜ ਹੋਵੇ ਜਾਂ ਅਰੇਂਜ, ਵਿਆਹ ਦਾ ਲੱਡੂ ਖਾ ਕੇ ਵੀ ਪਛਤਾਉਣਾ ਪੈਂਦਾ ਹੈ ਅਤੇ ਨਾ ਖਾ ਕੇ ਵੀ। ਇਸ ਲਈ ਬਿਹਤਰ ਹੈ ਕਿ ਨਾ ਖਾ ਕੇ ਹੀ ਪਛਤਾ ਲਿਆ ਜਾਵੇ। ਫਿਲਹਾਲ ਮੇਰਾ ਵਿਆਹ ਦਾ ਕੋਈ ਇਰਾਦਾ ਨਹੀਂ ਹੈ। ਵਿਆਹ ਤੋਂ ਬਾਅਦ ਵੀ ਕਈ ਚੀਜ਼ਾਂ ਸੰਭਾਲਣੀਆਂ ਪੈਂਦੀਆਂ ਹਨ। ਮੈਂ ਆਪਣੇ ਪਰਿਵਾਰ ਲਈ ਧੀ ਨਹੀਂ, ਸਗੋਂ ਇੱਕ ਪੁੱਤਰ ਵਾਂਗ ਹਾਂ। ਅਦਾਕਾਰਾ ਦੇ ਇਸ ਤਰ੍ਹਾਂ ਚੱਲੇ ਜਾਣਾ ਪਰਿਵਾਰ ਦੇ ਨਾਲ-ਨਾਲ ਉਨ੍ਹਾਂ ਦੇ ਫੈਨਜ਼ ਲਈ ਤਾਂ ਵੱਡਾ ਸਦਮਾ ਹੈ।

‘ਲਾਰੈਂਸ ਆਫ ਪੰਜਾਬ' ਡਾਕੂਮੈਂਟਰੀ 'ਤੇ ਵਿਵਾਦ, ਕਾਂਗਰਸ ਵੱਲੋਂ ਵੀ ਵਿਰੋਧ, ਸਿੱਧੂ ਮੂਸੇਵਾਲਾ ਦੇ ਪਿਤਾ ਬੋਲੇ- ‘ਫਿਲਮਾਂ ਯੋਧਿਆਂ ‘ਤੇ ਬਣਦੀਆਂ ਨੇ, ਨਾ ਕਿ ਗੈਂਗਸਟਰਾਂ ‘ਤੇ’

Tue, 21 Apr 2026 17:00:19 +0530

ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਕਤਲ ਕਾਂਡ ਦੇ ਮੁੱਖ ਮਾਸਟਰ ਮਾਈਂਡ ਅਤੇ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਦੇ ਜੀਵਨ 'ਤੇ ਬਣੀ ਡਾਕੂਮੈਂਟਰੀ ਸੀਰੀਜ਼ “ਲਾਰੈਂਸ ਆਫ ਪੰਜਾਬ” ਨੂੰ ਲੈ ਕੇ ਵੱਡਾ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਇਸ ਮਾਮਲੇ ਵਿੱਚ ਹੁਣ ਪੰਜਾਬ ਕਾਂਗਰਸ ਨੇ ਸਖ਼ਤ ਸਟੈਂਡ ਲਿਆ ਹੈ। ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਇਸ ਫਿਲਮ ਵਿਰੁੱਧ ਹਾਈਕੋਰਟ ਦਾ ਰੁਖ ਕਰਨ ਦਾ ਫੈਸਲਾ ਕਰ ਲਿਆ ਹੈ। ਦੱਸ ਦਈਏ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਵੱਲੋਂ ਫੇਸਬੁੱਕ ਉੱਤੇ ਪੋਸਟ ਪਾ ਕੇ ਜਾਣਕਾਰੀ ਦਿੱਤੀ ਗਈ ਹੈ ਕਿ ਉਨ੍ਹਾਂ ਵੱਲੋਂ “Lawrence of Punjab” ਖ਼ਿਲਾਫ਼ ਕਾਨੂੰਨੀ ਨੋਟਿਸ ਜਾਰੀ ਕਰ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਨੋਟਿਸ ਦੀ ਕਾਪੀ ਵੀ ਸਾਂਝੀ ਕੀਤੀ ਹੈ।

