ਜੈਸਲਮੇਰ:- ਮਸ਼ਹੂਰ ਬਾਲੀਵੁੱਡ ਗਾਇਕ ਸੋਨੂੰ ਨਿਗਮ ਆਪਣੇ ਪਰਿਵਾਰ ਸਮੇਤ ਜੈਸਲਮੇਰ ਦੇ ਸ੍ਰੀ ਤਨੋਟ ਮਾਤਾ ਮੰਦਰ ਵਿੱਚ ਮੱਥਾ ਟੇਕਣ ਲਈ ਪਹੁੰਚੇ। ਪ੍ਰਸਿੱਧ ਗਾਇਕ ਅਤੇ ਆਉਣ ਵਾਲੀ ਫਿਲਮ "ਬਾਰਡਰ 2" ਦੇ ਮੁੱਖ ਕਲਾਕਾਰ 2 ਜਨਵਰੀ ਨੂੰ ਸੀਮਾ ਸੁਰੱਖਿਆ ਬਲ ਦੇ ਜਵਾਨਾਂ ਦੀ ਮੌਜੂਦਗੀ ਵਿੱਚ "ਘਰ ਕਬ ਆਓਗੇ" ਗੀਤ ਨੂੰ ਲਾਂਚ ਕਰਨ ਲਈ ਜੈਸਲਮੇਰ ਪਹੁੰਚੇ। BSF ਦੇ ਜਵਾਨਾਂ ਨੂੰ ਸੰਬੋਧਨ ਕਰਦੇ ਹੋਏ, ਸੋਨੂੰ ਨਿਗਮ ਨੇ 30 ਸਾਲ ਪਹਿਲਾਂ ਗਾਏ ਗਏ "ਸੰਦੇਸੇ ਆਤੇ ਹੈਂ" ਗੀਤ ਨੂੰ ਯਾਦ ਕੀਤਾ ਅਤੇ ਕਿਹਾ ਕਿ ਇਹ ਉਹ ਗੀਤ ਸੀ, ਜਿਸਨੇ ਉਸਨੂੰ ਪਹਿਲੀ ਵਾਰ ਇੱਕ ਵਧੀਆਂ ਗਾਇਕ ਦਾ ਖਿਤਾਬ ਦਿੱਤਾ।
ਸੋਨੂੰ ਨਿਗਮ ਨੇ ਕਿਹਾ, "ਇਹ ਗੀਤ (ਸੰਦੇਸੇ ਆਤੇ ਹੈਂ), ਇਹ ਫਿਲਮ (ਬਾਰਡਰ), ਇਹ ਟੀਮ ਮੇਰੇ ਲਈ ਬਹੁਤ ਸ਼ੁਭ ਰਹੀ ਹੈ। ਮੈਂ ਅੱਜ ਵੀ ਇਸਨੂੰ ਨਹੀਂ ਭੁੱਲ ਸਕਿਆ। ਅਸੀਂ ਇਹ ਗੀਤ 30 ਸਾਲ ਪਹਿਲਾਂ ਗਾਇਆ ਸੀ। ਮੈਂ ਇਹ ਗੀਤ 1995 ਵਿੱਚ ਗਾਇਆ ਸੀ। ਇਹ ਫਿਲਮ 1997 ਵਿੱਚ ਰਿਲੀਜ਼ ਹੋਈ। ਉਸ ਸਮੇਂ ਮੈਨੂੰ ਗਾਣੇ ਮਿਲ ਰਹੇ ਸਨ, ਪਰ ਇੰਨੇ ਮਹੱਤਵਪੂਰਨ ਨਹੀਂ ਸਨ। ਇਸ ਗਾਣੇ ਨੇ ਮੈਨੂੰ ਪਹਿਲੀ ਵਾਰ ਇੱਕ ਵਧੀਆਂ ਗਾਇਕ ਦਾ ਖਿਤਾਬ ਦਿੱਤਾ। ਲੋਕਾਂ ਨੇ ਇਸ ਗਾਣੇ ਕਾਰਨ ਮੇਰੇ 'ਤੇ ਵਿਸ਼ਵਾਸ ਕੀਤਾ।"
