Indigo Crisis-ਇੰਡੀਗੋ ਦੀਆਂ ਸੈਂਕੜੇ ਉਡਾਣਾਂ ਰੱਦ, Airport ‘ਤੇ ਹਾਹਾਕਾਰ

ਦੇਸ਼ ਦੀਆਂ ਪ੍ਰਮੁੱਖ ਏਅਰਲਾਈਨਾਂ ਵਿੱਚੋਂ ਇੱਕ, ਇੰਡੀਗੋ, ਇਨ੍ਹੀਂ ਦਿਨੀਂ ਔਖੇ ਸਮੇਂ ਵਿੱਚੋਂ ਲੰਘ ਰਹੀ ਹੈ। ਰੋਜ਼ਾਨਾ ਕਈ ਉਡਾਣਾਂ ਰੱਦ ਕੀਤੀਆਂ ਜਾ ਰਹੀਆਂ ਹਨ। ਰਿਪੋਰਟਾਂ ਅਨੁਸਾਰ, ਦੇਸ਼ ਭਰ ਵਿੱਚ ਲਗਾਤਾਰ ਦੋ ਦਿਨਾਂ ਤੋਂ ਸੈਂਕੜੇ ਉਡਾਣਾਂ ਰੱਦ ਕੀਤੀਆਂ ਗਈਆਂ ਹਨ, ਜਿਸ ਵਿੱਚ ਸਿਰਫ਼ ਦਿੱਲੀ, ਮੁੰਬਈ, ਅਹਿਮਦਾਬਾਦ ਅਤੇ ਹੈਦਰਾਬਾਦ ਵਿੱਚ ਕੁੱਲ 191 ਉਡਾਣਾਂ ਪ੍ਰਭਾਵਿਤ ਹੋਈਆਂ ਹਨ। ਇਸ ਨਾਲ ਯਾਤਰੀਆਂ ਵਿੱਚ ਕਾਫ਼ੀ ਗੁੱਸਾ ਹੈ, ਹਵਾਈ ਅੱਡਿਆਂ 'ਤੇ ਹਜ਼ਾਰਾਂ ਯਾਤਰੀਆਂ ਦੀਆਂ ਲੰਬੀਆਂ ਕਤਾਰਾਂ ਦਿਖਾਈ ਦੇ ਰਹੀਆਂ ਹਨ।

ਵਿਗੜਦੀ ਸਥਿਤੀ ਨੂੰ ਦੇਖਦੇ ਹੋਏ, ਡਾਇਰੈਕਟੋਰੇਟ ਜਨਰਲ ਆਫ਼ ਸਿਵਲ ਏਵੀਏਸ਼ਨ (DGCA) ਨੇ ਵੀ ਇੰਡੀਗੋ ਏਅਰਲਾਈਨਜ਼ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਹੈ। ਇਸ ਤੋਂ ਬਾਅਦ, ਇੰਡੀਗੋ ਨੇ ਅਧਿਕਾਰਤ ਤੌਰ 'ਤੇ ਭਰੋਸਾ ਦਿੱਤਾ ਹੈ ਕਿ ਸਥਿਤੀ ਜਲਦੀ ਹੀ ਆਮ ਵਾਂਗ ਹੋ ਜਾਵੇਗੀ। ਇੰਡੀਗੋ ਨੇ ਗਾਹਕਾਂ ਅਤੇ ਉਦਯੋਗ ਦੇ ਹਿੱਸੇਦਾਰਾਂ ਤੋਂ "ਦਿਲੋਂ ਮੁਆਫ਼ੀ" ਮੰਗੀ ਹੈ, ਇਹ ਕਹਿੰਦੇ ਹੋਏ ਕਿ ਏਅਰਲਾਈਨ "ਜਲਦੀ ਤੋਂ ਜਲਦੀ ਆਪਣੇ ਕੰਮਕਾਜ ਨੂੰ ਬਹਾਲ ਕਰਨ 'ਤੇ ਕੇਂਦ੍ਰਿਤ ਹੈ।"

ਹੈਦਰਾਬਾਦ ਵਿੱਚ ਯਾਤਰੀ ਇੰਨੇ ਨਾਰਾਜ਼ ਹੋ ਗਏ ਕਿ ਕਈ ਲੋਕ ਏਅਰ ਇੰਡੀਆ ਦੀ ਇੱਕ ਉਡਾਣ ਦੇ ਸਾਹਮਣੇ ਬੈਠ ਗਏ ਅਤੇ ਉਸਨੂੰ ਰੋਕ ਦਿੱਤਾ। ਉਥੇ ਇੱਕ ਵਿਅਕਤੀ ਨੇ ਦੱਸਿਆ ਕਿ "ਕੱਲ੍ਹ ਸ਼ਾਮ 7:30 ਦੀ ਫਲਾਈਟ ਸੀ, ਹੁਣ 12 ਘੰਟੇ ਹੋ ਗਏ ਹਨ। ਇੰਡੀਗੋ ਕਹਿ ਰਹੀ ਹੈ ਕਿ ਅਣਨਿਸ਼ਚਿਤ ਸਮੇਂ ਲਈ ਦੇਰੀ ਹੋ ਸਕਦੀ ਹੈ। ਇਹ ਤਾਂ ਮਜ਼ਾਕ ਹੈ।" ਦੇਸ਼ ਦੇ ਕਈ ਸ਼ਹਿਰਾਂ ਵਿੱਚ ਇੰਡੀਗੋ ਦੀਆਂ ਕਈ ਫਲਾਈਟਾਂ ਰੱਦ ਹੋ ਚੁੱਕੀਆਂ ਹਨ।