ਰਾਜਾ ਵੜਿੰਗ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਐਕਸ' (ਟਵਿੱਟਰ) 'ਤੇ ਲਿਖਿਆ ਕਿ ਇਹ ਸੀਰੀਜ਼ ਸਿਰਫ਼ ਮਨੋਰੰਜਨ ਦਾ ਸਾਧਨ ਨਹੀਂ ਹੈ, ਸਗੋਂ ਸਾਡੇ ਸਾਰਿਆਂ ਦੇ ਮੂੰਹ 'ਤੇ ਇੱਕ ਕਰਾਰੀ ਚਪੇੜ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੀ ਪਛਾਣ ਸ਼ਹੀਦ ਭਗਤ ਸਿੰਘ ਵਰਗੇ ਸੂਰਬੀਰਾਂ ਅਤੇ ਦੇਸ਼ ਦੀ ਰਾਖੀ ਕਰਨ ਵਾਲੇ ਫੌਜੀਆਂ ਨਾਲ ਹੈ, ਨਾ ਕਿ ਅਪਰਾਧੀਆਂ ਨਾਲ। ਕਾਂਗਰਸ ਦਾ ਕਹਿਣਾ ਹੈ ਕਿ ਅਜਿਹੇ ਕੰਟੈਂਟ ਰਾਹੀਂ ਗੈਂਗਸਟਰ ਕਲਚਰ ਨੂੰ ਉਤਸ਼ਾਹਿਤ ਕਰਨਾ ਪੰਜਾਬ ਦੀ ਵਿਰਾਸਤ ਦਾ ਅਪਮਾਨ ਹੈ।

ਸਿੱਧੂ ਮੂਸੇਵਾਲਾ ਦੀ ਮੌਤ ਇੱਕ ਵੱਡਾ ਘਾਟਾ: ਸਿੱਧੂ ਮੂਸੇਵਾਲਾ ਦੀ ਮੌਤ ਹਰ ਇੱਕ ਪੰਜਾਬੀ ਅਤੇ ਦੁਨੀਆ ਭਰ ਵਿੱਚ ਮੌਜੂਦ ਉਨ੍ਹਾਂ ਦੇ ਲੱਖਾਂ ਪ੍ਰਸ਼ੰਸਕਾਂ ਲਈ ਇੱਕ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਸੀ। ਕੀ ਅੱਜ ZEE5 ਉਸੇ ਗੈਂਗਸਟਰ 'ਤੇ “ਲਾਰੈਂਸ ਆਫ ਪੰਜਾਬ” ਨਾਮ ਦੀ ਡਾਕੂਮੈਂਟਰੀ ਸੀਰੀਜ਼ ਬਣਾਉਣ ਜਾ ਰਿਹਾ ਹੈ?

Glorification of gangster culture cannot be tolerated. Punjab’s youth deserve better—not content that misguides and endangers their future.

Turning criminals into heroes is dangerous. We must protect our society and our youth from such narratives. pic.twitter.com/hyNbr83CE1
— Amarinder Singh Raja Warring (@RajaBrar_INC) April 21, 2026

