ਸੋਨੇ-ਚਾਂਦੀ ਦੀਆਂ ਕੀਮਤਾਂ ‘ਚ ਵੱਡੀ ਗਿਰਾਵਟ, ਸੋਨਾ 4 ਹਜ਼ਾਰ ਤੋਂ ਵੱਧ ਤੇ ਚਾਂਦੀ 9 ਹਜ਼ਾਰ ਰੁਪਏ ਸਸਤੀ; ਜਾਣੋ 10 ਗ੍ਰਾਮ ਦੇ ਕੀ ਨੇ ਰੇਟ!
ਅੱਗੇ ਤਿਉਹਾਰ ਅਤੇ ਵੈਡਿੰਗ ਸੀਜ਼ਨ ਸ਼ੁਰੂ ਹੋਣ ਵਾਲਾ ਹੈ ਇਸ ਲਈ ਇਸ ਸਮੇਂ ਸੋਨੇ-ਚਾਂਦੀ ਖਰੀਦਣ ਲਈ ਚੰਗਾ ਮੌਕਾ ਹੈ ਕਿਉਂਕਿ ਕੀਮਤਾਂ ‘ਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਆਓ ਜਾਣਦਾ ਹਾਂ ਅੱਜ ਕਿੰਨਾ ਸਸਤ ਹੋਇਆ ਗੋਲਡ-ਸਿਲਵਰ!
ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਇੰਡੀਆ ਬੁਲਿਅਨ ਐਂਡ ਜਵੈਲਰਜ਼ ਐਸੋਸੀਏਸ਼ਨ (IBJA) ਦੇ ਮੁਤਾਬਕ ਸੋਮਵਾਰ, 28 ਸਤੰਬਰ ਨੂੰ 24 ਕੈਰੇਟ ਸੋਨੇ ਦੀ ਕੀਮਤ ਵਿੱਚ 10 ਗ੍ਰਾਮ ਪਿੱਛੇ 4,133 ਰੁਪਏ ਦੀ ਕਮੀ ਆਈ। ਇਸ ਗਿਰਾਵਟ ਤੋਂ ਬਾਅਦ ਸੋਨੇ ਦੀ ਕੀਮਤ ਕਰੀਬ 1.48 ਲੱਖ ਰੁਪਏ ਪ੍ਰਤੀ 10 ਗ੍ਰਾਮ ਦੇ ਪੱਧਰ ‘ਤੇ ਆ ਗਈ।
ਇਸ ਦੇ ਨਾਲ ਹੀ ਚਾਂਦੀ ਦੀ ਕੀਮਤ ਵਿੱਚ ਵੀ ਵੱਡੀ ਗਿਰਾਵਟ ਦਰਜ ਕੀਤੀ ਗਈ। ਸੋਮਵਾਰ ਨੂੰ ਚਾਂਦੀ 9,297 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸਸਤੀ ਹੋਈ ਅਤੇ ਇਸ ਦੀ ਕੀਮਤ ਘਟ ਕੇ ਲਗਭਗ 2.23 ਲੱਖ ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹਿ ਗਈ।
ਅੱਜ ਦੇ ਸੋਨੇ ਦੇ ਰੇਟ
ਮੌਜੂਦਾ ਰੇਟਾਂ ਮੁਤਾਬਕ ਵੱਖ-ਵੱਖ ਕੈਰੇਟ ਦੇ ਸੋਨੇ ਦੀ ਕੀਮਤ ਇਸ ਤਰ੍ਹਾਂ ਹੈ:
24 ਕੈਰੇਟ ਸੋਨਾ: 1,47,980 ਰੁਪਏ ਪ੍ਰਤੀ 10 ਗ੍ਰਾਮ
22 ਕੈਰੇਟ ਸੋਨਾ: 1,35,550 ਰੁਪਏ ਪ੍ਰਤੀ 10 ਗ੍ਰਾਮ
18 ਕੈਰੇਟ ਸੋਨਾ: 1,10,985 ਰੁਪਏ ਪ੍ਰਤੀ 10 ਗ੍ਰਾਮ