ਸੰਨੀ ਦਿਓਲ ਦੀ ਅਦਾਕਾਰੀ ਵਾਲੀ ਫਿਲਮ "ਬਾਰਡਰ 2" ਦਾ ਗੀਤ "ਘਰ ਕਬ ਆਓਗੇ" ਜੈਸਲਮੇਰ ਵਿੱਚ ਭਾਰਤ-ਪਾਕਿਸਤਾਨ ਸਰਹੱਦ 'ਤੇ ਲਾਂਚ ਕੀਤਾ ਗਿਆ। ਤਨੋਟ ਮਾਤਾ ਮੰਦਰ ਦੇ ਸਾਹਮਣੇ ਇੱਕ ਆਡੀਟੋਰੀਅਮ ਵਿੱਚ BSF ਜਵਾਨਾਂ ਦੀ ਮੌਜੂਦਗੀ ਵਿੱਚ ਆਤਿਸ਼ਬਾਜ਼ੀ ਦੇ ਨਾਲ ਗੀਤ ਲਾਂਚ ਕੀਤਾ ਗਿਆ। ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਮਸ਼ਹੂਰ ਰਾਜਸਥਾਨੀ ਲੋਕ ਗੀਤ "ਕੇਸਰੀਆ ਬਾਲਮ ਆਓ ਨੀ ਪਧਾਰੋ ਮਹਿਰੇ ਦੇਸ਼" ਦੇ ਕਲਾਕਾਰਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਹੋਈ, ਜਿਸਨੂੰ ਦਰਸ਼ਕਾਂ ਨੇ ਖੂਬ ਪਸੰਦ ਕੀਤਾ। ਇਸ ਤੋਂ ਬਾਅਦ ਫਿਲਮ ਦਾ ਸ਼ਾਨਦਾਰ ਗੀਤ "ਘਰ ਕਬ ਆਓਗੇ" ਫਿਰ ਦਿਖਾਇਆ ਗਿਆ, ਜਿਸ ਨਾਲ ਇੱਕ ਭਾਵੁਕ ਮਾਹੌਲ ਬਣਿਆ। ਗਾਣੇ ਨੂੰ ਲਾਂਚ ਕਰਨ ਲਈ ਸੰਨੀ ਦਿਓਲ, ਵਰੁਣ ਧਵਨ ਅਤੇ ਫਿਲਮ ਦੀ ਪੂਰੀ ਕਾਸਟ ਜੈਸਲਮੇਰ ਵਿੱਚ ਮੌਜੂਦ ਸੀ।
ਅਨੁਰਾਗ ਸਿੰਘ ਦੁਆਰਾ ਨਿਰਦੇਸ਼ਤ, 'ਬਾਰਡਰ 2' ਵਿੱਚ ਸੰਨੀ ਦਿਓਲ, ਵਰੁਣ ਧਵਨ, ਦਿਲਜੀਤ ਦੋਸਾਂਝ, ਅਹਾਨ ਸ਼ੈੱਟੀ, ਮੋਨਾ ਸਿੰਘ, ਮੇਧਾ ਰਾਣਾ, ਸੋਨਮ ਬਾਜਵਾ ਅਤੇ ਅਨਿਆ ਸਿੰਘ ਜਹੇ ਕਲਾਕਾਰਾਂ ਦੀ ਸ਼ਕਤੀਸ਼ਾਲੀ ਟੀਮ ਹੈ। ਬਾਰਡਰ 2 ਨੂੰ ਗੁਲਸ਼ਨ ਕੁਮਾਰ ਅਤੇ ਟੀ-ਸੀਰੀਜ਼ ਦੁਆਰਾ ਜੇ.ਪੀ. ਦੱਤਾ ਦੀ ਜੇ.ਪੀ. ਫਿਲਮਜ਼ ਦੇ ਨਾਲ ਮਿਲਕੇ ਪੇਸ਼ ਕੀਤਾ ਹੈ। ਇਹ ਭੂਸ਼ਣ ਕੁਮਾਰ, ਕ੍ਰਿਸ਼ਨ ਕੁਮਾਰ, ਜੇ.ਪੀ. ਦੱਤਾ ਅਤੇ ਨਿਧੀ ਦੱਤਾ ਸਮੇਤ ਇੱਕ ਸ਼ਕਤੀਸ਼ਾਲੀ ਪ੍ਰੋਡਕਸ਼ਨ ਟੀਮ ਦੁਆਰਾ ਬਣਾਇਆ ਗਿਆ ਹੈ, ਅਤੇ ਅਨੁਰਾਗ ਸਿੰਘ ਦੁਆਰਾ ਨਿਰਦੇਸ਼ਤ ਹੈ। ਇਹ ਫਿਲਮ 23 ਜਨਵਰੀ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਵਾਲੀ ਹੈ।