ਸੈਂਕੜੇ ਪਰਿਵਾਰਾਂ ਦਾ ਦਰਦ: ਇਹ ਸਿਰਫ਼ ਸਿੱਧੂ ਦੀ ਗੱਲ ਨਹੀਂ ਹੈ, ਸਗੋਂ ਇਸ ਅਪਰਾਧਿਕ ਨੈੱਟਵਰਕ ਕਾਰਨ ਸੈਂਕੜੇ ਪੰਜਾਬੀ ਆਪਣੀਆਂ ਜਾਨਾਂ ਗੁਆ ਚੁੱਕੇ ਹਨ। ਅਣਗਿਣਤ ਪਰਿਵਾਰ ਅੱਜ ਵੀ ਉਸੇ ਦਰਦ ਅਤੇ ਸੋਗ ਵਿੱਚ ਜੀ ਰਹੇ ਹਨ। ਇਹ ਕੋਈ ਮਨੋਰੰਜਕ ਕੰਟੈਂਟ ਨਹੀਂ ਹੈ, ਸਗੋਂ ਸਾਡੇ ਸਾਰਿਆਂ ਦੇ ਮੂੰਹ 'ਤੇ ਇੱਕ ਚਪੇੜ ਹੈ।

ਪੰਜਾਬ ਦੀ ਅਸਲ ਪਛਾਣ: ਸ਼ਹੀਦ ਭਗਤ ਸਿੰਘ ਪੰਜਾਬ ਦੀ ਪਛਾਣ ਹਨ। ਸਾਡੇ ਦੇਸ਼ ਦੀ ਰਾਖੀ ਕਰਨ ਵਾਲੇ ਫੌਜੀ ਅਤੇ ਅੰਨਦਾਤਾ ਕਿਸਾਨ ਪੰਜਾਬ ਦੀ ਪਛਾਣ ਹਨ। ਕੋਈ ਵੀ ਗੈਂਗਸਟਰ ਕਦੇ ਵੀ ਪੰਜਾਬ ਦੀ ਪਛਾਣ ਨਹੀਂ ਹੋ ਸਕਦਾ। ਮੈਂ ਇਸ ਦੇ ਖਿਲਾਫ PIL (ਜਨਹਿਤ ਪਟੀਸ਼ਨ) ਦਾਇਰ ਕਰ ਰਿਹਾ ਹਾਂ। ਇਸ ਸੀਰੀਜ਼ 'ਤੇ ਤੁਰੰਤ ਰੋਕ ਲੱਗਣੀ ਚਾਹੀਦੀ ਹੈ। ਹੁਣ ਬਹੁਤ ਹੋ ਗਿਆ ਹੈ, ਅਸੀਂ ਪੰਜਾਬ ਦਾ ਅਪਮਾਨ ਬਰਦਾਸ਼ਤ ਨਹੀਂ ਕਰਾਂਗੇ।

27 ਅਪ੍ਰੈਲ ਨੂੰ ਹੋਵੇਗੀ ਰਿਲੀਜ਼

“ਲਾਰੈਂਸ ਆਫ ਪੰਜਾਬ” ਕੁਖਿਆਤ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਦੇ ਜੀਵਨ ਅਤੇ ਪੰਜਾਬ ਵਿੱਚ ਅਪਰਾਧਿਕ ਸੱਭਿਆਚਾਰ 'ਤੇ ਅਧਾਰਤ ਹੈ। ਇਸ ਸੀਰੀਜ਼ ਦਾ ਨਿਰਦੇਸ਼ਨ ਰਾਘਵ ਡਾਰ ਨੇ ਕੀਤਾ ਹੈ ਅਤੇ ਇਸ ਵਿੱਚ ਲਾਰੈਂਸ ਬਿਸ਼ਨੋਈ ਦੀ ਵਿਦਿਆਰਥੀ ਰਾਜਨੀਤੀ ਤੋਂ ਲੈ ਕੇ ਇੱਕ ਵੱਡੇ ਅਪਰਾਧੀ ਬਣਨ ਤੱਕ ਦੇ ਸਫ਼ਰ ਨੂੰ ਦਿਖਾਇਆ ਗਿਆ ਹੈ।

