Indian Army Day 2026 : ਸੈਨਾ ਮੈਡਲ ਲੈਂਦਿਆਂ ਸਟੇਜ 'ਤੇ ਬੇਹੋਸ਼ ਹੋਈ ਸ਼ਹੀਦ ਦੀ ਮਾਂ, ਜਵਾਨਾਂ ਨੇ ਸੰਭਾਲਿਆ
ਜੈਪੁਰ:- ਰਾਜਸਥਾਨ ਦੀ ਰਾਜਧਾਨੀ ਵਿੱਚ ਵੀਰਵਾਰ ਨੂੰ ਭਾਰਤੀ ਸੈਨਾ ਦਿਵਸ ਪ੍ਰੋਗਰਾਮ ਦੌਰਾਨ ਇੱਕ ਬਹੁਤ ਹੀ ਭਾਵੁਕ ਕਰਨ ਵਾਲਾ ਪਲ ਸਾਹਮਣੇ ਆਇਆ। ਜਿੱਥੇ ਆਪ੍ਰੇਸ਼ਨ ਸਿੰਦੂਰ ਦੌਰਾਨ ਸ਼ਹੀਦ ਲਾਂਸ ਨਾਇਕ ਪ੍ਰਦੀਪ ਕੁਮਾਰ ਦੀ ਮਾਂ ਮੈਡਲ ਪ੍ਰਾਪਤ ਕਰਦੇ ਸਮੇਂ ਬੇਹੋਸ਼ ਹੋ ਗਈ।
ਉੱਥੇ ਮੌਜੂਦ ਫੌਜ ਦੇ ਜਵਾਨ ਨੇ ਸ਼ਹੀਦ ਦੀ ਮਾਂ ਨੂੰ ਸੰਭਾਲਿਆ। ਦੱਸ ਦਈਏ ਕਿ ਪ੍ਰਦੀਪ ਕੁਮਾਰ ਨੇ ਆਪ੍ਰੇਸ਼ਨ ਸਿੰਦੂਰ ਦੌਰਾਨ ਬਹਾਦਰੀ ਦਿਖਾਈ ਸੀ। ਸਭ ਤੋਂ ਵੱਡੀ ਕੁਰਬਾਨੀ ਦੇਣ ਵਾਲੇ ਪਹਿਲੇ ਪੈਰਾ ਸਪੈਸ਼ਲ ਫੋਰਸਿਜ਼ ਦੇ ਸਿਪਾਹੀ ਲਾਂਸ ਨਾਇਕ ਪ੍ਰਦੀਪ ਕੁਮਾਰ ਨੂੰ ਮਰਨ ਉਪਰੰਤ ਭਾਰਤੀ ਸੈਨਾ ਵੱਲੋਂ ਸੈਨਾ ਮੈਡਲ ਨਾਲ ਸਨਮਾਨਿਤ ਕੀਤਾ ਗਿਆ।
ਜਾਣਕਾਰੀ ਅਨੁਸਾਰ ਦੱਸ ਦਈਏ ਕਿ ਭਾਰਤੀ ਸੈਨਾ ਦੇ ਸੱਦੇ 'ਤੇ ਸ਼ਹੀਦ ਪ੍ਰਦੀਪ ਕੁਮਾਰ ਦੀ ਮਾਂ ਆਪਣੇ ਪੁੱਤਰ ਦਾ ਸਨਮਾਨ ਸਨਮਾਨ ਲੈਣ ਲਈ ਸਟੇਜ 'ਤੇ ਪਹੁੰਚੀ ਸੀ। ਸਟੇਜ 'ਤੇ ਪਹੁੰਚਦਿਆਂ ਹੀ ਸ਼ਹੀਦ ਪ੍ਰਦੀਪ ਕੁਮਾਰ ਦੀ ਮਾਂ ਆਪਣੇ ਆਪ ਨੂੰ ਕੰਟਰੋਲ ਨਹੀਂ ਕਰ ਪਾਈ ਅਤੇ ਸਟੇਜ 'ਤੇ ਹੀ ਬੇਹੋਸ਼ ਹੋ ਗਈ।