ਇਹ ਕੀਮਤਾਂ ਬਾਜ਼ਾਰ ਦੇ ਰੇਟਾਂ ਅਨੁਸਾਰ ਹਨ। ਗਹਿਣੇ ਖਰੀਦਣ ਸਮੇਂ ਇਨ੍ਹਾਂ ਤੋਂ ਇਲਾਵਾ ਮੇਕਿੰਗ ਚਾਰਜ ਅਤੇ ਹੋਰ ਲਾਗਤਾਂ ਵੀ ਸ਼ਾਮਲ ਹੋ ਸਕਦੀਆਂ ਹਨ।
ਵੱਖ-ਵੱਖ ਸ਼ਹਿਰਾਂ ਵਿੱਚ ਸੋਨੇ ਦੀ ਕੀਮਤ
ਸ਼ਹਿਰਾਂ ਦੇ ਹਿਸਾਬ ਨਾਲ 24 ਕੈਰੇਟ ਅਤੇ 22 ਕੈਰੇਟ ਸੋਨੇ ਦੀ ਪ੍ਰਤੀ ਗ੍ਰਾਮ ਕੀਮਤ ਵਿੱਚ ਕੁਝ ਫਰਕ ਦੇਖਣ ਨੂੰ ਮਿਲ ਰਿਹਾ ਹੈ।
| ਸ਼ਹਿਰ | 24 ਕੈਰੇਟ | 22 ਕੈਰੇਟ |
| -------- | -------: | -------: |
| ਦਿੱਲੀ | ₹15,031 | ₹13,779 |
| ਮੁੰਬਈ | ₹15,016 | ₹13,764 |
| ਕੋਲਕਾਤਾ | ₹15,016 | ₹13,764 |
| ਚੇਨਈ | ₹14,908 | ₹13,665 |
| ਬੈਂਗਲੁਰੂ | ₹15,016 | ₹13,764 |
| ਹੈਦਰਾਬਾਦ | ₹15,016 | ₹13,764 |
| ਕੇਰਲ | ₹15,016 | ₹13,764 |
| ਪੁਣੇ | ₹15,016 | ₹13,764 |
| ਵਡੋਦਰਾ | ₹15,021 | ₹13,769 |
ਸੋਨੇ-ਚਾਂਦੀ ਦੀਆਂ ਕੀਮਤਾਂ ‘ਤੇ ਦਬਾਅ ਕਿਉਂ?
ਨਿਊਜ਼ ਏਜੰਸੀ PTI ਦੀ ਰਿਪੋਰਟ ਮੁਤਾਬਕ, ਬ੍ਰੋਕਰੇਜ ਪਲੇਟਫਾਰਮ ਲੈਮਨ ਦੇ ਰਿਸਰਚ ਹੈੱਡ ਗੌਰਵ ਗਰਗ ਨੇ ਕਿਹਾ ਕਿ ਸੋਮਵਾਰ ਨੂੰ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਦਾ ਇੱਕ ਕਾਰਨ ਮਜ਼ਬੂਤ ਅਮਰੀਕੀ ਡਾਲਰ ਰਿਹਾ। ਡਾਲਰ ਮਜ਼ਬੂਤ ਹੋਣ ਨਾਲ ਇਨ੍ਹਾਂ ਕੀਮਤੀ ਧਾਤਾਂ ‘ਤੇ ਦਬਾਅ ਦੇਖਣ ਨੂੰ ਮਿਲਿਆ।
ਇਸ ਦੌਰਾਨ ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਵੀ ਵਾਧਾ ਹੋਇਆ। ਰਿਪੋਰਟ ਮੁਤਾਬਕ ਬ੍ਰੈਂਟ ਕਰੂਡ ਦੀ ਕੀਮਤ ਕਰੀਬ 4 ਫੀਸਦੀ ਵਧ ਕੇ 108.53 ਡਾਲਰ ਪ੍ਰਤੀ ਬੈਰਲ ਹੋ ਗਈ।
ਸਤੰਬਰ ਵਿੱਚ ਕਿੰਨਾ ਸਸਤਾ ਹੋਇਆ ਸੋਨਾ-ਚਾਂਦੀ?
