ਸਿਆਸੀ ਜਗਤ ਤੋਂ ਇੱਕ ਹੋਰ ਦੁਖਦਾਈ ਖ਼ਬਰ: ਸੀਨੀਅਰ ਭਾਜਪਾ ਆਗੂ ਦਾ ਦੇਹਾਂਤ, ਰੋਹਤਕ ਦੇ ਹਸਪਤਾਲ 'ਚ ਲਏ ਆਖ਼ਰੀ ਸਾਹ

ਸਿਆਸੀ ਜਗਤ ਤੋਂ ਲਗਾਤਾਰ ਦੂਜੀ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਅਕਾਲੀ ਦਲ ਦੇ ਸੀਨੀਅਰ ਆਗੂ ਦੇ ਦੇਹਾਂਤ ਤੋਂ ਬਾਅਦ ਹੁਣ ਭਾਜਪਾ ਦੇ ਸੀਨੀਅਰ ਆਗੂ ਦੇ ਅਕਾਲ ਚਲਾਣੇ ਦੀ ਖ਼ਬਰ ਮਿਲੀ ਹੈ। ਹਰਿਆਣਾ ਦੇ ਜੁਲਾਨਾ ਤੋਂ ਭਾਜਪਾ ਦੇ ਸਾਬਕਾ ਉਮੀਦਵਾਰ ਅਤੇ ਹਰਿਆਣਾ ਸਹਿਕਾਰੀ ਵਿਭਾਗ ਦੇ ਸਾਬਕਾ ਚੇਅਰਮੈਨ ਸ਼ਮਸ਼ੇਰ ਸਿੰਘ ਅਹਿਲਾਵਤ ਦਾ ਦੇਹਾਂਤ ਹੋ ਗਿਆ ਹੈ। ਉਹ ਲਗਭਗ 80 ਸਾਲ ਦੇ ਸਨ।

By:  Lajwinder Kaur November 18th 2026 04:29 PM -- Updated: November 18th 2026 04:34 PM

ਸਿਆਸੀ ਜਗਤ ਤੋਂ ਲਗਾਤਾਰ ਦੂਜੀ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਅਕਾਲੀ ਦਲ ਦੇ ਸੀਨੀਅਰ ਆਗੂ ਦੇ ਦੇਹਾਂਤ ਤੋਂ ਬਾਅਦ ਹੁਣ ਭਾਜਪਾ ਦੇ ਸੀਨੀਅਰ ਆਗੂ ਦੇ ਅਕਾਲ ਚਲਾਣੇ ਦੀ ਖ਼ਬਰ ਮਿਲੀ ਹੈ। ਹਰਿਆਣਾ ਦੇ ਜੁਲਾਨਾ ਤੋਂ ਭਾਜਪਾ ਦੇ ਸਾਬਕਾ ਉਮੀਦਵਾਰ ਅਤੇ ਹਰਿਆਣਾ ਸਹਿਕਾਰੀ ਵਿਭਾਗ ਦੇ ਸਾਬਕਾ ਚੇਅਰਮੈਨ ਸ਼ਮਸ਼ੇਰ ਸਿੰਘ ਅਹਿਲਾਵਤ ਦਾ ਦੇਹਾਂਤ ਹੋ ਗਿਆ ਹੈ। ਉਹ ਲਗਭਗ 80 ਸਾਲ ਦੇ ਸਨ।

ਜਾਣਕਾਰੀ ਅਨੁਸਾਰ, ਸ਼ਮਸ਼ੇਰ ਸਿੰਘ ਅਹਿਲਾਵਤ ਕਈ ਦਿਨਾਂ ਤੋਂ ਰੋਹਤਕ ਦੇ ਕਾਏਨੋਸ ਹਸਪਤਾਲ ਵਿੱਚ ਵੈਂਟੀਲੇਟਰ 'ਤੇ ਸਨ। ਉਨ੍ਹਾਂ ਦੇ ਪੁੱਤਰ ਡਾ. ਗਜੇਂਦਰ ਅਹਿਲਾਵਤ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਲਗਭਗ ਇੱਕ ਮਹੀਨੇ ਤੋਂ ਗੁਰੂਗ੍ਰਾਮ ਦੇ ਮੇਦਾਂਤਾ ਹਸਪਤਾਲ ਵਿੱਚ ਦਾਖ਼ਲ ਸਨ। ਬਾਅਦ ਵਿੱਚ ਉਨ੍ਹਾਂ ਨੂੰ ਰੋਹਤਕ ਦੇ ਹਸਪਤਾਲ ਵਿੱਚ ਸ਼ਿਫਟ ਕਰ ਦਿੱਤਾ ਗਿਆ ਸੀ।