ਇਹ ਸੀਰੀਜ਼ ਓ.ਟੀ.ਟੀ. ਪਲੇਟਫਾਰਮ ZEE5 'ਤੇ ਰਿਲੀਜ਼ ਕੀਤੀ ਜਾਵੇਗੀ ਅਤੇ ਇਸ ਦੀ ਰਿਲੀਜ਼ ਤਾਰੀਖ 27 ਅਪ੍ਰੈਲ 2026 ਤੈਅ ਕੀਤੀ ਗਈ ਹੈ। ਟ੍ਰੇਲਰ ਰਿਲੀਜ਼ ਹੋਣ ਤੋਂ ਬਾਅਦ ਪੰਜਾਬ ਵਿੱਚ ਇਸ ਨੂੰ ਲੈ ਕੇ ਸਿਆਸੀ ਵਿਵਾਦ ਵੀ ਸ਼ੁਰੂ ਹੋ ਗਿਆ ਹੈ। ਪੰਜਾਬ ਕਾਂਗਰਸ ਨੇ ਇਸ ਸੀਰੀਜ਼ 'ਤੇ ਪਾਬੰਦੀ ਲਗਾਉਣ ਦੀ ਮੰਗ ਕੀਤੀ ਹੈ; ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਨਾਲ ਅਪਰਾਧੀ ਦਾ ਗ਼ਲਤ ਪ੍ਰਚਾਰ ਹੋ ਸਕਦਾ ਹੈ।

ਸਿੱਧੂ ਮੂਸੇਵਾਲਾ ਦੇ ਪਿਤਾ ਨੇ ਵੀ ਜਤਾਇਆ ਇਤਰਾਜ਼, ਗੈਂਗਸਟਰਾਂ ਨੂੰ ਗਲੋਰੀਫਾਈ ਕੀਤਾ ਜਾ ਰਿਹਾ

ਸਿੱਧੂ ਮੂਸੇਵਾਲਾ ਦੇ ਪਿਤਾ ਬਲਕੌਰ ਸਿੰਘ ਦਾ ਕਹਿਣਾ ਹੈ ਕਿ ਇਹ ਵੈੱਬ ਸੀਰੀਜ਼ ਸਮਾਜ ਨੂੰ ਗਲਤ ਸੁਨੇਹਾ ਦੇ ਰਹੀ ਹੈ। ਉਨ੍ਹਾਂ ਦਾ ਇਲਜ਼ਾਮ ਹੈ ਕਿ ਗੈਂਗਸਟਰਾਂ ਨੂੰ ਹੀਰੋ ਵਜੋਂ ਦਰਸਾਇਆ ਜਾ ਰਿਹਾ ਹੈ, ਜੋ ਨੌਜਵਾਨਾਂ ਲਈ ਖਤਰਨਾਕ ਸਾਬਤ ਹੋ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ 'ਚ ਬਹੁਤ ਸਾਰੇ ਸ਼ਹੀਦ, ਯੋਧੇ, ਵਿਗਿਆਨੀ ਅਤੇ ਖਿਡਾਰੀ ਹਨ ਜਿਨ੍ਹਾਂ ਬਾਰੇ ਫਿਲਮਾਂ ਬਣਾਈਆਂ ਜਾ ਸਕਦੀਆਂ ਹਨ, ਪਰ ਇਹ ਸਿਰਫ਼ ਇਸ ਗੈਂਗਸਟਰ 'ਤੇ ਹੀ ਕਿਉਂ ਬਣਾਈ ਜਾ ਰਹੀ ਹੈ? ਉਨ੍ਹਾਂ ਕਿਹਾ ਕਿ ਇਸ ਗੈਂਗਸਟਰ ਨੇ ਉਨ੍ਹਾਂ ਦੇ ਪੁੱਤ ਨੂੰ ਮਾਰਿਆ, ਜਿਸਦਾ ਉਨ੍ਹਾਂ ਨੂੰ ਅੱਜ ਤੱਕ ਇਨਸਾਫ਼ ਨਹੀਂ ਮਿਲਿਆ ਹੈ। ਲਾਰੈਂਸ ਬਿਸ਼ਨੋਈ ਦੇ ਹੱਥ ਖੂਨ ਨਾਲ ਰੰਗੇ ਹੋਏ ਹਨ, ਪੰਜਾਬੀਆਂ ਦਾ ਕਾਤਲ ਹੈ।

