ਹਰਿਆਣਾ ਤੋਂ ਇੱਕ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ। ਇੱਕ ਕੋਰਟ ਪਰਿਸਰ ਦੀ ਦੀਵਾਰ ਤੋਂ ਛਾਲ ਮਾਰ ਕੇ ਬਦਮਾਸ਼ ਫਰਾਰ ਹੋ ਗਿਆ। ਦਰਅਸਲ ਹਰਿਆਣਾ ਦੇ ਹਿਸਾਰ ਵਿੱਚ, ਇੱਕ ਅਪਰਾਧੀ ਅਦਾਲਤ ਦੀ ਕੰਧ ਟੱਪ ਕੇ ਫਰਾਰ ਹੋ ਗਿਆ। ਬਰਵਾਲਾ ਪੁਲਿਸ ਸਟੇਸ਼ਨ ਮੁਲਜ਼ਮ ਨੂੰ ਚੋਰੀ ਦੇ ਮਾਮਲੇ ਵਿੱਚ ਅਦਾਲਤ ਵਿੱਚ ਪੇਸ਼ ਹੋਣ ਲਾਏ ਸਨ, ਪਰ ਉਹ ਭੱਜਣ ਵਿੱਚ ਕਾਮਯਾਬ ਹੋ ਗਿਆ।
ਅਪਰਾਧੀ ਇੰਨਾ ਚਲਾਕ ਸੀ ਕਿ ਅਦਾਲਤ ਦੇ ਗੇਟ ਰਾਹੀਂ ਭੱਜਣ ਦੀ ਬਜਾਏ, ਉਹ 12 ਫੁੱਟ ਉੱਚੀ ਕੰਧ ਟੱਪ ਗਿਆ। ਅਪਰਾਧੀ ਦੇ ਭੱਜਣ ਦੀ ਸੂਚਨਾ ਮਿਲਣ 'ਤੇ ਪੁਲਿਸ ਨੂੰ ਚੌਕਸ ਕਰ ਦਿੱਤਾ ਗਿਆ। ਸੀਆਈਏ ਵਨ ਨੇ ਪੂਰੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਮੁਲਜ਼ਮ ਅਦਾਲਤ ਦੀ ਕੰਧ ਟੱਪ ਕੇ ਸੈਕਟਰ 15 ਵੱਲ ਪਾਰਕਿੰਗ ਚੋਂ ਭੱਜ ਗਿਆ। ਆਰੋਪੀ ਦਾ ਨਾਮ ਵਿਸ਼ਾਲ ਦੱਸਿਆ ਜਾ ਰਿਹਾ ਹੈ। ਪੁਲਿਸ ਨੇ ਉਸਨੂੰ ਚੋਰੀ ਦੇ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕਰਕੇ ਅਦਾਲਤ ਵਿੱਚ ਪੇਸ਼ ਹੋਣ ਲਈ ਲਿਆਂਦਾ ਸੀ।
ਚੋਰ 12 ਫੁੱਟ ਉੱਚੀ ਕੰਧ ਟੱਪ ਕੇ ਭੱਜ ਗਿਆ, ਪਰ ਪੁਲਿਸ ਨੂੰ ਮੁੱਖ ਗੇਟ ਤੋਂ ਪਾਰਕਿੰਗ ਵਾਲੀ ਥਾਂ 'ਤੇ ਪਹੁੰਚਣ 'ਚ ਸਮਾਂ ਲੱਗਿਆ। ਇਸਦਾ ਫਾਇਦਾ ਉਠਾਉਂਦੇ ਹੋਏ, ਚੋਰ ਸੈਕਟਰ 15 ਵੱਲ ਭੱਜ ਗਿਆ।
ਜਦੋਂ ਪਾਰਕਿੰਗ ਆਪਰੇਟਰ ਨੂੰ ਸੀਸੀਟੀਵੀ ਫੁਟੇਜ ਲਈ ਕਿਹਾ ਗਿਆ, ਤਾਂ ਉਸਨੇ ਕਿਹਾ ਕਿ ਕੈਮਰੇ ਦੀ ਵਾਇਰਿੰਗ ਖਰਾਬ ਹੋ ਗਈ ਸੀ ਅਤੇ ਕੈਮਰਾ ਨਹੀਂ ਚੱਲ ਰਿਹਾ ਸੀ। ਫਿਰ ਪੁਲਿਸ ਨੇ ਮਾਮਲੇ ਬਾਰੇ ਉੱਚ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ। ਬਾਅਦ ਵਿੱਚ ਜਾਂਚ ਸੀਆਈਏ ਵਨ ਨੂੰ ਸੌਂਪ ਦਿੱਤੀ ਗਈ। ਸੀਆਈਏ ਟੀਮ ਹੁਣ ਚੋਰ ਦਾ ਪਿੱਛਾ ਕਰ ਰਹੀ ਹੈ।