ਚਾਰ ਦਹਾਕਿਆਂ ਤੋਂ ਜੁਲਾਨਾ ਦੀ ਸਿਆਸਤ ਵਿੱਚ ਸਨ ਸਰਗਰਮ

ਸ਼ਮਸ਼ੇਰ ਸਿੰਘ ਅਹਿਲਾਵਤ ਲਗਭਗ ਚਾਰ ਦਹਾਕਿਆਂ ਤੋਂ ਜੁਲਾਨਾ ਦੀ ਸਿਆਸਤ ਵਿੱਚ ਸਰਗਰਮ ਸਨ। ਭਾਜਪਾ ਨੇ 2005 ਦੀਆਂ ਹਰਿਆਣਾ ਵਿਧਾਨ ਸਭਾ ਚੋਣਾਂ ਵਿੱਚ ਉਨ੍ਹਾਂ ਨੂੰ ਜੁਲਾਨਾ ਹਲਕੇ ਤੋਂ ਆਪਣਾ ਉਮੀਦਵਾਰ ਬਣਾਇਆ ਸੀ। ਇਸ ਤੋਂ ਬਾਅਦ 2009 ਦੀਆਂ ਚੋਣਾਂ ਵਿੱਚ ਵੀ ਪਾਰਟੀ ਨੇ ਉਨ੍ਹਾਂ ਨੂੰ ਟਿਕਟ ਦਿੱਤੀ ਸੀ, ਪਰ ਸਿਹਤ ਸਬੰਧੀ ਕਾਰਨਾਂ ਕਰਕੇ ਉਨ੍ਹਾਂ ਨੇ ਚੋਣ ਲੜਨ ਤੋਂ ਅਸਮਰੱਥਾ ਜ਼ਾਹਰ ਕੀਤੀ ਸੀ।

ਪਰਿਵਾਰ ਦਾ ਵੀ ਜੁਲਾਨਾ ਦੀ ਸਿਆਸਤ ਨਾਲ ਪੁਰਾਣਾ ਸਬੰਧ

ਸ਼ਮਸ਼ੇਰ ਸਿੰਘ ਅਹਿਲਾਵਤ ਦੇ ਪਰਿਵਾਰ ਦਾ ਵੀ ਜੁਲਾਨਾ ਦੀ ਸਿਆਸਤ ਨਾਲ ਪੁਰਾਣਾ ਸਬੰਧ ਰਿਹਾ ਹੈ। ਉਨ੍ਹਾਂ ਦੇ ਪਿਤਾ ਚੌਧਰੀ ਫਤਿਹ ਸਿੰਘ 1972 ਵਿੱਚ ਜੁਲਾਨਾ ਵਿਧਾਨ ਸਭਾ ਹਲਕੇ ਤੋਂ ਕਾਂਗਰਸ (I) ਦੀ ਟਿਕਟ 'ਤੇ ਵਿਧਾਇਕ ਚੁਣੇ ਗਏ ਸਨ।

ਉਸ ਸਮੇਂ ਚੌਧਰੀ ਭਜਨ ਲਾਲ ਨੇ ਵੀ ਚੌਧਰੀ ਫਤਿਹ ਸਿੰਘ ਲਈ ਚੋਣ ਪ੍ਰਚਾਰ ਕੀਤਾ ਸੀ। ਦੱਸਿਆ ਜਾਂਦਾ ਹੈ ਕਿ 1970 ਦੀ ਜੁਲਾਨਾ ਵਿਧਾਨ ਸਭਾ ਜ਼ਿਮਨੀ ਚੋਣ ਦੌਰਾਨ ਭਜਨ ਲਾਲ ਨੇ ਲਗਭਗ ਇੱਕ ਮਹੀਨਾ ਹਲਕੇ ਵਿੱਚ ਰਹਿ ਕੇ ਪ੍ਰਚਾਰ ਕੀਤਾ ਸੀ।

ਇੱਕ ਮਹੀਨੇ ਦੇ ਪ੍ਰਚਾਰ ਦੇ ਬਾਵਜੂਦ ਹਾਰ ਗਏ ਸਨ ਫਤਿਹ ਸਿੰਘ

ਜ਼ਿਮਨੀ ਚੋਣ ਦੌਰਾਨ ਚੌਧਰੀ ਭਜਨ ਲਾਲ ਨੇ ਆਪਣੀ ਜੀਪ ਰਾਹੀਂ ਪਿੰਡ-ਪਿੰਡ ਜਾ ਕੇ ਲੋਕਾਂ ਨਾਲ ਮੁਲਾਕਾਤ ਕੀਤੀ ਅਤੇ ਕਾਂਗਰਸੀ ਉਮੀਦਵਾਰ ਚੌਧਰੀ ਫਤਿਹ ਸਿੰਘ ਲਈ ਵੋਟਾਂ ਮੰਗੀਆਂ ਸਨ। ਉਨ੍ਹਾਂ ਨੇ ਬਾਜ਼ਾਰਾਂ ਅਤੇ ਪਿੰਡਾਂ ਵਿੱਚ ਲਗਾਤਾਰ ਪ੍ਰਚਾਰ ਕੀਤਾ, ਪਰ ਇਸ ਦੇ ਬਾਵਜੂਦ ਫਤਿਹ ਸਿੰਘ ਚੋਣ ਹਾਰ ਗਏ ਸਨ।