ਧਮਕੀਆਂ ਅਤੇ ਫਿਰੌਤੀਆਂ

ਲਾਰੈਂਸ ਇਸ ਸਮੇਂ ਸਾਬਰਮਤੀ ਜੇਲ੍ਹ ਵਿੱਚ ਬੰਦ ਹੈ, ਪਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਉਸਦਾ ਗੈਂਗ ਚੰਡੀਗੜ੍ਹ ਅਤੇ ਪੰਜਾਬ ਵਿੱਚ ਕਾਰੋਬਾਰੀਆਂ ਤੋਂ ਫਿਰੌਤੀ (ਰੰਗਦਾਰੀ) ਵਸੂਲਣ ਵਿੱਚ ਲਗਾਤਾਰ ਸਰਗਰਮ ਹੈ। ਅਕਸਰ ਧਮਕੀਆਂ ਦੇਣ ਅਤੇ ਫਾਇਰਿੰਗ ਕਰਨ ਦੀਆਂ ਘਟਨਾਵਾਂ ਸਾਹਮਣੇ ਆ ਰਹੀਆਂ ਹਨ। ਕਈ ਲੋਕਾਂ ਨੂੰ ਫਿਰੌਤੀ ਲਈ ਲਗਾਤਾਰ ਧਮਕੀ ਭਰੀਆਂ ਕਾਲਾਂ ਵੀ ਆ ਰਹੀਆਂ ਹਨ।

ਸੁਰਾਂ ਦੀ ਮਲਿਕਾ ਆਸ਼ਾ ਭੋਸਲੇ ਨਹੀਂ ਰਹੇ! ਸੰਗੀਤ ਜਗਤ ‘ਚ ਸੋਗ ਦੀ ਲਹਿਰ, PM ਮੋਦੀ ਨੇ ਜਤਾਇਆ ਦੁੱਖ

Sun, 12 Apr 2026 14:57:16 +0530

ਬਾਲੀਵੁੱਡ ਜਗਤ ਤੋਂ ਮਾੜੀ ਖਬਰ ਸਾਹਮਣੇ ਆਈ ਹੈ, ਦਿੱਗਜ ਗਾਇਕਾ ਆਸ਼ਾ ਭੋਸਲੇ ਦਾ ਦੇਹਾਂਤ ਹੋ ਗਿਆ ਹੈ। ਉਹਨਾਂ ਨੇ 92 ਸਾਲ ਦੀ ਉਮਰ ਵਿੱਚ ਆਖਰੀ ਸਾਹ ਲਏ। ਸ਼ਨੀਵਾਰ 11 ਅਪ੍ਰੈਲ ਦੀ ਰਾਤ ਨੂੰ ਉਹਨਾਂ ਦੀ ਸਿਹਤ ਖ਼ਰਾਬ ਹੋਣ ਦੀ ਖ਼ਬਰ ਸਾਹਮਣੇ ਆਈ ਸੀ, ਜਿਸ ਤੋਂ ਬਾਅਦ ਗਾਇਕਾ ਨੂੰ ਬ੍ਰੀਚ ਕੈਂਡੀ ਹਸਪਤਾਲ (Breach Candy Hospital) ਵਿੱਚ ਭਰਤੀ ਕਰਵਾਇਆ ਗਿਆ। ਹਸਪਤਾਲ ਵੱਲੋਂ ਜਾਰੀ ਕੀਤੇ ਗਏ ਪਹਿਲੇ ਬਿਆਨ ਵਿੱਚ ਦਿਲ ਦਾ ਦੌਰਾ (Heart Attack) ਪੈਣ ਦੀ ਗੱਲ ਕਹੀ ਗਈ ਸੀ। ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਸੀ। ਉਨ੍ਹਾਂ ਦੀ ਪੋਤੀ ਜਨਾਈ ਨੇ ਪ੍ਰਤੀਕਿਰਿਆ ਦਿੰਦੇ ਹੋਏ ਪੁਸ਼ਟੀ ਕੀਤੀ ਸੀ ਕਿ ਉਹਨਾਂ ਦੀ ਛਾਤੀ ਵਿੱਚ ਇਨਫੈਕਸ਼ਨ ਅਤੇ ਸਾਹ ਲੈਣ ਵਿੱਚ ਤਕਲੀਫ਼ ਸੀ। ਇਸ ਦੇ ਨਾਲ ਹੀ ਉਹਨਾਂ ਦੇ ਦੇਹਾਂਤ ਦੀ ਵਜ੍ਹਾ ਦੇ ਪਿੱਛੇ 'ਮਲਟੀ ਆਰਗਨ ਫੇਲਿਓਰ' ਵੀ ਸਾਹਮਣੇ ਆ ਰਹੀ ਹੈ।