ਉੱਥੇ ਹੀ ਮੌਜੂਦ ਸੈਨਾ ਦੇ ਜਵਾਨਾਂ ਨੇ ਸ਼ਹੀਦ ਦੀ ਮਾਂ ਨੂੰ ਸੰਭਾਲਿਆ। ਉਸਨੂੰ ਤੁਰੰਤ ਸਟੇਜ ਤੋਂ ਉਤਾਰਿਆ ਗਿਆ ਅਤੇ ਸੈਨਾ ਦੀ ਐਂਬੂਲੈਂਸ ਵਿੱਚ ਹਸਪਤਾਲ ਲਿਜਾਇਆ ਗਿਆ। ਫਿਲਹਾਲ ਸ਼ਹੀਦ ਦੀ ਮਾਂ ਸੈਨਾ ਦੇ ਡਾਕਟਰਾਂ ਦੀ ਦੇਖਭਾਲ ਹੇਠ ਹੈ।
ਗੁਲਾਬੀ ਸ਼ਹਿਰ ਦੇ ਮਾਹਲ ਰੋਡ ਉੱਤੇ ਵੀਰਵਾਰ ਨੂੰ 78ਵਾਂ ਸੈਨਾ ਦਿਵਸ ਦੇ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਸੈਨਾ ਮੁਖੀ ਜਨਰਲ ਉਪੇਂਦਰ ਦਿਵੇਦੀ ਦੀ ਮੌਜੂਦਗੀ ਵਿੱਚ ਆਯੋਜਿਤ ਪਰੇਡ ਵਿੱਚ ਭਾਰਤੀ ਸੈਨਾ ਦੀ ਬਹਾਦਰੀ ਅਤੇ ਆਧੁਨਿਕ ਫੌਜੀ ਸ਼ਕਤੀ ਦਾ ਪ੍ਰਦਰਸ਼ਨ ਕੀਤਾ ਗਿਆ।
ਪ੍ਰੋਗਰਾਮ ਦੀ ਸ਼ੁਰੂਆਤ ਵਿੱਚ ਜਨਰਲ ਦਿਵੇਦੀ ਨੇ ਦੇਸ਼ ਦੀ ਰਾਖੀ ਲਈ ਸਭ ਤੋਂ ਵੱਡੀ ਕੁਰਬਾਨੀ ਦੇਣ ਵਾਲੇ 5 ਮਹਾਨ ਸ਼ਹੀਦਾਂ - ਸੂਬੇਦਾਰ ਮੇਜਰ ਪਵਨ ਕੁਮਾਰ, ਹਵਲਦਾਰ ਸੁਨੀਲ ਕੁਮਾਰ, ਲਾਂਸ ਨਾਇਕ ਦਿਨੇਸ਼ ਕੁਮਾਰ, ਲਾਂਸ ਨਾਇਕ ਸੁਭਾਸ਼ ਕੁਮਾਰ ਅਤੇ ਲਾਂਸ ਨਾਇਕ ਪ੍ਰਦੀਪ ਕੁਮਾਰ - ਨੂੰ "ਸੈਨਾ ਮੈਡਲ" ਨਾਲ ਸਨਮਾਨਿਤ ਕੀਤਾ ਗਿਆ।
ਜੈਪੁਰ ਦੀਆਂ ਸੜਕਾਂ 'ਤੇ ਬ੍ਰਹਮੋਸ ਮਿਜ਼ਾਈਲ, ਭੀਸ਼ਮ, ਅਰਜੁਨ ਟੈਂਕ, ਪਿਨਾਕ ਲਾਂਚਰ ਅਤੇ ਰੋਬੋਟਿਕ ਕੁੱਤੇ ਪ੍ਰਦਰਸ਼ਿਤ ਕੀਤੇ ਗਏ। ਹਵਾ ਵਿੱਚ ਅਟੈਕ ਹੈਲੀਕਾਪਟਰ ਅਪਾਚੇ ਨੇ ਦੁਸ਼ਮਣਾਂ ਦੇ ਹੋਸ਼ ਉਡਾਉਣ ਵਾਲੇ ਕਰਤੱਵ ਦਿਖਾਏ। ਨਾਲ (ਬੀਕਾਨੇਰ) ਏਅਰਬੇਸ ਤੋਂ ਉਡਾਣ ਭਰ ਕੇ ਆਏ ਲੜਾਕੂ ਜਹਾਜ਼ ਹੀ ਲੋਕਾਂ ਲਈ ਖਿੱਚ ਦੇ ਕੇਂਦਰ ਬਣੇ।