ਇਸ ਚੋਣ ਵਿੱਚ ਕਾਂਗਰਸ (ਸੰਗਠਨ) ਦੇ ਉਮੀਦਵਾਰ ਚੌਧਰੀ ਦਲ ਸਿੰਘ ਨੇ 23,592 ਵੋਟਾਂ ਹਾਸਲ ਕਰਕੇ 5,828 ਵੋਟਾਂ ਦੇ ਫ਼ਰਕ ਨਾਲ ਜਿੱਤ ਦਰਜ ਕੀਤੀ ਸੀ। ਜਦਕਿ ਚੌਧਰੀ ਫਤਿਹ ਸਿੰਘ ਨੂੰ 17,764 ਵੋਟਾਂ ਮਿਲੀਆਂ ਸਨ।

ਹਾਲਾਂਕਿ, ਇਸ ਹਾਰ ਤੋਂ ਦੋ ਸਾਲ ਬਾਅਦ 1972 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਚੌਧਰੀ ਫਤਿਹ ਸਿੰਘ ਜੁਲਾਨਾ ਹਲਕੇ ਤੋਂ ਵਿਧਾਇਕ ਚੁਣੇ ਗਏ ਸਨ। ਸ਼ਮਸ਼ੇਰ ਸਿੰਘ ਅਹਿਲਾਵਤ ਦੇ ਦੇਹਾਂਤ ਨਾਲ ਹਰਿਆਣਾ ਦੇ ਸਿਆਸੀ ਹਲਕਿਆਂ ਵਿੱਚ ਸੋਗ ਦਾ ਮਾਹੌਲ ਹੈ।


Related Post

ਹਰਿਆਣਾ 'ਚ ਜੰਗਲਾਂ ਦੀ ਗੈਰ-ਕਾਨੂੰਨੀ ਕਟਾਈ ਮਾਮਲੇ 'ਚ ਵੱਡੀ ਕਾਰਵਾਈ, IFS ਅਫ਼ਸਰ ਸਸਪੈਂਡ; ਅਧਿਕਾਰੀਆਂ ਖ਼ਿਲਾਫ਼ FIR ਦੇ ਹੁਕਮ
20 ਹਜ਼ਾਰ ਰੁਪਏ ਰਿਸ਼ਵਤ ਲੈਂਦਾ ਤਹਿਸੀਲਦਾਰ ਦਫ਼ਤਰ ਦਾ ਕੰਪਿਊਟਰ ਆਪਰੇਟਰ ਗ੍ਰਿਫ਼ਤਾਰ, ਜ਼ਮੀਨ ਦੀ ਵੰਡ ਲਈ ਮੰਗੇ ਸਨ 30 ਹਜ਼ਾਰ, ACB ਨੇ ਰੰਗੇ ਹੱਥੀਂ ਦਬੋਚਿਆ
ਸਰਦੀਆਂ ਦੇ ਮੱਦੇਨਜ਼ਰ ਸਕੂਲਾਂ ਦੇ ਸਮੇਂ 'ਚ ਬਦਲਾਅ, 16 ਨਵੰਬਰ ਤੋਂ ਨਵਾਂ ਸ਼ਡਿਊਲ ਲਾਗੂ; ਜਾਣੋ ਨਵਾਂ ਟਾਈਮ ਟੇਬਲ
ਅਮਰੀਕਾ ਤੋਂ ਆਈ ਸਰਪੰਚ ਨੂੰ ਜਾ*ਨੋਂ ਮਾਰਨ ਦੀ ਧ/ਮ/ਕੀ ਭਰੀ ਕਾਲ, 2 ਦਿਨਾਂ 'ਚ ਸਰਪੰਚੀ ਛੱਡਣ ਦਾ ਦਿੱਤਾ ਅਲਟੀਮੇਟਮ; ਕਿਹਾ- ਜੋ ਬੋਲਦੇ ਹਾਂ, ਉਹ ਕਰਕੇ ਦਿਖਾਉਂਦੇ ਹਾਂ
ਵਿਜੀਲੈਂਸ ਦੀ ਕਾਰਵਾਈ, 15 ਹਜ਼ਾਰ ਰੁਪਏ ਰਿਸ਼ਵਤ ਲੈਂਦਾ ਜਨ ਸਿਹਤ ਵਿਭਾਗ ਦਾ ਕਲਰਕ ਗ੍ਰਿਫ਼ਤਾਰ, ਇੰਝ ਜਾਲ ਵਿਛਾ ਕੇ ਕੀਤਾ ਕਾਬੂ
ਪੁਲਿਸ ਪ੍ਰਸ਼ਾਸਨ ਵਿਚਾਲੇ ਮੱਚੀ ਹਲਚਲ! 5 ਅਫ਼ਸਰ ਸਸਪੈਂਡ, ਇਸ ਵਜ੍ਹਾ ਕਰਕੇ ਡਿੱਗੀ ਗਾਜ਼…

© Copyright Galactic Television & Communications Pvt. Ltd. 2026. All rights reserved.