ਦਿੱਗਜ ਗਾਇਕਾ ਆਸ਼ਾ ਭੋਸਲੇ ਦੇ ਦਿਹਾਂਤ ਖਬਰ ਆਉਣ ਨਾਲ ਬਾਲੀਵੁੱਡ ਜਗਤ ਦੇ ਵਿੱਚ ਸੋਗ ਦੀ ਲਹਿਰ ਛਾ ਗਈ। ਕਲਾਕਾਰ ਸੋਸ਼ਲ ਮੀਡੀਆ ਉੱਤੇ ਪੋਸਟ ਪਾ ਕੇ ਦੁੱਖ ਜਤਾ ਰਹੇ ਹਨ। ਦੱਸ ਦਈਏ ਗਾਇਕਾ ਦਾ ਅੰਤਿਮ ਸੰਸਕਾਰ ਸੋਮਵਾਰ ਨੂੰ ਕੀਤਾ ਜਾਏਗਾ।

Deeply saddened by the passing of Asha Bhosle Ji, one of the most iconic and versatile voices India has ever known. Her extraordinary musical journey, spanning decades, enriched our cultural heritage and touched countless hearts across the world. Be it her soulful melodies or… pic.twitter.com/SbFrzf1Meu
— Narendra Modi (@narendramodi) April 12, 2026

ਇਸ ਮੌਕੇ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੁੱਖ ਪ੍ਰਗਟ ਕੀਤਾ। ਉਹਨਾਂ ਨੇ ਐਕਸ (ਪਹਿਲਾਂ ਟਵਿੱਟਰ) 'ਤੇ ਲਿਖਿਆ ਕਿ ਭਾਰਤ ਦੀਆਂ ਸਭ ਤੋਂ ਮਸ਼ਹੂਰ ਅਤੇ ਬਹੁਮੁਖੀ ਗਾਇਕਾਵਾਂ ਵਿੱਚੋਂ ਇੱਕ ਆਸ਼ਾ ਭੋਸਲੇ ਜੀ ਦੇ ਦੇਹਾਂਤ ਦੀ ਖ਼ਬਰ ਨਾਲ ਡੂੰਘਾ ਦੁੱਖ ਹੋਇਆ ਹੈ। ਉਹਨਾਂ ਦਾ ਸੰਗੀਤਕ ਸਫ਼ਰ ਕਈ ਦਹਾਕਿਆਂ ਤੱਕ ਚੱਲਿਆ ਅਤੇ ਇਸ ਦੌਰਾਨ ਉਹਨਾਂ ਨੇ ਭਾਰਤੀ ਸੱਭਿਆਚਾਰ ਨੂੰ ਹੋਰ ਵੀ ਅਮੀਰ ਬਣਾਇਆ।