ਸਤੰਬਰ ਮਹੀਨੇ ਦੌਰਾਨ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਕਾਫ਼ੀ ਗਿਰਾਵਟ ਆਈ ਹੈ। 31 ਅਗਸਤ ਨੂੰ 10 ਗ੍ਰਾਮ ਸੋਨੇ ਦੀ ਕੀਮਤ ਲਗਭਗ 1.56 ਲੱਖ ਰੁਪਏ ਸੀ, ਜੋ ਹੁਣ ਘਟ ਕੇ ਕਰੀਬ 1.48 ਲੱਖ ਰੁਪਏ ਰਹਿ ਗਈ ਹੈ। ਇਸ ਤਰ੍ਹਾਂ ਸੋਨਾ ਇਸ ਮਹੀਨੇ ਹੁਣ ਤੱਕ ਕਰੀਬ 8 ਹਜ਼ਾਰ ਰੁਪਏ ਸਸਤਾ ਹੋ ਚੁੱਕਾ ਹੈ।
ਇਸੇ ਤਰ੍ਹਾਂ 31 ਅਗਸਤ ਨੂੰ ਇੱਕ ਕਿਲੋਗ੍ਰਾਮ ਚਾਂਦੀ ਦੀ ਕੀਮਤ ਲਗਭਗ 2.37 ਲੱਖ ਰੁਪਏ ਸੀ, ਜੋ ਹੁਣ ਘਟ ਕੇ 2.23 ਲੱਖ ਰੁਪਏ ਦੇ ਨੇੜੇ ਆ ਗਈ ਹੈ। ਯਾਨੀ ਸਤੰਬਰ ਵਿੱਚ ਚਾਂਦੀ ਕਰੀਬ 14 ਹਜ਼ਾਰ ਰੁਪਏ ਸਸਤੀ ਹੋਈ ਹੈ।
ਵਿਆਜ ਦਰਾਂ ਦਾ ਵੀ ਸੋਨੇ ‘ਤੇ ਅਸਰ
ਸੋਨੇ ਦੀਆਂ ਕੀਮਤਾਂ ‘ਤੇ ਅਮਰੀਕੀ ਫੈਡਰਲ ਰਿਜ਼ਰਵ ਦੀਆਂ ਵਿਆਜ ਦਰਾਂ ਨਾਲ ਵੀ ਅਸਰ ਪੈਂਦਾ ਹੈ। ਜਦੋਂ ਵਿਆਜ ਦਰਾਂ ਵਧਦੀਆਂ ਹਨ ਤਾਂ ਨਿਵੇਸ਼ਕਾਂ ਲਈ ਸਰਕਾਰੀ ਬਾਂਡ ਅਤੇ ਬੈਂਕਾਂ ਦੀਆਂ ਫਿਕਸਡ ਡਿਪਾਜ਼ਿਟ ਵਰਗੀਆਂ ਨਿਵੇਸ਼ ਯੋਜਨਾਵਾਂ ਵਧੇਰੇ ਆਕਰਸ਼ਕ ਹੋ ਸਕਦੀਆਂ ਹਨ।
ਇਸ ਕਾਰਨ ਕੁਝ ਨਿਵੇਸ਼ਕ ਸੋਨੇ ਦੀ ਬਜਾਏ ਬਾਂਡ ਜਾਂ ਹੋਰ ਵਿਆਜ ਵਾਲੇ ਨਿਵੇਸ਼ਾਂ ਵੱਲ ਰੁਖ ਕਰ ਸਕਦੇ ਹਨ। ਇਸ ਦਾ ਅਸਰ ਸੋਨੇ ਦੀ ਮੰਗ ਅਤੇ ਕੀਮਤ ‘ਤੇ ਪੈ ਸਕਦਾ ਹੈ।
ਹਾਲਾਂਕਿ, ਦੁਨੀਆ ਵਿੱਚ ਚੱਲ ਰਹੀ ਭੂ-ਰਾਜਨੀਤਿਕ ਅਨਿਸ਼ਚਿਤਤਾ ਅਤੇ ਤਣਾਅ ਦੇ ਮਾਹੌਲ ਵਿੱਚ ਸੋਨੇ ਨੂੰ ਅਕਸਰ ਸੁਰੱਖਿਅਤ ਨਿਵੇਸ਼ ਵਜੋਂ ਵੀ ਦੇਖਿਆ ਜਾਂਦਾ ਹੈ। ਇਸ ਲਈ ਆਉਣ ਵਾਲੇ ਸਮੇਂ ਵਿੱਚ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਉਤਾਰ-ਚੜ੍ਹਾਅ ਜਾਰੀ ਰਹਿਣ ਦੀ ਸੰਭਾਵਨਾ ਬਣੀ ਰਹਿ ਸਕਦੀ ਹੈ।