ਮੁੰਬਈ: 118

ਬੈਂਗਲੋਰੂ: 100

ਹੈਦਰਾਬਾਦ: 75

ਕੋਲਕਾਤਾ: 35

ਚੇਨਈ: 26

ਗੋਆ: 11

ਭੋਪਾਲ: 5

ਇੰਡੀਗੋ ਦੀ ਸਫਾਈ

ਇੰਡੀਗੋ ਨੇ ਮੰਨਿਆ ਹੈ ਕਿ ਨਵੇਂ ਨਿਯਮਾਂ ਦੇ ਬਾਅਦ ਕ੍ਰੂ ਦੀ ਲੋੜ ਦਾ ਗਲਤ ਅੰਦਾਜ਼ਾ ਲਗਾਇਆ ਗਿਆ। ਇਸ ਤੋਂ ਇਲਾਵਾ, ਸਰਦੀਆਂ, ਤਕਨੀਕੀ ਸਮੱਸਿਆਵਾਂ ਅਤੇ ਸਟਾਫ਼ ਦੀ ਘਾਟ ਨੇ ਮਿਲ ਕੇ ਉਡਾਣਾਂ ਨੂੰ ਬਹੁਤ ਪ੍ਰਭਾਵਿਤ ਕੀਤਾ ਹੈ। DGCA ਨੂੰ ਭੇਜੀ ਗਈ ਰਿਪੋਰਟ ਵਿੱਚ ਇੰਡੀਗੋ ਨੇ ਦੱਸਿਆ ਕਿ ਉਹ ਪਾਇਲਟ-ਕ੍ਰੂ ਡਿਊਟੀ ਦੇ ਨਵੇਂ ਨਿਯਮਾਂ ਨੂੰ ਇਸ ਸਮੇਂ ਵਾਪਸ ਲੈ ਰਹੇ ਹਨ। ਰਾਤ ਦੀ ਡਿਊਟੀ ਸਵੇਰੇ 5 ਵਜੇ ਤੱਕ ਸੀ, ਹੁਣ ਇਸਨੂੰ ਸਵੇਰੇ 6 ਵਜੇ ਤੱਕ ਵਧਾਇਆ ਗਿਆ ਸੀ। ਇਹ ਵਾਪਸ ਲਿਆ ਲਿਆ ਗਿਆ। ਰਾਤ ਵਿੱਚ ਦੋ ਲੈਂਡਿੰਗ ਦੀ ਸੀਮਾ ਨੂੰ ਵੀ ਅਸਥਾਈ ਤੌਰ ‘ਤੇ ਹਟਾਇਆ ਗਿਆ।

ਆਉਣ ਵਾਲੇ 3 ਦਿਨਾਂ ਤੱਕ ਹੋਰ ਉਡਾਣਾਂ ਰੱਦ ਹੋਣਗੀਆਂ

ਇੰਡੀਗੋ ਨੇ ਚੇਤਾਵਨੀ ਦਿੱਤੀ ਹੈ ਕਿ ਸ਼ੈਡਿਊਲ ਸਧਾਰਾ ਹੋਣ ਵਿੱਚ ਘੱਟੋ-ਘੱਟ 2–3 ਦਿਨ ਹੋਰ ਲੱਗਣਗੇ। 8 ਦਸੰਬਰ ਤੋਂ ਏਅਰਲਾਈਨ ਨੇ ਉਡਾਣਾਂ ਦਾ ਸ਼ੈਡਿਊਲ ਘਟਾ ਦਿੱਤਾ ਹੈ ਤਾਂ ਜੋ ਅਵਿਵਸਥਾ ਨੂੰ ਰੋਕਿਆ ਜਾ ਸਕੇ। ਇੰਡੀਗੋ ਦੇ ਸੀਈਓ ਪੀਟਰ ਐਲਬਰਸ ਨੇ ਕਰਮਚਾਰੀਆਂ ਨੂੰ ਸੁਨੇਹਾ ਦਿੱਤਾ ਕਿ ਸਮੇਂ ਤੇ ਉਡਾਣਾਂ ਚਾਲੂ ਕਰਨਾ ਆਸਾਨ ਨਹੀਂ ਹੋਵੇਗਾ। ਅਸੀਂ ਪੂਰੀ ਤਾਕਤ ਨਾਲ ਸਥਿਤੀ ਸੁਧਾਰਨ ਵਿੱਚ ਲੱਗੇ ਹੋਏ ਹਾਂ।