ਪੀਐਮ ਮੋਦੀ ਨੇ ਅੱਗੇ ਲਿਖਿਆ ਕਿ ਉਹਨਾਂ ਦੀ ਆਵਾਜ਼ ਨੇ ਦੇਸ਼ ਹੀ ਨਹੀਂ, ਸਗੋਂ ਦੁਨੀਆ ਭਰ ਦੇ ਲੋਕਾਂ ਦੇ ਦਿਲਾਂ ਨੂੰ ਛੂਹਿਆ। ਚਾਹੇ ਉਹਨਾਂ ਦੇ ਭਾਵੁਕ ਗੀਤ ਹੋਣ ਜਾਂ ਜੋਸ਼ ਨਾਲ ਭਰੇ ਗਾਣੇ, ਉਹਨਾਂ ਦੀ ਆਵਾਜ਼ ਵਿੱਚ ਇੱਕ ਵੱਖਰਾ ਹੀ ਜਾਦੂ ਸੀ, ਜੋ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ। ਉਹਨਾਂ ਨਾਲ ਹੋਈਆਂ ਮੁਲਾਕਾਤਾਂ ਦੀਆਂ ਯਾਦਾਂ ਵੀ ਹਮੇਸ਼ਾ ਦਿਲ ਵਿੱਚ ਬਣੀਆਂ ਰਹਿਣਗੀਆਂ। ਇਸ ਦੁੱਖ ਦੀ ਘੜੀ ਵਿੱਚ ਮੈਂ ਉਹਨਾਂ ਦੇ ਪਰਿਵਾਰ, ਚਾਹੁਣ ਵਾਲਿਆਂ ਅਤੇ ਸੰਗੀਤ ਪ੍ਰੇਮੀਆਂ ਪ੍ਰਤੀ ਆਪਣੀ ਹਮਦਰਦੀ ਪ੍ਰਗਟ ਕਰਦਾ ਹਾਂ। ਆਸ਼ਾ ਭੋਸਲੇ ਜੀ ਹਮੇਸ਼ਾ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰਦੇ ਰਹਿਣਗੇ ਅਤੇ ਉਹਨਾਂ ਦੇ ਗੀਤ ਹਮੇਸ਼ਾ ਲੋਕਾਂ ਦੇ ਦਿਲਾਂ ਵਿੱਚ ਗੂੰਜਦੇ ਰਹਿਣਗੇ।

ਦੱਸ ਦੇਈਏ ਕਿ ਆਸ਼ਾ ਭੋਸਲੇ ਦਾ ਜਨਮ 8 ਸਤੰਬਰ 1933 ਨੂੰ ਹੋਇਆ ਸੀ। ਆਸ਼ਾ ਇੰਡਸਟਰੀ ਦੀ ਦਿੱਗਜ ਗਾਇਕਾ ਹਨ। ਉਹ ਮਰਹੂਮ ਦਿੱਗਜ ਗਾਇਕਾ ਲਤਾ ਮੰਗੇਸ਼ਕਰ ਦੀ ਛੋਟੀ ਭੈਣ ਹਨ। ਆਸ਼ਾ ਭੋਸਲੇ ਨੇ ਇੰਡਸਟਰੀ ਵਿੱਚ ਆਪਣੀ ਸੁਰੀਲੀ ਆਵਾਜ਼ ਨਾਲ ਵੱਖਰੀ ਪਛਾਣ ਬਣਾਈ ਹੈ। ਉਹਨਾਂ ਦੇ ਗਾਣੇ ਬਹੁਤ ਪਸੰਦ ਕੀਤੇ ਜਾਂਦੇ ਹਨ। ਉਹਨਾਂ ਨੂੰ ਆਪਣੀ ਗਾਇਕੀ ਲਈ ਕਈ ਪੁਰਸਕਾਰ ਵੀ ਮਿਲ ਚੁੱਕੇ ਹਨ।

ਆਸ਼ਾ ਭੋਸਲੇ ਨੂੰ ਮਿਲੇ ਇਹ ਸਨਮਾਨ

ਆਸ਼ਾ ਭੋਸਲੇ ਨੂੰ 2 ਨੈਸ਼ਨਲ ਐਵਾਰਡ, 4 BFJA ਐਵਾਰਡ, 8 ਮਹਾਰਾਸ਼ਟਰ ਸਟੇਟ ਫਿਲਮ ਐਵਾਰਡ, 9 ਫਿਲਮਫੇਅਰ ਐਵਾਰਡ ਅਤੇ ਲਾਈਫਟਾਈਮ ਅਚੀਵਮੈਂਟ ਐਵਾਰਡ ਮਿਲ ਚੁੱਕੇ ਹਨ। ਉਹਨਾਂ ਨੂੰ 2 ਗ੍ਰੈਮੀ ਨਾਮਜ਼ਦਗੀਆਂ (Nominations) ਵੀ ਮਿਲੀਆਂ। ਉਹਨਾਂ ਨੂੰ ਦਾਦਾ ਸਾਹਿਬ ਫਾਲਕੇ ਐਵਾਰਡ ਨਾਲ ਵੀ ਨਿਵਾਜਿਆ ਗਿਆ। ਇਸ ਤੋਂ ਇਲਾਵਾ ਉਹਨਾਂ ਨੂੰ ਪਦਮ ਵਿਭੂਸ਼ਣ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਹੈ।

ਜੇਕਰ ਆਸ਼ਾ ਭੋਸਲੇ ਦੇ ਮਕਬੂਲ ਗੀਤਾਂ ਦੀ ਗੱਲ ਕਰੀਏ, ਤਾਂ ਇਸ ਸੂਚੀ ਵਿੱਚ 'ਯੇ ਪਰਦਾ ਹਟਾ ਦੋ', 'ਆਂਖੋ ਆਂਖੋ ਮੇਂ ਹਮ ਤੁਮ ਹੋ ਗਏ ਦੀਵਾਨੇ', 'ਦੋ ਮਸਤਾਨੇ ਦੋ ਦੀਵਾਨੇ', 'ਦੇਖੀ ਹਜ਼ਾਰੋਂ ਮਹਿਫਿਲਾਂ' ਵਰਗੇ ਕਈ ਸਦਾਬਹਾਰ ਗੀਤ ਸ਼ਾਮਲ ਹਨ।

ਆਸ਼ਾ ਭੋਸਲੇ ਨੇ ਕੀਤੇ 2 ਵਿਆਹ

ਨਿੱਜੀ ਜ਼ਿੰਦਗੀ ਵਿੱਚ ਆਸ਼ਾ ਭੋਸਲੇ ਦਾ ਪਹਿਲਾ ਵਿਆਹ ਗਣਪਤਰਾਓ ਭੋਸਲੇ ਨਾਲ ਹੋਇਆ ਸੀ। ਇਹ ਵਿਆਹ ਜ਼ਿਆਦਾ ਸਮਾਂ ਨਹੀਂ ਚੱਲ ਸਕਿਆ; ਇਹ ਰਿਸ਼ਤਾ 1949 ਤੋਂ 1960 ਤੱਕ ਰਿਹਾ। ਇਸ ਤੋਂ ਬਾਅਦ ਉਹਨਾਂ ਨੇ ਦੂਜਾ ਵਿਆਹ ਆਰ. ਡੀ. ਬਰਮਨ (R. D. Burman) ਨਾਲ ਕੀਤਾ। ਆਸ਼ਾ ਭੋਸਲੇ ਦੇ 3 ਬੱਚੇ ਹਨ।